Ministri i Bujqësisë Panariti pret delegacionin e FAO-s.

Ministri i Bujqësisë, zhvillimit Rural dhe Administrimit të Ujërave z.Edmond Panariti priti sot në takim një delegacion të Zyrës së Organizatës për Bujqësi dhe Ushqim FAO.Qëllimi i këtij takimi ishte të diskutohej mbi hapat që do të ndërmerren për hapjen e një zyrë të FAO-s në Tiranë. Ministri Panariti e konsideroi një hap shumë të rëndësishëm hapjen e një zyre të FAOs në Tiranë, që vjen në kohën e duhur, pikërisht në kohën kur Shqipëria pritet të marrë statusin e vendit kandidat në BE dhe FAO do t’i japë një ndihmë të madhe Shqipërisë për plotësimin e standardeve të kërkuara nga BE në fushën e bujqësisë dhe sigurisë ushqimore.