Grabitja në Rrugën e Kombit një në pranga dy në kërkim.

Një në pranga dhe dy persona janë shpallur në kërkim për grabitjen e një pikë karburanti të ndodhur në zonën e Repsit në Mirditë.

Burime nga Drejtoria e Policisë së Lezhës, bënë të ditur mbrëmë se, në pranga ka rënë Fatmir Tirtja, 30 vjeç nga Oroshi i Mirditës. Ndërkaq në janë shpallur në kërkim dy kushërinjtë e tij Martin dhe Elion Tirtja përkatesisht 30 dhe 33 vjeç. 10 ditë pas grabitjes me armë dhe maska të pikës së karburantit në Rrugen e Kombit në Reps të Mirditës, policia ka mundur të identifikojë autorët.

Burime të policisë së Mirditës kanë bërë të ditur se është arrestuar 30-vjeçari Fatmir Tirtja, ndërsa janë shpallur në kërkim dy kushërinjtë e tij Martin dhe Elion Tirtja përkatësisht të moshave 30 dhe 33 vjeç. Policisë i është dashur një punë e gjatë dhe e lodhshme hetimore për të siguruar prova ndaj tre të akuzuave.

Në cilësinë e proves material gjatë kontrollit në banesë ju gjetën një sasi e lekëve të vjedhura dhe maskat që ata kanë përdorur gjatë grabitjes. Por armët nuk janë gjetur ende dhe policia dyshon se mund të jenë fshehur në zonën malore aty pranë.