Lezhë, makina del nga rruga, humb jetën një foshnje, plagoset nëna

Një foshnje 11-muajshe ka humbur jetën pasditen e sotme si pasojë e një aksidenti rrugor në aksin Lezhë-Shkodër. Ngjarja ka ndodhur pranë fshatit Mabë, rreth orës 18:35, kur një makinë ka dalë nga rruga.
 
Si pasojë e aksidentit fëmija 11-muajsh ka humbur menjëherë jetën, ndërsa e plagosur ka mbetur edhe e ëma e foshnjës Blerina Ndoca, 23 vjeç nga Puka, e cila drejtonte automjetin tip “Fiat” me targa AA 418 IS.
 
Ende nuk dihen shkaqet e aksidentit, ndërsa policia e mbërritur në vendngjarje po punon për zbardhjen e plotë të rrethanave.