Të Kripura

Të dashur miq, lexues dhe qytetarë!

Dëshiroj të ndaj me Ju lajmin e largimit tim nga Shqipëria dhe për pasojë edhe nga profesioni i gazetarit. Normalisht ikjet janë çështje personale – kështu është edhe në rastin tim – por unë mendoj se kam një detyrim ndaj të gjithëve për të njoftuar përfundimin e raportit tonë të gjatë gazetar – lexues-spektator – i ftuar.

Kryebashkiaku i Tiranës Erion Veliaj ndodhet në Peshtan të Tepelenës. Lajmi bëhet i ditur nga një faqe në Facebook që mban emrin Peshtani e që publikon disa foto. Peshtani është një fshat piktoresk në grykën e Këlcyrës dhe sipas burimeve të redaksisë së “Të Kripura” Veliaj ka propozuar që në fshat të ndërtohen korsi të posaçme për gomerët.

Politika shqiptare, ajo e jashtme të paktën, duhet kuptuar fare thjesht. Të paktën kjo që ndiqet nga qeveria e timonit me busull drejt Perëndimit.

Kreu i shtetit ka qenë në Tomorr ku festohet festa e Abaz Aliut. Ndonëse përfaqëson unitetin e popullit, Meta thuhet se ka therur tre deshë për LSI-në, duke thënë ca fjalë yshtjeje më parë. 

Dy lëvizje politike tronditën dje filxhanin e parashikuesve të politikës shqiptare. Së pari ishte deklarata e Besnik Mustafajit – të cilin në fakt nuk e pyet kush, veç po kërkoi të flasë vetë – se Lulzim Basha duhet të japë dorëheqje nëse humbet zgjedhjet lokale të vitit 2019 dhe së dyti, oferta publike e kryeministrit për një bashkëqeverisje me opozitën.

Në krye të postimeve në Tuiterin e z. Veliaj është vënë videoja e maketit të teatrit të ri kombëtar e datës 14 korrik. Zotëria ndihet shumë i vetmuar në këtë përballje dhe këtë vetmi po e mbush me statuse në rrjetet sociale, aty ku ndihet i fortë. Në një tjetër më poshtë ai e konsideron ndërtimin e një këndi lojërash si pjesë të historisë së Tiranës, për të cilën rekomandon veten si kandidat ndër kryesorët. Kuptohet në emër të punëve, jo fjalëve.

Nisur nga akuzat e shumta që janë bërë së fundmi për fallsifikim firmash, kryebashkiaku i Tiranës Fallsor Kallajanxhiu, i kërkoi redaksisë sonë që të japë një intervistë përmes të cilës të sqarohet situate dhe të davariten dilemat mbi konceptimin e falsifikimit që kaq shumë është stigmatizuar si akt.

Z. Kallajnxhiu…

Të lutem, do preferoja më mirë Lali Eri. Ngjan shumë e vjetër ajo tjetra.