Ta kuptojmë drejt politikën e jashtme: Importojmë plehëra, eksportojmë shqiptarë

Politika shqiptare, ajo e jashtme të paktën, duhet kuptuar fare thjesht. Të paktën kjo që ndiqet nga qeveria e timonit me busull drejt Perëndimit.

SHBA-së si partner strategjik, i përgjërohemi për baza ushtarake, Italisë që na duhet sepse na lë një vend në fund të tavolinës ku bëhen ca pazare, i lutemi për refugjatë. Austrisë i lutemi të na ketë parasysh se jemi gati për çdo gjë, Turqisë i fshijmë këpucët dhe po qe nevoja i mbajmë edhe nargjilenë, Gjermanisë i japim ca të na kërkojë edhe pse ajo nuk kërkon shumë gjëra publikisht, Francës i blejmë medaljet apo edhe ndonjë helikopter, Spanjës i vizitojmë plazhet, me Greqinë hiqemi sikur zihemi, Anglisë i bëjmë peshqesh kokainistët, Çekisë të gjithë sistemin energjetik të shpërndarjes. Dhëmbi çoç i ka zënë edhe Kroacisë: në këmbim të ndonjë kaçurrelseje me qera, i falim tatimet.  

Shikoni kush ankohet: Hollanda dhe Belgjika se s’kanë marrë gjë. Vetëm rreze dielli.

Bilanci do thoni juve? I thjeshtë fare. Aritmetikor: Importojmë plehëra, madje kemi rritur kapacitetet, eksportojmë shqiptarë. Bota e tërë na ka zili për brandin kombëtar “Edi Rama” siç edhe na hapi sytë para ca kohësh, ish-ministrja Ekonomi.

Pa shaka kjo, edhe pse me shaka e themi.

Shaptilografisti