Arkiv-Lajme të përditësuara

Ministri i Jashtëm grek Nikos Kotzias ka deklaruar se shumë shpejt, Greqia do të ketë një paketë propozimesh për zgjidhjen e të gjitha problemeve me Shqipërinë. Ai ka folur në Ligjëratën vjetore SEESOX, në Kolegjin St. Antony, të Universitetit të Oksfordit.

Inspektoriati Shtetëror i Mjedisit dhe Pyjeve pezulloi aktivitetet e kompanisë “ARMO” në qytetin e Ballshit dhe të Fierit, pas gjetjes së shkeljeve të rënda në zbatimin e ligjeve për mjedisin.

Inspektoriati sqaron se më datë 1 qershor, një grup pune ka inspektuar nga afër aktivitetin e “ARMO”-s në Ballsh dhe atë të Uzinës së Përpunimit të Naftës në qytetin e Fierit.

Nga inspektimi janë gjetur shkelje në respektimin e ligjeve dhe rregullave mjedisore, duke bërë që mbetjet të shpëndaheshin në mënyrë të pakontrolluar.

Besnik Kora, njëri prej tre vëllezërve Kora të shpallur në kërkim për vrasjen e trefishtë të ndodhur më 5 qershor në Thumanë të Krujës, është vetëdorëzuar këtë të martë në policinë e Lezhës.

Vëllezërit Pëllumb, Daniel dhe Besnik Kora, së bashku me të atin e tyre, Gurali Kora ekzekutuan me armë zjarri shtetasti Fran e Arben Çeku, atë e bir, përkatësisht 79 dhe 44 vjeç, si dhe nipin e tyre, 20-vjeçarin Enea Rama, ndërsa e plagosur mbeti shtetasja Luçie Çeku, 65 vjeç.

Top Channel zbardh argumentat e Prokurorisë që është ngritur akuza, në bazë të të cilave gjykata ka vendosur masën e sigurisë për presidentin e Agon Channel, Francesco Becchetti dhe disa shtetas të tjerë italianë dhe shqiptarë, të dyshuar si të përfshirë në pastrim parash dhe evazion fiskal.

Presidentja e Kosovës, Atifete Jahjaga, është përplasur me Presidentin e Serbisë, Tomislav Nikoliç, gjatë samitit Brdo-Brioni, që u mbajt në Budvë të Malit të Zi, ku ishin të pranishëm të gjithë presidentët e rajonit.

Pas fjalimit të Presidentes Jahjaga në tryezën e presidentëve, ku Kosova ishte trajtuar e barabartë me shtetet e tjera, Presidenti serb Nikoliç ka marrë fjalën, duke thënë se Kosova nuk duhet të trajtohet si shtet, ashtu sikurse Jahjaga nuk duhet të flasë si Presidente.

Zoti Shehu, ju jeni kandidat i së djathtës për kryetar bashkie në Kukës. Pse pikërisht ju? Pse jo dikush tjetër, i cili ka një karrierë më të gjatë në Partinë Demokratike?

Gjykata e Lartë shpalli fajtorë, për akuzën e shpifjes ndaj kryeministrit Edi Rama, deputetët e Partisë Demokratike, Edi Paloka dhe Arben Ristani. Ata u gjobitën me nga 200 mijë lekë, ndërkohë që u shpallën të pafajshëm për akuzën e fyerjes.

Pas daljes nga gjykata, Paloka tha: “Rama njihet si përdorues i drogave të rënda, por testi i drogës nuk u pranua. Nuk u pranua as kërkesa për zbardhjen e tabulateve telefonike. Gjithsesi, nuk e akuzoj gjykatën, pasi e kuptoj presionin që është ushtruar ndaj asaj. Vendimin e gjykatës do ta zbatoj dhe gjobën do ta paguaj”.

Misioni i vëzhguesve të OSBE/ODIHR ka publikuar këtë të premte raportin e përkohshëm për zgjedhjet lokale të 21 Qershorit. Në të thuhet se fushata ka qenë në përgjithësi paqësore, por e fokusuar në akuza personale, sidomos nga partitë kryesore.

Ambasadori i Shteteve të Bashkuara të Amerikës, Donald Lu, u bëri thirrje nga Shkodra të gjithë votuesve shqiptarë që të mos e shesin votën e tyre në zgjedhjet lokale të 21 Qershorit.

Në një takim me kandidatet për kreun e Bashkisë së Shkodrës, Keti Bazhdari dhe Voltana Ademi, ambasadori amerikan ftoi edhe për pjesëmarrje masive në ditën e votimit.

Duke iu kthyer çështjes së kandidatëve me precedentë kriminalë, Donald Lu theksoi se e kaluara e kandidatëve duhet parë me kujdes dhe se vota nuk duhet të shkojë për personat me rekorde kriminale.

Kandidati i opozitës për kryebashkiak të Tiranës, Halim Kosova ka në fokus të programit të tij uljen e taksave me 30 për qind, çka do të sjellë sipas tij paga më të mira për të punësuarit.

Shembullin e realizimit për premtimin e dhënë, doktor Kosova e ka sqaruar në një rrobaqepësi në rrugën “Siri Kodra”, ku gjatë takimit me punonjësit shpjegoi efektet e programit të tij për uljen e taksave.