François Hollande pushton web-in me shprehjen «Moi président de la République»

Në një moment të debatit të mbrëmshëm mes dy kandidatëve për postin e Presidentit të Republikës franceze, Nicholas Sarkozy e François Hollande, fjalën e mori i dyti, dhe përdori si leitmotif a refren shprehjen «Moi président de la République». Donte të bënte një seri premtimesh, gjithsej 15, dhe për këtë arsye tha 15 herë “Moi président de la République” në kuptimin “unë, nëse do të zgjidhem në postin e Presidentit të Republikës ....”. E pas çdo here vijonte një premtim. Tri minuta të plota iu deshën për t’i dhënë fund këtij ligjërimi të dominuar nga ky togfjalësh. Më pas, në vetëm pak orë janë hedhur në Youtube disa video që përmbanin këtë mesazh elektoral. Disa rapper-a francezë kanë përdorur këtë copë të fjalimit të Hollande-it për ta përdorur si tekst në këngët e duetit Daft Punk.

E.G.