Braçe: 82 % e importit të energjisë sigurohet nga firmat serbe
Deputeti i PS-së Erjon Braçe, nga të paktët zëra që artikulon fortë problemet e kësaj qeverisjeje, vijoi edhe sot në rrjetin social Facebook denoncimin e asaj që ai quan varësinë e Shqipërisë nga kompanitë energjetike serbe. Sipas Braçes, në pjesën më të madhe të rasteve, energjia që është blerë nga KESH gjatë muajve të fundit të 2011-ës dhe fillimit të 2012-ës është siguruar nga kompanitë serbe. Sipas Braçes, nga 87.2 milionë euro energji të blerë në pesë muaj, 70.8 milionë janë siguruar nga kompanitë serbe.
Ja shifrat e dhëna prej tij:
1. Në shtator 2011, KESH importoi-bleu 6.5 milion Euro energji; 6.1 milion Euro i importoi-bleu nga GEN I, RUDNAP, EFT (Serbi të treja), pra 93 % të importit u krye nga kompani serbe.
2. Në tetor 2011, KESH importoi-bleu 6.6 milion Euro energji; 5.2 milion Euro i importoi-bleu nga GEN I, RUDNAP, EFT (Serbi të treja), pra 78 % të importit u krye nga kompani serbe.
3. Në nentor 2011, KESH importoi-bleu 22.8 milion Euro energji; 19 milion Euro i importoi-bleu nga GEN I, RUDNAP, EFT (Serbi të treja), pra 83 % të importit u krye nga kompani serbe.
4. Në dhjetor 2011, KESH importoi-bleu 37 milion Euro energji; 27.2 milion Euro i importoi-bleu nga GEN I, EFT (Serbi të treja), pra 73 % të importit u krye nga kompani serbe.
5. Në janar 2012, KESH importoi-bleu 14.3 milion Euro energji; 13.3 milion Euro i importoi-bleu nga GEN I, RUDNAP, EFT (Serbi të treja), pra 93 % të importit u krye nga kompani serbe.
Comments
Kjo do të kish ndonjë farë
<p>Kjo do të kish ndonjë farë vlere, sikur të vërtetohej se energjia mund të blehej nga ndonjë vend tjetër më lirë. Sa kohë që nuk është vërtetuar gjë, mbetemi në nivelin e nacionalizmit të mejhanes.</p>
Add new comment