Berisha e Thaçi inagurojnë abetaren e përbashkët; libri, jo me detyrim në Shqipëri

Berisha dhe Thaçi shfrytëzuan ceremoninë për prezantimin e abetares së përbashkët për të dalë edhe një herë bashkë në publik. Prezantimi u bë në Prizren gjatë një organizimi ku morën pjesë ministra dhe përfaqësues të tjerë dy shteteve. Gjatë fjalës së mbajtur të dy krerët e shteteve e vlerësuan këtë si një hap të rëndësishëm për kombin, e cila mbart sakrificat e të gjithë shqiptarëve.

Puna për botimin e një abetare të përbashkët ka filluar prej disa muajsh. Libri është i njëjtë dhe mban simbolet e të dy shteteve dhe pikërisht këtu fillon paradoksi. Ashtu siç kishim shkruar edhe më parë ( http://respublica.al/artikuj/2012/4/26/abetare-mbarekombetare-por-jo-domosdoshmerisht-per-femijet-e-shqiperise ) libri do të ekzistojë në të dyja shtetet por fëmijët shqiptarë nuk janë të detyruar domosdoshmërisht ta përdorin atë. Në Shqipëri funksionon alterteksti dhe për t’u përfshirë në programin mësimor, ajo duhet të përzgjidhet fillimisht nga mësuesit midis botimeve të shtëpive të tjera botuese.

S.E.