Zgjedhjet në Kosovë, Serbia u jep “shah” ndërkombëtarëve

Serbia këmbëngul në zhvillimin e zgjedhjeve lokale të saj edhe në territorin e Kosovës. Vendimi konfirmohet sot nga vetë ministri i Brendshëm serb, Ivica Daçiç, i cili shpjegoi se Kryetarja e Kuvendit të Serbisë ka firmosur shtrirjen e procesit në territorin e Kosovës. Madje serbët e konsiderojnë të mbyllur debatin mbi zhvillimin e zgjedhjeve në Kosovë.

U duk sikur ujërat u qetësuan përkohësisht me arritjen e marrëveshjes së “fusnotës”, por Serbia po i jep përsëri “shah” Kosovës dhe ndërkombëtarëve duke guxuar të ngrejë qendra votimi edhe në shtetin më të ri të mëvetshëm të Europës. Vendimi për zgjedhjet në Kosovë është kundërshtuar nga eurodeputetet Ulrike Lunaçek dhe Doris Pack duke i kërkuar serbëve të tërhiqen nga kjo nismë. Kryeministri Hashim Thaçi ndërkohë i konsideroi provokim zgjedhjet serbe në Kosovë. 

S.E.