Zbardhet projekti i kompleksit të ri që do të ndërtohet tek ish-Ekspozita "Shqipëria Sot"

Tiranës do t’i shtohet së shpejti ndoshta një kompleks në terrenin ku dikur ndodhej ekspozita “Shqipëria Sot”. Studioja “Mario Cucinella Architects” publikon projektin e realizuar prej saj me të dhënat konkrete dhe faktin se ka marrë tanimë lejen e punimeve. Kulla e re do të jetë 93 m e lartë dhe në të do të ndërtohen qendër tregëtare, hapësira publike dhe rezidenciale ndërkohë që në fasadë do të gërshetohet gjelbërimi masiv me stilizime të ndryshme vetrate.

Projekti përfshin edhe një godinë të dytë më të ulët e parashikuar për kopësht fëmijësh. Partneri lokal i studios është Ekoplan.