A asht kleri shqiptar e keqja e këtyne 100 viteve pavarësi?

Ardian Ndreca

Para disa ditësh prej shtyllave të kësaj të përditshme, R. Memushaj i kishte lëshue mbarë e mbrapsht bataret e tija, tue shpalosë nji shpirt konservator plot me paragjykime që e randojnë mendjen e nji shkencëtari. Nuk asht se prej tij mund të pritej që të shkruente ndryshe, mbasi tashma arsyet e Memushajt ma shumë se shkencore janë anagrafike; kur njeriun e rren mendja se ka ba diçka kthehet vetvetiut në konservator e paragjykimet janë shqyti ma i lirë në tregun e shumicës.

Objekti i polemikës së tij ishte nji shkrim i Gj. Metës, që ma shumë se shkrim ishte nji pot-pourri, mbasi autori s’e kishte pështye dorën e kishte futë mbrendë pak nga të gjitha.

Me të drejtë R. Memushaj hidhej kundër kinse reformimit të Akademisë prej së djathtës, por mund të shtojmë se jo vetëm Akademia, e cila edhe përpara ka pasë ma fort se punë të mëdhaja vetëm nji hije të randë e të kotë, por gjithë politika e këtyne viteve në lamijen e shkencës, kulturës dhe arsimit ka qenë nën çdo nivel të pranueshëm. Me dalë kundër kësaj politike që ka ba Berisha në këto vite, konkretisht kundër modelimit gjysma-gjel gjysma-pulë që i ka ba Akademisë apo me kritikue QSA-në e palavdishme, nuk domethanë me qenë nji shkërbe apo nji komunist, siç shfrente pavend Gj. Meta.

Së parit çeshtja e standardit, ajo e shkrimit të historisë me frymë të mirëfilltë shkencore dhe ajo e Akademisë janë gjana krejt të ndryshme, si përsa i përket zanafillës së problemit ashtu edhe përsa i përket zgjidhjes së tij. Së dyti, vitet e fundit S. Berisha asht mundue me instrumentalizue si çeshtjen e standardit ashtu edhe atë të rishikimit të historisë, por pré e këtij instrumentalizimi mund të ketë ra vetëm Memushaj me ndonji shok të tijin, pse të gjithë e dijnë se Berishës dhe zhganit të tij aq i ban edhe në qoftë se në Shqipni do të flitej swahili dhe historinë të na e shkruente Baroni Münchhausen!

R. Memushaj në vrullin e tij polemik, edhe pse profesor i nji niveli të naltë, siç i pëlqente me e theksue me nji vetëkënaqje të dukshme (a thue se gjysmën e jetës s’e ka kalue si mësues në katundet e Kurveleshit por në Berlin a në Oxford!), kishte ba nji paçamur që e kishte mëlmy me bylmetin e vetëm që njeh, me ideologjinë komuniste.

Memushaj ka nji koncept shumë statik të gjuhës, ndoshta do të kishte ba mirë me u pasë marrë me paleontologji dhe jo me qenje të gjalla siç asht gjuha shqipe. Për te Kongresi i Drejtshkrimit asht si nji spirancë e ndryshkun që ai e rrokë fort, ndërkohë që vetë anija ka marrë detin e hapun me vakt e me kohë.

Po të shohim listën e nënshkruesve të rezolutës së atij Kongresi, do të vërejmë se në të ka partiakë pa kurrfarëlloj njohunish në lamijen e gjuhës, personalitete të kulturës e njerëz të shkolluem por jo të profilit, shkrimtarë mediokër të realizmit socialist, mësuesa katundesh, rishtarë të gjuhësisë të sapodiplomuem dhe në fund edhe nji grusht specialistash. Sigurisht që rregullat e drejtshkrimit në atë Kongresi nuk i vendosën Thoma Deliana me Shefqet Musarajn, por as Aleks Buda me Fatmir Gjatën, madje as Remzi Nesimi, Ahmet Limani, Ajet Bytyqi, Bajram Hajrullai, Ismet Bajra, Ismail Doda e shumë e shumë tjerë si këta, të cilëve emni në historinë e arsimit dhe kulturës shqiptare u përmendet vetëm me rastin e asaj firme. Rregullat dhe mbi të gjitha frymën e rregullave e caktuen pak vetë. Fryma ishte sektare e rregullat tepër të çrregullta, për ketë mjafton me pa numrin mbresëlanës të përjashtimeve për çdo rregull që kanë vendosë.

Prej çka u tha ma sipër del se Kongresi vetë nuk ka pasë as kolegjialitet në sensin demokratik perëndimor dhe nuk ka qenë gjithëpërfshimës. Atëherë, asht e natyrshme se në qoftë se 10 vetë mblidhen të udhëhequn prej nji ideje politike për me caktue frymën praktike me të cilën duhet ba standardizimi i gjuhës, tue injorue me dashakeqësi gegnishten, e cila i ka falë historisë sonë nji letërsi zâmadhe, ato rregulla të mos jenë të përjetshme. Tue e lanë shqipen pa nji paskajore të mirëfilltë vështirsohej artificialisht vetë mësimi i gjuhës, tue qenë se veta e parë e së tashmes diftore nuk asht se ndihmon kend për me kuptue kohët e përbame, aq ma tepër që shqipja ka folje të parregullta dhe anomale. Por edhe vetë parimi fonetik ishte nji marri në vedi e këtë gja e ka tregue edhe pazotsia e Memushajt me shokë për me na dhanë në këto 41 vjet nji fjalor të ortoepisë shqipe! Që standardi kishte probleme, ketë gja e tregon vetë profesori, i cili pohon se qysh në vitin 1986 ka shkrue për përmirësimin e tij. Kanë kalue 41 vjet prej lindjes të standardit dhe përmirësimet ende nuk kanë ardhë, në qoftë se nuk duem me quejt përmirësime buzët e kuqe të nji plake rrole që mëton me hy në ring! Mirë gjatë kohës së komunizmit, po në këto dy dekada, si ka mundësi që Memushaj me ithtarët e Kongresit nuk kanë pranue me u ulë dhe me e hapë si çeshtje standardin? Si ta quejmë ketë: neglizhencë, mungesë ndershmënie intelektuale, pasiguri!? Kjo stepje dogmatike i ka lanë shteg palës revanshiste dhe për ketë gja kanë faj gjuhëtarët si Memushaj me shokë.

Megjithatë, në diatribën e Memushajt ajo që binte në sy nuk ishte as çeshtja e standardit dhe as nevoja e shkrim-interpretimit të historisë me metodologji shkencore. Kah ana tjetër as un as Memushaj nuk mund ta ndalim rrjedhën e gjanave e mbas disa vitesh kurrkush nuk do t’i sjellin ma sytë nga Kongresi i vitit 1972 si të ishte Jeruzalemi apo Meka e gjuhës shqipe, dhe kurrkush s’ka me u marrë me historinë e politizueme që ka shkrue gjatë komunizmit Xh. Gjeçovi apo I. Fishta me shokë.

Çelësi i gjithë mendësisë së Memushajt në shkrimin e tij m’u duk se ishte nji frazë e dalun në nji moment humbjeje të vetëkontrollit, kur ai thotë tue iu drejtue nji prifti katolik se klerikët: “janë fajtorë për gjithë të zezat që ka pësuar ky popull në këta njëqind vjet jete të pavarur”.

Në qoftë se kjo vetëdije e ka shoqnue vazhdimisht Memushajn, atëherë zgjedhja e bazës dialektore të standardit asht ba me ndërgjegjen e luftës së klasave dhe me vendosmëninë atyne që po dënonin gjuhën e klerit katolik! Kjo spjegon pse Memushaj gegnishten e quen “gjuhë mëhalle”, tue qenë se atij historia i fillon në vitin 1944, atëherë kur nisi edhe persekutimi ndaj klerit!

Memushajn e kanë ngarkue me ba standardin dhe ai me shokë ta ka zhbi gegnishten pa fe mëshirët; me i pasë dhanë me ba kushtetutën do ta kishte shpallë Shqipninë shtet ateist.

A propos, më duket se edhe kjo e dyta ka ndodhë përnjimend nja katër vjet mbas Kongresit të drejtshkrimit!

Mjerisht, ata që kanë lanë gjurmë në mendësinë dhe formimin e Memushajt i ka dallue, prej 1944 e këtej, shpirti përjashtues, despotik, sektar, regresist, katundaresk, oriental. Prandaj profesori ynë i sheh gjithë të këqijat e Shqipnisë tek kleri katolik. Ndoshta po të kishte forcë do t’i pushkatonte dhe do t’i burgoste rishtas, pse e keqja duhet zhgulë me rranjë, apo jo?

Un jam i padijtun dhe ndoshta gaboj por në Kongresin e Manastirit, kur u vendos orientimi europian jo i gjuhës por i mbarë kombit tonë, kleri ishte i pranishëm, madje ishte faktori kryesor! Edhe në Komisinë letrare gjithashtu, edhe në vitet ’20-’30 me liceun Illyricum, me kolegjin Saverian, me shkolla dhe me disa të përkohshme të randësishme, me autorë dhe me shkolla të mirëfillta letrare, me botime dhe me studime me vlera të mirënjohuna, në Institutin e Studimeve shqiptare, madje edhe mbas viteve ’90 kur arsimi shqiptar ishte paralizue krejtsisht kleri hapi shkolla me programe austriake e italiane ku formohet edhe sot brezi i ri shqiptar! Ndoshta injorimi i këtyne fakteve do t’i ishte falë Memushajt në të ri të tij, kur ishte mes maleve, në vendlindjen e tij Kallarat, apo kur piqej si mësues katundi në Vranisht, Vajzë, Bolenë e Llakatund, por siç rezulton prej biografisë së tij në internet, prej moshës 31 vjeçare ai jeton e punon në Tiranë, dhe duhet të ishte emancipue sadopak tue e hjekë qafet sensin e inferioritetit dhe paragjykimet! Injoranca asht ma afër së vërtetës sesa paragjykimet, thonte dikur nji i dijtun.

“Kleri” edhe pse asht nji skaj i përgjithshëm, mund të themi se ka shumë të meta, pse asht e vërtetë që s’ishte i pranishëm kur iu dorzue Kosova Titos, kur u krye masakra e Tivarit, kur në kampet e shfarosjes së Vloçishtit, Maliqit, Kavajës, Tepelenës ndodhte ploja e të pafajshëmve, kleri s’ishte i pranishëm në kolegjet penale që pa prova dhe pa garanci ligjore vendosnin pushkatimin, burgimin, internimin i mija shqiptarëve krejt të pafajshëm, kleri s’merrte pjesë në plenume e kongrese ku vendosej izolimi, zvetnimi, vorfnimi i nji populli të tanë.

Edhe në ato çaste tragjike kleri ishte i pranishëm, ai vritej, vuente e torturohej me pjesën ma të mirë të shqiptarëve e un kam nji dyshim të vogël se Memushaj asokohe ndodhej t’paktën shpirtnisht në krahun e persekutuesve të lirisë! E çfarë meritet ma e madhe duhej asokohe që nji mësues katundi të katapultohej nga Llakatundi pedagog në Universitetin e Tiranës?

Memushaj thotë se nuk ka qenë komunist, a thue se të qenit komunist e vendos nji teser kartonit. Mos ndoshta kanë nevojë me u pajisë me leje fluturimit zogjtë?! Komunist apo fashist të ban mendësia dogmatike, provinciale, demagogjia, kultura që mohon dialogun dhe rrahjen e mendimeve, ekskluzivizmi, arroganca, këto janë tiparet që nji komunist mund t’i shpalosin në kushtet e sotme, dhe disa prej tyne ju, Memushaj, i mbani edhe sot të lustrueme si grada të sapomarruna prej Komandantit tuej.

Por tashma ju e keni mbyllë punën tuej, çështjen e standardit do ta zgjidhin të tjerë, nemo iudex in causa sua (meqë e përçapkeni edhe latinishten), ju i përkisni atij brezi gjuhëtarësh që qenë shkaktarët materialë të këtij problemi dhe s’ju takon ju me e zgjidhë. Do ta zgjidhin koha dhe njerz të rinj, me mendësinë e njohjes reciproke dhe të dialogut, me ndershmëni intelektuale dhe me vizion mbarëkombtar, pse tosknishtja pa gegnishten asht njilloj si gegnishtja pa tosknishten.

Mapo

Comments

Nuk ke çka i ndrron asnji

Nuk ke çka i ndrron asnji presje ketij shkrimi.

Lufta kunder dijes,

Lufta kunder dijes, shkollimit dhe gjuhes standarde shqipe, eshte e hershme prej katolikeve; Qe nga vrasja e Komisarit te Drites qe dha jeten per t'u mesuar shkrim e kendim, e deri tek sulmi qe i bejne Gjuhetareve me te Medhenj te Kombit, si Cabej, Kostallari, Demiraj, Memushaj, etj.,  (dhe produktit te tyre te 1972-it), te cilet i sulmojne dhe urrejne per arsyen e vetme se jane nga Jugu!

shkrimi mbledh pak mllef nga

shkrimi mbledh pak mllef nga te gjitha argumentet,sadoqe autori Ndreca,pse jo,ka edhe pozicione te drejta.Se pari,ne nje debat mbi gjuhen shqipe midis nje gjuhetari dhe nje prifti te ri zemermire,mund te themi pse gjuhetari shkruan i nxehur,por sa banale eshte te themi qe gabohet ne cilesine e tematikes qe shtrohet.Eshte sikur nje ushtar zborist te debatoje me inxhinier sesi behen tanket,dhe ne t'i behemi krah zboristit sepse ai eshte njeri shpirtmire,dhe se dikur,njerezit shpirtmire dinin te fabrikonin mburoja.Me vjen keq,por keshtu me duket mua.Nuk me hyn ne pune fare nese Memushaj eshte rob i mire,"rob zoti"etj,le te jete edhe cinik,ama autoritar ne lenden perse flitet.I kaluar ky argument(sepse me vjen keq te zgjatet ky futboll dysh,ku njeri eshte futbollist profesionist e tjetri atlet maratone)po dua te fokusohem tek"shigjetimet"anesore.Siç ndodh gjithmone-e jemi mesuar tashme me kete rreng-argumenti devijohet dhe rendesi marrin çikerrimat.Ti thua qe u vendos gjuha standarte,iku ajo pune,tjetri pergjigjet qe,jo,kjo pune tani sa ka filluar...Ti thua qe ne Kongresin e Manastirit apo ate te Drejteshkrimit ishin dhe filan specialist e filan akademist,jo-thone kundershtaret,se atje ishte edhe filan komunist,etj.Jo,po meqe vendosen ideologet per gjuhen,e meqe ideologjia i bente karshillek fese katolike,doemos qe gabimin e paskan bere me dashje.Madje,argumenti behet ne trajte te tille,sikur gegnishtja te jete prone katolikesh(prifterinj e besimtare)dhe jo shqiptaresh te veriut,qe jane shume myslimane,ne te vertete.Psh,une njoh shume shkodrane fshati e qyteti te jene te besimit mysliman.Autori Ndreca zgjatet edhe me tej,duke kujtuar se Memushaj eshte lab,doemos komunist,edhe pse i mungon deshmia e teseres,ndersa shkodranet nuk paskan qene komuniste,sado e kishin teseren.Nga nje debat i mirefillte per  gjuhen standarte,domosdoshmerisht ky degjeneron ne debat te pergjithshem Jug-Veri,qe me kujton nje ese gjeniale te G.Orwell,qe me ironi kujtonte se per anglezet veriore,uji i pijshem i Veriut anglez kishte ca veti me hyjnore se uji i Anglise se Jugut,etj.Se çfare eshte kleri dhe çfare eshte fusha e veprimtarise se klerit,shyqyr zotit qe jetojme ne kete shekull dhe jo 4-5 shekuj me pare.Ndersa kam vene re me kuriozitet qe edhe sot,me shume se dje,ngrihet ne qiell Papa Gjon Pali II,sepse"rrezoi komunizmin".Nxirren pa teklif arkiva e dalin biografe qe theksojne rolin vendimtar te Kishes katolike ne rrezimin e sistemit Lindor;tashme nxjerrin edhe pjeseza te veprimtarise agjenturore te Vatikanit kunder sistemit te social-komunizmit Lindor;Hopla.Pertej debatit se komunizmi eshte me i keq se kapitalizmi,keto gjera qe permenda me siper tregojne pa asnje ekuivok se Kisha katolike nuk ishte arbiter,por ishte pale mes sistemeve qe perplaseshin,s'paska genjyer Enveri.Natyrisht,sistemi Lindor,po te dilte fitues ishte likujdues per vete Kishen,por ama Kisha nuk paska qene asnjeanese,biles paska vepruar legalisht dhe ilegalisht kunder nje sistemi,apo kunder politikave politiko-ekonomike te disa vendeve.Duket qe kjo gje nuk beka pershtypje sot,por tregon ama,qe Kisha katolike,kur paska interesa,del jashte Religjionit dhe objektit te punes se saj,ashtu siç shohim sot,kur Papa detyrohet te jape doreheqjen per motive qe kane te bejne me afera bankare dhe akuza mbi banken vatikane per riciklim parash te pista.Se fundi,meqe kam njohur shume italiane,qe tashme flasin lirshem mbi ideologjite,shume prej tyre pohojne se kleriket ua benin gogol komunizmin dhe komunistet,si njerez qe hane femije,bredhin me nenat e tyre,etj,duke dale hapur kunder partise komuniste italiane,qe garonte per zgjedhjet politike ne nje sistem pluralist te pranuar.Pra,e kisha per te nderuarin Ndreca,nuk eshte absolutisht i keq kleri,por ama edhe aq i paster nuk me rezulton.Me ngjan i njesojte me shqipen e diskutuar standarte keto dy dekadat e rremujes kolektive,qe nuk mund ta trajtojme thjesht si nje televizor,qe me nje te shtypur butoni i nderrojme kanal sepse kemi ne duar telekomanden dhe aq n'a ben per te tjeret.Te thjeshtezosh debatin duke konsideruar gjuhen shqipe standarte si pjelle ideologjike komunisto-jugore,duke perzjere ndonje perceptim dashamires te prof.Cabej me duke detaje,te vogla per t'u cilesuar argument.Me gjithe mend e keni ju qe  per gjuhen standarte paska mjaftuar ndonje komision magazinieresh komuniste nga Jugu?Dhe po e mbrojtkan veç gjuhetaret ideologjike-komuniste qe qenkan rritur maleve te Jugut?Po njeriu komunist qe merrej me Kulturen,i quajtur Ramiz Alia,mos ishte nga Permeti atehere?E dini çfare?U be boze kjo pune;po zihemi per mustaqet e Celos,kur Celua ka vdekur me kohe e me vakt.

Gjuha standarte eshte gjuha

Gjuha standarte eshte gjuha zyrtare o at,fillo shkruaj ne te tille,nuk te mar vesh keshtu! Te jete per dialekte filloj dhe une te shkuaj ne dialektin lab,dhe smerremi vesh fare pastaj...boll krijove percarje,shiko punen e kishes ajo eshte puna jote.

Ne radhe te pare pergezoj

Ne radhe te pare pergezoj autorin per shkrimin shume cilesor si nga permbajtja ashtu edhe nga forma. Se dyti:  me vjen keq qe ju Z. Nano nuk e keni kapur thelbin e problemit qe shtrohet ne kete debat mes Z. Meta dhe Z. Memushaj duke treguar oce cekesi intelektuale nga njera ane (ne rastin me te mire) ose nje doze te larte paragjykimi dhe keqdashjeje nga ana tjeter. Po mundohem t'i marr problemet shtruar! Problemi qe shtrohet ne kete debat nuk eshte nje problem gjuhesor por eshte nje problem parimor. Nese kjo ngaterrese  mund t'i falet ndonje komentuesi "anonim" nuk mund t'i falet nje "intelektuali" si ju. Per ta vazhduar me shembullin tuaj; eshte e vertete se nje zborist nuk mund te mesoje nje inxhinier se si ndertohet nje tank por nga ana tjeter nje zborist mund te vleresoje nese tanku eshte ndertuar mire ose jo dhe mbi te gjitha mund te beje krahasimin mes dy tankeve. Sepse po te ishte i vertete parimi qe thoni ju, ju i pari duhet te heshtnit ne shume komente tuaja, sidomos ato politike. Parimi qe mbroni ju mund te perkthehej keshtu: nese nuk jeni politikan nuk duhet te flisni per politike! (e pamundur per ju ngase eshte sporti juaj i preferuar) Por nuk eshte keshtu, sepse ju keni te drejte te flisni per politike e edhe nje prift, edhe pse jo ekspert, te flase per problemet gjuhesore. Gjuha eshte si nje organizem i gjalle sepse e lidhur thellesisht me njeriu, dhe si e tille eshte subjek i ndryshimit te vazhdueshem. Z. Meta, Z. Ndreca dhe te tjere thone nje gje shume te thjeshte: gjuha mund dhe duhet ndryshuar. Menyra se si mund te behet kjo varet nga gjuhetaret si Z. Memushaj. Problemi i komentit tuaj hapet edhe me i gjere tek ideja qe ju keni mbi fene ne pergjithesi dhe per kishen katolike dhe klerin e saj ne vecanti. Une e kuptoj frymen me te cilen jeni rritur ju dhe gjenerata te tera ne Shqiperi por nuk mund te justifikoj "mazokismin" tuaj intelektual (Errare humanum est, perseverare autem diabolicum).  Prifti, ipeshkvi, papa, sipas idese suaj, duhet te qendroje i mbyllur ne kishe duke ushtruar detyren e tij pa u perzier aspak ne qeshtjet e shoqerise. Kleriket, ne te gjitha nivelet, kane jo vetem te drejte te nderhyjne ne cdo problem, por, e kane edhe per detyre sidomos kur nderhyrjet e tyre shkojne ne mbrojtje te shtresave me te pambrojtura te shoqerise sipas mesimeve ungjillore. Krishterimi bazohet ne nje te vertete esenciale per te qe eshte Misherimi i Hyjit. Nese Hyji ka dashur te behet njeri ne personin e Jezusit te Nazaretit atehere cdo problem i njeriut eshte i rendesishem per Zotin dhe si i tille edhe per Kishen dhe prijesit e saj. Kjo e vertete kaq e madhe justifikon nderhyrjet e kishes ne qeshtjet shoqerore. Por edhe demokracia, tek e cila e keni thene shume here qe besoni, ka si parim themelor perfaqesimin te gjitha ideve dhe shtresave. Me kete parim te demokracise mund t'i qasemi edhe perfaqesimit gjuhesor. Kemi te bejme pra, me nje qeshtje drejtesie dhe jo favori apo meshire. "Para-gjykimi" juaj per kishen dhe kleriket e saj te le pa mend. Ne prononcimet tuaja publike thoni se jeni ateist por nga ana tjeter e pergenjeshtroni kete duke mbajtur qendrime te tilla ndaj kishes dhe klerit, te cilat nuk shkojne thjesht kunder tyre por ne fund te fundit dhe ne menyre shume te fshehte kunder esences se krishterimit. Me Krishtin askush nuk mund te jete neutral; e thote ai vete: "Kush nuk eshte me mua eshte kunder meje"(Mt 12,30). Nuk eshte e nevojshme t'ja kujtoni ju gabimet Kishes Katolike sepse i di vete, i ka pranuar publikisht dhe ka kerkuar falje per to. Ajo cfare duhej te benit ju dhe shume si ju eshte te keni kurajon te imitoni sadopak qendrimin e saj. Mish-mashi qe beni me historine e papes Gjon Pali II me komunizmin tregon sa i ceket jeni ne njohjen e fakteve dhe se sa ju dhemb akoma zemra per renien e tij. Edhe kopertina e emisioni tuaj te fundit Jamais vu, ku flitni per papen Francesco tregon tendencen tuaj per te dizinformuar opinionin publik. Me qellimin per te treguar  se ne demokraci askush nuk duhet te jete i paprekshem thoni fjale te paverteta per papen duke i lene pershtypje degjuesve se eshte ashtu si thoni ju.  Eshte e vertete se ka pasur akuza kunder papes se ri per bashkepunim pasiv me diktaturen ushtarake te Argjentines, por eshte e vertete se te gjitha keto akuza kane rene menjehere. Ju si "gazetar i forte" qe jeni duhet te dini se nje pozicion si i papes eshte gjithmone i lehte per tu atakuar. E verteta Z. Nano eshte se edhe pse papa ka ardhur nga "fundi i botes" dhe eshte i panjohur per ne ka qene i njohur ne vendin e tij. Si Kardinal ka mbajtur qendrime te palekundshme ne mbrojtje te me te varferve duke dhene edhe shembullin e tij personal. Ky eshte motivi qe eshte akuzuar. Kush mbron te drejten e paguan personalisht! Kjo eshte edhe nje e vertete tjeter e krishterimit. Krishti ka vdekur ne kryq pa patur asnje faj. Nese ia kane bere atij kete cfare presin me ndryshe ndjeksit e tij? Ja pse kryqi dhe gjithcka rritet nen hijen e tij behen te padurueshme per disa. Por mos u shqetesoni Z. Nano: mjuku u duhet te semureve e jo te shendoshve; Krishti ka ardhur per mekataret dhe jo per te drejtet. Ka ardhur per mua por edhe per ju. Na pret te gjitheve me krahet e dashurise se vet! (Dashuria e Tij eshte nje dhe e pafundme meqe te intereson ky argument me te ftuarit e tu). P.S. Shpresoj te kem qene i qarte dhe te mos kem ofenduar askend!

Edisali,RP eshte nje nick i

Edisali,RP eshte nje nick i thjeshte perdoruesi,jo Nano.Rp ka mendimin e tij dhe eshte i kenaqeur te gaboje,sepse nese Toka rrotullohet ne sensin antiorar,do te thote qe Zoti eshte ne te drejte,por jemi ne qe jemi fiksuar me sensin orar.Pak a shume si me kete debatin e gjuhes.Pershendetje!

Kleri nuk ishte i pranishem

Kleri nuk ishte i pranishem kur iu dha Kosova Titos? Kush e dha Kosoven? Nqs e nderton argumentin me te tilla premisa doemosdo qe perfundimi logjik do jete i palogjikshem. Po mire mo Ardian po kur na pushtoi Italia a ishte i pranishem kleri? Po kur shqipja shihej si gjuhe e djallit e konspirohej vrasja e Dhaskal Todrit  a ishte i pranishem kleri? Po kur shqiptaret duronin thundren e injorances e shtypeshin nga kapidanet e Mirdites ai ishte i pranishem kleri katolik. Po kur shtypeshin nga Perandoria ottomane ai ishte i pranishem kleri islam. Per cilin kler e ke fjalen zotrote. Po edhe ata klerike qe punuan per Shqiperine e qe perjete qofshin te nditur nuk e bene ate pune se ishin klerike por se ishin shqiptare ne rradhe te pare. Po c'te mire kemi patur ne nga kleri o derebardhe...? Kleri me teper ka marre se ka dhene. Kleri merrte te dhjetat. 10% o Ardjan Ndreca. E nuk jepte gje mbrapsht, vetem meshat boshe ne kisha e ulerimat e hoxhallarve neper xhami. Sa per standartin nqs ke gje per te kontribuar beje me  pune te mirefillte e jo me pallavra. Ul te ndenjurat dhe eja na propozo dicka me te mire. Po beje me respekt per ate pune te madhe qe bene parardhesit e tu e jo me shperfillje, arrogance e cinicizem se prej tyre s'vjen gje e mire. Mirembetc.

Artikulli i mësipërm tregon

Artikulli i mësipërm tregon se njerëz si ky Ndreca nuk lënë vrimë pa futur hundët e tyre vetëm nga urrejtja pse për një periudhë kohe në Shqipërinë socialiste nuk ilanë që të thithnin gjakun e shqiptarëve. Veprat e mira ose shumica të liga të klerit shqiptar dhe atij botëror janë të shkruarë e bardha në të zezë. Kjo rracë e poshtër prit kur të dërgojë kryqëzatat e veta në ato planet ku mund të zbulohen qënie të arsyeshme per ti kristianizuar ose mislimanizuar ose etj ashtu si derguan kryzqëzatët ne Jeruzalem  e më vonë ne kontinentin Afrikan dhe ate Amerikan.      Me përjashtim të disa klerikëve që kanë bërë punëra të mira (dhe që jane një përqindje shumë e vogël në krahësim me lukuninë e përjetëshme të mashturesve të mëdhenj të të gjitha feve dhe rrymave fetare) gjithë të tjerët kanë një histori krimesh dhe mashtrimesh nga më monstruozet jo vetëm në Shqipëri por në të gjithë botën.  Gjithmonë  kleri ka qënë në anën e njerzve të pasur, të kriminelëve, hajdutëve, përdhunuesve etj. Kot nuk thoshte Iluministi i Madh Francez se  ".......... priftërinjtë do ti varja me zorrët e tyre" . Ai e njihte historinë e kobshme të klerikëve, kësaj rrace të fëlliqur dhe fundërrine njërzore. A bashkpunuat me fashizmin italian dhe nazizmin gjerman ju qelbanikër,  pse kurrë nuk flisni arsyet që Diktatura e Enver Hoxhës u ka dënuar?  Folë drejt si thotë Fjala e Zotit (në se ka vërtet zot) dhe jo vërr-vërr-vërr, dolli bashi në bythë të thanës.

Artikulli i mësipërm tregon

Shkrimi shume i sakte dhe pa

Shkrimi shume i sakte dhe pa doza emocionale. Kompimete Ardian. Gegnishtja elitare, ajo e Migjenit, Fishtes dhe Camajt do e perfaqesonte denjesisht "standardin". Jam katolike dhe nuk jam gege, por nese kleriket dikur e kane ndihmuar perhapjen e arsimit, edukimit qe nga femijet e te te rriturit, a eshte e njejta gje sot? A jane ata gjuhetare dhe prifterinj njekosisht? A studjojne aq sa te mbeshtesin me fakte pro apo cons? Ju thoni kleriket te shikojne punen e tyre, po pse jo nje klerik qe studion dhe shikon mangesi ne gjuhen e tij te mos shprehi opinionin e tij? Dom Gjergji eshte nxituar ne formulimin e mendimit te tij, ndoshta te papjekur por ne thelb e mbeshtes ate qe thote autori: pse keta shkencetare nuk e gjeten forcen ne demokraci te "lobonin" per standardin e tyre? Pse i cuan gjerat akademikisht ne "standarde" krahinore? Nuk jam qe njerezit te shkruajne letra zyrtare dhe te japin lajmet ne TV ne dialekt, por ajo qe nuk kuptojne "metropolistet" eshte qe gegnishtja ishte fillimi, ajo qe i dha kuptimin shqipes, rrenjet filluan aty. kultivimi eshte te kerkosh te zbukurosh gjuhen tende. Perpiquni te perktheni frengjisten, italishten apo angishten ne gegnisht. cdo gje del e plote. Por sic thote autori, nese kesaj gegnishteje i shtojme toskerishten dhe i balancojme te dyja, ku eshte e keqja?!

Artikulli i mësipërm tregon

"Por tashma ju e keni mbyllë

"Por tashma ju e keni mbyllë punën tuej, çështjen e standardit do ta zgjidhin të tjerë, nemo iudex in causa sua (meqë e përçapkeni edhe latinishten), ju i përkisni atij brezi gjuhëtarësh që qenë shkaktarët materialë të këtij problemi dhe s’ju takon ju me e zgjidhë. Do ta zgjidhin koha dhe njerz të rinj, ....."Larg qofte qe kete pune ta zgjidhin njerez te kallepit tend o z.Ndreca. Do preferoja me mire te paditurin Meta se  sa te ditun te rrejshem si ti , sepse sic thua ti vete :"Injoranca asht ma afër së vërtetës sesa paragjykimet, thonte dikur nji i dijtun."

A ishte kleri aty kur iu dha

A ishte kleri aty kur iu dha Kosova Titos? Kush e dha Kosoven zoti Ndreca?Sa here lexoj retoriken e inatosur te Ardian Ndreces ve doren ne puls dhe nese e ndjej se me nervozon ajo retorike sigurohem se kam ndergjegje e jam ne realitet. Po kur u pushtua Shqiperia nga Italia fashiste ku ishte kleri? Po kur mbytej Dhaskal Todri ku ndodhej kleri. Kur shtypej ky popull nga sundimi otoman ku ishte kleri? Ku ishte kleri zoti Ndreca kur regjimi nazist shfaroste cifutet? Mos harroni se me ndihmen e kishes nacional socialistet erdhen ne fuqi. Po kur hordhite e Musolinit marshonin ne Romen tuaj ku ishte kleri? Kur monarko fashistet spanjolle e greke benin kerdine me bekimin e klerit e benin. Kur konkistadoret shkretonin civilizimin e indianeve te Amerikes latine ku ishte kleri? Ku ishte kleri kur "tufa e dhenve" behej pre e epsheve seksuale te prifterinjve? Kleri sido qofte mysliman katolik ortodoks a presbiterian ka vetem nje qellim e ai eshte rritja e influences ne popull me qellim rritjen e influences ne vendimarrje politike. Kaq. Kleri me shume merr se jep. 10 perqind zoti Ndreca merrte kleri. Po edhe ata klerike qe ndihmuan Shqiperine ne oret e saj te lindjes, si Dom Nikoll Kacorri, qe i ndritur u qofte kujtimi, e bene kete se qene shqiptare ne rradhe te pare e jo klerike. Po mjaft na dhate leksione se si duhet shkruar gjuha shqipe. Nje shqiptar i mire nuk i thote gjerat qe thoni ju. Ju fliteni si te doni gjuhen po mos kini arrogancen te mendoni se shembulli juaj eshte ai qe duhet ndjekuar e ligjerata juaj ja vlen te lexohet. Per sa kohe ju e soji juaj nuk perparoni nje propozim te mire ndertuar ne kete standart do perdorim .Nese keni mendim se standarti duhet permiresuar ulini te pasmet e beni propozime po ne fillim me respekt per ata qe kane bere tere ate pune per te pasur kete qe kemi.

A asht kleri musliman

<h1 property="dc:title">A asht kleri musliman shqiptar e keqja e  500 viteve te pushtimit turk dhe e këtyne 100 viteve pavarësi?</h1>

Zoti Ndreca vërtet kongresin

Zoti Ndreca vërtet kongresin e organizojë partia por mos haroni ose bëni se haroni se në të bënin pjesë dhe shqipëtarë që jetonin jashtë sajë dhe në qoftëse keni pretendime për standartin bëni propozime drejtë dhe pa të hedhuna dhe nuk është nevoja të villin kaq vrerë ndaj të tjrëve se po të fillojmë kështu me qënse profesori na qënka ritur në malësinë e kurvëleshit juve base jeni ritur në bjeskët e nëmuna nuk zgjidhen kështu problemet dhe sa për klerin vërtet ka qënë një e keqe e madhe që i ka ndollur kombit tonë se njëri predikonte latinisht tjetri arabisht dhe tjetëri geqisht dhe hajt mor lum miku të meren veshë me njërin tjetrin

me duket budallallet te

me duket budallallet te debatohet per nje çeshtje per te cilen palet thone te njejten gje, por duke perdorur terminologji politike e krahinore, qe krijon iluzionin se ka nje mosmarrveshje, qe ne fakt nuk ekziston. Standarti ka nevoje per permiresime, por pa prekur shtyllen kurrizore te saj(tosket), dhe standarti duhet te balancohet me influencen e leksikut geg(geget). Nuk e marr vesh, ku qendron mosmarreveshja ketu, ne mos qofte gjithe kjo histori e stisur per te rritur tirazhin e gazetave..

Ndiej shume keqardhje qe nje

Ndiej shume keqardhje qe nje individ me nivel kulturoir si Ndreca eshte teresisht emocional dhe i mbeshtjelle nga vreri. Kjo gje e ben shpesh edhe qesharak. Personalisht nuk mendoj dhe as besoj se kleri ka qene e keqja me e madhe e jona keto 100 vjet. Kleri ne pergjithesi dhe ai katolik ne vecanti kane nxjerre perfqsues te denje te kultures dhe shqiptarizmit, ashtu sic kane edhe shume hije te zeza e angazhime kriminale qe dalin jashte sferes religjioze. Edhe vete Ndreca, megjithese nuk eshte  pjese e klerit, eshte ekstremist dhe jep konkluzione, te denja per disa fshatare qe e kalojne gjithe diten neper klubet e katundeve dhe jo konkluzione serioze, te denja per nje intelektual. Sapo futet ne " polemike " per gjuhen i referohet menjehere politikes, te shkuares dhe te sotmes. Une jam vete nga veriu dhe Standarti Letrar nuk i ka prishur dhe as i prish pune kujt pervec njerezve provinciale dhe inatqare. Ne te gjithe boten, standartet gjuhesore nuk fliten nga e gjithe popullsia por jane standarte per te foluren ne media dhe per letersine. Ne te vertete, standarti eshte nje mjet shume i rendesishem i bashkimit kombetar dhe perrallat se pse ka me shume  nga jugu se nga veriu etj. i sherbejne vetem percarjes dhe antishqiptarizmit. Me kete nuk them se nuk ka nevoje per korigjime ne Standart por jo per perralla te tilla se ate e beri Komunizmi apo E. Hoxha etj. Edhe nese e bene ata, bravo iu qofte. Ata bene edhe hidrocentralet, edhe shkollat, edhe spitalet, edhe stadiumet, edhe pallatet e sportit, edhe akademite, edhe bonifikimet, edhe zbulimin dhe restaurimin e qendrave arkeologjike etj.etj. Ashtu sic bene edhe krime. Duhet t'i denojme fort per krimet e bera dhe te ruajme cfare eshte e mire per popullin. Do te deshiroja qe Ndreca te ishte pak me shume racional, ne menyre qe te mos humbas konsideraten qe kam per te.

një njeri që mban titull

një njeri që mban titull doktor profesor e është një mendimtar katolik,më duket shumë cinike dhe për më shumë e pabesë mënyra e të shkruarit të tij!!kritikon dhunën komuniste si të njëanëshme dhe ideollogjike dhe ngrë në piedestal klerin katolik,sikur që të dyja,komunizmi dhe kleri katolik të kenë pasur,një ri vetëm të këqija e tjetri vetëm të mira!!mor zotëri i edukuar në perëndim,demokraci,akoma i mbetur me mendimin klanor dhe deri diku komunist,si ka mundësi të përmëndësh vetëm një anë të medaljes,bile dhe të gënjesh si një njeri i indoktirinuar.si një i pashkollë!!si mund të flasësh kaq trashë si një njeri në një moment histerie!!si mund të thuash se komunizmi i dha kosovën titos???si mund të thuash se ishin shqiptarët e shqipërisë që organizuan tivarin!!si ke harruar të thuash se kush e priti me lule pushtuesin fashist??si mund të harrosh kush ja dha kurorën e skënderbeut xhuxhmaxhuxhit italian??si mund të harrosh se si ishte e ndërtuar qeveria e fundit kuislinge????mor njeri i shkolluar,gënjeshtar dhe mashtrues:përse përmënd vetëm ato që të leverdisin???përse nuk e kupton se tërë ajo që shkruan ti në dialektin shkodran ndryshon vetëm me një ose dy shkronja??përse përpiqesh për një mangësi ,paskajoren,të këkosh të shkatërrosh një gjuhë të tërë!!një punë të madhe të shqiptarëve??përse mor njeri përçarës vjell vrer si një rrugaç dhe nuk flet për rangun që ke??përse nuk trasmeton dije në vënd të injorancës dhe leverdisë tënde??o dok.prof.adrian ndreca,ne na nevoitet bashkim dhe dije,jo përçarje dhe injorancë,jo mashtrime!or zotëri ky shkrim të ka ulur aq poshtë sa vështirë se mund të ngrihes më!të paktën në sytë e mi!!!

jesen katolike te shkodres ta

jesen katolike te shkodres ta cojme ne mal te zi dhe ta nderrojme me shqiptaret e ulqinit e te biem rehat se duket ashiqari qe nuk ndihen shqiptare. te tjerat jane perralla.

Po i pergjigjem vetem pyetjes

Po i pergjigjem vetem pyetjes se titullit !PO , Kleri ka qene armiku me i madh i shqiptareve jo vetem gjate 100 viteve shtet ! Kleri si epiqender pushteti i shume pushteteve ekonomike dhe politike , sigurisht "qendren rendeses" politike nuk e ka ne qendren e zhvillimit te Shtetit Shqiptar , apo te Faktorit Shqiptar . Perkundrazi ! Keshtu qe ky INTERES i Klerit e vendos ate ne qender te armiqve te shqiptareve ! Kjo pasi kleri eshte vendimmarres ne copetimin e popillit dhe trojeve shqiptare ! Perfaqesuesit e shteteve  qe hodhen firmen , jane  thjesht ekzekutues ! Jane marreveshjet dhe vendimet e Klerit katolik , myslyman dhe ortodoks qe shqiptaret gjakojne edhe sot e kesaj dite ! Ata klerike qe vepruan si atdhetare , ata ishin ne radhe te pare shqiptare ! kjo ishte arsyeja e eleminimit te tyre nga Patriakana apo Kalifati ! Ne marreveshje kunder shqiptareve me keto ishte dhe eshte ende edhe Vatikani , i cili jo vetem bekoi copetimin e shqiptareve , por nuk e ngriti zerin kurre ! Madje ne bibliotekat e tij mban te fhsehura akoma dhe kesaj dite shume shkrime per historine e ketij populli dhe ketyre trojeve ! Shkurt muhabeti ! Ky popull vuan sepse kunder tij ka ne radhe te pare Klerin e te gjitha shizmave ! Shqiptari kete e ndien edhe e di , prandaj fene e mban gjithmone si nje lekure , qe nuk ia kap kurre shpirtin !

A asht kleri shqiptar e keqja e këtyne 100 viteve pavarësi?

Comments

Nuk ke çka i ndrron asnji

Lufta kunder dijes,

shkrimi mbledh pak mllef nga

Gjuha standarte eshte gjuha

Ne radhe te pare pergezoj

Edisali,RP eshte nje nick i

Kleri nuk ishte i pranishem

Artikulli i mësipërm tregon

Artikulli i mësipërm tregon

Shkrimi shume i sakte dhe pa

Artikulli i mësipërm tregon

"Por tashma ju e keni mbyllë

A ishte kleri aty kur iu dha

A asht kleri musliman

Zoti Ndreca vërtet kongresin

me duket budallallet te

Ndiej shume keqardhje qe nje

një njeri që mban titull

jesen katolike te shkodres ta

Po i pergjigjem vetem pyetjes

Add new comment

Plain text

You are here

A asht kleri shqiptar e keqja e këtyne 100 viteve pavarësi?

Comments

Add new comment

Plain text