Priftërinjtë e rinj të gjuhës shqipe

Marian Paloka

Para ca ditësh më ra në sy një artikull me titullin “Dom, shih grigjën tënde!” me autor Rami Memushajn. Kur mbarova së lexuari shkrimin, e kisha të pamundur të besoja se ajo pak-më-shumë-se-zhgarravinë dilte nga pena e një “akademiku”. Po të kisha qëlluar gjuhëtar, nuk do t’i isha përgjigjur, sepse një gjuhëtar që ka respekt për veten e vet, nuk bën polemikë me një shkrim aq të dobët. Pra, nuk po i përgjigjem si gjuhëtar jo vetëm pse s’jam i tillë, por edhe se atij shkrimi i mungon niveli për një përgjigje të tillë. Nuk po i përgjigjem as si dashamirës i fjalës shqipe, që mendoj se jam, edhe pse fjalën shqipe e shoh, me dhimbje, të zvetënuar nga ky shpërdorues i saj. Kulmi i estetikës së këtij “akademiku” gjendet në shprehjet si “domi ynë”, “e ka hallin te…” “nuk e ka marrë vesh ky i mjerë”, ndërsa leksiku i tij vezullon me fjalët: “obligim”, në vend të “detyrim; “sikar”, në vend të “dorës”; “territor”, në vend të “hapësirë”; “informuar”, në vend të “njoftuar”, etj.. Pse po merrem me të atëherë?

Po merrem me të si prift. Jo për të mbrojtur të drejtën për t’u marrë me gjuhën shqipe, që flas pa lejen e Ramiut, i cili, përveç shumë gjërave që nuk di në fushën e vet, nuk di as ku fillon e ku mbaron “grigja” e “domit”, por për të mos e lejuar të hedhë baltë i pashqetësuar mbi shëmbëllimin e klerit katolik të shekullit XX. Ja çfarë shkruan rojtari i “standardit”, duke nxjerrë nga goja çfarë i mbajnë rropullitë, frymën erëkeqe të komunizmi të vdekur, që nuk i bën më dëm askujt, përveçse çjerr maskën e akademikut e nxjerr në pah zvetënimin e njeriut të një regjimi që nuk ringjallet më, përpos në ndonjë zhgarravinë të botuar në gazetë, si jehonë e nostalgjisë që ka lënë pas: “… unë do ta cilësoja domin (e ka fjalën për Gjergj Metën) si një nga servilët e pushteteve, nga ata servilë me shkollë të regjimeve që Shqipëria i ka pasur me shumicë edhe ndër radhët e klerikëve, të cilët janë fajtorë për të gjitha të zezat që ka pësuar ky popull në këta njëqind vjet jete të pavarur”.

Një njeri i ushqyer me petulla të fërguara në vajin e stërdjegur të servilizmit të akademisë së shkencave të regjimit komunist, i paguar me paratë e popullit për të kultivuar gjuhën shqipe në një institucion që, edhe në botimin më banal, i thurte himne nëpër parathënie udhëheqjes së “ndritur” të partisë e të shokut Enver Hoxha, shpall servilë regjimesh klerikët e vrarë nga i zoti i regjimit që e bëri Ramiun “akademik”. Shpall servilë ata klerikë që, pa fonde qeveritare, punuan me heshtje, me përulje e me përkushtim, për çështjen kombëtare, duke paguar me jetë dashurinë e tyre për atdheun.

Koha e parë – gegnisht

Përimtimet albanologjike nuk kanë mujtë me na diftue ende kur ka lindë gjuha shqipe, prandaj mundemi me shkapërcye iliret e pellazgët, me mbërritë deri te rrënojat e Babelit e me vue veshin, per me ndie se mos pikasim, në shumësinë e jehonave të njikohësishme të gjuhëve të vdekuna e të gjalla që lindën nën ato rrënoja, ndonji tingull të gjuhës sonë. Po, ndoshta gjuha jonë ka lindë në Babel e mundet me qene nji zojë e lashtë. Priftënt e feve të vdekuna mund t’u kenë këndue himne perëndive të tyne tashma të vdekun në këtë gjuhë ende të gjallë, në rrotullamën e shekujve të stershkuem.

Priftënt, po, ma parë se të tanë të tjerët, sepse, tue qenë fjala dhuratë e perëndive për njerëzit, njerëzit, në lashtësi ndoshta ma shumë se sot, e kanë përdorë fjalën jo vetëm si bartëse shenjash me të cilat me u marrë vesh me njeni-tjetrin, por si bartëse në vetvete të kuptimit rreth jetes e vdekjes, rreth dhimbjes e gëzimit, rreth të bukurës e të shëmtuemes, rreth të vërtetës e rrenës, rreth të përkohëshmes e të amshueshmes. Gjuha ndryn mbrenda misterin. Ajo sfidon Hyun.

Për këta priftën, për këta himne e për këta fe, nëse vërtetë mund të kenë ba hijë mbi faqe të dheut, nuk dimë asgja. Janë të shumta fetë e urdhnat priftnorë që janë shue në histori. Nuk dimë as si mund të tingëllonte shqipja në gjuhën e tyne.

Qysh kur dimë, atëherë, për gjuhën tonë? Kur u derdh ajo nga jehona në germë, tue na dhanë mundësinë fatale me e kundrue mbrenda enëve të ngushta të germës, të fjalës, të fjalisë e të fjalimit? Fatale, po, se ky kundrim mundet me i mbushë mendjen njeriut të vendosun përballë gjuhës së gozhdueme në germtari (gramatikë), se njeriu mundet me e gjykue gjuhën, me dekretue e me zhdekretue ligjet e ligjësitë e saj, madje edhe me e shpallë të paligjshme, ose ma keq: “gjuhë mëhalle”.

Fajtori i parë për këtë sjellje fatale ndaj shqipes, për guximin me e shkrue atë, tue i dhanë kështu qytetnimit shqiptar përbamësin themelor pa të cilin ky qytetnim nuk do të kishte mbijetue kurrë, asht nji prift. Quhet Pal Engjëlli. Këtë ‘gabim fatal’ Arqipeshkvi i Durrësit ka mundë me e ba vetëm falë nji mospërkimi fatal datash. Ishte viti 1462, kur ai shkroi “Formulën e Pagëzimit” e nuk kishte lindë ende Rami Memushaj, i cili, tue qene lindë 481 vjet ma vonë, ka qenë tepër vonë për me i thanë Pal Engjëllit: “Dom, merru me grigjën tënde!” Sa të shumtë janë ata priftën që për këtë mospërkim fatkeq datash i kanë shpëtue këtij imperativi “akademik” dhe e kanë krye krimin e shkrimit të gjuhës sonë! Po përmendim vetëm disa: Pal Engjëlli, Gjon Buzuku (Meshari – libri i parë shqip), Pjetër Bogdani, Pjetër Budi, Frang Bardhi, Lekë Matrënga, në hershmëninë e shqipes së shkrueme. E disa të tjerë, që jetuen gjatë vlimit ma të madh të krijimit të shpirtit kombtar shqiptar (në kapërcyell të shekujve XIX-XX): Atë Shtjefën Gjeçovi, Dom Ndoc Nikaj (autor i romanit të parë shqip), Atë Gjergj Fishta, Atë Justin Rrota, Atë Donat Kurti, Dom Ndre Mjeda, Atë Vinçens Prenushi, Atë Bernardin Palaj e sa e sa te tjerë. Këta kanë mbledhë e shkrue Kanunin e Lekë Dukagjinit, Eposin e Kreshnikëve, Përrallat Kombtare, gramatikat e sintaksat e gjuhës shqipe, kangët popullore, madje kanë qenë vendimtarë për caktimin e alfabetit shqip në Kongresin e Manastirit, pa përmendë krijimtarinë e tyne vetjake, e denjë me ndejtë përkrah krijimtarisë ma të mirë perëndimore të kohës. Pa këtë kler, që u mor me gjuhën shqipe kur Shqipnia sa po dilte me sy të lëbyem nga terri shkrimor osman, shpirti i kombit të sapolindun do të kishte mbetë gjysmak. Ata klerikë nuk u morën me servilizëm regjimesh, por, përkundër, regjimet i vranë ata për së gjalli me gjyq e pa gjyq, i vranë për së vdekuni, tue zhdukë veprat e tyne e, tash që historia i ka ringjallë bashkë me veprat e tyne, Ramiu përpiqet me i vra për së treti, tue i quejtë servilë. Fataliteti i mospërkimit historik të naltpërmendun i ka lanë trashëgimisë kulturore të Shqipnisë nji thesar të paçmueshëm dhe e ban thirrjen e Ramiut “Dom, merru me grigjën tënde!” fund e majë qesharake. Sikur gjithë “Dom”-at e Ramiut të ishin marrë me “grigjën” e tyne përgjatë historisë, në hapsinën e letërsisë shqipe të paraluftës II botnore do të shtrihej nji shkretinë e frikshme, po ndoshta Ramiut i vjen ma natyrshëm me u përshtatë me shkretinën se me oazin.

Koha e dytë – “standard”

Mbas një kohe të parë në gjuhën shqipe, e jo në “gjuhën e mëhallës”, vijmë te koha e dytë në gjuhën shqipe sipas standardit të 1972, që mbetet e bukur e madhështore aq sa gjuha e kohës së parë, pavarësisht gjymtimeve e cungimeve që i kanë shkaktuar e vijojnë t’i shkaktojnë dogmatikët e gramatikalizmit dhe pavarësisht se ajo është ndryrë nën rojën pretoriane të Ramiut me shokë. Ajo mbetet e bukur e madhështore jo falë betonizimit të parimit fonetik e morfologjik, as falë përçudnimit të paskajores, as falë rotacizmit me masë e pa masë, por thjesht e vetëm se është shqip. Thjesht e vetëm se ajo ndjell kujtimet e lehtësisë së vargut të Poradecit, elegancën e prozës së Kutelit, forcën e fjalisë së Konicës e mbi të gjitha shpreh në mënyrë të natyrshme shpirtin e shqiptarëve jugorë, por edhe timin, që jam verior. Pra, ajo është gjuha jonë. Në këtë gjuhë mund të shijojmë krijime letrare të arrira të shkrimtarëve tanë e margaritarë të artit të përkthimit të dalë nga penat mjeshtërore të Vrionit, Zhejit, Shvarcit, Treskës, Dokos, Cacit, Evangjelit etj., që kanë bërë të flasin bukur shqip Servantesin, Hygoin, Balzakun,Tolstoin, Remarkun etj..

A ka nevojë për “rishikim” standardi i 1972 dhe kush mund ta bëjë “rishikimin”? Kjo pyetje bëhet dramatike dhe e dëmshme, përveçse ideologjike dhe si e tillë shterpë sa herë lidhet me ndërrime qeverish e pushtetesh. Nuk jam i mendimit se ardhja e të majtëve në pushtet është më e dëmshme për gjuhën shqipe se ajo e të djathtëve, jo vetëm sepse një akademi e ndërtuar mbi parimin e partishmërisë është e padenjë për t’u marrë parasysh në çfarëdo lëmi, e aq më shumë në lëmin e gjuhës, por edhe sepse gjatë qeverisjeve të djathta akademia e arsimi publik kanë lënguar të paktën aq sa gjatë qeverisjeve të majta, në mos më shumë, nëse më shumë do të kishte qenë e mundur. Pyetja për rishikimin e të ashtuquajturit standard nuk duhet shtruar, sipas mendimit tim, as mbi truallin e fakteve kokëfortë (të panjohura nga Ramiu) se shqiptarët nuk e përdorin ende këtë kodifikim në përditshmërinë e tyre. Duhet një shestim i madh edukues për ta ngritur gjuhën e folur afër lartësisë së gjuhës së shkruar, ciladoqoftë kjo e fundit. Rrethanat historike të vendit tonë nuk e kanë përkrahur këtë shestim. Ishte i pamendueshëm nën perandorinë osmane, u përpëlit shpresëtar gjatë periudhës nga Pavarësia deri te Lufta II Botërore, dështoi detyrimisht nën diktaturë, sepse edukimi nuk mund të zhvillohet në mungesë të lirisë, dhe u braktis fajshmërisht e trishtueshëm në “demokraci”, sepse me një masë të paedukuar është më e lehtë të rrjepet atdheu. Edukimi popullor me gjuhën është i hapur, sepse krejtësisht e hapur është tërë fusha e edukimit në Shqipëri. Pyetja rreth “standardit” nuk duhet shtruar as për mëtime përfaqësimi të barabartë krahinor në njësinë e gjuhës kombëtare. Do të ishte një dëshirë parake.

Pyetja për “rishikimin e standardit” mund të shtrohet vetëm “n së dashunit së botësë sanë” (Buzuku, prifti për të cilin presim Ramiun të na tregojë servil i kujt ka qenë). Duhet shtruar për dashuri të atyre fëmijëve shqiptarë që, të penguar nga ngushtësia e horizontit të “standardit” që u jepet në shkolla, nuk pajisen me mjetin gjuhësor të domosdoshëm për t’u ushqyer tek gurra e eposit të veriut, tek përrallat kombëtare, tek thesari i revistave kulturore të Shkodrës së fillimshekullit XX, tek përshkrimi i dokeve e zakoneve të mbledhura me mund e me djersë, pa asnjë fond qeveritar, nga priftërinj që, duke mos pasur një Rami që t’u thoshte: “Dom, merru me grigjën tënde!”, kanë shkuar këmbëzbathur maleve e luginave të veriut të Shqipërisë, për të dëgjuar drejtpërdrejt nga goja e malësorëve kumtet kombëtare shqiptare që vijnë prej thellësisë së shekujve.

Një i ri i dalë nga shkollat e sotme shqipe nuk e lexon dot Eposin e Kreshnikëve, as epikën apo satirën e Fishtës në Korçë, siç lexon një tjetër lirikën e Poradecit në Kukës; nuk e shijon prozën e Koliqit në Vlorë, siç shijon një tjetër prozën e Kutelit në Shkodër; nuk e përtyp vargun e Camajt në Gjirokastër, siç rrok një tjetër rimën e Nolit në Lezhë; nuk pasurohet me analizat e thella filozofike të Arapit në Fier, siç mund të pëndritet një tjetër me thellimet e Merxhanit në Pukë. Kjo nuk ndodh për faj as të gegnishtes, as të toskërishtes, por për faj të rojtarëve fanatikë të një “standardi” gjuhësor që është ndëshkues për fëmijët tanë, sepse ua bën gati të pamundur sot, në “demokraci”, qasjen ndaj letërsisë gege, që ishte e ndaluar nën diktaturë. Fondi letrar shqiptar nuk ka një begati të tillë që t’i lejojë këta “akademikë” të kryejnë një akt të tillë përjashtues, me pretekstin e leckosur të “standardit” gjuhësor si mjet i domosdoshëm për bashkimin kombëtar. Bashkimi kombëtar gjendet në shpirtin e gjuhës e jo në germën e saj. Një gjuhë e ngurtësuar në “standard” rrezikon të japë shpirt nën dhunën e rojes së saj pretoriane (kolegjit të “akademikëve”) e ta lërë këtë të fundit, por edhe të tjerë, me një golle në dorë.

Nëse ndonjëherë do të shtrohet çështja e edukimit në Shqipëri, pra çështja e arsimit publik si instrument i pazëvendësueshëm për një rilindje, do të shtrohej keq po të shtrohej pa çështjen e “standardit”. Edhe për këtë gjë, si për shumë gjëra të tjera, po lajmë duart e po ia lëmë historisë të tregojë si do të shkojnë punët. Në hapësirën e historisë që shtrihet përballë kombit shqiptar si mundësi e kristalizimit të gjuhës në një proces të përgjithshëm të lartësimit shpirtëror e mendor të shqiptarëve, era e mbart më lehtë se gjethin e thatë gjuhën pretoriane të “akademikut” që thotë: “Ne … jemi kundër përmbytjes së bazës së gjuhës standarde, edhe sikur qëndresa jonë të rrezikojë paqen e pajtimin me një grusht provincialësh që luftojnë për ‘gjuhën e mëhallës’”.

Mbasthanje – gegnisht

Në këtë “mëhallë” Ardian Ndreca as nuk ban eksperimente, as nuk asht i vetëm. Thjesht shkruen shqip. Forca e mendimit të tij shprehet aq qartë në gjuhën që ai shkruen, sa shprehet qartë mprehtësia e Ardian Vehbiut në gjuhën që ky i fundit shkruen. (Përmenda këta të dy se më erdhën të parët në mendje si shëmbëllesa të harmonisë së dikurshme të shkrimtarëve të veriut me shkrimtarët e jugut, edhe pse nuk e di a njihen e a kanë harmoni mes vedi Ndreca e Vehbiu). Nji gjuhtar i sertë, që e din se asht shërbtor e jo pronar i gjuhës, nuk do t’i quente kurrë eksperimente as shkrimet e Ardian Ndrecës, as librat e Zef Pllumit, as përsiatjet e Sami Repishtit, as artikujt e Willy Kamsit, vetëm pse nuk janë shkrue në “standard”. Përkundra, do t’i shqyrtote me vëmendje, për me mësue prej tyne. Do t’i linte të hapuna mundësitë e zhvillimeve të gjuhës, tue njoftë gjallninë e saj. Pra, Rami Memushaj, në gjykimin tim, nuk asht gjuhtar i sertë.

Çka asht, atëherë, Rami Memushaj e ata që ai përfaqëson?

Shëmbëllimi ma i parë që më vjen ndër mend asht ai i priftit. Rami Memushaj asht prift i një feje të re, që quhet “standard”. Kjo fe ka librat e vet të shejtë, që janë kodet gramatikore e drejtshkrimore të prodhueme si rrjedhojë e kongresit të 1972. Ka fjalorin e stërdalun boje të shqipes së sotme, të vetmin të llojit që kisha e tij akademike ka mundë me prodhue. Tue qenë “standardi” feja e tij e shejtë dhe e paprekshme e ai prift i saj, nuk po duem me luejtë me këto gjana të randsishme, prandaj po e lamë Dom Ramiun të qetë në shejtninë e priftënisë së tij gjuhësore.

Gjuhën shqipe e ruejtën nga harrimi i historisë ata që Dom Ramiu i quen “servilë”, pra priftënt e Zotit. Tash, Zoti e ruejtë gjuhën shqipe nga priftënt e saj të rij! Amen.

Mapo

Comments

Duhet dalluar ne artikullin e

Duhet dalluar ne artikullin e Memushaj teza themelore tij  lidhur me gjuhen standarte shqipe nga menyra se si i drejtohet Dom Gjergj Meta e cila eshte nje lloj zhargoni gazetarie ku fyhet Dom Meta sepse pati guximin qe te shprehte disa mendime, (nuk mund te mohohet fakti qe Memushaj mbart akoma nje ideologji qe e quan fene shkaketare te "demeve" te Shqiperise keto 100 vjetet e fundit"). Por esenca e artikullit te Memushaj eshte qe specialistet e gjuhes kane tagren per te diskutuar ne menyre shkencore evolucionin e saj  dhe standartet qe ka pasur apo duhet te kete ajo. Nje gje te tille shpreh edhe Vehbiu, i  cili thekson se nuk mund ta ndaloje kush dom Gjergjon per te shfaqur mendime per gjuhen, por i lihet vend specialistit per analize profesionale.Fakti qe nje klerik i nderuar ka perkthyer para 500 vjetesh biblen ne dialektin shkodran, nuk dmth se u jep te drejte gjithe eterve te nderuar fetare  te rikthejne shqipen ne kete dialekt. Sepse po te nisemi sipas ketij shembulli, njesoj egzistojne perkthime te bibbles (nga Noli) ne nje dialekt qe eshte shume afer atij  standarti i cili u vendos 60 vjet pas kongresit te Manastirit, ku ishte pranuar gjuha e Shqiperise se mesme si gjuhe "standarde" e asaj kohe. Dhe standarti i kongresit te 1979 ngaterohet kot me ideologjine e shtetit te asaj kohe. Ai standard u perqafua pa hezitim edhe nga Kosova, te cilet shkruajne e flasin ne televizion pikerisht kete gjuhe standarte. Pikerisht kete ka parasysh Memushaj. Duke mos qene specialist per te shkruar shume thelle, une do te thoshja se gjuha shqipe, me ate standart qe sulmohet aq furishem nga disa dashnore "te mehallave" eshte ajo qe ka shkruar edhe Kadare qe aktualisht njihet nga bota e jashtme si shprehesi me i madh i vlerave artistike shqiptare, eshte gjuha qe ka shkruar Rexhep Qosja dhe qindra levrues te tjere te letersise se sotme. Prandaj shkurt mos luani me gjuhen standarte dhe nuk eshte nevoja te karakterizojme njeri tjetrin me lloj-lloj epitetesh-diskutohet ideja dhe jo personi-kjo vlen si per Memushaj ashtu edhe eterit klerike .

Sakte, por ne kronologji jane

Sakte, por ne kronologji jane te tilla, ku fillimisht eshte z. Meta qe me nje trajtese (mjaft arrogante dhe absolutiste,ne fakt) subjektive, akuzonte dhe zhvleresonte nje qendrim (te arsyetuar gjere, e prej shume individesh te kultivuar) deri diku konservativ per standartin...te mos harrojme qe kjo pale nuk eshte per ngrirjen e standartit, por keto gjera sqarohen kur nuk ka konflikte banale si keto. Pra gjithe kjo beteje niset nga nje shkak jo fort i denje; nje "analize" e Metes, ku opinionet denigruese perdoreshin si pjese arsyetimi, dhe nje pergjigje jo pak emotive e Memushajt, ku edhe ai e demtoi thelbin e arsyetimit duke u shprehur per gjera qe nuk jane argument, mbase.
Edhe ne shkrimin e ketij rasti, shoh qe zoteria ben te njejtin diskutim; merret me Memushajn aq shume, sa thua se eshte egzistenca e tij qe krijon padrejtesine e madhe mbi gjuhen kombetare...analiza shtese, per motivet dhe llojin e ndryshimit te standartit, nuk me duket bindese, dhe Stefani me siper shpjegon qarte (megjithese shkurt).

"I lihet vend specialistit

"I lihet vend specialistit per arsyetime profesionale"....Kush ishte me specialist se Cabej? Pse nuk u respektua mendimi i tij per "nje shqipe te mesme"? Kush ishte me specialist se Arshi Pipa? Sa i degjuan keta profesoret mendimet e tij? Sa specialist ishte Androkli Kostallari kur deklaronte se "rrjedha e gjuhes duhet te ndjeke rrjedhen e revolucionit"? Sa specialist eshte Rami Memushaj kur thote "ne shkencen e planifikimit gjuhesor gjuha shqipe ka hyre ne fazen e konsolidimit".Harron Rami se s'mund te kete konsolidim kur standarti vendoset mbi baza ideologjike marksiste dhe jo te shendosha.Harron Rami se planifikim gjuhesor nuk do te thote vetem hegjemoni te nje standarti por edhe pluralizem,edhe ringritje.Harron Rami se planifikimi gjuhesor vjen pas ideologjise gjuhesore dhe pikerisht kjo ideologji eshte e gabuar ne standartin e Kostallarit. Stefan mos na permend Qose Enveristin ketu e pranimin e tij te standartit.E dime si u be ky pranim.I dime votimet unanime per te miratuar "gjuhen e shtetit ame".E dime se çfare ishte kongresi i '68 ne Prishtine ku u pranua gjithçka pa asnje rezerve.S'mund te jete argument nje pranim pa debat. (!!!)

Shume i qarte dhe konciz.

shkrim shumë i bukur!! bile

shkrim shumë i bukur!!bile jashtëzakonisht!!tashti duhet të fillojmë linçimin e "priftërinjve" të standartit për të marrë hakun ndaj komunizmit!!tashti duhet të këthehemi në kohën e fishtës,ku ai si shqiptar i ditur punoi për të!!po mbajmë kongresin e manastirit,si të vetmin vënd ku shqiptarët u mblodhën bashkë dhe ranë dakord për alfabetin shqip,por që smundën të bëjnë dot më tepër!!ta zhdukim standartin sepse nuk mundi të "zëvëndësojë"gjuhën e përditshme të popullit(në të gjithë botën flitet në standart,dialektet i kanë haruar.po të shkosh nga siçilia italiane e deri në kiel-in gjerman,askush nuk flet dialekt)!tu heqim atë pak të drejtë kuksianëve dhe preshevarëve që kanë mundur të shijojnë vargjet e poradecit(një kontraditë e shkruesit për përvetsimin popullor të standartit),sepse nuk paskan pasur mundësi labët e sarandës a tepelenës për të shijua rfishtën e mjedën(në shkollë dhe në jetën normale i kemi lexuar e dëgjuar me kënaqësi)!dhe të këthehemi tek ajo shqipëri që duhet të përdorë gjuhë të huaj për tu kuptuar!!tek ajo shqipëri që megjithëse pati një numër të pa masë shqiptarësh që vendosën në perandorinë osmane,nuk mundi të kishte një shkollë të vetën në gjuhë shqip!tek ajo shqipëri ku seicili do të "jetë në tribunë" dhe të tjerët të parakalojnë para tij!tek ajo shqipëri që di vetëm të shkatërrojë atë që ka bërë tjetri,të shkatërrojë atë që nuk e kam bërë unë!!!është për të shkulur flokët kur mendon se për gjëra të tilla në kontinentin tonë nuk flitet prej 150-200 vjetësh,kurse ne me thikë në dhëmbë!!nuk e di o marian paloka nëse memushaj do të të këthejë përgjigje!?por po të të këthente mendoj se do të ishte një budallallëk i tij!një barazim me ty!!

Bashke me shperthimet e

Bashke me shperthimet e vdekesirave fashiste dhe sherbetoret e tyre kapelane te currufjasur nga lageshtia e koherave te qemoteshme edhe kjo dreq kohe na plasi me vapen e saj!Urrejtja e ca njerzve qe per te tjeret thone se hiqen pronare te gjuhes dhe vete cjerrin te gjitha vrimat e turpit te tyre per te trumbetuar te drejtat hyjnore mbi gjithecka, me ben ta urrej edhe me shume klerin super te shkerdhyer te te gjiha kohrave, Natyreisht qe ka pasur edhe kleriket te mire kudo ne bote por kjo nuk do te thote se historia njerzore nuk eshte e mbushur me krimet e tyre te shemtuara.  Paloka mund te lexoje shume per fene por nuk eshte e ndershme qe ne fushat e krimit te te gjitha kryqezatavae me shpate dhe kryq, me libra te bukur fetare te shperndare me tanke, ky fare personaitetuci te mbledhe vetem xhevahiret e zbukurimit te thikave te helmatisura te klerit mashtrues!

Ne rast se do te perdornim

Ne rast se do te perdornim gjuhen e autorit Paloka, mund ta quanim pa frike shkrimin e tij nje shkarravine ideologjike, pa argumente te nevojshme shkencore. Sigurisht ai nuk ka nevoje t'i mare njeriu leje per te shkruar, por mund te jete me i matur. Reagimi i Memushajt u nxit nga nje shkarje e Dom Gj. Metes, i cili ne thelb, duke u mbeshtur (edhe sot pas mese 20 vjetesh?!) ne etiketimin si komuniste e shkerbej te rilindur apo ne pritje per te rilindur te profesoreve te nderuar Frasheri, Bulo e Memushaj meton te inkurajoje mosreformimin e Akademise se Shkencave dhe me tej akoma mosnderprerjen e perpjekjeve te hapura apo te fshehta per te ndryshuar bazen e standardit. Per kete shpreson edhe tek maxhoranca e re, ne perberjen e se ciles sic thote eshte edhe Ledi Shamku. Pra i kritikon profesoret si komuniste pse nuk pranojne ndryshimin e bazes se standardit e nga ana tjeter kerkon nbeshtetjen e politikes per te realizuar ndryshimin qe ai kerkon. Nga te gjithe pranohet qe standardi eshte dhe duhet te jete vazhdimisht ne persosje, por sic veren me te drejte Vehbiu kjo persosje nuk kalon mes ndryshimeve te qurra ne qyrre etj. te kesaj natyre, por ne forcimin e mesimdhenies ne shkolle e me gjere.

Me sa di une ne jemi nje

Me sa di une ne jemi nje shtet laik dhe si i tille as nje fe nuk ka te drejte te flase per ceshtje shteterore, si standarti i shqipes. Aq me teper se sikunder ve ne dukje edhe prof. Ardian Vehbiu, ne shkrim te tij te koheve te fundit, vete Vatikani, si organ suprem i fese katolike ne bote, udhezon predikimin e fese katolike ne gjuhen standarte te cdo vendi. Po me sa duket ky prifti yne, nuk u vika veshin as eproreve te tij?!!! Shqipja si cdo gjuhe tjeter, ka pasur historine e vet te zhvillimit qe nga meshari i Gjon Buzukut e deri ne ditet tona dhe askush nuk e mohon kontributin e  fese katolike ne kete drejtim. Por gjithsesi ne zig-zaket e rruges se saj, nga fillesat e saj deri ne standartin e sotem, duhet njohur kontributi i pamohueshem i te gjithe shqiptareve, kush me shume e kush me pak. Rishikimi i standartit te nje gjuhe eshte nje fenomen i njohur edhe per gjuhe te tjera si anglishtja, frengjishtja, etj.  ku sic dihet ato shkruhen ndryshe e shqiptohen ndryshe, por edhe ata e konsideruan nje ndermarrje shume te veshtire, duke pasur parasysh se do tu duhej te linin ne harrese, per brezat e tyre te ardhshem, nje trashegimi te shkruar shume te pasur te historise se tyre.  Viti 1972, me kontributin e profesoreve nga te gjitha trevat shqipfolese, kristalizoi variantin e standartit te sotem, si me te pershtatshmin per gjuhen shqipe. Dhe qysh nga ajo kohe kane kaluar gati 4o vjet. Pra nje kohe relativisht e gjate, ne te cilen kane mesuar shume breza. Jam dakort qe krijimet me te bukura te poeteve e shkrimtareve tane ne gegerisht, patjeter te pasqyrohen e te mesohen ne tekstet letrare ne shkollat tona, si nje pasuri e pamohueshme e shqipes, gjithsesi nxenesit tane duhet ti permbahen standartit te shqipes, sikunder bejne sot shume vende te zhvilluara. Ne kushtet e hapjes se sotme dhe te globalizmit, gjuhetareve shqiptare, u duhet te perballen me fenomene te tjera te huazimeve apo tendenca te shformimeve ndonjehere skandaloze te struktures sintaksore te shqipes, sidomos ne fushen pa kritere te perkthimeve nga gjuhet e tjera, ku shqipja e disa prej ketyre autoreve te duket si gjuhe e huaj, ku ende nuk ka nje norme gjuhesore te njojtur nga Akademia e Shkencave mbi perkthimin e emrave te pervecem ne shqipe, ku shpesh here ata nuk marrin nje mbarese, sipas lakimit dhe normave te shqipes standarte, dhe ku te duket se dicka e paperfunduar dhe e pakuptimte te ngelet ne tru e ne ndergjejgje.  Keto e probleme te tilla te ngjashme le te shohin gjuhetaret e rinj sot, e te mos fshihen pas titujve e gradave te marra, por te gjejne guximin dhe argumentimin shkencor, per tu dhene pergjigjen e duhur problemeve qe kerkon koha prej tyre. Dhe per kete le ti degjojne me shume vemendje, kritikat dhe sygjerimet e prof. Memushit dhe kolegeve si ai, dhe sebashku le te perpiqen e ti japin zgjidhjen me te mire per standartin e shqipes se sotme!

Me pelqeu shume komenti juaj.

Me pelqeu shume komenti juaj.  Mendoj se shkon pertej ceshtjeve donkishoteske - (si ta ndryshojme standardin apo jo, te perdorim dilektin geg apo toske, te perdorim gegerishten se asaj i eshte bere nje e padrejte ne 1972-in, e keshtu me rradhe) - qe trajtojne nje pjese e analisteve /mendimtareve/shkrimtareve.  Komenti juaj pershkruan mjaft qarte problemet me te cilat ndeshet gjuha jone sot.  Une besoj se nqs. tani nuk do te bejme dicka per gjuhen tone, sidomos ne lidhje me huazimet sintaksore e morfologjike dhe ndikimet e tyre ne gjuhen tone, mbas dhjete viteve do te flasim nje shqipo-esperanto.

Me sa di une ne jemi nje

Me sa di une ne jemi nje shtet laik dhe si i tille as nje fe nuk ka te drejte te flase per ceshtje shteterore, si standarti i shqipes.Meri, gjuha eshte ceshtje e te gjithe shqiptareve brenda dhe jashte vendit, katolike, myslimane, ortodokse, gege, toske profesore apo punetore. Cdo perdorues i gjuhes shqipe ka te drejte te jape mendimin e tij sigurisht jo nga pozitat e nje gjuhetari i cili ka si objektiv analizen, katalogimin, sistemimin apo rregullimin e gjuhes. Nese mund te bej nje shembull praktik mund t'a krahasoj punen e gjuhetarit me ate te policit rrugor qe drejton trafikun (gjuhen) per te evituar kaosin ne qytet. Gjuha nuk eshte prone e shtetit por e te gjitheve ne qe e flasim e pasurojme apo e shtremberojme ate.Mos u merr me Vatikan a zbatim urdhrash se me dukesh si ato brigadieret e NB-ve dikur! Rishikimi i standartit te nje gjuhe eshte nje fenomen i njohur edhe per gjuhe te tjera si anglishtja, frengjishtja, etj.  ku sic dihet ato shkruhen ndryshe e shqiptohen ndryshe, por edhe ata e konsideruan nje ndermarrje shume te veshtire, duke pasur parasysh se do tu duhej te linin ne harrese, per brezat e tyre te ardhshem, nje trashegimi te shkruar shume te pasur te historise se tyre.A e di perse ne anglisht  apo ne frengjisht kemi ato ndryshimet midis gjuhes se shkruar dhe asaj te folur ?Cfare do te thuash me rishikimin e standardid si fenomen i njohur per anglishten?Cfare do te thote "edhe ata e konsideruan nje nderrmarrje shume te veshtire..." ?A  e ke studiuar historine e gjuhes angleze?Pasi lexova postimin tend me le pershtypjen e nje personi qe reciton permendsh pa u thelluar apo pa menduar ato qe shkruan.

Po mire o Z.Gjon , kush na

Po mire o Z.Gjon , kush na qenke ti qe paske te drejten hyjnore ne cdo gje, ndersa te tjeret kur s'te pelqejne na i konsideroke brigadiere, bujkrober apo ku e di une se cfare?!!!! Nese ke deshire te dish me shume lidhur me iniciativat anglezeve, francezeve apo te tjereve,  ka plot informacion ne internet lidhur me ceshtjet e historise se gjuheve perkatese, mqs qenke nje njohes i thelle i ceshtjeve gjuhesore!! Ata u perpoqen ti thjeshtonin gjuhet e tyre, pas nje kohe shume te gjate te perdorimit te standartit te tyre, por hoqen dore prej kesaj gjeje, duke pare se do tu duhej te linin ne harrese nje pasuri te madhe kulturore  te trashegimise shkrimore te gjuhes se tyre! Nisur nga ky fakt mendoj se mund te behet nje paralelizem, me problemin qe po diskutohet. Besoj se jeni dakort, qe ato jane dy nga gjuhet me te folura sot ne bote?!!  Ne nuk kemi nevoje ti rikthehemi standartit tone, por te perpiqemi ta mbrojme ate nga ererat e forta te globalizmit! Se nese do te vazhdojme keshtu, me diskutime nostalgjike, ne vend te heqim vetullat do nxjerrim syte! Gjuha standarte e Kadarese, ia ka dale  te percoje me se miri, shpirtin dhe kulturen shqiptare ne gjithe boten!

Meri, ate qe ti quan "te

Meri,ate qe ti quan "te drejte hyjnore" une e quaj dialektike. Ti i jep te drejten vetes qe te kritikosh te tjeret por ama hidherohesh kur pastaj behesh ti objekt i kritikes. Keto jane rregullat e lojes online, sigurisht brenda limiteve te etikes dhe te edukates qytetare.Jam marre me studimin e gjuhes dhe te letersise angleze per nje kohe te gjate, pikerisht per kete arsye  te bera  ato pyetje ne postimin tim te meparshem. Ne thelb qendrimi i gjuhetareve angleze me standardin  nuk ka qene nderhyres por pershkrues e nese shqipja do te kishte ndjekur shembullin e anglishtes atehere me te vertete gegnishtja (kryesisht shkodranishtja si ajo me levruara) do te  te ishte perfaqesuar mese denjesisht ne gjuhen standard dhe nuk do te gjendeshim ne kete situate gjuhesore ku edhe vete komentuesit ,mbrojtes te flakte standardit, nuk e njohin ate.

Gjon, une e njoh mjaft mire

Gjon,une e njoh mjaft mire standartin e shqipes, madje edhe te gjuheve te tjera, prandaj edhe kam debatuar. Por me sa duket kemi pikepamje te ndryshme ne lidhje me kete ceshtje. Mua sinqerisht me vjen keq, se perse per kete problem nuk flasin e prononcohen publikisht gjeneratat e reja te profesoreve  te gjuhes shqipe te katedrave universitare shqiptare, apo akademikeve te vertet shqiptare, te presupozuar si me kompetentet e fushes dhe ata qe duhet te thone fjalen e fundit, por na duhet ne te tjereve,  te flasim e te debatojme rreth saj! Ndoshta sepse ne e duam me shume gjuhen tone te bukur shqipe, pamvaresisht mendimeve disa here jo konverguese. Gjithsesi une i mbetem mendimit tim!

Meri , te gjithe

Meri ,te gjithe intelektualet qe kane nje opinion te tyren personal dhe shkencor , nuk pronocohen ne nje teme te tille sepse ne kete teme jane perzier fort qarqet antishqiptare ! Eshte sulmi i tyre i organizuar kjo pune ! Po te veresh "rruget" nga vjen kjo hordhi , jo rastesisht jane pjesa antishqiptare e Kishes katolike (qarqe jashte Shqiperise me ushtare brenda saj ) dhe Beogradi !Intelektualet e dine shume mire se ndikimi i ketyre qarqeve ne politiken shqiptare , eshte shume i madh dhe politikanet shqiptare jane zgjadhur po nga keto qarqe ! Prova kryesore , per kete , eshte gjendja e Shqiperise sot , megjithese eshte vendi me me pasuri natyrore se shumica e vendeve ne Europe dhe me nje popullsi sa nje qytet europian ! Keshtu qe ata , intelektualet , rrezikojne si punen dhe karrieren e tyre ! Kete e dine mire fare ata , se kot nuk jane te ditur !Per ta bere ceshtjen me natyre poltike , keta djallezore (qarqet antishqiptare ) i veshin temes "argumentin" e "gjuhes komuniste" duke cilesuar standartin !Nen kete lloj diktature , asnje intelektual i ri , nuk do te shkaterronte karriren e tij ! Kete e dine mire edhe keto qarqe antishqiptare , sepse e kane lluksin te standartizojne sulmin e tyre ! Nderkohe qe te tjeteret vendosen nga "diktatura antishqiptare" nen pamundesine e shprehjes se lire te mendimit te tyre !Kaq e thjeshte eshte , ose me duket mua !

Meri, kush te tha qe feja e

Meri, kush te tha qe feja e paska te ndaluar te flase per ceshtje gjuhesore ???? hahahhahahahahhahahaha  Sipas teje nuk paska lirine e shprehjes ??? Pjesen tjeter te komentit nuk munda ta lexoja, pas dy rreshtave te pare.

Autori argumenton me force qe

Autori argumenton me force qe gjuha shqipe ka mbijetuar fale priftrinjve dhe tradites katolike e cila e ka shkruajtur kete gjuhe. Fakte keto qe nuk mund te hidhen poshte. Te gjitha diskutimet e tjera jane thjesht pa vlere qe shmagin thelbin e ceshtjes.  BRAVO DOM MARJANI !!!

"Autori argumenton me force

"Autori argumenton me force qe gjuha shqipe ka mbijetuar fale priftrinjve dhe tradites katolike e cila e ka shkruajtur kete gjuhe."mos mor mos!!o triple X,si ta merr mëndja që "hajduti nuk ka faj fare"??se ta merr mëndja në ato zona që nuk ka pasur priftërinj katolik dhe katoliçizëm njerzit flisnin ndonjë gjuhë tjetër??të mos harrojmë o triple X se mund të bëjmë një lloj interpretimi të thjeshtë se para mejdës e fishtës që janë klerikë me veprimtari letrare të pastër shqiptare të tjerët janë mjaftuar vetëm në predikimin ee fesë!!për leverdinë tonë si shqiptar ata kanë shkruar në shqip!është e vërtetë se është meritë e tyre shkrimi,por jo mbijetesa e shqipes!mbijetesa e shqipes është meritë e shqiptarëve!kudo që janë!!prandaj mendoje atë që thua!!ata kanë pjesën e tyre në mbijetesën e saj dhe jashtëzakonisht meritë për shkrimin e hershëm të saj,por jo vetëm falë tyre ka mbijetuar!!

Kam pershtypjen se kur shkaku

Kam pershtypjen se kur shkaku nuk ekziston,do dalin patjeter debatçinj qe ta shpikin ate.Ok,i pari shkrim shqip eshte formula e pagezimit e Pal Engjellit,kryepeshkop i Durresit,por kjo nuk do te thote qe shqipja(e folura)paska qene luks prifterinjsh.Gjersa nuk ka burim tjeter te zbuluar,natyrisht qe i referohemi kesaj formule pagezimi,por"fajin"pse nuk kemi gjetur referte me te hershme e kane arkeologet,qe shpresojme se mund te sjellin fakte me te bindshme te shqipes se vjeter.Ku qendron"problemi"i shqipes standarte?Eshte e keqe,e hidhur,e"zhavorte"apo si?Gjersa Lazgushi ka ditur te beje muzike me versionin e perafert te standartes,atehere me duket se nuk eshte problem embelsie,siç edhe Naim Frasheri e diktonte,sa te mire dhe sa te embel.Thelbi i debatit qendron nese duhet ndryshuar gjuha e standartizuar,jo sepse"kundershtaret,jugoret,komunistat,etj"mohojne ekzistencen e gegerishtes ose kane nxjerre ndonje kurth per ta zhdukur ate.Gjithmone pionieret e debatit jane krahinore te Veriut,qe gjejne andej-kendej vjershat e bukura te Fishtes,dhe sipas tyre,mohimi i gegerishtes si bazament i gjuhes standarte paska qene komplot jugoresh,komunistesh,kolonjaresh,e ku di une.E kote te rihedhesh ne mes te debatit formulen e faktit te kryer;dmth kjo u vendos nje here,kaluan kaq dekada,pak a shume ne shqipot arrijme te merremi vesh ne nje gjuhe uniforme,pavaresisht dialekteve.Joooo,pionieret e debatit nuk mjaftohen vetem me debatin teorik,qe dmth gegerishtja kishte me shume arsye,me shume"histori" mbi vete,qe dikur ne Manastir e me vone ne Tirane,mund te rezultonte me e pranueshme.Nuk mjaftohen me kaq,sepse ata duan ndryshimin;ky eshte nje debat qe e shoh ne web,biles ka inisiativa per Kongres te ri gjuhe,etj.Pare ne kete pike,desha te ironizoj prifterinjte-gjuhetare,qe nese para 5-6 shekujsh ishin kaq te vyer,sepse Arberise i kishte humbur fara,sot,pas 5-6 shekujsh,shyqyr zotit,kemi shkolla dhe universitete dhe profesore te pergatitur,qe debate elementare te ketij lloji dine t'i zoterojne me autoritet.Nuk kam gje me priftin Gjergj Meta,madje e kam lexuar me deshire dhe do ta lexoj gjithmone ne temat qe prek,por ne kete debatin per gjuhen mendoj se nuk mjafton te kesh deshiren e mire te mbrosh nje teze,duhet t'a zoteriosh kete fushe,dhe eshte shume e veshtire.Se fundi,kete e kam per dashamiresit veriore,nuk eshte kaq e thjeshte te likujdojne Jugun e Shqiperise,si shpikje e Enver Hoxhes dhe komunisteve;Jugu eshte miniere antikiteti,Berati eshte me i vjeter nga Shkodra,dhe patjeter germime arkeologjike nuk do vonojne te dalin ne siperfaqe.

një shkrimtar,poet që të ketë

një shkrimtar,poet që të ketë sukses dhe që të shprehet në mënyrën më të përsosur duhet të shkruajë në gjuhën e nënës!!thjesht në dialekt(rraste të rralla kur një nënë mund të flasë një standart të pastër)!POOOOR kjo ka vlerë vetëm në vëndin e tij,ky shkrimtar a poet mund të ketë 1000/1000 kuptim,shijohet vetëm nga folësit dhe njohësit e dialektit të tij!sapo të largohemi pak,atëherë fillon e bie shija!!dhe dialektet më të afërta nuk janë aq të kuptueshëm sa ai i shkrimit!!këtu na del problemi tjetër më i madh!!një përhapje botërore e këtij shkrimtari,poeti!?mos vallë po të përkëthejmë fishtën dhe mjedën,poradecin dhe çajupin,në një shkodranishte të italisë a poradecare e gjirokastrite të saj???ja merr mëndja dikujt se në përkëthimet në gjuhë të huaja gjëndet dialekti i njëjtë për të përkëthyer apo përkëthehet në standart!!mos vallë ne kemi përkëthyer shekspirin në dialekt??mos vallë savianos në përkëthimin  egomorrës së tij të shkruar në napolitançe ne duhet ti gjejmë një "napolitançe "shqiptare"?dhe mund të bëhet,por do të ishte i lexueshëm në atë zonë dialektale!gjëja që bën përshtypje është përdorimi i njerzve të mëdhenj fetarë a jo që u përpoqën të bënin shqipen,nga njerëz që duan ta çbëjnë atë!!kjo është një ironi e fatit të shqiptarit!!përçarësi përdor si mburojë si arsyetim fakte dhe njerëz që kanë punuar për bashkim!!kështu është dhe kjo tufë përçarësish,përdor emrin e fishtës dhe gurakuqit për të çbërë atë që ata filluan të bënin!!!

RP, Ti qe ke lexuar

RP,Ti qe ke lexuar Schmitt-in dhe qe shpreh me pak se sa kupton e do shembuj praktike, a ke lexuar ndonje studim te ketyre klerikeve qe i ke zet, a e di se cfare kane shkruar per gjuhen shqipe, cfare studimesh kane bere? A e di se cfare respekti e fryme bashkepunimi ka pasur  Prof. Cabej me ta? A e di se kush e solli te fotokopjuar nga Vatikani Mesharin e Gjon Buzukut?Thua me te vertete te kene qene kaq inatcinj keta me jugoret e me gjuhen shqipe.

gjon askush nuk i mohon të

gjonaskush nuk i mohon të drejtat,meritat klerit katolik shqiptar,por që të jemi brënda 100% e pastër nuk ka qënë!si çdo gjë tjetër në botë!!ashtu si ti po marr vetëm të mirat e tij!!po të këthehemi në orgjinën e këtij diskutimi,që po këthehet në një rrast rrugësh "u vra për një pasqyrë makine"!!memushaj,frashëri e bulo kërkonnin nga maxhoranca e re një rilindje të akademisë së shkencave!!ridhënjen e vëndit që ajo meriton dhe ka pasur!të kundërtën e asaj që ka ndodhur pas '90ës!!ai nuk kërkoi gjë më tepër!!përmëndi disa suksese të saj,që sado të vogla që ishin janë shumë më tepër se ajo që është bërë më pas.ASGJË!!këtu fillon sherri pas "thyerjes së pasqyrës",të asaj gjëje pa vlerë!të atij sebepi,"casus beli"për të futur,rifutur në lojë "ribërjen e standartit",e them në thonjza për të mos thënë shkatërrimin e tij!!këtu hyn në lojë gjergj meta dhe e sulmon treshen akademike!!përse!del pyetja për mua!mos vallë kanë prirje krahinore,si thotë memushaj??mos vallë i ka ndaluar njeri të shprehen në dialektet e tyre,sidomos pas'90ës??mos vallë i ka ndaluar kush që të predikojnë në dialekt,pavarsisht se qëndra e tyre vatikani propozon standartin??mos vallë i ka hyrë njeri në shtëpi dhe i ka thënë të mos flasësh në dialekt??jo gjon!!standarti është gjuha e shqipove dhe e shtetit!e shqipove për tu marrë vesh mes tyre dhe e shtetit për të kuptuar të gjithë!!në shtëpi,fshat e krahinë fol çtë duash, shkruaj si të duash!bile fol çtë duash  e shkruaj çtë duash,deri sa të të kuptojnë,deri sa të të lexojnë!!gjon nqs akademia shqiptare do të kishte pasur të njëjtën ngritje deri në '90ën,sot nuk  do të kishte nevojë që meta të kërcente si gjel,por ndoshta do të ishte pjesë e saj!!sot ndoshta të gjithë mangäsitë e standartit do të ishin riparuar!por nuk ka një gjë  të tillë,sepse e shkatërrua!u sabotua!sot nuk kemi një mendim të përbashkët shqiptar,por kemi një mori mendimesh kontradiktore!!nuk kemi një hecje përpara,por pas!!megjithëse sot kemi momentin më të mirë për kombin,ne jemi më të përçarë se kurrë!!deri dje ishim vetëm shqiptarë,sot u bëmë të krishterë e myslymanë,gegë e toskë,komb kosovar dhe komb iliridas!!nesër do të fillojmë e të kërkojmë një qytet a ndonjë katun për ta bërë kryeqytet,sepse kur u bë tirana gjysma e shqipërisë nuk u pyet!!në vënd që të bashkojmë mendimet dhe të mendojmë se si të zgjighim problemin e veriut të kosovës,në vënd që të paktën të realizojmë vedimet e marveshjes së ohrit,në vënd që të lidhim me fije më të fuqishme shqiptarët e malit të zi,në vënd që të flasim në një gjuhë për çamërinë,ne duam të shkatërrojmë dhe atë gjë të saktë që na ka mbetur nga diktatura!!megjithatë gjon,ne të jugut,toskët, u treguam më të ashpër me diktaturën dhe atë që ajo bëri!!shkatërruam të gjitha fabrikat dhe uzinat komuniste,bile premë dhe tërë agrumet komuniste,na ka mbetur vetëm nafta!!pas pak do të shkatërrojmë uzinën komuniste të ballshit e më pas do të bllokojmë dhe puset e naftës!për ju gegët nuk di çtë them!me gjithë urrejtjen e madhe nuk është se keni shkatërruar shumë,përveç ndihmës së madhe që na keni dhënë neve,nuk keni shkatërruar shumë nga komunizmi!!tërë hidroçntralet po i mbani fort,pavarsisht përmbytjeve,minierat po ashtu,pavarsisht punës mesjetare në to!!gjon kjo e fundit ishte për humor!!jo për ofendim!!ishte për të thënë të ndërtojmë mbi bazën e të mëparshmit dhe jo tia fillojmë gjithnjë nga fillimi!!është tmerr gjon,ky lloj mendimi na ka bërë që ne të mos kemi asgjë më të vjetër se 50 vjet(përveç kështjellve në rënim e sipër)!!kur të tjerët i kanë mijra vjeçare!kur ne shkatërrojmë paraardhësin të tjerët vazhdojnë atë që ai ka filluar!!përshëndetje

anticensure, po i ben

anticensure,po i ben konceptet pershesh si ne kete ashtu edhe ne postimin tend te meparshem mbi perkthimet ne dialekte te veprave te gjuheve te huaja. Me vjen keq por une mendoj se e kam shprehur qarte pikpamjen time dhe eshte e kote te vazhdohet duke u ngaterruar ne nje corbe politiko-historiko gjuhesore.po te bej te njejten pyetje si RP-se, a ke lexuar ti ndonje gje nga studimet e klerikeve katolike mbi gjuhen shqipe?A ka botuar ndonjehere Akademia Shqiptare gjate diktatures ndonje gje prej tyre apo urdhrat e PPSH-se dhe te komandantit nuk e lejonin. A mund te flitet per nje zhvillim normal studimor ne nje situate te tille?Jam dakord qe pas viteve '90 nuk eshte bere asgje e mire per gjuhen por reagimi per rivleresimin e gegnishtes eshte mese i shpjegueshem pas gjysem shekulli persekutim. jam i bindur se te gjithe keta komentuesit qe shkruajne me kaq urrejtje, nuk kane lexuar asgje nga letersia e elites shkodrane, pra reagojne si majmunet ne ate skenen e hapjes se filmit "2001: A Space Odyssey" te drejtuar nga Stanley Kubrick.Me vjen keq por nuk ka kercyer Meta si gjel por Memushaj si ujk duke dale teper krahinor dhe aspak profesional. p. s. shkruhet "casus belli"

flm për belli!nuk e dija deri

flm për belli!nuk e dija deri më sot!!nga poetët "katolik",kam lexuar,kurse për gjuhën veçanërisht,jo!nuk është fusha time!!diskutimet i kam bërë në princip dhe jo si një profesionist!e kam thënë dhe herë tjetër!!persekutimi që i është bërë priftërinjve katolik është i vërtetë,por që nuk mund të çbëhet!nuk kemi pasur një studim 100% normal në atë periudhë,por sido që të vijë 100% nuk do të ketë asnjëherë!!dikosh do të ndikojë më fort!!mendoj se po të ishte në funksion të rregullt akademia dhe degët e saj gjuhësia në rastin tonë,nuk do të kishte nevojë të "rivlersohej gegërishtja shkodrane"por do të ishte riparuar mangësia e standartit!!gjuha shqipe nuk ka nevojë për ri vlerësim por për vlerësim!!gegërishtja në tërësi duhet të zërë vëndin e saj në gjuhë,por aspak si e kërkon ti!!gegërishtja e shkodrës nuk ka vlerë më të madhe se ajo e gjithë gegërishtes!!!ndoshta nuk mund të kuptohemi sepse kemi dy mendime të kundërta,pothuajse!!ti të mbyllur shumë, nga ish persekutimi i gegërishtes shkodrane!kurse unë të hapur pavarsisht se në të "njëtën masë" është "persekutuar"dhe labërishtja e lumit të vlorës,e cila kishte fatin ti përkiste toskërishtes dhe persekutimi të mos ishte aq i madh!!persekutimi i kaluar nuk do të thotë të marrim revansh sot!!nuk po zgjatem se mund tëpërsëris çorroditjen e mëparshme!!të rindërtosh akademinë nuk do të thot të biesh PPSHnë a PKSHnë!!është të kesh një mendim të njësuar shqiptar!!sa për kërcimin ndërmjet metës e memushajt jam në mëdyshje me mendimin tënd!!memushaj,frashëri dhe bulo iu drejtuan mazhorancës së re dhe jo metës!!asqë e përmëndnin klerin dhe aq më pak atë personalisht!!ps:vetëm gabimin tek "belli"kisha bërë në të tërë replikat me ty??sam merr mëndja,por po të jetë ai i vetmi do të thotë që qënkam i fortë në gramatikën shqipe!!;-)

meqe une qenkam "i mbyllur" e

meqe une qenkam "i mbyllur" e ti "i hapur" me cito ndonje veper te dialektit te lumit te Vlores apo te gegerishtes (pa ate shkodrane") qe te kete pasur njefare nivel levrimi letrar?Nuk iu futa gabimeve te tua drejtshkrimore (qortova vetem "casus belli" sepse eshte nje gabim qe e kam verejtur edhe tek shume te tjere perfshire edhe juriste) sepse mjaftonin gabimet e tua konceptuale.Ti arsyeton mbi vleren e dialektin ne rrafshin krahinor ndersa une po perpiqem te te shkruaj per te disaten here qe nuk po e bej kete sepse jam shkodran, por thjesht sepse ne kete dialekt eshte levruar shume letersi apo studime te disa fushave te tjera si ajo e gjuhesisee e nuk me rezulton qe te jete levruar me te njejtin intensitet ne nedialekte te tjera . p.s. edhe per arsye familjare nuk kam asgje me jugun pasi ime gjyshe vjen nga jugu dhe biles nga nje familje shume e njohur.

gjon e di që ke të

gjon e di që ke të drejtë!!është ashtu si thua ti!!ndosha ndryshe nga ti,unë nuk kam njeri me prejardhje nga veriu,e aq më pak nga një familje shumë e njohur!maksimumi më njohin vetëm katnarët e mi!dhe ata jo të gjithë,një pjesë kanë kohë që kanë shkuar në kurbet!!!eh sa qef do të kisha të isha pjestar i një familje shumë të njohur ska rëndësi se nga,të paktën do të më kishin mbetur citime të letërsisë shqiptare!ps: të thash që nuk ishte vetëm një "l"e bellit,por ndoshta cilësimi i saj të ngrë më shumë!tregon njohuritë e tua!gjon shpesh më ndodh të shkruaj dy ose më shumë gërma të njëta njëra pas tjetrës!!më shpëton,jam gagaç,më merret goja,për pasoj¨ndonjëher me merren dhe gishtat!!për të mos folur për "konceprualitetin"!!do të ishte histori e gjatë!!

Meqe e mbron standardin, te

Meqe e mbron standardin, te pakten respektoje ne te shkruar se perndryshe debatojme kot.

e shikoj që po debatojmë

e shikoj që po debatojmë kot,prandaj të dhash të drejtë!!

O Gjon,po kush po mohon

O Gjon,po kush po mohon vleren e prifterinjve?Po kush po thote qe nga Pal Engjelli e deri tek Ndre Mjeda kishin kunj me Jugun?Ky kunji me Jugun eshte pershesh i ketyre 20 viteve te fundit o zoteri,mos thuaj qe nuk eshte keshtu?Perkunder gjithe difekteve te socialkomunizmit te Enverit me shoke,ajo periudhe pati perpjekjet me te medha per te bashkuar realisht Veriun me Jugun,gjithe shqiptaret njeri me tjetrin.Pse,mire me vjen mua qe ne malesi kane filluar prape te vriten kanunçe per nje vije uji?Asnje vendimi ne bote nuk i mungon marzhi i gabimit;absolutja nuk ekziston,kjo ne lidhje me Kongresin e Drejteshkrimit.Biles,nqs verioret e kane hallin tek lashtesia e gjuhes gege,e kane gabim strategjik,pasi serbet erdhen ne shek.VI pas Krishtit,kurse fqinji jugor dominon antikitetin;sa mire do u vinte atyre te thoshin qe shqipja eventualisht gege demonstron se Jugu i Shqiperise nuk ka shume gjurme shqipeje.Po te kthejme kohen prapa ne histori,perandoria turke na dominoi duke futur nje pale kunder tjetres,Veriun kunder Jugut,mirditoret kunder himarjoteve,Bushatllinjte kunder Ali Pashes dhe anasjelltas.Pra,ne shqiptaret nuk kemi shume rrugezgjidhje;ose te merremi vesh me tolerance,ose te gjitha rruget e tjera çojne ne anarki.E theksoj edhe nje here,nese prifterinjte e 500 vjeteve me pare ishin te vyer,keta te sotmit me trajtimet e tyre  gjuhesore mund te jene te demshem.Ky eshte mendimi im.Pershendetje!

Çfarë kanë pësuar Gegët që me

Çfarë kanë pësuar Gegët që me një zjarëllëk të pa parë po bëjnë një zhurë kaq të madhe si për gjuhën dhe për ribërjen e historisë kush i ka penguar Gegët të shkruajnë në gjuhën e tyre dhe të bëjnë kumtesa për këtë por sa për gjuhën standarte është vendosur me një vendim kongresi dhe këtë kongres e kanë mbështetur të gjitha vilajetet Shqipëtare dhe në qoftë se Gegëve nuk ju pëlqen nuk kanë se çfarë të bëjnë por vetëm ta pranojnë. është si puna e asajë barsalete kur thonë se çfarë bëjnë Kinezët kur bie shi; e lënë të bjerë. prandaj Gegë të dashur merruni me një gjë që mund të japi prodhim dhe sa për standardin, keni ndonjë mendim se si mund ta përmirsojmë jepeni dhe po u mbështet, të aprovohet

".... por sa për gjuhën

".... por sa për gjuhën standarte është vendosur me një vendim kongresi dhe këtë kongres e kanë mbështetur..."  Enver Hoxha me Partine-shtet te mbeshtetun nga sigurimi i shtetit. Tamam kongres shkenctarsh !!!!!!

Ti ke cof o qyqar.. sa vjet

Ti ke cof o qyqar.. sa vjet ke qene mesues?

Nuk shtyhet jeta ne Australi

Nuk shtyhet jeta ne Australi i Paul. Je bere kaluar fondamentalistit. Vec mjekra te mungon.

Ti qe e mban veten per

Ti qe e mban veten per Tedesc,ke nje mllef me E.Hoxhen,se vetem ai ju nxori me shqelme jashte kufijve,pa shkelur kembe ushtari nga aleatet e kohes.Por mllefin me E.Hoxhen nuk duhet ta shfresh ndaj Kongresit te Drejtshkrimit te v.1972 ku perfaqsoheshin krejt trevat shqiptare,brenda e jashte kufijve te Shqiperise,kongres i cili mori vendimet perkatese historike.Jo nen masken e luftes se komunizmit te shpaloset flamuri i luftes kunder gjitheckaje eshte arritur ne ate kohe.Perndryshe bie ne pozitat dashakeqese te atyre qe duan te na percajne. Lexoni komentet e bera ne web dhe do te shihni se si eshte katandisur gjuha shqipe (e shkruar dhe e folur),kurse ju gjeni momentin me delikat per te care e percare shqiptaret.Ju nuk u pengon kush edhe po te botoni ne dialektin qe deshironi,por kam frike se ato libra do te mbeten ne librari me flete te paprera.

Une them te krijojme dy gjuhe

Une them te krijojme dy gjuhe standarte.Nje Gegerisht dhe tjetra Toskerisht.Ky do jete hapi i pare qe do na coje drejt evolimit perfundimtar dhe te qyteteruar ku cdo krahine do kete standartin e saj.Do jemi vendi i pare ne bote,me disa standarte gjuhesore te ndryshme.Madje,kjo me kalimin e kohes do zhvillohet edhe me shume duke percaktuar cdo fshat standartin e tij.Por si fillim te behen dy standarte dhe gjithsekush mban standartin e tij.Geget standartin Gege dhe Tosket standartin e tyre.Me tej Shkodranet te legjitimojne Shkodranishten si gjuhe te tyre standarte-zyrtare,Labet gjuhen Labce,Korcaret gjuhen e tyre etj.Pse te kemi nje standart te vetem??Eshte varferi kulturore shume e  madhe.Na duhen sa me shume standarte.Kur kemi sa me shume standarte eshte pasuri e mrekullueshme gjuhesore.Eshte nje Kopsht i vertete me shume lloj lulesh,ne vend qe te kemi vetem nje lule.Une mendoj duke qene Lab,se standarti i sotem i gjuhes Shqipe,me pershtatet shume pak.Une gjuhen e folur te perditshmen,e kam shume me te ndryshme nga kjo qe po shkruaj ne keto momente ne kete gazete.Shkodranet dhe kushdo tjeter,te beje c'fare te deshiroje.Ne do vendosim Labcen si gjuhe standarte tonen ne te gjithe Laberine,dhe nuk pranojme asnje standart tjeter.Duam te shkruajme gjuhen qe flasim,paveresisht se nuk do na i kuptoje askush 100%.Aq pune na prish.Madje,aq me mire qe nuk do na kuptojne.Rendesi ka qe ne Labet te kuptojme njeri-tjetrin.Pak pune na prish se Shkodranet apo Kosovaret nuk do na i kuptojne dot te gjitha fjalet qe do qitim nga gpja.Madje,une jam i mendimit se dhe alfabetet duhet te jene me shume se nje.Mundesisht gjithkush te kete alfabetin e tij.Jam i mendimit se mund te shpikim nga nje alfabet per cdo krahine te Shqiperise,per te pasuaruar Shqiperine nga ana kulturore me sa me shume alfabete.Perkatesisht per secilen gjuhe te folur.Kjo do me dukej nje arritje gjeniale.Sa bukur kur gjithsekush shkruan gjuhen e folur te krahines dhe fshatit te tij.Kjo eshte fantastike.Perhere e kam enderruar qe Krahina ime te kete alfabetin e saj dhe gjuhen e saj standarte.Alfabet dhe standart gjuhesor me vehte per Laberine.Fantastike.Jam dakort me artikullshkruesin.mendoj se artikullshkruesi eshte nje person gjenial.

o prifti katolik! per ne

o prifti katolik!per ne shqiptaret shqiperia eshte nga nishi ne preveze,ndersa per ju eshte nga mneli ne bushat.  ti do gjuhe per komunen tende,ndersa ne duam per shqiptarine. prandaj rezervohuni pak se shume rendesi i keni dhene vetes.

Si shume e zvogelove

Si shume e zvogelove Shqiperine o anonim, ajo shtrihet nga Danubi ne Dardanele dhe sipas te dhenave te fundit del se edhe vendet arabe dikur flisnin shqip. Madje  edhe me kufi Danubin ngelet jashte territorit nje pjese e rendesishme tej tij

Refuzimi ma i randsishem

Refuzimi ma i randsishem aktual i standardit vjen nga popullsia me shumice absolute muslimane e Kosoves pa te cilen sigurisht "shqiptaria jote" asht e manget o Anonimi i Kakavise e jo nga katoliket qe sigurisht kane shtrirje pertej boshtit Mnele-Bushat e kane ne gjuhen shqipe ate peshe qe hebrenjte kane ne shkencen e kulturen botnore.

1- "...Do jemi vendi i pare

1- "...Do jemi vendi i pare ne bote,me disa standarte gjuhesore te ndryshme..". Nuk asht e vertete qe do te ishim vendi i pare ne bote. Zvicra per shembull ka  kater gjuhe zyrtare, gjermanishten, frengjishten, italishten dhe romançen.2- Nuk kan qene HOXHALLART qe shkruen gjuhen shqipe, por kan qene pikrisht priftnit katolik qe e kan mbajte shkrimin dhe mesimin ne shkollat e tyne gjuhen shqipe, perveç qe kan qene studjuesit ma te vjeter dhe ma me vlere te kesaj gjuhe. Mbi studimet e tyne jane bazue brezat e mavonshem mbas viti 1944. Ja shkrimi i publikuem ne SHEKULLI mbi fjalorin e pare te dom Gjon Gazullit, i pushkatuem nga komunistet ne vfitin 1946. Ja artikulli i shkruem nga E.Demo ne gazeten SHEKULLI me daten 19.11.2005I pari fjalor krahinor tek ne e mbi te cilin u mbeshtet i pari fjalor normativ i shqipes, ai i ’54-ssheh ndriten e botimit ne mes te dhjetorit. “ Fjalori i Gazullit” shkelqen serish ““Fjalori i Gazullit” shkëlqen sërish. Studiuesja Ledi Shamku-Shkreli, në bashkëpunim me shtëpinë botuese “Çabej”, po përgatit botimin anastatik të “Fjalorth i ri” (fjalë të rralla të përdoruna në Veri të Shqipnisë), njohur në botën e filologëve si “Fjalori i Gazullit” e që mendohet të jetë në qarkullim në mesin e muajit dhjetor. Momenti që ky fjalor “i blatohet publikut të gjerë”, sikurse pohon Shamku-Shkreli, jo pa qëllim përkon me një jubile të dyfishtë: 600-vjetorin e lindjes se Gjergj Kastriot-Skënderbeut dhe 450-vjetorin e “Mesharit” të Gjon Buzukut, i njohur deri më sot si libri i parë në gjuhën shqipe.“Limfa e këtij fjalori gjallon në dy fjalorë të tjerë, pasardhës në kohë: në Fjalorin e ‘54-ës, sakur edhe në Fjalorthin e Benedikt Demës, botuar tash së mbrami”, thotë Shamku-Shkreli e cila është marrë drejtpërdrejtë edhe me botimin e vepërs madhore, fjalorit të parë normativ të shqipes, ai i vitit 1954 i hartuar nga Çabej, Domi, Cipo, Myderrizi e Krajni. Studiuesja pohon edhe njëherë se me këta fjalorë thuhet mirëfilli se që të dy mbështeten bindshëm mbi një tjetër fjalor, atë të dom Nikollë Gazullit “duke iu referuar këtij të fundit si një trualli fort të çmuar lëndor e shkencor. E nëse Fjalori i ’54-ës deri para botimit anastatik të tij vërtet kish nisur të merrte gjasat e një antikuari të vyer, por trajtat e tij ende shëmbëlleheshin në kujtesën kolektive, Fjalori i Gazullit ish tashmë një gojëdhanë e botës librore, një referencë e njegullt siglash: “G”., “Fjalorth i ri”, apo “Shkodër 1941”, të cilat shfaqeshin ndër punime erudite dhe e pështillnin më fort këtë fjalor me petkun e misterit. Universi Gazullian është një nga margaritarët më të çmuar të historisë dhe kulturës tonë kombëtare”. Dom Nikoll Gazulli (1891-1946), rreshtohet ndër dijetarët e spikatur të gjysmës së parë të këtij shekulli, më së shumti gjuhëtar. I shkolluar dhe ai në Insbruk si i vëllai Gjoni, i pajisur me kulturë gjermane, qe një shkencëtar me fizionomi të plotë, i vlerësuar dhe i mirëpritur në rrethet shkencore dhe intelektuale të viteve ‘30, me një vepër të shpërndarë në periodikët e kohës. Hartoi dy vepra origjinale leksikografike që i botoi në “Visaret e Kombit” dhe “Hylli i Dritës”, përkatësisht: “Fjalori i fjalëve të rralla të malësive veriore” dhe “Fjalori toponomastik”. Si leksikograf solli ndihmesë të shquar në gjuhësi. Nikoll Gazulli ishte i dhënë edhe pas folklorit dhe historisë,fusha në të cilat boton shkrime, këngë të moçme etj. Mblodhi dhe analizoi me seriozitet shkencor për vite me radhë me mijëra fjalë të rralla, shprehje frazeologjike, materiale onomastike (si: emra vendesh, lumenjsh, fisesh etj.), gojëdhëna, fakte historike, mitologjike etj., të cilat i përmblodhi në dy veprat e tij madhore “Fjalorth i ri” (fjalë të rralla të përdoruna në Veri të Shqipnisë), Tiranë, 1941, përfshirë në vargun “Visaret e kombit”, XI, (524 faqe me 4819 fjalë), dhe “Fjalori onomastik”, botuar pjesë-pjesë në revistën “Hylli i Dritës” nga nr. 2, fruer 1939, vjeti XV, f. 120-129 e gjer në nr. 9-12, 1943, f. 391-406 (shkronjat A-K), gjithsej 21 numra të revistës, në 173 faqe, (i papërfunduar).“Fjalorthi i ri” i Gazullit, së bashku me “Fjalorthin e ri, fjalë të rralla të përdoruna në Jug të Shqipnís”, Tiranë, 1941, (“Visaret e Kombit”, vëllim XII) të Pano Tases, janë të parët fjalorë krahinorë te ne.Artikull shkruesi E.Demo ven ne dukje ne menyre te kjart, dashamirse dhe me shume ndershmeni shkencore vlerat e medha te ketij shkenctari shqiptar me kulture te thedhe europiane, por nuk difton se pse vdiç Ai ne vitin 1946. Dom Nikoll Gazulli, nuk bani kompromis me Partizant siç bani prof. Çabej, por i qendroi besnik parimeve dhe kultures se Tij dhe per kete aresye “Partizant tane“ e pushkatuan nga te paret. Partizanet “ mendjeholle” e muarr vepren e Tija dhe dollen me fjalorin e “ Tyre “ te ’54-s.  .-.-.-.-.-.-.-Prandej o ju injoranta, trashigimtar te mbeturinave turke, antishqiptare, antikatolike (siç ju kan edukue hoxhallart), studjoni e mandej mund te flitni.

Paul, kater gjuhet e Zvicres

Paul,  kater gjuhet e Zvicres nuk jane dialekte te nje gjuhe. Ceshtja shtrohet ne se e folmja frengjishte psh e Gjeneves eshte si ajo e Parisit apo Marsejes, dmth frengjisht folesit e Zvicres apo Belgjikes kane te njejten gjuhe standarte me  me ata te Frances apo jo.

Ja ku e nxorri koken

Ja ku e nxorri koken injoranti tedeschi. Nuk duronte dot ma. E sumnd me durue ky emigrant i deformuar qe policia ja ka kontrollue dhe te pasmet. Tash Tedeschi po bnka filiozofi. Ik mlidh berrat more qyq. Figure e mjere, e manipuluar nga feja dhe padituria.

Komentuesja MERI thote: "Me

Komentuesja MERI thote: "Me sa di une ne jemi nje shtet laik dhe si i tille as nje fe nuk ka te drejte te flase per ceshtje shteterore, si standarti i shqipes...."Simbas "Merit" te jesh prift don te thote te mos keshe te drejtat e nji qytetari si te gjithe qytetart laik te Republikes. A nuk e kupton ky person se PRIFTI po flet per gjuhen shqipe, siç e kan ba tradicionalisht para ardhesit e tij, dhe nuk po lidhe besimin fetar me gramatiken?! INJORANCE qe te demoralizon kur shprehen mendime me njerz qe nuk kan as minimumin e logjikes. POr ketu ka shume komentues qe jane te mbarsun me urrejtjen turke antikatolike shqiptare. Pse nuk flitet per hoxhallart qe ishin (dhe vazhdojne te jene) pjella e pushtuesit turk-osman dhe vegla ma e flliqur e ketij pushtuesi, sepse keto hoxhallart mbeshtetshin shpirtnisht pushtuesin duke ia imponue shpirtnisht popullit te gjore shqiptar/europian mentalitetin arab-aziatik dhe duke mbeshtet sullatnet dhe pashallart turq-osman. TURP HISTORIK QE NUK SHLYHET.

Ky pseudo autor sebashku me

Ky pseudo autor sebashku me Primo Shllakun jane fondamentaliste fetare qe vejne ne plan te pare besimin e tyre. Nuk jane njerez te civilizuar. Keta perdorin tendencat e tyre krahinore dhe iperpiqen ti transmetojne si standart vlerash. Por nuk jane. Jane shpellare qe dine te shkruajne.

Une jam "maloku".Une jam

Une jam "maloku".Une jam "krahinoristi".Une jam "fisnori,bajraktaristi,veriori".Une jam gjuhetari i mehalles.Une jam "i pagdhenduri,çeçeni,i trashi".Une jam ai qe ka nje letersi te gjere ne dialekt te vet.Une jam ai qe i dhashe ketij kombi gjysmen a me shume te figurave kombetare,historike,kulturore.Une jam ai te paret e te cilit e nisen kryengritjen qe u finalizua me pavaresine e ketij shteti.Dialekti im pagoi haraçin e nderprerjes se vazhdimesise se tij shekullore letrare.Une jam katoliku,klerikalisti,ai qe dha per kete popull e u demonizua.Une jam shkodrani i kultures.Une jam edhe malsori i races e i zakoneve.Jam edhe tropojani,edhe gjakovari,edhe mitrovicaku.Une jam ai qe perben gjysmen e ketij shteti e 3/4 e ketij kombi.Une jam ai qe doni s'doni jam pjese e ketij shteti.Dhe KERKOJ perfaqesim.Edhe perfaqesim gjuhesor.Deri kur ta merrni vesh ju qe kujtoni se krijimi i shtetit eshte perfaqesim,pranim i tjetrit e jo imponim une prape do vazhdoj te bertas.Ju frikacake te te mos marrit vesh kujtoni se kam semundjen tuaj te imponimit te dialektit tim mbi tuajin.S'e kam se ylli im polar Fishta s'e kishte.S'e kishte as Cabej.Une jam per drejtesi.

Mos mashtro. Diversioni

Mos mashtro.Diversioni kunder Standartit vjen vetem nga katolikocentristet e Shkodres.Shiko kush shkruan kunder Standartit dhe ke per te qene i qarte. Nuk ka ndonje prift ortodox apo hoxhe gege qe i bie me top Standartit si katoliket.Qe me 1968 e kane thene kosovaret : NJe komb, nje gjuhe !Keshtu si flasin e duan katolikecentristet Shqiperia do ndahet jo me dysh por me 22-sh.Hapni syte, qorra.

Lil.Nuk desha te merrem me ty

Lil.Nuk desha te merrem me ty por me quajte qorr dhe mashtrues.Madje edhe rrejte duke thene se katoliket e Shkodres jane te vetmit qe dalin kunder standartit.Si rrjedhoje sedra ime prej shpellari e perzier me dashurine time pa kushte me te verteten me ben qe te te pergjigjem. Po te jap pergjigje me disa pyetje.Ndoshta edhe ti e kupton absurdin e asaj qe the. Cilit urdher prifteror katolik i perkiste Arshi Pipa? Cilit sekt katolik shkodran i perkiste Eqrem Cabej i cili ishte per nje gjuhe standarte perfshirese te te dy dialekteve? Ne cilen lagje te Shkodres jeton Besim Bokshi? Te cila kishe katolike lutet Migjen Kelmendi?Po Mustafa Ibrahimi,Ethem Likaj,Wilfried Fiedler,Artan Haxhi,Tomor Osmani,Anila Omari,Shkumbin Munishi,Mimoza Kore,Julie May-Kolgjini? Pse nje musliman apo ortodoks geg nuk e paska problem mosperfaqesimin e dialektit te tij ne standart? Qenka kjo prerogative e katolikeve? Fakti se dy prifta katolike dalin ne mbrojtje te perfqesimit te gegnishtes ne standart e ben kete kauze katolike?! Lil.Mos ofendo dhe mos rrej!Mbi te gjitha mos rrej!Ofendimin e ha me buke une maloku i pagdhendur se me vjen nga interneti dhe s'me prek po rrena jote dezinformon ate lexuesin e rastesishem te komenteve.Krijon opinion pastaj ai.E ne baze te ketij opinioni mban qendrime.

Nji shkrim brilant ,

Nji shkrim brilant , replikues e me vlera njohse e të perndershmit Dom Marjan Paloka, por, nse na thojmë që; standardi i sotëm na qenka nji gjuhë " e bukur e madhështore", e jo e sëmundë randë, pothuej në koma, dhe se e folmja u dashka me mbrrijt tek standardi, mue më duket sa pa vend aq edhe e mangshme, shif', nuk ka kurrnjifarë avancimit standardi i sotëm, veper e partisë, (gjuha shqipe) prej ndikimit asilimilues të rotacionit, të perjashtimit të paskajores, të zhdukjes se leksikut dhe pergjithsisht të gegnishtes, ktu nuk bahet fjalë per me plotsue knaqsitë lexuese të veprave të letrarve jugor apo verior, fjala asht per dinjitet shkencor gjuhsor ku gjuha shqipe ( standardi) të ndihet gjallë në çdo qelizë të saj, e jo me paterica apo edhe me vdekje klinike të gjymtyrve, spo zgjatem, por nse dalloni me kujdes ku rreh Memush Rrappushi gjoja "akademik", fjalen e ka te baza e masakrimit të gjuhes shqipe, e që fillon me zhdukjen e paskajores, thembren e Akilit të standardit, vetem aty mos më prek, thotë skilja Mamush dhe noj tjeter me nji sy n'ballë..., pse, sepse nuk e ka tosknishtja, punë e madhe se nuk e ka , e ka gegnishtja more kas....vec, me i thanë , kush dreqi të ushqen ty per me e shkatrrue gjuhen shqipe , pa paskajore, e me e mbajt peng, pra të burgosun, edhe tash mbas njizetesa vjet mbas diktaturet, mendo se çfar mund të ndollte po t'i thuejsh anglezit, hiqe infinitive -in, ça kishte me t'ba, a kshtu duem me shkue në Europë, shikoni per kuriozitet se sa dhelpnisht i ikun perkthimit në fjaloret anglisht shqip, pilivanat e standardit, asnjiherë nuk perdorin foljen me parafjalen -me, respektivisht, to+ verb, por e perkthejnë ate në rasen emnore numer njejës, pse kta "akademikë", që nuk e dallojnë tingullin me vesh, por thjesht nepermjet anes vizive, që pretendojnë se munden me depertue në formen dhe kuptimin e kombinimit të tingujve, fonemave, kur trashanisht, kur i pyet si je me za, ai të pergjigjet çobançe, m'ka ikë zani, me kta do t'a ndertojmë standardin që i takon gjuhes shqipe, se besoj se mundena me dalë në breg me kto jeshildheqe pa kokrra, sidokjoftë pergzime per shkrimin, dhe suksese.

Lili thote: Diversioni kunder

Lili thote: Diversioni kunder Standartit vjen vetem nga katolikocentristet e Shkodres. Shiko kush shkruan kunder Standartit dhe ke per te qene i qarte. Nuk ka ndonje prift ortodox apo hoxhe gege qe i bie me top Standartit si katoliket.Kongresin e "Drejteshkrimit '72" e organizoi i biri natyral i bylykbashit turk ne Gjinokaster Enver Hoxha, i cili mori pushtetin i mbeshtetun nga serbet. Ky pjelle turko-sllave natyrisht ishte kundra asave te shkrimit te shqipes katolikve dhe klerit te tij, prandej deshti te mohonte gjuhen ne te cilen ata shkruen veprat e tyne atdhetare  dhe historike dhe deshti qe keto vepra mos ti lexojne brezat e mavonshme.Na mbrojme Historine e shqiptarve (Rrethimi Shkodres-Marin Barleti) dhe Lahuten e Malcies (At Gjergj Fishta) ku tregohet lufta e shqiptarve kundra turqve dhe kundra sllaveve. Ata qe jane kundra "Rrethimit te Shkodres" dhe kundra "Lahutes se Malcise" jane kuislinget e turqve dhe te sllaveve, pra jane trathtart e deamkosun me vule. Turp te kini. Ju jeni trupi i popullit shqiptar.

ik or pensionist torrollak ,

ik or pensionist torrollak , ke qene edhe mesues matematike dhe s'ke pike logjike...

Mos ngaterroni mesazhin me

Mos ngaterroni mesazhin me mesazherin,argumentin me argumentuesin,te verteten me ate qe e thote.Dilni nga mendesia e biografise dhe e denigrimit personal.Nese keni antipati per prifterinjte katolike ose per verioret anashkalojeni faktin se kush e ka bere shkrimin dhe perqendrohuni te thelbi.A eshte e drejte te perfaqesohen te dyja dialektet ne gjuhen zyrtare???

"A eshte e drejte te

"A eshte e drejte te perfaqesohen te dyja dialektet ne gjuhen zyrtare???"  JO! E ka vendose Enveri dhe pike, nuk diskutohet !!!!

You are here

Priftërinjtë e rinj të gjuhës shqipe

Comments

Pages

Add new comment

Plain text