Vota e Zezë?

Bledar H. Prifti

Profesori i Shkencave Politike, Dr. Shenasi Rama, mund të konsiderohet si nismëtari dhe mbështetësi më i flakët i asaj që njihet sot si “iniciativa e votës së bardhë”. Iniciativa “vota e bardhë” është një sipërmarrje përmes së cilës i kërkohet votuesit të dali në votime por të mos votojë asnjë alternativë politike, pra ta hedhi fletën e votimit të bardhë. Ky veprim mbështetet në arsyetimin se “vota e bardhë” është një votë proteste kundër klasës politike shqiptare dhe të gjithë partive politike që marrin pjesë në zgjedhjet e 23 qershorit. Por duke qënë se kjo iniciativë është hedhur në tregun politik shqiptar nga një profesor shumë i nderuar i shkencave politike, kujtdo i lind e drejta për të ditur përafrimin teorik mbi të cilin bazohet iniciativa “vota e bardhë”. Si është arritur në përfundimin se “vota e bardhë” është lëvizja e duhur politike në kushtet aktuale të politikës shqiptare?

Ky shkrim argumenton se iniciativa “vota e bardhë” është produkt i një përqasje teorike që lidhet ngushtë me elitizmin dhe besimin se shoqëria shqiptarë tashmë është e ndarë në dy klasa: klasa sunduese dhe klasa e sunduar. Duke qëne se elita e pushtetit apo klasa sunduese në shqipëri është thuajse homogjene dhe i shërben interesave të pjestarëve të saj, Profesor Rama propozon iniciativën “vota e bardhë” si mjet proteste kundër elitës. Pra për votuesin të gjitha partitë janë njëlloj, ato janë pjesë e elitës, dhe votuesi nuk ka çfarë të zgjedhi në 23 qershor. Kështu që fleta e votimit ngelet e bardhë (“votë e bardhë”). Por ndryshe nga çfarë mendohet, “vota e bardhë është një shprehje e inatit, dëshpërimit dhe dështimit të mbështetësve në përgjithësi dhe të shoqërisë në veçanti, dhe impakti i saj, rrjedhimisht, ka për të qënë negativ.

Argumenti i mësipërm bëhet lehtësisht i kuptueshëm nëse analizojmë disa principe bazë të teorisë së elitës. Gaetano Mosca përdor termin “klasa sunduese” dhe e ndanë shoqërinë në dy grupe, në ata që sundojnë (klasa sunduese) dhe ata që sundohen (populli). Ashtu si edhe Mosca, C. Wright Mills mbështet të njëjtin përafrim, por në vend të përdorimit të frazës “klasa sunduese”, ai përdor frazën “elita e pushtetit”. Po ashtu, neo-Marksistët si Nikos Poulantzas ndjekin të njëjtën llogjik por fokusohen më shumë tek instrumentalizimi i aparatit të shtetit. Për këta neo-marksistë, aparati i shtetit është thjesht një instrument në duart e një klase të caktuar i cili përdoret për të avancuar interesat e kësaj klase.

Edhe siç mund të kuptohet, të gjithë ata që kanë studiuar sadopak shkencat politike mund të arrijnë të kuptojnë lehtësisht se përafrimi teorik i Profesor Ramës bazohet në teorinë e sipërpërmendur. Profesor Rama njihet nga lexuesi shqiptar si politologu i parë që ka përdorur në mënyrë akademike dhe të vazhdueshme tërmin “paria” ose “paria e Tiranës”, ose me thjesht, “të parët e Tiranës”, ata që përbëjnë ajkën e shoqërisë dhe që marrin pjesë në procese të vendim-marrjes politike. Ky term nuk është gjë tjetër por një përkthim shqiptar i termit të huazuar “elita” ose “elita e Tiranës”. Profesor Rama beson se shqipëria qeveriset nga një “pari” (elitë) e cila është në përgjithësi homogjene dhe i shërben interesave të pjestarëve të saj, pavarësisht nga përkatësia partiake apo “ideologjike”. Edhe pse ai nuk i mohon përplasjet “fatale” brenda llojit, “parisë”, Profesor Rama beson se kjo “pari” punon jo për interesat e shqiptarëve por për të zgjatur sundimin e saj dhe për të avancuar interesat e saj të ndërthurura, si politike ashtu edhe ekonomike.

Duke e parë se Profesor Rama e ndanë shoqërinë shqiptare në dy klasa—“paria” dhe populli i thjeshtë—është normale të pretendohet se të gjitha partitë politike nuk janë gjë tjetër por element përbërës të asaj që quhet “paria”, elita, ose klasa që sundon shqiptarët e thjeshtë. Si rrjedhojë, argumentojnë publikisht mbështetësit e “votës së bardhë”, votuesit shqiptarë në 23 qershor nuk kanë mundësi reale zgjedhje. Bazuar në këtë përqasje teorike, votuesit nuk mund të zgjedhin pasi të gjitha partitë janë njëlloj; ato janë element të së njëjtës “pari” dhe i shërbejnë interesave të “parisë” dhe jo të popullit. Si rrjedhojë, Profesor Rama dhe të tjerë i ofrojnë votuesit si zgjidhje “votën e bardhë”.

Edhe nëse do e konsideronim si realist këtë përafrim elitist të “votës së bardhë”, kushdo mund të pyes më të drejtë: Cila është zgjidhja që ofron “vota e bardhë”? Nëse egziston vërtetë një “pari”, elitë apo klasë sunduese, atherë si e dëmton “vota e bardhë “parinë”? Cili është procesi (mekanizmi) përmes së cilit “vota e bardhë” do të godasë keqazi “parinë”? A ka ndonjë alternativë tjetër përvec “votës së bardhë” që mund të rregullojë deri diku problemet me të cilat përballet sot politika shqiptare? Këto pyetje kanë nevojë për përgjigje nga ata që mbështesin “votën e bardhë”pasi një iniciativë nuk mund të ndërrmerret pa pasur një qëllim të caktuar dhe një plan të detajuar se si do të arrihet qëllimi.

Personalisht, unë nuk besoj tek “vota e bardhë”. “Vota e bardhë” është një votë dëshpërimi dhe dështimi për atë që e hedh dhe mbarë shoqërinë shqiptare. Është një votë dëshpërimi pasi ajo nuk jep shpresë se diçka mund të ndryshojë. Është një votë e pashpresë pasi votuesi nuk shikon të ardhme tjetër përvec një të ardhme të pashpresë. Dhe një votues i pashpresë i ngelet ngahera borxhli shoqërisë së tij, madje edhe pemës nga e cila u prodhua fleta e “votës së bardhë”. Vota e bardhë është gjithashtu një votë dështimi pasi ajo nxjerr në dritë dështimin e vërtetë të votuesit për tu përfaqësuar dhe influencuar procesin e politikë-bërjes. Dhe si rrjedhojë, “vota e bardhë” simbolizon dëshpërimin dhe dështimin e shoqërisë shqiptare.

Ndryshe nga Profesor Rama i cili beson në një përafrim elitist, unë besoj së politika shqiptare mund të shpjegohet shumë më mirë duke përdorur një përafrim pluralist. Unë besoj se Robert Dahl dhe Arthur Bentley kanë të drejtë në arsyetimin e tyre pluralist përmes së cilit politika nuk shihet si provincë e “parisë”, elitës apo klasës sunduese, POR ajo shihet si një arenë në të cilën grupime të ndryshme ideologjike dhe interesi përplasen me njëra tjetrën për të shpërndarë vlerat, resurse, dhe privilegje. Besoj tek David Easton kur e përkufizon politikën si një “shpërndarje autoritativë të vlerave të një shoqërie”.

Politika nuk është gjë tjetër por një pasqyrë e shoqërisë. Struktura e pushtetit nuk mund të shihet si monolite por si një strukturë e fragmentuar ashtu sic është në të vërtetë edhe vet shoqëria shqiptare. Nuk duhet të habitemi se kemi 60+ parti pasi kjo është normale për një shoqëri si e jona e cila përbëhet nga grupime të ndryshme, përfshirë këtu grupime ideologjike, etnike, fetare, krahinore, ekonomike, profesionale, etc. Dhe aq me keq, nuk duhet të habitemi në një shoqëri si e jona e cila, siç e shpreh shumë bukur edhe i madhi Fan Noli, është një shoqëri e dominuar nga anarkia fetare, sociale, morale, patriotike, dhe ajo e idealeve.

Nuk duhet të habitemi se kemi politikanë të korruptuar pasi korrupsionin mund ta gjeni kudo në shoqërinë tonë. Nuk mund të themi se kemi një politikë amorale pasi amoralizmin e gjejmë në çdo segment të shoqërisë sonë, në maninë për të korruptuar këdo dhe për çfardo që na sjell përfitime personale të pamerituara. Besoj se Edi Rama e ka kuptuar këtë më shumë se kushdo tjetër. Ai e ka kuptuar kur edhe pas masakrës së Gërdecit, shumë Gërdecarë dhe shqiptarë nuk nguruan të votonin për Sali Berishën dhe Fatmir Mediun. Rama e kuptoi shumë herë më mirë kur edhe pas masakrës së 21 janarit, jo vetëm fshatarët por edhe kryeqytetarët votuan për protagonistët e masakrës, për Sali Berishën, Ilir Metën, dhe Lulzim Bashën.

E vërteta është se iniciativa “vota e bardhë” u ndërmor si një reagim i fuqishëm kundër paktit PS-LSI në 1 prill nga ata që nuk mund ta pranonin bashkimin e PS-së thuajse “të pastër” me LSI-në e “pistë”. Ajo u ndërmor nga ata (më sakt, shumica dërrmuese e atyre) të cilët shikonin deri diku (jo absolutisht) një dritë shprese tek Edi Rama dhe PS-ja. Kjo tregon se, dashje pa dashje, “vota e bardhë”, si reagim përkundrejt aleancës PS-LSI, është një votë kundër Edi Ramës, POR jo kundër Metës apo Berishës. Berisha dhe Meta janë fituesit e mëdhenj dhe të vetmit nga iniciativa “vota e bardhë”. I vetmi politikan që dëmtohet nga “vota e bardhë” është Edi Rama. Kaq gjë DUHET të kuptohet nga të gjithë mbështetësit e “votës së bardhë”. “Vota e bardhë” nuk duhet të jetë një votë dëshpërimi dhe aq më keq një votë inati kundër Edi Ramës.

Personalisht kam qënë dhe jam kundër aleancës PS-LSI për arsye strategjike, por jo për arsye morale. Unë nuk besoj se shoqëria shqiptare është aq puritane sa duhet t’i bëjë gjyq moral dhe politik Edi Ramës. Si mund ta gjykojmë moralisht Edi Ramën për marveshjen e 1 prillit kur ne akoma nuk kemi gjykuar veten tonë për mëkatet tona të njëpasnjëshme? Besoj se shumkush mbështetës i “votës së bardhë” e ndjenë thellë në ndërgjegje se Edi Rama, më shumë sesa një politikan i ndotur politikisht, është një viktimë e vetvetes, por mbi të gjitha ai është viktima e shoqërisë sonë e cila e ka të vështirë të bëjë purifikim të vetvetes apo të pranojë dikë të ndryshëm nga ajo. Dhe Rama bëri zgjidhjen nëse do të vazhdonte të ishte Rama apo të bëhej si ne. Ai e bëri zgjidhjen e tij, por i thonë një fjale popullore, “kur bën dasëm fukarai çahet daullja.” Dhe bazuar në ato çfarë theksova më sipër, “vota e bardhë” nuk ka për të qënë gjë tjetër por një votë inati, dëshpërimi, dhe dështimi, e cila do të prodhojë vetëm urrejtje, pesimizëm, dhe zhgënjim. Me pak fjalë, ajo ka për të qënë një “votë e zezë”.

Comments

ok, ti beson se Edi Rama e ka

ok, ti beson se Edi Rama e ka kuptuar, kurse une, nje votues, mendoj se ai eshte pjese e parise, e pazareve, e korrupsioneve, se ai lepin ate qe ka peshtyre vetem epr te marre pushtetin. Kjo ehste demokracia, pluralizmi i mendimit dhe i votimeve. Une do ja jeq kryqin fletes.

Sa jane shtuar kohet e fundit

Sa jane shtuar kohet e fundit keta anonimet qe do i sherbejne Saliut deri ne vdekje ?!Ca betohen qe nuk e thone kete per te perkrahur Saliun , qe ne i keqkuptojne, qe ne jemi zagaret e Edit, etj. Kjo ka fare pak rendesi.  Vota e bardhe nuk eshte as e bardhe, as e kuqe, as e zeze, eshte vetem serum per Saliun.  Matematika (e cila nuk gabon kurre) thote qe vota e bardhe = ti japim gjakun e fundit qe na ka mbetur Saliut qe ai te thyej rekordin e xhaxhit Enver si gjakpiresi me i madh i ketij kombi.

Ti je thjehst nje tjeter

Ti je thjehst nje tjeter ingranazh ne makinerine e elitave politike, qe vjen e ben presion njerezve apo i etiketon ata sa here qe te tremben themelet e fitores, sa here qe te duket se peshorja po kalon ne kahun e kundert. Ashtu si manipulon ehe respublika komentet qe peshorja e fjale se lire te mos anoje nga armiku i krijuar e shnderruar ne qellim unik per cdo shqiptar (si ne diktature) - se keshtu eshte me kollaj ta shtrosh ceshtjen e vrasesh tjetrin edhe me ane te moralit e rilindjes kombeare. Dhe flisni ne emer te rilindjes se demokracise ju, pushta 99c.

Kendveshtrim i goditur dhe

Kendveshtrim i goditur dhe mendime te ndjera, te pergezoj Bledar.Ndersa per per ata qe po digjen per kete vend qe po lengon:- Shteti qe do beje opozita e sotme do jete shume i permiresuar, dhe kjo jo vetem per merite te saj por edhe per nje mungese te tmerrshme te konceptit shtetformues dhe zhvillues te Sali Berishes.- Shteti eshte nje institucion qe mundohet te rregulloje bashkejetesen e njerezve, por behet nga njerezit dhe merret me njerezit, ndaj tregoni pak pergjegjshmeri dhe mendojeni veten ne pozicion pushteti, dhe mateni integritetin tuaj per drejtesi te paster pa tundimin e perfitimit personal, dhe kesaj shtojini luften qe duhet te beni me gjithe ata qe do bashkepunoni qe as ata te mos e bejne...dhe me pas gjykoni skenen politike... me vjen te qesh me kete moral kalamajsh...- Rama ka treguar aq sa mjafton per ta patur shancin per pjesen e vete ne histori;  njeh konceptin institucion-qytetar si te tille ku shteti dhe institucioni eshte nje aparat qe funksionon pa marre ne telefon "te madhin". Sado qe e akuzojne per njeri te pa komunikueshem (problem personal i tij), mbetet njeriu qe njeh me shume dhe i sherben me shume bashkejeteses se qytetareve; shembull-qe i pari qe i ktheu Tiranes trotuarin, i cili tani po zhduket perseri... per ata qe e kuptojne kete detaj...- Lenia ne pushtet e nje njeriu qe ka shkelur aq rende dhe dukshem ligjet (deri ne vrasje) ka vetem efekte shkaterruese per precedentin e besimit ne shtet - kur njerezit nuk bejne as kaq drejtesi,  skane asnje te drejte te kerkojne drejtesi per vete.-Vota e bardhe, ne mos skuthlliku i fundit, eshte shenje papergjegjshmerie ose papjekurie. Edhe femijeve (qe nuk kane detyre te jene te pergjegjshem), nuk u lejohet pa fund reagimi anarkik.Uroj qe drita te ndricoje mendjet tona per te patur shancet per permiresim te vazhdueshem...

Ne parim jam plotesisht me

Ne parim jam plotesisht me artikullin. Klasa politike e degjeneroi praktiken demokratike ne Shqiperi. Ajo, me garden e armatosur me arme zjarri, te ftohta apo edhe me armen e shpirtit te zi, filloi blerjen e votave. Fukarai, i cili ka humbur edhe token e tij tashme, pasi, ose e ka lene atje ku nuk vlen, ose ia kane grabitur ose nuk ka mundesi ta trajtoje qe te prodhoje, shet voten e tij per nje kafshate buke, per nje thes miell. Jo se ben mire, por fukarai aq di, aq ben. THIRRINI MENDJES O POLITIKANË! THIRRINI MENDJES O NJEREZ! MOS U SHITNI SI BAGETIA!

Ti Bledar qenke me parine.

Ti Bledar qenke me parine. Ndoshta je me parine jo sepse ke interesa te drejteperdrejta por thjeshte sepse ke humbur shpresat me shume se Shinasi Rama; pra ofron si zgjidhje pershtatjen.  Shqiptaret jane nje popull qe nuk mund te ndertojne as shtet e as shoqeri te organizuar - sido qe te votojne. Nuk te bejne pune as ata filozofet qe permend ne kete shkrim sepse edhe ata ( ne cfaredo qe kane thene )  nuk kane patur parasysh "lagjen e harixhinjve" por popujt e vendeve te tyre. Une kam humbur shpresat me shume se sa ty, por nuk mund te ul veten time te shkoj ne ate pike sa te votoj e te besoj qe vota ime do te beje ndonje pune. Te pakten nuk i jap kenaqesine ( parise ) te me marre per budalla e te buzeqeshe nen hunde kur te me shohin me leter vote ne dore.

Edhe nje qe vazhdon ne idene

Edhe nje qe vazhdon ne idene se meqe shoqeria shqiptare eshte e korruptuar, edhe Rama do s'do duhej te futej ne pisllik per te fituar. Ndersa une besoj te kunderten, ishte faji i Rames qe nuk arriti ta bindte ate pjese te paster te shoqerise per te votuar per te qe e detyroj te bente paktin me Meten, e per rrjedhoje te luftoje per 2-3 mandate diference ne 23 qershore. Duke bere kete koalicion ai ne fakt nuk beri gje tjeter vecse vertetoi dyshimet e skeptikeve per ate vete. Bledar whatever-i mund te vazhdoj me ngritjen e kultit te Rames, po miti i njeriu vizion vdiq ne 1 prill. Me 23 qershor vendoset vetem kush eshte pazarxhiu me i mire, dhe ky pazharxhi absolutisht qe do i sherbej asaj parie per te cilen flet Shinasi Rama. Eshte i tyre, prej tyre, per ata dhe per asnje tjeter.

Ti si Kaç Islami gjithmonë

Ti si Kaç Islami gjithmonë kundër ke qenë kështuqë kot e përmend 1 prillin.

1 prilli vertetoi cdo gje qe

1 prilli vertetoi cdo gje qe kam thene une, ju ca ju ngeli?

Vërtetoi të kundërtën, the që

Vërtetoi të kundërtën, the që është diktator dhe s'ndan pushtet, më mirë të jetë Meta që të ekuilibrojë pushtetin, dhe ky vërtetoi të kundërtën, që e ndan pushtetin, s'të vërtetoi gjë ty. Unë s'votova në 2009, gabim që s'e përsëris.

Ua i shkreti edvin, u be

Ua i shkreti edvin, u be njesoj i koruptuar si ne .... Ne itali, shuem media prane berlusconit perdorin te njeten logjike ndaj gabimeve te tilla. Kush nuk do ta bente, ashtu eshte shoqeria....Jo mo zoteri se nuk llogjikohet keshtu. Nuk jemi te gjithe njesoj. Une nuk kam dhene leje ndertimi kundrejt parave, Une nuk kam analashkaluar ngjarjen e gerdecit dhe nuk e kam perorur politikisht ate per ti bere atentatin me te rende kushtetutes se shqiperise, Jo une nuk kam spastruar partine socialiste nga cdo potencial lidership konkurent, e per me teper nuk kam bere as aleance strategjike me bllokun e Ilirit duke vallezuar mbi trupat e te vrareve te 21 Janarit.. Jo nuk jam njesoj, nuk ndihem i perfaqesuar tek edvini...  I dashur A , kualicioni me Meten eshte nje llogaritje e paster elektorale. Pushteti fillon kontrollin nga brenda partise, marveshja me meten i dha dore te lire te bente dhe spastrimet e fundit. Ky njeri ka mare nje parti me demokraci te brendshme dhe po e kthen ne parti bunker, simoter te berishes.

Ua i shkreti edvin, u be

Kafshatë që nuk kapërdihet

Kafshatë që nuk kapërdihet është mjerimi vërtet jemi një popull i mjerë po të shikojmë mbrapa në histori më shumë kemi ndënjtur në batak  dhe shumë pak në krye diçka na mungon po çfar?

Une shoh nje dallim thelbesor

Une shoh nje dallim thelbesor midis "elites" dhe "parise". Ne mos gaboj, Prof. Rama e ka shpjeguar kete dallim qartazi, ku me pari ai identifikon drejtuesit e pushteti ne te dy krahet, pra edhe ata ne pritje te rotacionit, ndersa me "elite" ai identifikon mendjen e ndritur te kombit, shembullin, modelin e pastertise me te cilin ky komb kerkon ose duhet te identifikohet. Per shembull, Nard e Flamur Noka jane "pari" ndersa mendje ndritur si Kadare e disa pak te tjere jane plese e "elites".
Persa i perket "votes se bardhe" ajo presupozon qe te mos votohet per asnjeren pale, por te mos lejohet mundesia e perdorimit ose vjedhjes se saj. Pra, nje kryq te gjthave! Mundesisht edhe me nje mesazh. Sigurisht, qe kjo nuk i pelqen asnjeres pale, prandaj sillet argumenti se po i sherbehet pales tjeter. Ndoshta! Por a nuk vijne te gjitha palet nga njera ane? A nuk po i japin secila pale tjetres garanci se nuk do te gjykohen apo denohen per vjedhjet e vrasjet me origjine shtet ose shtetarë? A nuk jane kujdesur gjate gjithe ketyre viteve te luajne tango mes vedi? Nganjehere palet kane nderruar krahe, nganjehere jane krefosur si armiq, nganjehere kane derdhur gjak, por gjithmone jane marre vesh per te bere pazar. si gjithmone njeri klan ja ka hedhur tjetrit, ose ka besuar se ja ka hedhur. gjithmone, cmimin e ka paguar Shqiperia dhe shqipetaret.
Ne fund do te shtoja se ata qe japin voten e bardhe duhet te bejne dicka, duhet te levizin. Shqiperia ka nevoje per te levizur, ka nevoje per alternativa qe vijne nga ELITA dhe jo nga PARIA.

E di si eshte puna, keta si

E di si eshte puna, keta si Shenasiu si Lubonja shohin endrra me protagonizem te vetin politik. Te bashkohen dhe te krijojne nje parti ose levizje! Kete rradhe, te heqim Beridhen njehere! Me vote masive!Dhe mjaft me keto vogelsirat shqiptare, pse te behet Rama kryeminister (!) se keni patur kryeministera:Nanon 1, Vilson Ahmetin, Ylli Bufin, Aleksande Meksin, Nanon 2, Pandeli Majkon, Ilir Meten, Nanon 3, Berishen 1, Berishen 2.Tek Rama qenka hataja se keta te tjeret e ndriten keto 23 vjet. Nqs Rama behet kryeminister eshte nje ecuri normale pas 8 vjet opozite. Budallelleku eshte tek ata qe mendojne, vetem ky mos behet po me mire te mbajme Berishen!Cmeduri me te madhe nuk ka.Nqs Shenasiu (eksponent ne levizjen e dhejtorit 90' dhe ne greven e urise te studenteve), Lubonja (qe keryesoi ne 97' Forumin per Demokraci bashke me Kurt Kolen dhe Daut Gumenin), e kushdo tjeter, duan te bejne levizje politike, ta bejne! Jo me fjale ne have po me aksion politik.Kjo pune qe 'mbani ju ne pushtet Berishen derisa te bindemi ne duke numeruar sa vota te bardha do hidhen se sa veta na e degjojne zerin', eshte peshku ne det tigani ne zjarr.Mos humbim me kohe se Shqiperia mjaft ka humbur. Rotacioni ben qe gjerat te levizit, te ecin perpara ne cdo drejtim eshte pozitiv. Nqs Rama del diktator le ta bejne perseri levizjen politike keta. Nuk e kuptoj ku e kane problemin? Mos valle kane frike se Rama do ta transformoje vertet per mire Shqiperine dhe shansi i tyre per t'u hedhur ne politike digjet?Te mos kene frike sepse vend per levizje te reja do te kete edhe pas 4 javesh.

Pse është Shenasi Rama

Pse është Shenasi Rama profesor i nderuar? A mund më tregojë dikush ku ka botuar një punim shkencor ky alamet profesori? I ka marrë mbi 12 vjet të kompletojë doktoraturën e ju e quani profesor! M'i tregoni punimet dhe publikimet e tij në zhurnalet e poltikës ndërkombëtare ose amerikane? Hë- ku i keni? Shinasi Rama kohëve të fundit ka rënë shumë poshtë duke u bërë një opinionist i thjeshtë dhe idhnak. Siç paska thënë njëri këtu- pse nuk formon parti pa të na shpëtojë popullin apo ndoshta duhet të punojë derisa të lajë borxhet e shkollës që i mori gati një të tetën e një shekulli?

E dini, sigurisht, ate fjalen

E dini, sigurisht, ate fjalen e urte te budallait qe hodhi gurin.Asgje nuk i shkon me bukur kesaj histerie "politologesh", "ish te burgosurisht", "ish demokratikas" etj., qe kujtojne se u be deti kos, kos nga i cili shpresojne porcionin e tyre.1. Vota e bardhe nuk funksionon as dhe ne votimet per senatin e nje shkolle te larte. Sikunder nuk vlejne si argument dy apo tre citate qe sillen per te perafruar nje model racional. Askush, askund dhe asnjehere nuk ka mundur te supozoje modele teorike universale, qe funksionojne ne çdo kontekst. Askush, askund dhe asnjehere nuk eshte ndertuar nje molel funksional, duke marre lule aty-ketu neper bote, per te kompozuar kopshtin ne shtepine e tij. Sikunder, askush, askund dhe asnjehere nuk ia ka dale te parashohe, duke e pare realitetin me dylbite e emigranteve. U perpoq Noli ta bente dhe te gjithe e pane se nuk shkoi me tej se baladat e tij sarkastike, te cilat sherbyen per te perfituar pensionin nga PARIA.2. Shqiptaret, me se pari, analistet - kometatoret - publicistet tane të pervuajtur dhe gjithfare kreaturash te shitshme, duhet te bejne qarte dallimin mes LSI dhe I. Metes. T'i perziez keta dy realitete, dhe te pretendosh se po i qasesh te vertetes, kjo vetem analize nuk mund te quhet. Jo me t'i sherbesh iluminimit te gjindjes.3. Vota e bardhe eshte nje fiksion qe nuk ia dine kuptimin dhe pasojat as ata qe e artikulojne me te drejten e autorit. Shinasiu dhe Fatosi me te paret. I lini ata atje ku jane dhe veshtroni perpara. Per nje bote me te mire per femijet dhe nipat tane.

Iluminist. E ke iluminuar

Iluminist. E ke iluminuar fare mire paqartesine. Paqartesine  e percjellin me rreshta pafund analistet. Me cfare mjeti? Me citime banale per nje realitet qe ne e njohim deri ne qelizen e qelizes. Ndersa ata mbeten tek gjurmet. Pse mbeten tek gjurmet? Sepse analistet kane lene analizen dhe kane zene politiken, me endjen se politika eshte biznesi me i mire. Por harrojne se politikanet kane hyre me pare ne ate fushe! Analistet ishin dhe jane dekori i tyre. Dhe ketu ka filluar e vazhdon lufta. Lufte jo per popullin, jo per parimet, etj., dokra, por lufte per veten e tyre. Se po mbaron demokracia, dhe rrezikon te mbeten pa gje ne xhepa. Qosja, Kadareja, Agolli, artiste te medhenj te operas, baletit, arteve figurative, muzikes etj., (qe te mos permend emra) nuk jane analiste, por kur ata thone te verteta, te vertetat behen e dhe me te verteta. Qe ta thjeshtoj me nje shembull. Njeriu kur sillet si njeri quhet njeri i njerezishem. A do te  jemi ne te gjithe te zote qe nepermjet nje procesi Iluminimi dialektik dhe historik ti dhurojme( skalisim, percojme) vetes titullin "Popull i Njerezishem"?.

Vote e bardhe???????? E per

Vote e bardhe???????? E per cfare duhet vota e bardhe? Cila eshte perfitimi i votuesit nga vota e bardhe? Vota ka nje kuptimi, thuaj po ose jo, vota eshte nota dhe ti s'mund te rrish edhe kater vjet te mendohesh se ky njeri apo kjo qeveri i duhet thene po apo jo.  Profesoruc Rama kerkon qe me aftifica dhe tautologjira boshe ti mbush mendjen votueseve te majte qe te pranojne statuskuaone.  Kjo eshte nje pune shume e felliqur!

Cdo ndryshim fillon me formen

Cdo ndryshim fillon me formen me paqesore te mospajtimit. Qytetaret e kane per detyre jo vetem ndaj vetes por femijeve dhe breznive te ardhme qe te mos lejojne nje sistem te korruptuar kleptokratik. E kuptoj qe shume nga ata qe komentojne ketu jane te majte e te lodhur nga Berisha, dhe duan ta heqin qafe, dhe per ta cdo kush qe nuk pajtohet me ata, perfshire ketu edhe autori e shume komentues, eshte gabim ose duhet vleresuar si i gabuar. Por ceshtja shtrohet qe Shqiperia ka nevoje per zgjidhje me te rendesishme, dhe sipas gjykimit tim as Berisha dhe as Edi Rama nuk jane ne gjendje e nuk mund te ofrojne keto zgjidhje pasi i sherbejne interesave te tjera. VOTA E BARDHE eshte shprehja e pare e organizuar dhe e legjitimuar e protestes ndaj sistemit, pjese e te cilit jane te dy partite kryesore e shume hijena qe vegjetojne nen hijet e tyre. Nuk e besoj se Prof. Shenasiu eshte aq optimist sa qe te prese qe te ndodhe ndonje ndryshim rrenjesor, por cdo veprim duhet te kete nje fillese.

1. Analizë e gjatë, ku

1. Analizë e gjatë, ku përmenden teoricienë të ndryshëm të panjohur nga publiku i gjerë, po që nuk përmendet çfarë parashikon Kodi Zgjedhor i Republikës së Shqipërisë. Kodi NUK parashikon një numërim më vete të "Votave të Bardha", por i quan ato "të pavlefshme", pra në thelb barazon një votë të hedhur me vetëdije si një mjet proteste me një votë të hedhur gabimisht nga një njeri që nuk di të shkruajë dhe që vë + ose X te më shumë se 1 parti. Pra nuk do merret vesh kurrë se sa njerëz realisht e mbështetën një iniciativë të tillë.2. Përmendet në formë Aksiome (pra që nuk ka nevojë për vërtetim sipas autorit) se kjo iniciativë është kundër paktit PS-LSI. Po ata njerëz që kanë votuar PD në të kaluarën dhe janë të zhgënjyer qoftë nga bashkëqeverisja PD-LSI, qoftë nga mosmbajtja e premtimeve të bëra para 4 vjetëve nga PD, por që gjithsesi nuk binden për të votuar PS, pse nuk përmenden????

Po si more Saimir paska

Po si more Saimir paska pergjegjesi njesoj Edi Rama me Sali Berishen, per sistemin?Harruat Berishen president 92-97 dhe pergjegjesine e tij per instalimin e nje sistemi dhune, force dhe korrupsioni te piramidave? Harruat mbi 3000 mije te vrare ne 97' vetem e vetem sepse ky president nuk pranonte te jepte doreheqjen por perkundrazi rizgjidhte veten?Harruat 14 Shtatorin, Gerdecin, uzurpimin total te institucioneve,  te Shikut, Shishit, Gjykatave, Prokurorise, Presidences, 21 Janarin etj? Si mund te harroni keshtu? Eshte i NJEJTI NJERI eshte Saliu i njejte!Me vote te barhde po kerkoni ta mbroni t'i sose ditet e tij ne Pushtet, sic enderron! Te kete dhe 4 vjet te tjera kohe te mbaje Shqiperine te gjunjezuar nen kembet e tij. Nuk mund te shikoj dot nje Shqiperi te tere t'i gjunjezohet ketij njeriu te papergjegjshem dhe sot sikur te vuajne nga amnezia disa "intelektuale" na kerkokan vote te bardhe!A thua qenkemi te destinuar te vdesim me Saliun mbi koke. Turp per ju! Thirrini mendjes, merrni persiper pergjegjesi per popullin tuaj dhe te sotmen e te nesermen, e mos beni thirrje te tilla edhe nqs u ka droguar doktori, hidhini nje pellembe uje te fresket fytyres e zgjohuni nga gjumi. Mos lini hajdutet e votave te vendosin se kush do te jete mbi koken tuaj edhe 4 vjet te tjera por jepni vete gjykimin. Po nuk votuat do te fitojne ata qe vjedhin, vrasin, trembin, manipulojne, kercenojne dhe paguajne me shume.Ky palaco ne Shqiperi eshte Sali Berisha. Turp per ju t'i sherbeni ne kete forme gjoja te pafajshme!Vota e bardhe thjeshte mban ne pushtet Saliun, asgje tjeter nuk krijon. Ju ruajte perendia mendjen per me tej!

AFA, Une nuk kam thene askund

AFA, Une nuk kam thene askund ne komentet e mija se ata kane njesoj pergjegjesi per Shish e Shik e shume krime, vjedhje, e shkelje te ligjit nga EKZEKUTIVI. Rama eshte njelloj si Berisha ne ate qe ai eshte pergjegjes per aprovimin dhe ligjerimin e sistemit ligjor ne te cilin funksion struktura e demokracise ne Shqiperi. Pikerisht ate sistem ligjor qe sot lejon Berishen te beje si ti teket me KQZ e me tej. E. Rama ishte i paafte te ndertonte koalicione natyrale ne zgjedhjet e 2009 dhe majit 2012 duke percare te majten, dhe duke lejuar qe Berisha te shfrytezonte marreveshjet dypaleshe per te mbijetuar edhe kater vite te tjera.
Se cmendoj per Ramen pertej temes se VOTES SE BARDHE, do te kem kohe te shprehem ne te ardhmen, pasi nuk dua te dekurajoj votuesit e tij, por ne thelb besoj se shume do te zhgenjehen. E them kete duke mbeshtetur gjykimin tim mbi ate cka bere e cnuk ka bere keta vite si shef i opozites.

Ok Saimir, por sot zgjedhja

Ok Saimir, por sot zgjedhja nuk eshte se ke do te kemi shef opozite, por ke do te kemi ne krye te ekzekutivit.Analize per drejtimin e opozites mund te bejme sa te duash por mendoj se ne Shqiperi me shume jane marre njerezit me vogelsirat ne menyren se si eshte bere opozite sesa me shkeljet e pa krahasueshme te pushtetit dhe cdo koncepti demokratik nga ekzekutivi. Per kete duhet ndeshkuar dhe jo lene ta marre voten qe merr me te gjithe format me te ndyra si mbeshtetje te na shtype e na talle me cinizem akoma me tej.Rames nuk esht shpetimtar, eshte thjeshte njeriu i rradhes. Nqs presim shpetimtar jemi te marre fund. Eshte shoqeria qe duhet te mbroje vlerat dhe arritjet e saj kushtetuese. Keto nuk i besohen kurrsesi nje lideri politik. Askujt. Demokracia eshte lufte e vazhdueshme per liri, nuk eshte nje stad statik.Pas 4 vjetesh, por edhe me shpejt, nqs Rama e shkel kontraten me shqiptaret, vijne zgjedhje te reja dhe i japim ate qe meriton. Por ne rradhe te pare i duhet dhene ajo qe meriton ketij satrapi qe kemi mbi koke. Eshte trashegimnia e nje ish-komunisti si Berisha qe pushteti ne Shqiperi konceptohet si i perjetshem. Nuk eshte i perjetshem, dhe nuk duhet te jete, kurrsesi. Per kete duhet hequr Berisha. Nqs Rama deshton edhe Rama pas tij. Kjo do te thote kthimi i Shqiperise ne nje rrjedhe normale brenda kushteve qe kemi, njerezve qe kemi dhe dinamikave qe ekzistojne. Ne nuk jetojme ne kushte laboratorike apo te marra nga qielli, por ne nje realitet mbi te cilin duhet vepruar me te vetmin instrument qe kemi dhe ky eshte vota e gjykimi nepermjet saj. Fatkeqesisht shqiptaret e kuptojne pak demokracine. Mendojne edhe nepermjet Lubonjes, se kjo politke e sotme eshte pis, dhe hajde tani te enderrojme te kemi nje force politike ideale. Paradoksi ketu eshte se edhe nqs na shfaqet ne horizontin shqiptare nje force politike ideale edhe ajo nuk mund te jete kurrsesi e perhershme, sado ideale te konceptohet. Heret a vone edhe ajo do te kthehet ne tirani. Nuk ka pushtet te perjetshem dhe nuk jane zgjedhjet kot cdo 4 vjet. Hiq ate qe eshte bere pengese ne fillim. Pataj tjetrin e tjetrin e keshtu me rradhe derisa sistemi te arrije te funksionoje e te fitoje pavaresi nga politika. Me forca qe qendrojne ne pushtet nga 2-3-4-5 mandate ne Shqiperi kjo nuk do te ndodhe kurre, por do te kemi privatizim te metejshem te shtetit ne duart e sharlataneve dhe banditeve, qe thjeshte do te shtojne asetet e veta per te blere nje popull gjithnje e me te mjeruar. Pra zgjidhja e vetme eshte rotacioni, asgje tjeter.

Bledarin e kam lexuar

Bledarin e kam lexuar gjithnje me qejf.Por ka nje kontradikte,"vota e bardhe" eshte vota pa asnje preference,kurse"vota e zeze"qe mbyll artikullin ne fakt eshte vote qe i fshin te gjitha preferencat.Ka nje ndryshim pafundesisht te madh vota e bardhe,sepse ata qe nuk preferojne asnjerin jane njerez te pjekur intelektualisht,qe nuk i besojne klases politike,jo se ajo ka njemije programe te ndryshme,por sepse ajo ne fund te fundit aspiron te njejten gje,thjesht te sundoje e te perfitoje maksimalisht nga sundimi.Vota e zeze eshte rebele;"une ju fshij te gjitheve,as me plas fare per politiken dhe programet tuaja;jam i pavarur nga aveniret e politikes dhe programet e tyre",Erich Fromm i quan keta"votezinjte"rebele pa kauze-simbol maksimal mund te jete Che Guevara.Mendoj se Sh.Rama e di ndryshimin fondamental,nuk ka thene kot.Por nuk di a jemi ne ate stad te lirise,ne te cilin"vota e bardhe"te beje efektin e deshiruar.Nuk e ben,sepse kesaj klase politike aq i ben qe e hedh fleten pa preferuar askend,biles me kujtohet kur me perdhune S.Berisha i numeroi fletet e pavlefshme ne favor te Lulzim Bashes,ne konkursin per kryetar bashkie.Kam frike se edhe Edi Rama ishte ortak pasiv ne ate farse te qelbur,te gatuar pa fantazi ne departamentet e huaja.Si ne garat e kuajve,ca burokrate dhe biznesmene euroamerikane kane vene bast per dy kuajt e rinj,Ramen kryeminister dhe Bashen pasues te Sali Berishes.Votoni bardh e zi,si t'ju doje qejfi,por gara e kuajve eshte trukuar,pritet vetem te perjetojme bezdine  e gares.

Me sa kuptova une, vota e

Me sa kuptova une, vota e zeze nuk eshte se fshin prederencat por ajo quhet e zeze sepse eshte vote inati deshperimi dhe deshtimi thote Bledari ne shkrim.

Pergjithesisht jam dakord me

Pergjithesisht jam dakord me konceptin kunder votes se bardhe, sepse kjo eshte nje disfatizem, eshte nje lloj diversioni qe behet per te goditur vlerat shtetformuese te kombit shqiptar. kjo lloj teorie eshte kryesisht e atyre qe jetojne jashte shqiperise , qe nuk jetojne dhe punojne per te ndryshuar e zhvilluar kete vend.Personalisht mendoj se vota e shqipetareve duhet te jete blu dhe jo mavi, per nje arsye te thjeshte sepse vota mavi eshte nje vote per aveturieret, per njerezit pa familje, per njerez te c'ekulibruar, te rrezikshem per demokracin, per njerez qe duan te rikthejne sekuestrimet dhe tatimet e jashtezakonshme te viteve '45, per njerez qe kane ardhur ne krye te grupeve politike pa kontribute, me prapaskena te ndyra politike, per njeres qe per 13 vjet me radhe vetem lincuan bisnesmenet shqiptare, per njeres qe cuan ne stratosfere cmimet e banesave ne shqiperi, per njeres qe futen praktiken 20% te pallatave dhe qe mendojne vetem per veten e tyre, per demagoge neo-marksiste qe kane idhull dhe imitojne ne cdo hap enver hoxhen. ky eshte edi rama rreziku me i madh i kombit shqiptar

Comments

ok, ti beson se Edi Rama e ka

Sa jane shtuar kohet e fundit

Ti je thjehst nje tjeter

Kendveshtrim i goditur dhe

Ne parim jam plotesisht me

Ti Bledar qenke me parine.

Edhe nje qe vazhdon ne idene

Ti si Kaç Islami gjithmonë

1 prilli vertetoi cdo gje qe

Vërtetoi të kundërtën, the që

Ua i shkreti edvin, u be

Ua i shkreti edvin, u be

Kafshatë që nuk kapërdihet

Une shoh nje dallim thelbesor

E di si eshte puna, keta si

Pse është Shenasi Rama

E dini, sigurisht, ate fjalen

Iluminist. E ke iluminuar

Vote e bardhe???????? E per

Cdo ndryshim fillon me formen

1. Analizë e gjatë, ku

Po si more Saimir paska

AFA, Une nuk kam thene askund

Ok Saimir, por sot zgjedhja

Bledarin e kam lexuar

Me sa kuptova une, vota e

Pergjithesisht jam dakord me

Add new comment

Plain text

You are here

Vota e Zezë?

Comments

Add new comment

Plain text