Midis vjehrrës dhe mullixhinjve

Ardian Vehbiu

Polemikën për Koliqin e vazhdonte sot Rafaela Marteta në gazetën MAPO, me një shkrim të titulluar Kolaboracionist apo letrar? Mbi të gjitha Ernest Koliqi.

Autorja, mes të tjerash, e krahason fashizmin e Koliqit me komunizmin në Shqipëri, duke shtuar:

[N]uk kuptoj se përse një kolaboracionist qenka më mëkatar se një bashkëpunëtor i komunizmit, i cili mund të jetë akoma gjallë në pozicione drejtuese.

Ky është qëndrim tejet i djathtë, por legjitim – të cilit unë do t’i shtoja vetëm se fashizmi, me ndihmën e kolaboracionistëve, jo vetëm pushtoi një vend deri atëherë sovran si Shqipëria, por edhe krijoi kushtet për triumfin e mëpasëm të komunizmit atje.

Vazhdon Marteta:

Zija komuniste që ngërtheu çdo eshtër në Shqipërinë e pas Çlirimit, e lehtëson e biles justifikon veprimtarinë politike të Koliqit me shokë. Si intelektual, Koliqi ishte në dijeni të rrezikut komunist që përparonte, dhe do të kishte qenë e pafalshme për të mungesa e angazhimit për parandalimin e këtij rreziku.

Kjo tezë shtyhet edhe më tej se e para – meqë tani angazhimi haptazi pro-fashist i Koliqit (dhe të tjerëve si Koliqi) shihet si një lloj përgjigjeje ose reagimi ndaj rrezikut komunist; në kuptimin që Koliqi dhe të tjerë “mendjendritur” si ai, “e panë të udhës që për hir të së keqes më të vogël të bashkëpunonin me fashizmin kundër murtajës komuniste.” Fraza e fundit, në thonjëza, është e Albert Nikollës, nga një shkrim i tij para pak ditëve sërish në MAPO.

Edhe Nikolla i interpreton simpatitë fashiste të Koliqit në kontekstin e antikomunizmit të tij. Shkruan autori:

Nuk ka as dyshimin më të vogël se duke u nisur nga ndershmëria e personazheve politike shqiptare që bashkëpunuan me fashizmin, qëllimi i veprimtarisë së tyre ka qenë i mirë: moslejimi i komunistëve për të marrë pushtetin, krijimi i hapësirave për zhvillim në një vend tmerrësisht të varfër e të prapambetur, krijimi i urave orientuese perëndimore për një zhvendosje shpirtërore përfundimtare të Shqipërisë drejt Europës etj.

Kjo bie ndesh me tezën që kam mbrojtur unë, dhe pikërisht se ishte pushtimi fashist i Shqipërisë ai që krijoi kushtet e nevojshme për masivizimin e idesë komuniste në vend dhe fitoren e komunistëve në 1944.

Tek e fundit, bashkëpunimi i Koliqit dhe të tjerëve me italianët kishte filluar që para 7 prillit 1939; dhe nuk kemi arsye të vëmë në dyshim simpatitë e disa shqiptarëve për dritën (e zezë) që vinte nga Roma. Nga ana tjetër, që të gjithë këta burra e bënë “sakrificën” të shtyrë nga bindjet e tyre anti-komuniste, kjo mbetet për t’u provuar.

Rreziku komunist në Shqipërinë zogiste ishte minimal; siç u pa edhe gjatë gjyqit kundër Qemal Stafës, kur u dhanë sentenca të lehta, dhe komunistët u trajtuan si çunakë të pabindur, jo kundërshtarë vdekjeprurës të rendit ekzistues në vend.

Madje, në vitet 1930, pak njiheshin në Europë edhe praktikat dhe pasojat e totalitarizmit komunist në Bashkimin Sovjetik të Stalinit; sikurse shihet nga dashamirësia me të cilën e kishin përshkruar atë regjim vizitorët e shumtë të shquar nga Perëndimi (Shaw, Russell, Gide, Duranty, Wells).

Revista “Leka”, organ i rëndësishëm kulturor i katolikëve të Shkodrës, gjatë atyre viteve i kushtoi rrezikut komunist shumë më pak vend se rrezikut të liberalizmit europian, për të cilin ka harxhuar me qindra faqe, kryesisht të përkthyera; çka mjafton, besoj unë, për të nxjerrë përfundimin se Vatikani në përgjithësi dhe jezuitët (që drejtonin “Lekën”) nuk shihnin ndonjë rrezik komunist iminent për Shqipërinë e kohës.

Më shumë vend i hap antikomunizmit “Hylli i Dritës”, organ i françeskanëve; ku mbaj mend të kem parë të botuara dëshmi të viktimave të dhunës staliniane në BS.

Natyrisht, bazohem në kujtesë dhe nuk vë dorën në zjarr për sa më lart, meqë nuk i kam ato revista në duar.

Sa për Koliqin vetë, unë nuk di që ai të jetë angazhuar haptazi si antikomunist, para angazhimit të tij pro-fashist, lidhjeve me Italinë e Mussolini-t dhe pjesëmarrjen në administratën fashiste. Asnjë prej autorëve që kanë shkruar tani vonë për këtë çështje nuk kanë sjellë shembuj konkretë.

Në fakt, do të mirëprisja, si drejtpërdrejt në shërbim të ndriçimit të kësaj figure dhe në përgjithësi të rolit që ka luajtur antikomunizmi në qëndrimet e kolaboracionistëve shqiptarë, ndonjë dëshmi që antikomunizmi te Koliqi ka qenë i pavarur prej pushtimit fashist të Shqipërisë; ose të jetë zhvilluar vetvetiu, si pjesë e personalitetit të tij kulturor.

Natyrisht, ky autor u bë antikomunist pas përfshirjes së tij në administratën fashiste dhe veçanërisht pas largimit të tij nga Shqipëria; sepse kushedi antikomunizmi i jepte, a posteriori, një ngushëllim shpirtëror për angazhimet e tij pro-fashiste; por edhe ngaqë e pa si i trajtoi komunizmi katolikët në Shqipëri, disa prej të cilëve Koliqi i kish miq të ngushtë dhe bashkëpunëtorë të afërt: gjyqet e kurdisura dhe dënimet me vdekje, burgjet dhe internimet, shkatërrimin e institucioneve dhe masakrimin e asaj kulture që e kish formuar Koliqin, dhe që vetë Koliqi kish kontribuar për ta pasuruar dhe lartësuar.

Por kjo është çështje tjetër – për të cilën nuk besoj se mund të ketë kush dyshime.

Ka edhe më. Që Shqipëria e pasluftës do t’i përkiste kampit komunist, kjo nuk përfaqësonte ndonjë domosdoshmëri, as rezultat të marrëveshjeve të Jaltës. Sovjetikët nuk kishin asnjë interes për Shqipërinë dhe nuk shpenzuan asnjë kacidhe ndihmë për partizanët shqiptarë gjatë Luftës; ndryshe nga anglezët, bie fjala.

Madje, sikur forcat jokomuniste në vend të kishin treguar gjysmën e vendosmërisë së komunistëve dhe të ishin organizuar në luftë kundër fashizmit, në vend që t’i futeshin këtij në sqetull (ndonjëherë edhe me arsyen se ashtu luftonin komunizmin), kushedi Shqipëria e 1945-ës nuk do të kish qenë krejt e dominuar nga komunistët pro-jugosllavë të Enver Hoxhës.

Për mendimin tim, ta përligjësh antikomunizmin e Koliqit me nevojën për të kundërshtuar komunizmin, do të thotë ta lexosh historinë së prapthi.

Përkundrazi, duke i lidhur fatet e tyre me Italinë e Mussolini-t, paritë katolike, qoftë politike qoftë kulturore gabuan; ky ishte një gabim i dhimbshëm, dhe që i kushtoi shumë shtrenjtë jo vetëm protagonistëve, por edhe një komuniteti të tërë. Natyrisht, vetë gabimi nuk mjafton për të përligjur dhunën që ushtruan më pas komunistët ndaj komuniteteve katolike; sikurse edhe dhuna komuniste ndaj këtyre komuniteteve nuk mjafton për të përligjur kolaboracionizmin e Koliqit dhe të tjerëve si ai.

Megjithatë, e pranoj padijen time relative në këtë fushë dhe mirëpres bashkëpunime, sqarime dhe referenca.

Marrë nga Peizazhe të Fjalës

Comments

Edhe nese lexon prej Petro

Edhe nese lexon prej Petro Markos, e njejta panorame del, ne lidhje me "rrezikun kryesor" prej komunisteve.   Tek kolaboracionistet mbase ka qene nje mendjelehtesi politike qe ua mundesoi pozicionimin (ku mendoj se perfshihet edhe deshira per nje rruge te shkurter drejt madheshtise), por mbase edhe nje mbivleresim, deri ne neglizhim te dinjitetit kombetar, ndaj kultures italiane dhe perendimore. Kushedi, mbase ne keto gjera ndahen njerezit, tek menyra qe mendojne si me te drejten per ecjen perpara te kombit. Ironikisht, ne shume parametra edhe komunistet dalin qe e shpune perpara kombin...   Kur diskutohet per vleresimin qe u veshim figurave te te kaluares, pavaresisht detajeve qe e nderlikojne diskutimin, mendoj se duhet mbajtur parasysh deri diku edhe ndikimi ne sistemin e vlerave me te cilin ushqehet shoqeria.

Kush do te ishte Koliqi, nese

Kush do te ishte Koliqi, nese ate qe beri ne Shqiperi, do ta bente ne France, Belgjike apo Holande. Nje i pushkatuar per tradheti ndaj atdheut. Dhe Shqiperia nuk mban ndonje rekord per pushkatimet e tradhetareve pas luftes, krahasuar me vendet e mesiperme.    Kudo tradhetarit i kane thene tradhetar. Dhe te tille kane te gjitha vendet, dhe i mbajne e i respektojne vetem si pasuri historike dhe nuk mundohen ti rehabilitojne. Kush e detyroi Koliqin dhe te tjere qe vetem tre dite pas pushtimit te vendit te tij te shkonte ne Rome dhe ti dhuronte kuroren e Skenderbeut, Viktor Emanuelit? Komunizmi? Jo tradhetia dhe shitja e tij shume e shume vite me pare tek agjentura italiane.Koliqi nuk e tradhetoi vendin e tij, pasi linden levizjet komuniste ne Shqiperi. Ai kishte kohe qe po i sherbente mortajes fashiste e naziste.   Nese Koliqi dhe te tjere nuk donin komunizmin, perse nuk krijuan nje front te armatosur dhe te vihej ne krah te Anglise dhe SHBA-se, per te luftuar bishen naziste dhe ne te njejten kohe te mos lejonte komunistet te instalonin pushtetin e tyre ne Shqiperi?  Arkivat e Romes jane hapur dhe zonja Rafaela, mund ta gjeje dosjen e Koliqit ne arkivat e SIMI-it, ose te agjenturave te tjera sekrete te italise te viteve 1930-1943. Mund ta gjeje edhe si nje njeri qe pergatitej per puç, kunder Zogut. Sot njerezit nuk flasin me fjale ne ere, apo me opinione. Flasin me dokumenta. Dhe dokumentat e faktet e deritanishme e ndyjne keq Koliqin....

Dhe Shqiperia nuk mban ndonje

Dhe Shqiperia nuk mban ndonje rekord per pushkatimet e tradhetareve pas luftes, krahasuar me vendet e mesiperme.Kur lexoj shprehje te tilla e kuptoj akoma me mire arsyen e instaurimit te regjimit gjakatar te Hoxhes edhe pse ai gjeti shume njerez qe i sherbyen verberisht per te realizuar planet e tij kriminale.Nese do te perdornim drejtesine sipas "Iliret" atehere do te duhej nje gjyq si ai Nurembergut edhe per krimet e komunizmit.

Po Gjon po, lexoje historine

Po Gjon po, lexoje historine e ketyre tre shteteve dhe do te bindesh. Sidomos te Holandes. Dhjete here me teper kolaboracioniste ( tradhetare ) te pushkatuar se ne Shqiperi. Ne Holande edhe pa gjyq fare. Lexoje dhe do te te me japesh te drejte. Deri ne vitin 1948 atje eshte bere nami.

SA FASHITSË KA

SA FASHITSË KA SHQIPËRIA?Mendoj se ka një ngatërrese në këto punë. Më duket sikur pas "rehabilitimit" të 'figurave' fshihet një strategji tjetër, ajo e rehabilitimit të ideologjisë.Në këtë rast, është më e lehtë të marrësh një shkrimtar si Koliqi dhe nëpërmjet autoritetit të tij "intelektual", të përpiqesh të rehabilitosh fashizmin në Shqipëri.Në rastin e shkrimtarit i cili në një segment të jetës së tij u bë Ministër, apo pati funksione të tjera në qeverinë e pushtuesit fashist, është shumë me vlerë të bëhen hulumtime dhe studime monografike mbi jetën e tij. Është shumë me vlerë patjetër që studiues të kërkojnë e gërmojnë nëpër arkiva, personale dhe shtetërore, për të hedhur më shumë dritë mbi motivet, ndjeshmëritë apo kontekstin që e shtyu Koliqin si individ apo edhe si pjesë e një komuniteti të caktuar të përqafonte ideologjinë fashiste apo postin e tij personal në qeverinë pushtuese.Mund të gjenden pjesë ditaresh, letërkëmbime e dëshmi private apo zyrtare, të cilat mund të sqarojnë pozicionet e tij në atë periudhë, por edhe ne tërësi të jetës dhe së tij.Kjo është një çështje, dhe në rast se ka dëshmi të cilat tregojnë më shumë se ç'dimë, patjetër që do të jenë te mirëpritura nga të gjithë ata të interesuar në jetën e tij.Ndërkohë çfarë ndodh, është se nëpermjet autoritetit legjitim, ose jo, që ka një shkrimtar në një popull pothuaj analfabet, ka një përpjekje indirekte, jo më për të reabilituar individin, por ideologjinë.Ashtu siç është interesante të kesh monografi plotësuese mbi individët e kohës, çfarë do të ishte akoma më interesante për kohën e sotme do të ishin studime më të thella nga të mund të nxirrnin në dritë çfarë mendojnë këta autorë shkrimesh, si zonja në fjalë, për fashizmin në përgjithësi.Më duket se ka një përpjekje të qëllimtë për të ngatërruar punën dhe të jepet përshtypja sikur zonja dhe shumë të tjerë si ajo, adhurojnë më shumë fashizmin në vetvete sesa Koliqin apo ndonjë shkrimtar tjetër që në një segment të caktuar u gjend në atë post apo vend të caktuar.Fundja, Koliqit edhe mund t'i falet, por a mund të jetë normale për të sotmit apologjia për fashizmin?Vepra e Ernest Koliqit sot është e botuar dhe e shpërndarë plotësisht e kudo, pavarësisht se në këndvështrimin tim, mtetet një autor i pa rëndësishëm në letërsinë shqipe. Fakti se ka qenë ministër kuisling, nuk ia ngre dot thjeshtë ato thjeshtë vlera të cilat nuk i ka.

Ky burri ka qene nje tip

Ky burri ka qene nje tip Kadareje per rregjimin fashist, them tip sepse perhere krahasimet çalojnw ne te tilla raste.

Adrian Vehbiut asht nji

Adrian Vehbiut asht nji perzjerje brumi te bashkpuntorve me pushtuesin turk-osman dhe te bashkepuntorve me pushtuesin sllavo-komunist te trojeve shqiptare. Te dy keto pushtues dhe bashkpuntort e tyne renegat shqiptar kan qene shekullarisht kundra popullsise katolike shqiptare, e cila u ka ba nji rezistence pa leshim ketyne dy anmiqve. Po vè ne dukje qyshe ne fillim se persekutimi i katolikve dhe i klerit te tij mbas viti 1944 ishte si pasoje historike e bashkepunimit te dy frocave negative antieuropiane ne Shqiperi, te asaje te kolaboracionistve komunist (=  me kolaboracionstet fashist) me te gjitha mbeturinat antieuropiane antikristjane te mbjellura gjate pushtimit pese shekullor aziatik turk-osman ne trojet shqiptare, te cilat (keto te fundit) u bane shkaktare qe Europa ti coptoje trojet shqiptare me qellim qe te mos krijohej ne Ballkan nji Turqi Osmane e Vogel. Edhe sot keto forca neo-osmane po degjenerojne demokracine europiane ne trojet shqiptare duke mbeshtete haptazi o terthorazi ekstremizmin islamik antieuropiano-antishqiptar te vendeve arabe. Komunsitet ishin po aqe kolaboracioniste me anmiqt shumeshekullor sllavt, sa edhe profashistat. Shprehja tendencioze keqadashse antikatolike e Adrian Vehbiut se “..Përkundrazi, duke i lidhur fatet e tyre me Italinë e Mussolini-t, paritë katolike, qoftë politike qoftë kulturore…” , nuk asht aspak e vertete, sepse nuk ka ekzistue ne Shqipni asnji parti politike katolike o shqoni kishtare katolike, qe te kete lidhe fatet e Shqipnise me fashizmin o ti kete sherbye fashizmit. Jezuitet edhe françeskanet te gjithe me kulture europiane (jo fashiste o naziste siç akuzohen nga osmanofilet dhe sllavofilet komunist), kan qene kundra fashizmit. Kete e vertetojne dokumentet e nxjerruna nga arkivi i ministrise se jashtme italiane te regjimit fashist.Ne dokumentin ne te cilin jepet nji raport sekret ministrise se jashtme italiane (fashiste) mbi nji student katolik shkodrane me studime ne Itali jepet:SHENIMI PER TE NDERTIN SEKSION TE ÇESHTJEVE TE PERGJITHESHME TE REZERVUEME …………………………….“…….Ky njeri asht i lidhun me elementet antifashist te esperantizmit dhe te gjezuitizmit shkodrane (te vjeter dhe te ri qender antitalinae te lidhun me Vjenen, atehere dhe sot)…….DREJTORI – KRYETARI I SEKSIONIT TE POLICISE POLITIKE (firma)   APPUNTO PER L’ON DIVISIONE AFFARI GENERALI RISERVATI……………………………………………..……..Questo uomo è collegato con gli elementi antifascisti dell’esperantismo e del gesuitismo scutarino (vecchio e nuovo centro anitaliano legato a Vienna, allora ed ora)……..IL DIRETTORE – CAPO DIVISIONE DELLA POLIZIA POLITICA (firma) Ernest Koliqi si formim kultural NUK KA QENE FASHIST. Le te dali nji person me dokumenta dhe ta vertetoje se ne shkrimet o veprat e tij letrare Ernest Koliqi ka pase bindje fashiste. Ne nji kohe qe Ismail Kadare i ka sherbye diktatures komuniste. Por Ismail Kadare eshte “ i yni” dhe prandej as flitet per kete kolaboracionist te komunizmit, perkundrazi i bejne do furça per te ia zbardhe faqen e tij te zeze komunist qe qau me pika loti kur vdiq Stalini, ne nje kohe qe shume te rij shqiptar u futen nder burgje sepse qeshen kur vdiç Stalini.Vete Adrian Vehbiu ne shkrimin e tij me siper e pranon se nuk flet tue u bazue nder dokumenta, por ne ato çka mban mend ai (nga ç’ka mesue ai ne shkollat komuniste).Pa u fute thedhe ne shkaqet e lindjes se komunizmit dhe te nazizmit (sepse edhe keto dy ideologji kan pase shkaqet e veta reale historike qe  linden) po filloj te baj nji pasqyre te shkurte te rrjedhjeve te ngjarjeve te Luftes Dyte Botnore. Mbas takimit me 29-30 shtator 1938 ne Mynhen-Gjermani te perfaqesuesve te Anglise, Frances, Gjermanise dhe Italise u pa qarte se kontradiktat ne mes dy grup-shteteve do te sjellshin luften. Anglia dhe Franca (demek demokratike) kishin shume koloni neper bote, ndersa Gjermania dhe Italia kishin shume pak o aspak koloni. Keto te fundit kerkojshin rishikimin e situates. Stalini pretendonte te perhapte ideologjine e dhunes komuniste ne bote. Per kete arsye me daten 23 gusht 1939 Stalini bani me Hitlerin ne Moske Marreveshtjen e quejtun “Molotov-Ribbentrop” per ndarjen e Polonise ku firmosen ministrat e jashtem sovjetiku Molotov dhe gjermani Ribbentrop. Pasoja e pare: Me 1 shtator 1939 me miratimin e komunistit Stalin trupat naziste te Hitlerit pushtuen  Polonine prendimore dhe trupat sovjetike te Ushtrise se Kuqe pushtuen Polonine Lindore dhe tri republikat balltike Lituanine, Letonine dhe Estonine.Lind pyetja: A ishte nazist komunisti Stalin dhe a ishte komunist nazisti Hitler, te cilet bene kete marreveshtje? Pra kjo nuk ishte nji Marreveshtje IDEOLOGJIKE e komunizmit me nazizmin. Kjo ishte nji marreveshtje politiko-ushtarake me interese reciprok ne dam te lirise se popujve te tjere.Po te mos kishte ba Stalini i famshem komunist kete marreveshtje te ndyte dhe teper te damshme me nazistin Hitler, Hitleri nuk do ta kishte pase shpinden e mbrojtun nga lindja per te sulmue ne prendim Belgjiken, Holanden, me pushtue Francen dhe me sulmue Angline. Pra Stalini bani politike pro nazifashiste dhe te gjithe komunistet e botes mbeshtetne Stalinin. Mbas LDB komuistet e mbajten te mshehun marrevshtjen famkeqe Molotov-Ribbentrop, perfshi ketu edhe komunistet shqiptar, qe tash po na hiqen si “anti nazi-fashista” te flakte. Ky asht falsifikim i pacipe i historise.Mbas 22 qershor 1942, qe nazisti Hitler sulmoi dhe u fut thedhe ne territoret e Bashkimit Sovjetik, komunisti Stalini lidhi aleance me kapitalistin amerikan Rusvelt dhe me kapitalistin-kolonjalist anglez Çurçill. Kjo nuk ishte nji alenace ideologjike ne mes komunizmit dhe katipalizmit, por ishte nji aleance politiko-ushtarake me interese te perbashket kundra Hitlerit, e cila zgjati vetem 4 vjet deri ne fund te LDB dhe qe ma vone u kethye ne nji lufte te ftohte ne mes ketyne ish aleatve. Te kethehemi tashti ne Shqipni.Italiant e mandej edhe gjermant e pushtuen Shqipnine, ne te kundert do te ishin fute kundershtart e tyne aleatet anglo-amerikan. Vende bosh nuk len kush. Shqiptart u ndane ne dy grupe, 1- Nga njena ane grupi i pare i atyne qe luftojshin kunder komunizmit dhe kundra sllavizmit dhe 2- Nga ana tjeter grupi i dyte ato qe luftuen pro komunizmit dhe pro sllavizmit te mbeshtetun fuqimisht nga antishqiptaret shekullor jugosllav Tito te cilit i la dore te lire Stalini, tue formue Pertine Komuniste te Shqiperise. PKSH zbatonte verberisht urdhnat e jugosllaveve per eleminimin e te gjithe figurave patriotike dhe kulturale shqiptare.Pyetje komentuesve: Nga cila ane do te rradhiteshit ju? Nga ana e antikomunistve antisllav, apo nga ana e prokomunistve prosllav?!? Kjo asht vija e demarkacionit. Keshtu shtrohet problemi e jo ndryshe. Simbas marreveshtjes Çurçill-Rusvelt-Stalin per ndarjen e Europes mbas LDB shume shtete te perparueme eurolindore u moren nga Stalini, i cili futi trupat sovjetike aty. Mbasi Shqipnia asht dy gisht toke e vogel e paperfillshme e nji populli injorant, kete nuk e pyeti askush. Fati i Shqipnise u percaktue me majen e lapsit ne tavoline gjate marreveshtjeve Çurçill-Rusvelt-Stalin . Fati i Shqipnise pra nuk u percaktue si rezultante e ndeshjes se  dy forcave kundeshtare prokomunisto-prosllave dhe antikomuniste-antisllave. Antikomunistet e kan pare heret se anglo-amerikanet ishin lidhe me komunistin sllav Stalini. Pra fati i tyne nuk ishte me keto tre aleat anglo-amerikan-rus, por ishin kundeshtart e tyne italian dhe gjerman, te cilet do ti sigurojshin veç antikomunizmit edhe bashkimin e trojeve mbar shqiptare, gja qe efektivisht ndodhi me bashkimin e Shqipnise me Kosoven dhe me Çamerine. Kjo marreveshtje e antikomunistve antisllav nuk ishte nji marreveshtje IDEOLOGJIKE ne mes shqiptarve dhe nazistve, por ishte nji marreveshtje politiko-ushtarake njilloj siç e bani Stalini fillimisht me Hitlerin dhe ma vone me anglo-amerikant. Kjo asht politika.Qe marreveshtja e antikomunistve shqiptar nuk ishte marreveshtje ideologjike, por ishte nji marreveshtje politiko ushtarake mjafton te permendim vetem faktin (pa permende fakte te tjera), qe ligjet raciale antisemite nazisto-fashiste jo vetem qe nuk u zbatuen ne territoret shqiptare, por ne keto territore u strehuen dhe shpetuen jeten sa e sa hebrej. Shqiperia u ba nji rruge kalimi per shpetimin e hebrejve. Nuk ka ASNJI vend ne Europe ku shkelen trupat naziste gjermane, qe te mos persekutoheshin dhe te dergoheshin neper kampet e shfarosjes hebrejt. Shqipnia e antikomunistve shqiptar ishte nji vend UNIKAL ne bote. Shifet qarte se shumica dermuese e komentuesve e shkrimt te masiperm nuk e njeh fare historine, o sepse pretendojne se e dijne historine pa lexue, ose jane te indoktrinuem me antieuropianizmin osman-komunist dhe dalin demek si antifashista-nazista pa i njofte fare keto ideologji siç nuk njihshin as edhe komunizmin. Qofte komunizmi, qofte nazifashizmi jane dy ideologji (ku ideja imponohet me dhune) te cilat kan lind ne Europe dhe jo ne Turqine osmane. Shqiptart mbeten 500 vjet nen turk te shkeputun nga kultura europiane, ne nji analfabetizem dhe injorance te plote. Shume prej tyne flasin ne havà dhe perserisin si papagala formulat “antifashizem” dhe “antinazizem” pa i njofte fare, vetem te prirun te kundershtojne diçka europiane.  Çka kan dijte shqiptart se çka asht komunizmi apo nazifashizmi ?!?! Edhe vete koncepti DEMOKRACI asht koncept europrendimor, qe nuk po asimilohet as sot nga shqiptaret e dalun nga izolimi 500+50 vjeçar nga Europa. Do te kishin ba ma mire keto lloj shqiptarsh te ishin antiosman, sepse ky i dhunoi dhe i la mbrapa per pese shekuj. Popujt e tjere te Europes Lindore qe nuk u pushtuen nga turqit-osman, por qe ishin vetem 50 vjet nen komunizem, u rradhiten perseri ne familjen europiane, ne nji kohe qe shqiptart vazhdojne ti bajne temenà vllait te tyne neo-osmanit turk Rexhep Erdoganit.

Pershendetje Respublika Nuk

Pershendetje RespublikaNuk arrij te kuptoj se perse edhe pas faktit qe redaksia i lexon komentet para se ti publikoje lejon publikimin e komenteve te tilla si ai i z. Tedeschini.Me lejoni te shpjegoj arsyen e kesaj pakenaqesie ne lidhje me kete veprim , per mua jo te drejte, te Redaksise.Z.Tedeschini qe ne krye te komentit te tij jep pa kurrfare droje idene se nuk do te merret me ato cfare shkruan artikulli por do te merret me artikullshkruesin, kjo besoj se mjafton per ta skualifikuar komentin e tij. Nuk arrij te kuptoj se perse lejohen fyerje ndaj personit ne nje koment te pare paraprakisht nga redaksia.Me lejoni t'ju kujtoj qe nuk eshte hera e pare qe z.Tedeschini ben komente ne kete fryme, duke i bere biografine ne shtate breza artikullshkruesve apo komentuesve te ndryshem dhe rastesisht i nxjerr te gjithe "turq-osmanlli, sllavo-komunist, renegat shqiptar, anti katolik etj,etj".  E gjitha kjo perzihet me nje arrogance kulturore te tipit : " ju nuk dini historinë se ose ja u kane mesuar komunistet ose ja u kane mesuar turqit" dhe shkruan brockulla qe edhe nje femije i pergenjeshtron pa ndonje problem te madh.Duke u nisur nga komenti i mesiperm po marr nje shembull. Paktin Molotov-Ribentrop. Pauli yne i dashur ndoshta nuk ka qene ne oren e historise kur behej ky pakt por te pakten librin e historise se shkolles duhet ta kete lexuar sepse nuk eshte e vertete qe per kete pakt nuk flitej, perkundrazi flitej dhe thuhej qe Stalini si strateg i madh i diplomacise boterore ja hodhi Hitlerit, dhe perfitoi dy vite kohe qe te armatosej se BRSSS-ja nuk ishte vend agresiv dhe nuk kishte ushtri te mjaftueshme per tu berballur me nje sulm gjerman ne vitin 1939. Thuhej gjithashtu qe sulmi i Hitlerit ndaj BRSS qe i turpshem se shkeli paktin. Une shkollen e kam bere ne fillim te viteve 80-te dhe ne librat tane ishte ndoshta ne ata te Paulit jo.Vazhdojme me tej se e kam pare qe e ka shkruar edhe diku me pare kete fakt qe Stalini keshtu e ashtu. Stalini zotni Paul nuk beri gje tjeter vecse ju pershtat kohes se vet per te mbrojtur ne radhe te pare dhe per te shtuar ne radhe te dyte pushtetin e tij edhe jashte Rusise. Kete arsye ja dhane pikerisht Aleatet me Konferencen e famshme te Mynihut ku praktikisht Daladieri dhe Camberleni i lane dore te lire jo vetem Hitlerit por frymezuan edhe Musolinin per te pushtuar Shqiperine, pasi u pa qarte qe aleatet nuk kishin ndermend te nderhynin ushtarakisht per te mbrojtur shtetet e vogla si Cekoslavakia apo Shqiperia. E kam te qarte qe tani Pauli do mundohet te me beje edhe mua bigrafine dhe do me nxjerr kusheri me ndonje pasha osman dhe antikatolik te terbuar por nuk kam asnje lloj deshire te merrem me te. Komentet e tij keqdashese nuk me interesojne.E nderuara redaksi e Respublika-s jam gjithmone i idese se gjithkush duhet te shprehe mendimet e tij ashtu si ai ka deshire por liria e mendimit nuk eshte e pafundme. Ne momentin qe komentet fyejne personalitetin e dikujt duhet te mos publikohen. Moderimi i komenteve ja vlen te behet, per mendimin tim, vetem n.q.s pervec fjalorit banal do te hiqeshin edhe fyerjet personale ndaj bashkebiseduesve ndryshe nuk ka kuptim.Me repsektEmigranti

keshtu shkruan intelektuali

keshtu shkruan intelektuali dhe njeriu i ndershem, respekte Emigrant, e ne qofsh ai i ppu, dy here.Eshte mire qe redaksia ta konsideroje kete koment se na lodhen keta tedescot gjysme te shkolluar.

Rrespektet e mia gjithashtu

Rrespektet e mia gjithashtu per nderhyrjen shume me vend qe ke bere.Redaksia mendoj qe duhet te jape nje pergjigje per kete nderhyrje qe me sa duket jane te shumte ato qe kane kete pikepamje kulturore.Rrespeket e mia te perzemerta.

Tedeschini, gabimi i parë që

Tedeschini, gabimi i parë që bëni ju, si ti si Vehbiu, kur flisni për  "komunistët pro-jugosllavë të Enver Hoxhës" është se harroni se në filozofinë komuniste të kohës dhe në të gjithë lëvizjen e majtë botërore, si socialiste, komunsite, sindikaliste, anarkiste apo social-demokrate, mbizotëronte fryma INTERNACIONALISTE, e cila në atë kohë ishte e kundërt me qëndrimet dhe ideologjitë nacionaliste. Kjo u manifestua më së miri në kohën e luftës së Spanjës nga brigadat dhe organizimi Internacional në mbrojtje të Republikës. Sot, sidomos pas vitin 90' kemi një trend të ri të njl pjese të së majtës, ku shpesh herë ajo ka trajta nacionalizmi, sidomos në një të ashtuquajtur "mbrojtje" te shtetit nacional, kundrejt asaj që ata e shohin si konspiracion neoloberal. Po të shohësh sot, edhe pse shumë më i dobësuar se në fundin e shekulit të 19 e fillimet e shekullit të 20, kur u shpik dhe ESPERANTO, internacionalizmi ekziston ne trajta neoliberalizmi dhe disa pjesë të së majtës e cila nuk është kritike ndaj globalizimit. Pra ka levizje historike. Në tërësi në "traditë" mund të themi se liberalizmi dhe socializmi ne kulmet e tyre si ideologji dhe trashëguese të traditës ILUMINISTE që besonte në vlerat universale e forcën e pashoqe të arsyes njerëzore (Kanti), kishin dhe ende kanë qëndrime të ndryshme nga e djathta konservatore apo ajo nacionaliste, e cila në Shqipëri përkthehet në një anti-sllavizëm, anti-grekizëm, anti-otomanizëm e në rastin tuaj edhe anti-turqizëm, etj. Deri këtu në rregull. Këto ideologji konservatore, nacionaliste dhe herë herë ksenofobike sot janë trimfatoret absolute të kohës, në vendin tonë. Por kjo nuk do të thotë që të mohosh faktin se në Shqipëri në vitet 30-40 ka patur një mori të rinjsh të cilët i besonin disa vlera Universale (mbi të cilat është ngritur edhe OKB e atëhershme dhe e sotme si dhe konceptet e të drejtave të njeriut që natyrrisht nuk anë lidhje me komunizmin por me trashëgimninë e Universales njerëzore qysh prej Digjoen Laerit e me pas Ilumizmit). Pra gjykoni me optikën e  Nacionalistit dhe harroni se në historinë e mendimit politik perëndimor ka patur dhe ka rryma të tjera, pjesë e të cilave kanë qenë dhe një pjesë e të rinjve shqiptarë dhe po të doni edhe Jugosllavë të kohës. Pra nuk është historia bardhë e zi, vetëm e bazuar në konspiracione etno-gjenetike siç kërkohet të vizatohet sot. Nuk po e them këtë për të justifikuar represionin komunist, në asnjë mënyrë por për t'u bërë të kuptoni që në fillimet e shekullit të kaluar ka patur një idealizëm tjetër nga ai nacionalist. Mirë, keq, kjo është në historia e të gjithë Europës ku edhe ne jemi e kemi qenë pjesë e saj edhe pse të ardhur të rraskapitur ekonomikisht e kulturalisht nga pushtimi apo kolonizimi 500 vjeçar i një perandorie mesjetare.

Faleminderit zoti Adrian si

Faleminderit zoti Adrian si gjithmon i korektë dhe i thjeshtë për tu lexuar dhe për tu kuptuar dhe sa për intelektualëve të organizatës Shqipëri e shqipëtarëve vdekje tradhëtarëve nuk ja vlenë të diskutosh janë njërz të mbaruar të cilët vetëm për të fituar shesin çdo gjë

Sipas gjithe avokateve te

Sipas gjithe avokateve te fashizmit ( qe,ne te vertete, jane thjeshte neofashiste ) bashkepunetoret e  pushtuesve ishin atdhetare sepse u bashkuan me pushtuesin kunder vellezerve te tyre shqiptare. Pra, atdhetar, - sipas tyre, - eshte ai qe vret vellezerit e vet ( sic bene  qeverite shqiptare te 1939-1944) per hir te pushtuesit. Per ta, pushtuesit ishin te mire dhe te dashur sepse nen pushtim ata gezonin privilegjet qe kane gezuar gjithmone veglat dhe sherbetoret e te huajve. Ata qe ua cenojne keto privilegje ( pushtetin e tyre ) jane kriminele, antishqiptare etj.etj. Qysh ne Lashtesi, bashkepunetoret e pushtuesve jane damkosur dhe denuar rende, moralisht dhe ligjerisht. Pas Luftes se Dyte Boterore, vetem Franca dergoi ne burg 120 mije bashkepunetore te pushtuesve. Dy mije prej tyre i denoi me vdekje ( midis tyre edhe Philip Petain, ish-heroin francez te Luftes se Pare Boterore, qe me vone ia falen jeten ). Sipas neofashisteve tane, regjimi dhe vetem regjimi komunist i pas 1944 nuk duhej t'i denonte bashkepunetoret e pushtuesve. Sic e thote edhe nje opinionist tjeter ketu, antikomunizmi ka qene preteksti per bashkepunim me pushtuesit. Kur Italia pushtoi Shqiperine, ne Shqiperi nuk ishin as 20 komuniste, djem te rinj dhe ilegale. Po te lexosh gazetat e kohes si dhe dokumentet e asaj kohe, duket qarte qe bashkepunimi dhe hosanate ndaj pushtuesve ishin thjeshte nje nenshtrim i turpshem ndaj te fortit dhe sherbim per te perfituar prej tij. Madje, shumica e bashkepunetoreve te fashizmit, e shpallen kete dashuri fashiste si reaksion ndaj Ahmet Zogut ( dhe jo ndaj komunizmit ). Ata ishin thjeshte njerez pa vlera kombetare ( as qe me hyjne ne pune vlerat e tyre intelektuale, nese i kane pasur). Tani na i bejne te gjithe gjeni, megjithese kane qene njerez fare mesatare. Ernest Koliqi u be Sekretar i Partise Fashiste dhe Kryetar i Keshillit Fashist Korporativ. Sa i vogel ishte Koliqi si njeri, e tregon edhe ky paragraf i marre nga Gazeta " Tomorri " i 5 dhjetorit 942: " Kryetari E. Koliqi beri lajmerimin e nje ngjarjeje te lumtur ne Shtepine e Savojes. Me shume gezim, - tha ai, - u kumtoj te ndershmeve Keshilltare se Ministri i Oborrit Mbretnor, me urdhen te Madhnise se Tij Mbretit Perandor, na ka lajmue se Naltesia e Saj, Princesha e Piemontit ka kaperxye lumnisht te pestin muej qe asht shtatzane...". Mos qesh po deshe!

Kandveshtrim interesant i

Kandveshtrim interesant i autorit, por per mendimin tem nuk duhet me hrxhu shume kohe e energji me kto tema te sterzgjatuna e pa kurrfare perfitimit, te cilat thjesht sherbejne si stimulues qe Pal Gjermani, Ndreca, Nikolla, Markgjekaj, etj me shfry orgazmat e tyne mendore histerike, n'drejtim t'kujtdo qe nuk ban kryq. Deri tash kam mendu qe kto duhet ti pijne ilaçet me rregull se nuk jane mire, kurse tash po u tham t'mos i pine se jan tuj iu ba dam (kan fillu efektet ansore)... Po kujt i plasi per Mikel Koliqin...!!!??!!!!!

Nuk ka asnje dyshim se

Nuk ka asnje dyshim se qendrimi i A. Vehbiut eshte tejet i majte. Ideja, se fashizmi krijoi premisat dhe beri te mundur ardhjen e diktatures komuniste, eshte me te vertet e guximshme sepse le  ne harrese rolin e jugosllavise ne organizimin e ardhjes se komunizmit ne Shqiperi gjithashtu edhe te ashtuquajturen lufte civile midis Ballit Kombetar dhe UNç .Sigurisht A. Vehbiu e konsideron Hoxhen "atdhetar" dhe jo vegel e komunisteve jugosllave nen direktivat e te cileve nuk hezitoi te masakronte mijera kosovare, shqiptare, intelektuale e njerez te kultures. Mos te harrojme masakren e Tivarit apo masakren e Tiranes. Jam kurioz te di se si do t'i quante A. Vehbiu shqiptaret qe nuk hezituan te vrisnin shqiptare te tjere nen urdhrat e Jugosllaveve...E kam shkruar disa here, nese duam te japim gjykime mbi intelektualet si kolaboracioniste qofte me te huajt apo me terrorin e kuq duhet t'a bejme duke pasur si baze ndershmerine intelektuale.Kam pershtypjen se tjeter qendrim do te mbante A. Vehbiu nese do te kishte qene bashkekohes i Koliqit.Jam dakord qe te kalohet ne vrimen e gjilperes aktiviteti i Koliqit por me duket e pandershme qe kjo te mos behet edhe per  te gjithe intelektualet qe bashkepunuan me regjimin e diktatorit Hoxha.

@ Tedeschini, keto histori me

@ Tedeschini, keto histori me 'atrocities' jane dhe vlejne shume mire per nxeniesit e shkollave per luften propagandistike ndaj ketyre regjimeve, ideologjive e sistemeve. Jane perdorur e do te perdoren si argumenta sa te jemi galle. Fillo tani na numero dhe krimet e serbeve ndaj shqiptareve dhe e kemi te mbyllur kuadrin e tmerreve te perdorura per te forcuar argumenta sipas qejfit e per te arritur ne perfundime qe na konvenojne per momentin. Psh duam te bejme apologjine e fashizmit ne Shqiperi, hajde o burra kujtojme krimet e Stalinit.  Duam te vjedhim pronat e te tjereve, hajde o burra krijojme histori me foshnja te zjera ne tenxhere. Cfare eshte tipike eshte se histori te tilla kane te gjitha palet. Do nje histori tjeter ate se kane luajtur futboll me kafka njerezish ne Shqiperi ne 97'ten? te njejeten histori kam lexuar nje artikull te plote e gjen qe nga Indonezia e deri ne Pakistan e te gjithe ballkanin. Pra jane disa mite makabre dhe horrore, qe gjithmone mbahen ne deshmi gojore se 'jo une por nje i afert i imi ka qene deshmitar' dhe 'deshmia eshte e sigurt' te cilat shfrytezohen ne menyre perfekte per qellime instrumentale te paleve te ndryshme. Tashti nuk besoj se eshte vendi dhe koha te diskutohet per konflikte etnikee fetare me te cilat bota ka qene e mbushur qe nga lufta 30vjecare ne Europe e deri tek ajo para disa vitesh ne Ruanda. Pra nuk ka lidhje kjo histori me Ernest Koliqin fare.

Shen Jan kristosomi (shekulli

Shen Jan kristosomi (shekulli i katert): Nese nuk rri dot pa bere gjyqin e dikujt, bej cdo dite gjyqin e vetes tende.

Kush asht pa mekat le te

Kush asht pa mekat le te hjedhe gurin i pari !!!!Thote nji komentues: “Pra nuk ka lidhje kjo histori (e krimeve te komunistve) me Ernest Koliqin fare.”?!?Krimet e komunistve kan lidhje edhe me Ernest Koliqin, sepse ndersa Ernest Koliqi psh dergoi 200 mesues shqiptar ne Kosoven pa shkolla shqipe dhe dergoi me bursa sa e sa te rij shqiptar (edhe komunista) neper shkollat italiane, te derguemit komunistave jugosllav te Titos, serbi nga Kosova Dushan Mugosha dhe malazezi Miladin Popoviqi krijuene me 200 komunista shqiptar Partine Komuniste Shqiptare te cilet ne krye vendosne kriminelin xhahil e injorant trathtarin Enver Hoxhen. Dhe jane pikrisht pinjollt e ketyne kriminelve qe sot hjedhin balte mbi nji intelektual te madh si Ernest Koliqi, i cili veç mire i bani shqiptarve gjate kohes se pushtimit italian fashist. Ai nuk bashkepunoi me italiant per ti ba keq shqiptarve apo per te vra komunistet, por per ti ba mire te gjithe shqiptarve pa dallim. Nuk ka asnji prove qe Ernest Koliqi te kete pase bindje fashiste. Ai shfrytezoi fashizmin italian ne dobi te kombit pa asnji lidhje ideologjike. Po komunistet çka i bane kombit me lidhjen e tyne ideoligjike me sllavt? Pergjigjen e dijne te gjithe.Dikush nga pinjollet komunista thote se keto trathtar meritojshin blumbin ballit. Dhe un po tham me plote bindje se edhe ju komunistet shqiptar do te meritojshit njilloj plumbin ballit per çka kan keni ba gjate diktatures se juej. E ku asht ndryshimi i komunistve me fashistet? Prandej veç komunistet nuk kan asnji te drejte te hapin goje.Sot asht kollaj me fole, por mos harroni se komunistet shqiptar u lidhen me anmikun shekullor serbo-malazezt dhe masakruen vllaznit shqiptar per te marre dhe per te mbajt pushtetin. Tamam maskarej e trathtar. Keto meritojne plumbin ballit, asht siç bertitshin per kundershtart e tyne.Me kujtohet ne vitin 1948 kur isha 8 vjeç dhe kendojshim ne shkolla kangen Envert-Tito-Stalin dhe shifshim tri fotografite e udheheqsve “tane”. Ne shtepine time na kan sjelle me zori te strehojshim partizanet serbo-malazez. Bile me kujtohet njeni qe ishte me musteqe dhe pa nji krah, me merrte ne prehen sepse duket i kujtoheshin femijt e tij. Gjate terrorit sllavo-komunsit te viteve 1945-1948 vepronte ne degen e punve te mbrendshme ne Shkoder UDB-ja jugosllave e cila urdhnonte zhdukjen e te gjithe antikomunistve por edhe te inteletualve dhe patriotve shkodrane dhe malcor te Mbishkodres pa dallim qe nuk kishin asnjimlidhje me politiken. Ata urdhnuen zhdukjen e klerit katolik, sepse ky kler ka qene barrjera antisllave shqiptare. Ky kler mbante gjalle ndjenjen dhe kulturen shqiptare si gjate pushtimit turk-osman si dhe ndaj sulmeve sllave.Ne fushaten spastruese ne Malci te Madhe kryekrimineli Mehmet Shehu me brigaten e tij rrethoi trimat malcor nga ana e jugut ndersa nga ana e veriut malcort e veriut, kryesisht katolike, ishin te rrethuem nga serbo-malazezet. Mehmeti u premtoi falje me bese po tu dorezoshin. Malcort tue i besue BESES SE NJI SHQIPTARI, u dorezuen. Mehemti i preu ne bese, i pushkatoi pa gjygje, i internoi gra e femij e pleq neper kampet e Tepelenes ne jug. Ne Veri komunistet shqiptar nuk kan pase asnji kamp perqendrimi. Lind pyetja: Pse ne jug kan pase komunistet kampe e ne veri jo?Un i ka ba komentuesve dhe lexuesve nji pyetje konkrete dhe nuk kam pase asnji pergjigje:Nga cila ane do te rradhiteshit ju? Nga ana e antikomunistve antisllav, apo nga ana e prokomunistve prosllav?!?Kerkoj pergjigje konkrete dhe jo fjale boshe dredharake.

Tedeschini, ti or mik dukesh

Tedeschini, ti or mik dukesh se shikon endrra me mure pushkatimi. Te ka ngel sahati ne vitet 40 or mik, je ne 2013. Shqiptaret i kane tejkaluar keto budallalleqe, sic i kane tejkaluar Spanjollet, Greket, Italianet, Gjermanet, Francezet, Hollandezet, Danezet, Norvegjezet, Anglezet etj. Nuk behen diskutime te tilla sot as ne Hollande, as ne Angli e as me Norvegji sepse dihen pozicionet e njerezve ndaj nazizmit edhe komunizmit bashke. Fashiste e komuniste ka patur e gjithe Europa. Fatmiresisht ne Perendim fituan ata qe nuk u peryjene me keto pale. Ishin shumica absolute. tek ne ata qe nuk u perzjene ishin pakice, per te mos thene me kokrra. Kjo po eshte per te ardhur keq. Nje pjese tuajes u ka ngel sahati komplet, nuk dini ne c'kohe jetoni dhe me vjen keq qe kjo ka ndodhur ne nje pjese te konsiderueshme edhe ne Shkoder. Sa per komunizem, grupet e para komuniste ishin 2: te Shkodres dhe te Korces. Te vetmet qytete qe kishte Shqiperia ne kuptimin e plote te fjales. Njerez u perfshine ne rryma te ndryshme ashtu si ne Italine e kohes, edhe ne Shqiperi. Italianet nuk kane qene e nuk jane te gjithe jezuite e fashiste mor mik, kane dhe ata historine e tyre shume te larmishme para e pas luftes. Sa per kampe perqendrimi Burreli dhe Spaçi ku kane qene ne jug apo veri?Përsa i përket mbajtjes gjallë të idesë kombëtare dhe patriotike, po Jeronim De Rada bashke me Gavril Darën i Riu, baballarët e patriotizmit shqiptar dhe truri pas asaj që lindi më vonë si Rilindje Kombëtare, quhen sipas teje apo vetëm katolikët e Shkodrës ekzistojnë në këtë botë?

Or mik AFP, qe nuk ke

Or mik AFP, qe nuk ke personalitet si un te dalish me emnin tand, por me disa germa pa kuptim, a thue se ti nuk ke emen e mbiemen.Na ketu nuk jemi tue fole per kohen e sotme. Na ketu po diskutojme aspektin historik te periudhes se mesit te shekullit te XX-t. Ernest Koliqi ka jetue ne ate periudhe, dhe per ate periudhe po flasim.AFP thote: “Italianet nuk kane qene e nuk jane te gjithe jezuite e fashiste mor mik” .Ty or mik qe te paska ecur sahati baraz me kohen, paske mbete mbrapa me shume se un perderisa barazon jezuitet me fashistat. Ti a nuk lexon te pakten komentet e mija?Ty ta kan mbushe mendjen rrethet antikatolike (osmane apo sllavokomuniste) se Jezuitet jane edhe fashista. Po e perseris edhe nji here çka thote dokumenti i nxjerrun nga ministria e jashtme italiane e kohes se regjimit fashist. Po te duesh ta dergoj te skanarizueme me e-mail, por nuk asht ky problemi.Ne gjuhen origjinale italisht:APPUNTO PER L’ON DIVISIONE AFFARI GENERALI RISERVATI……………………………………………..……..Questo uomo è collegato con gli elementi antifascisti dell’esperantismo e del gesuitismo scutarino (vecchio e nuovo centro anitaliano legato a Vienna, allora ed ora)……..IL DIRETTORE – CAPO DIVISIONE DELLA POLIZIA POLITICA (firma)E perkethyeme shqip nga un:SHENIMI PER TE NDERTIN SEKSION TE ÇESHTJEVE TE PERGJITHESHME TE REZERVUEME …………………………….“…….Ky njeri asht i lidhun me elementet antifashist te esperantizmit dhe te gjezuitizmit shkodrane (te vjeter dhe te ri qender antitalinae te lidhun me Vjenen, atehere dhe sot)…….DREJTORI – KRYETARI I SEKSIONIT TE POLICISE POLITIKE (firma) Pikrisht ato qe te kan mesue ty se jezuitet kan qene fashista, kan prishe shkollen nji shekullore fillore dhe te mesme jezuite te themelueme ne Shkoder ne vitin 1879. Kan prishte te gjitha laboratoret. Kan prishe krejtesisht muzeumin dhe biblioteken e pasun te jezuitve. Kan prishe teatrin dhe banden muzikore. Kan prishe laboratoret e pasuna te fizikes, kimise, te biologjise, te mineralogjise. Kan prishe shkollen qe njihej qyshe atehere nga te gjitha universitetet europiane ne te cilen kan studjue me mija nxanes edhe djem musliman nga veriu e nga jugu, nder te cilet Faik Konica dhe Qemal Stafa. Kan prishe te parin stacion meteoroligj ne Shqipni qe ishte mbi ndertesen e shkolles. Un i kam listat e te gjithe nxansve te shkolles dhe nji liber me vlere historike rreth kesaj shkolle. Kan mbylle kuvendin dhe kishen jezuite. Kan burgose dhe pushkatue personelin shkollor.  Pse te gjitha keto gjana? Nga fanatizmi pese shekullor antiprendimor, antikatolik i kombunuem me antishqiptarizmen sllave. Jane pikrisht keto koncepte or mik qe nuk e lane shqiptarin te ecin me kohen, por e mbajne me frè si kalin. Prandej studjohet historia or mik.Megjithe ate ti AFP i paemen nuk u pergjigje pyetjes sime:Nga cila ane do te rradhiteshit ju? Nga ana e antikomunistve antisllav, apo nga ana e prokomunistve prosllav?!?

@ Tedeschini. Per mua

@ Tedeschini. Per mua Shkodren e nderon me shume lidhja e hershme me Venedikun sesa marredhenia satelitore me Vatikanin. Problemi eshte qe siç dime edhe nga Barleti etj, popullsia e Shkodres u pre me shpate ose emigroi pas renies tragjike te qytetit ndaj turqve. Historia jone si nje vend i bere kasaphane nga interesa te te tjereve eshte per te gjithe njesoj  e dhimbshme. Megjithese s'ka lidhje me temen po te them per muhabet se mund te kem ankesa te natyres qe ti ke ndaj stalinisteve per jezuitet e kohes se sektit te Ignatiusit te Loyolas. Por ne kohen e sotme nuk ka me vlere ajo pune dhe kurrsesi nuk kam gje negative per jezuitet qofte dhe françeskanet e Shqiperise. Perndryshe jezuitet e inkuizicionit, me gjithe respektin, nuk ndryshojne shume nga sekti i partise komuniste, biles eshte e njohur se komunistet i kane marre jezuitet si model.Patjeter qe Kisha Katolike ndikoi per ringritjen e qyteterimit ne kushtet e pushtimit otoman ne Shkoder. Patjeter qe kisha u perpoq te beje rezitence dhe ndaj krimit komunist. Koliqi nuk ishte as prift e as murg. Kam pershtypjen se Koliqi, Kruja etj fashiste, ishin me teper kunder kastes orientale te bejlereve dhe bajraktareve mesjetare ne Shqiperi, te instrumentalizuar nga Zogu per te konsoliduar pushtetin e tij, sesa komunisteve. Perpara bashkepunimit te tyre me fashistet Italiane ne pushtet ishte Zogu me shoke, jo Enver Hoxha me shoke, qe nuk e dinte njeri kush ishin. Po t'i shikosh nga ky kendveshtrim behet me i kuptueshem pozicioni i tyre brenda rrethanave te Shqiperise se kohes, dhe jo teza anti-komuniste. Ne Shqiperine e viteve 30-40 nuk perceptoheshin si rrezik serioz komunistet. Komunistet, fillimisht vetem disa kokrra te rinjsh neper qytete, si Shkodra, Korça dhe Tirana, erdhen si nendetse sa hap e mbyll syte nga 43-shi e tutje, duke shfrytezuar luften kunder pushtuesit te huaj dhe frymen e gjere anti-fashiste te kohes qe nga lindja ne perendim.Shqiperia ka patur shume pak, intelektuale stoike, te cilet ruajten integritetin e tyre pa u perfshire e perzjere me dy ideologjite ekstreme te kohes. Ata po qe jane Heronj. Fatkeqesisht intelektualet tane jane shitur historikisht per 5 leke, apo nje çape buke tek interesat e te tjereve, me apo pa dashje. Shpesh here duke argumentuar sic thote Vehbiu, "per inat te vjehrres" ripozicionimet e tyre shpesh here shume te gabuara. Por kjo ka ardhur nga trysnia e mbijeteses, jo nga ndonej shkak tjeter. Ka ardhur gjithmone nje moment kur realiteti shqiptar i ka thyer. Per kete arsye te vetmit qe "shpetojne" jane ata qe jane shuar te rinj, si Migjeni, apo nuk kane jetuar ne momente kritike ne Shqiperi. Edhe sot e kesaj dite, kushdo intelektual duhet te jete patjeter nen ombrellen e ndonje pushteti apo fuqie  tjeter per te siguruar buken. Kjo eshte fatkeqesia e nje populli te mbetur ne mjerim. Per kete Koliqi vete, flet shume paster, indirekt ne shkrimet e tij, dhe ky eshte dimesioni qe duhet te kuptojme ne dhe te reflektojme.

Pyetje AFA-s: Pse Shkodren

Pyetje AFA-s: Pse Shkodren nuk e nderoka lidhja me Vatikanin?

Sepse e ben me te vecante

Sepse e ben me te vecante kultura, arkitektura dhe arti Venecian.Vatikani eshte mire te ndihmoje pak me shume te gjithe katoliket si psh Mirditen dhe Malsine e Madhe qe jetojne ne varferi.

Pyetja e ime asht kjo: Pse

Pyetja e ime asht kjo: Pse Shkodren nuk e nderoka lidhja me Vatikanin?

Padijen time relative? Me

Padijen time relative? Me siguri eshte dicka me shume se aq, carcinogenesis, po te kemi parasysh rrugen e filozofise ne hartimit te teksteve shkollore deri tek ndotjet e fundit  pa kriter te llojit Vehbiu.Afa, Kisha katolike nuk ka vepruar ne hapsiren dhe kohen qe ju i keni vene asaj ne dispozicion. Ndoshta kjo vjen per shkak te prejardhjes tuaj, perkatise fetare apo krahinore. Por, nese ndryshe prej Vehbit, ndodh te qetsoheni ndoj dite dhe gjeni kohe ti hidhni nje sy literatures ne shqip, jo vetem teksteve te Jorgaqit, Shuteriqit, Vehbiut etj, me siguri do te gjeni pasaktesi te medha ne komentin tuaj modest.

Midis vjehrrës dhe mullixhinjve

Comments

Edhe nese lexon prej Petro

Kush do te ishte Koliqi, nese

Dhe Shqiperia nuk mban ndonje

Po Gjon po, lexoje historine

SA FASHITSË KA

Ky burri ka qene nje tip

Adrian Vehbiut asht nji

Pershendetje Respublika Nuk

keshtu shkruan intelektuali

Rrespektet e mia gjithashtu

Tedeschini, gabimi i parë që

Faleminderit zoti Adrian si

Sipas gjithe avokateve te

Kandveshtrim interesant i

Nuk ka asnje dyshim se

@ Tedeschini, keto histori me

Shen Jan kristosomi (shekulli

Kush asht pa mekat le te

Tedeschini, ti or mik dukesh

Or mik AFP, qe nuk ke

@ Tedeschini. Per mua

Pyetje AFA-s: Pse Shkodren

Sepse e ben me te vecante

Pyetja e ime asht kjo: Pse

Padijen time relative? Me

Add new comment

Plain text

You are here

Midis vjehrrës dhe mullixhinjve

Comments

Add new comment

Plain text