Kopja e Pranverës Arabe. Guaido dështon me popullin, thirrje ushtrisë për kryengritje

Venezuela ka hyrë këto ditë në fazën e radhës të përdoriit të kukullave të kurdisura si Juan Guaido që pasi u zgjodh në krye të Parlamentit të vendit një ditë të bukur shpalli idealin për revolucion. Kuptohet që presidenti Maduro përfaqëson krizën e korrupsionit që ka mbërthyer mbarë botën, por revolucionarë të pas perdeve si Guaido, që edhe estetikisht është në unformitet me njeriun e ri të politikës, me kostum, pa kravatë dhe që improvizon fjalime si djali i popullit, janë në fakt jo fillimi i diçkaje të re, por faza e degradimit të kësaj që kemi.

Mirëpo vetë Guaido ka dalë së fundmi në një video që e ka postuar në tuiter, krah njerëzve në uniformë ushtarake, duke folur për atë që e quajti operacioni Liria. Ai ka bërë thirrje që ushtria të ngrihet dhe të rrëzoj tiranin Maduro, ndërkohë që këto kapardisje kanë ardhur si pasojë e faktit se Guaido është njohur si president edhe pse nuk është zgjedhur. Dhe është njohur menjëherë nga SHBA, çka lë të dyshosh se ajo që po ndodh në Venezuelë është asgjë më shumë se ajo që ka ndodhur në dekadat e fundit në vendet e Amerikës Latine dhe Qendrore.

Koha është tani. Forcat e armatosura kanë marrë vendimin e duhur dhe ato besojnë në mbështetjen e populllit venezuelian

tha ai nga një bazë ajrore.

Pastaj ka shtuar:

Çdokush duhet të dalë në rrugë në paqe

https://www.pscp.tv/w/1rmxPejBrvXKN

I njëjti skenar, të njëjtat lloje fytyrash, i njëjti fjalor. Me dallimin se kësaj radhe një njeri mbështetet hapur dhe pa u zgjedhur. Demokracia është çështje perspektive mesa duket.