Panairi i turizmit në Berlin, Shqipëria në një pavion me Turqinë dhe Qipron turke

Ministria e Turizmit e ka prezantuar Panairin e Turizmit në Berlin me dy kronika: njëra është një intervistë – reportazh realizuar nga vetë ministria ku flet edhe ministri Blendi Klosi, e dyta është një qokë e Top-Channel që paraqet lavërime pa fund për turzimin shqiptar. Është për t’u theksuar se çuditërisht ministri paraqitet më realist sesa televizioni në fjalë, kur kujdeset që të përdorë fjalë jo shumë sensacionale, si p.sh turizmi si biznes i qëndrueshëm, Shqipëria destinacion i kërkuar etj.. Ministri evidenton si një ndër sukseset e Panairit faktin se Shqipëria u prezantua me një stendë më të madhe dhe ku ka patur shmë kërkesa. Nga ana tjetër vetë prezenca e Klosit dëshmon për kujdesin e qeverisë që t’i japë rëndësi këtij sektori që pavarësisht rritjes nuk po hyn do të në sferën e standardeve të vendeve fqinj kjo edhe për shkak të shërbimeve dhe kulturës së mangët.

Por sipas njoftimeve të ndryshme, edhe e vërteta e prezantimit të Shqipërisë në Berlin lë për të dëshiruar. Nga burime të ResPublica por edhe nga diskutime në rrjetet sociale të njerëzve të pranishëm në Panair, probleme që dëshmojnë për mungesë serioziteti, apo të paktën përgatitjeje. Ja një prej akuzave:

Panairi me i madh boteror i turizmit ITB Berlin qe vazhdon deri te Dielen(6-10 Mars) mbledh plot 10.000 ekspozues nga 181 vende te botes. Shumica e vendeve, edhe me te vogla se Shqiperia kane pavijone te tera ne dispozicion. Shqiperia, qe "e ka prioritet" turizmin, çuditerisht ka vetem nje stende te vogel me 25 poste per operatoret. Nga 25 operatoret e pranishem, vetem rreth 15 prej tyre ishin tour operatore te mirefillte dhe te njohur ne treg(ata qe paguajne stenden). Pjesen tjeter, per te cilen paguan ministria, ne taksapaguesit dmth, i kishte sjelle nen sjetull ministri Klosi...me sa duket per te kerkuar per Liam-in...(meqe Liam nuk iu pergjigj thirrjes se tij per te ardh ne Shqiperi...ka nxjerre keto agjensite fantazme ta gjejne e ta marrin me zor...kudo qe ai ndodhet dmth).

Por me skandalozja, ishte fakti qe Ministria jone e Turizmit e kishte vendosur stenden e Shqiperise ne nje cep andej nga fundi, brenda pavijonit Turk. Dmth operatorit apo turistit te huaji i krijohej pershtypja se po vizitonte nje krahine turke, pasi ne pavijonin 3b ishin vetem Turqia (qe zinte 99% te saj), dhe Shqiperia ne nje zgërq te saj

Pra sipërfaqja e madhe që pretendon z. Klosi ka edhe një anë tjetër që nuk thuhet. Nga ana tjetër, sipas burimeve të ResPublica, Shqipëria prezantohej në pavionin turk bashkë me Turqinë dhe Qipron turke, ndërkohë që Kosova p.sh ndodhej në Pavionin e Italisë. Mund të duken hollësi, por në fakt nuk janë të tilla qoftë për çështje të imazhit, qoftë edhe për faturat e paguara. Dhe janë hollësi që kanë rëndësi edhe për faktin se nuk raportohen as nga ministri – e pranueshme – por as nga Top-Channel, kanali i të gjithë shqiptarëve.