Po ikën. “Ç’do bëjë bota” pa të?

Dorëheqja e Silvio Berlusconi-t (është premtuar, por praktikisht nuk ka ndodhur ende; do ndodhë, sidoqoftë) është komentuar në të gjithë botën, jo vetëm në momentet e para pas daljes së lajmit, por edhe këto ditë kur situata është ftohur. Gazetat e revistat më prestigjioze të botës e kanë patur në faqe të parë, dhe kryelajm. Ndër to bien në sy revista britanike the Economist dhe ajo amerikane Time.

E para kish zgjedhur për kopertinë një pikturë ku jepej një festino romano, dmth një nga ato banketet e Romës imperiale, ku përzihej luksi e shthurja, dhe në mes të orgjisë ai, Silvio Berlusconi d.v. Titulli ishte në stilin e revistës: ‘That's all, folks!’, frazë e marrë nga filmat me kartona të animuar të kompanisë kinematografike Warner Bros, që do të thotë: ‘Kaq e pat kjo punë, djema’. Është hera e gjashtë, që the Economist e lë kopertinën në dispozicion të kavalierit të famshëm italian.

Revista Time kish bërë të njëjtën gjë, por në mënyrë më akademike. Fotoja e Berlusconit zinte të gjithë faqen e parë, dhe titulli ishte përshkrues: «The man behind the world's most dangerous economy» (njeriu që rrinte pas ekonomisë më të rrezikshme të botës).

Pak ditë më parë, më 5 nëntor, ishte Financial Times që dilte me një titull bombastik: «In the name of God and Italy, go! (Në ke perëndi e në paç pak dhembshuri për vendin tënd, ik në punën tënde).

“Ç’do bëjë bota” pa Berlusconi-n?

M.N.