Luftërat që bëjnë komunistët në Shqipëri

Pëllumb Kulla

Në fushën e historisë së shqiptarëve njerëzit me tituj doktorësh dhe profesorësh përdorin me endje Dr-të dhe Prof-ët, pa i lidhur me titujt e punimeve shkencore që ua dhanë ato grada. Gradat janë jetëgjata, punimet që sollën gradat jo dhe aq, mjerisht. Veprat e tyre kanë qenë pak a shumë deklarata dashurie për Hoxhën, të llojit "Epërsia e taktikave partizane në mposhtjen e makinës luftarake naziste", apo "Diplomacia e Enver Hoxhës në përballje të fuqive të mëdha", apo ca të tjera me ngjyra folklorike e me preteza shkencore që tani janë mbyllur në harrim me shtatë palë kyçe.

Megjithatë janë njerëz që nuk lëshojnë as gradat dhe as istikamin ku janë strehuar për aq e aq dhjetëvjeçarë. Tërë jetën patën në dorë arkivat dhe dokumentat por ama e bënë historinë me stilin “në djall e vërteta, por shkruaj një rresht dhe vështro lart!”

Historia jonë zyrtare kutërbon servilizëm tranzitor. Ajo na shfaqet me një makiazh të rënduar, ngallosur gjithë mite dhe maksimalizma. Gjen aty mitin e nacionalizmit, mitin e besës dhe basnikërisë, maksimalizmin e therrorisë dhe atë të tradhëtisë. Nuk shikon asnjë dritë rishikimi, afrimi apo revizionimi të arsyeshëm.

Subjektivizmi në trajtimin e historisë dhe në interpretimin e saj është vështirë të shmanget, por doktorët tanë militantë nuk fshehin dot as urrejtjen që u turbullon arsyen dhe u dëmton autoritetin shkencor. Nuk e shpjegoj dot më mirë se zoti Ardian Ndreca, ca muaj më parë, në një artikull në faqet e kësaj gazete të nderuar. Ish një shkrim sa shprehës aq dhe çarmatosës mbi operatin e Arben Putos në kërkimin e burimeve, që këtij profesori në vend t’ia shuajnë, ia përshkënditnin urrejtjen e ia bëjnë edhe më shkumëzuese se ajo që e pat frymëzuar gjatë perudhës komuniste. E çuditëshme!

Para ca ditësh profesor Pëllumb Xhufi shpjegonte se duheshin respektuar rregullat ndërkombëtare të shfrytëzimit të arkivave dhe periudhat e maturimit. Ai thosh se vjetërimi i bën mirë historisë, sikurse vitet e shumta që e bëjnë verën më të mirë e më të sigurtë. “Ka ligje”, thosh tekstualisht profesori, “që nuk na lejojnë që ne sot të mundim të lexojmë dokumentet e viteve 1990 apo 1960. Mirëpo ne nuk do mund të mësojmë kurrë të vërtetën, p.sh, e prishjes së marrëdhënieve të Enver Hoxhës me Kinën, në 1977,” vazhdon ai, “apo atë të “ngrohjes” së marrëdhënieve të Sali Berishës me Greqinë, pas vitit 2002”

Është interesant se si këta ligje nuk vlenin asnjë grosh në 1945, për ta nxirrosur Mustafa Krujën, nxirrje që zoti Xhufi e vazhdon edhe sot pa asnjë sitë dhe pa asnjë filtër. Historianët e 45 nuk i lanë as tre vjet kohë verës të bëhej e mirë dhe e sigurtë! Të skandalizon respekti i afatit kohor për të marrë vesh bëmat e Hoxhës apo Berishës dhe nuk u qaset njeri “pas maturimit të bollshëm të verës dhe dokumenteve” për të parë në çfarë rrethanash e kushtesh u angazhua në krye të administratës së vendit të pushtuar një patriot antizogist dhe intelektual i klasit të parë? Ku ishin synimet e tij? Kruja e mori atë detyrë në të mirë të Shqipërisë apo të Italisë? A u vuri ai kushte autoriteteve të pushtimit? E bëri këtë kërkim në arkiv tani, pas 70 vjetësh, profesor Xhufi, apo nuk ish e nevojshme ngaqë akoma i vjen për mbarë opinioni i Enver Hoxhës?

I pyetur në një intervistë TV, se si do ta gjykonte sot figurën e Enver Hoxhës, më i vjetri nga historianët e atyre viteve, profesor Kristo Frashëri, tha se liderit komunist i duheshin vënë në peshore të mirat dhe të metat. Si të meta, zoti Frashëri i faturoi rrënimin ekonomik dhe Luftën e Klasave, kurse në të mirat, ai përmendi udhëheqjen e Luftës Nacional Çlirimtare dhe tha se kjo e fundit ka peshë dhe vlerë më të madhe dhe e ngre Enverin në dritë pozitive. Vetëm me këtë përgjigje shkencëtari Kristo Frashëri dëshmon se rrënimi i vendit e paska lënë indiferent, se nuk e paska marrë vesh kurrë se çfarë ishte Lufta e Klasave dhe sa jetë shqiptarësh mori ajo! E mburr Enverin në një luftë kundër pushtuesve ku më shumë se udhëhoqi e udhëhoqën dhe e lehtëson nga një luftë ku luftoi shqiptarët me ashk dhe mizori! E lartëson në një luftë ku ishte shërbëtor dhe eviton gjykimin e plotë të tij në një luftë ku ishte Zot!

Në fakt gjykime si këto kanë qenë dhe shtytja kryesore për këtë shkrim. I kërkoi lejë lexuesit të endem në ca përsëritje të njohura e të pranuara në të shumtën e tyre nga të gjithë.

Natyrisht nuk do të shënoj këtu referenca dhe adresime faqesh e datash. Ky shkrim fokusohet mbi pushtimet dhe çlirimet, por nuk është as punë shkencore dhe as dëshmi për gjyq.

Dihet se komunistët nuk e pritën pushtuesin me pushkë. Ata nuk, kishin kurrfarë organizimi, as si parti dhe as si klasë punëtore, të cilën e deklarojnë si bazë të tyre. Robëria e vendit nuk u prishte punë aspak.

Me pushkë nuk e pritën fashizmin as nacionalistët. Edhe ata mendonin se luftrat kundër pushtuesve mund të fillonin me fjalime dhe me memorandume. Për një kohë të gjatë nuk shënohet asnjë aksion me peshë kundër italianëve që pushtuan vendin. Ngjan sikur urrejtja për pushtuesin lindi me vonesë. E duket sikur ajo nuk lindi nga atdhedashuria por nga nevoja të piksynimeve politike. Pas shumë vjetësh të dy palët do të riktheheshin në hapësirën e paqtë kohore të 1939-43 për të qëmtuar e nënvizuar ndonjë përpjekje me pushtuesin, ku do të regjistronin a posteriori veten si pjesëmarrës apo shtytës. Manifestimet kundër Zogut me moton “duam armë!” që thonë se ishin të shumta, fryhen dhe pompohen, për t’i krehur bishtin popullit, si gjoja më atdhedashës nga sa ishte mbreti i tyre. Pompimet nuk fshehin dot se shqiptarët kishin nëpër hatulla me qindra mijëra armë me të cilat vrisnin njëri tjetrin. Kronikat nuk shënojnë vatra të rezistencës së improvizuar me ato armë.

Pushtuesit pësuan humbje por jo aq nga kundërvënie të atdhetarëve shqiptarë me ngjyra dhe pa ngjyra se sa nga grushtet e forta të ushtrisë greke, e cila i ngjeshi ngojëzën ulkonjës së Romës. Grekët e vunë përpara ushtrinë butaforike italiane, ia shtynë lart kufirin e pushtimit të territoreve shqiptare dhe u vendosën vetë në atë ngastër Shqipërie, nga ku patën qërruar trupat fashiste. U tërhoqën që andej vetëm për t’u prerë rrugën gjermanëve që po u hynin nga Traka e që nuk i ndalën dot. Veç Greqisë, gjermanët i dhanë fund dhe okupimit të Jugosllavisë dhe italianëve u erdhi mbarë t’u përshkëndisin ëndrrat nacionalistëve shqiptarë duke lëvizur kufirin zaptues të perandorisë së Viktor Emanuelit edhe përmbi ato krahina shqiptare, që qysh nga 1913, i njiheshin padrejtësisht Jugosllavisë. Tani Shqipëria ishte bërë një shtet i plotë i organizuar me prefektura dhe nënprefektura. Ishte një njësi administrative e gjërë, bash ajo e ëndërruara, me kryeqytet Tiranën! Radiot dhe gazetat përhapnin lajme me kronika nga krahinat, me një volum të barabartë njoftimesh si për Vlorën, ashtu edhe për Pejën e Gostivarin duke gëzuar për këtë situate të re vlonjatë, pejanë dhe gostivaras tok. Nën pushtim vërtet, por dukej se padrejtësitë e Londrës me kufijtë e shqiptarëve, po ndreqeshin si me magji. Me armët e të tjerëve!

Ishte kjo hartë e re që vizatoi lufta ajo që i shtyu jugosllavët të gjenin tek komunistët shqiptarë, ca forca të brendshme dhe t’ua kundërvinin nacionalistëve të Mithat Frashërit, të cilët pushtimin italian, pa e thënë me zë të lartë, nuk po e luftonin pikërisht si mirënjohje të kësaj …dhurate! Rezultoi më vonë se ky iluzion u solli kosto politike dhe hapi shumë varre.

Në urdhëratën e fundit të një dokumenti orientues me dhjetë pika, ballistët deklaroheshin për luftë kundër okupatorit, por çetat e tyre të rregullta morën jetë vetëm në prag të kapitullimit të ushtrive të Romës. Ishin ata muaj që edhe formacionet partizane filluan të shumohen me shpejtësi.

Ndihej nevoja e një marrëveshje të urtë të këtyre çetave udhëhequr nga dashuria për një atdhe të lirë të bashkuar e demokratik.

Për këtë qëllim, u mblodhën në Mukaj figurat kryesore të dy organizatave politike dhe bënë atë marrëveshje që dihet. Mungonte Enver Hoxha, por në atë kohë mosprania e Enver Hoxhës nuk bënte përshtypje. Ai ishte thuajse i panjohur dhe mendohej që më të mëdhenjtë e komunistëve qenë atje. Kjo mungesë i dha epërsi atij të vihej totalisht në shërbim të “mësuesve” jugosllavë që u ngritën në alarm kundër kësaj marrëveshje me zotime për bashkimin e trojeve etnike. Mosprania në Mukaj i dha Hoxhës krah të godiste shokët që vajtën atje si të deleguar firmëtarë. Që këtej nis edhe seriali i pafund i kokëprerjes së shokëve më të afërt që i mbahet mend në rekordet gjakatarë të Enver Hoxhës.

Shkyerja e marrëveshjes ndodhi aq shpejt sa ballistët nuk patën kohë as të mbushnin dyfeqet për aksionet, që ata nuk I patën fort për zemër por që marrëveshja ua kërkonte të bënin. Balli e dënoi prapaktheun e palës komuniste dhe e pati fare të lehtë të fshikullonte arsyetimin enverian, se kjo bëhej ngaqë nacionalistët ishin tradhëtarë dhe marrëveshjen nuk e aprovoi Qendra e PK. “Sa për arsyen që Qendra e Përgjithshme nuk e aprovoi mbledhjen”, thuhej në një trakt të Ballit, “atë e besojmë sepse kjo Qendër e Përgjithshme, e cila nuk gjendet në Shqipëri, nuk mund të aprovonte një lidhje që merrte përsipër të përpiqej për një Shqipëri Ethnike!”

Shpjegimi i atëhershëm komunist, sado çalaman, mbeti i vetmi. Më pas Enveri dhe historianët me grada shkencore rreth tij, nuk i u ngjitën asaj të përpjete. Mjaftoheshin me theksimin e tradhëtisë balliste dhe aq. Veç, ama, Balli duhej të ish po aq tradhëtar ditën që u mblodh me komunistët në Mukaj sa edhe ditën kur u shkelmua marrëveshja. Përkëdhelja e ëndrrave komuniste për pushtetin e ardhshëm, të pandarë me të tjerë e kish të domosdoshme këtë pabesi.

Nga kjo pabesi nis dhe fillimi I luftës së armatosur shqiptaro-shqiptare, luftë që vite më vonë mori atë emrin tjetër me “klasa” brenda. Në forma të ndryshme këto luftëra zgjatën pesëdhjetë vjet dhe mund të themi pa lëkundje që në versione edhe më të djallëzuara po vazhdojnë ende.

Është thënë qartë atëherë dhe thuhet edhe tani se trupat gjermane ishin përkohësisht tek ne, të detyruara të zinin hapësirat që muaj më parë, i patën mbuluar italianët. Balli mbahej fort pas kësaj arsyeje të mirëkuptueshme të gjermanëve dhe natyrish kështu justifikon mosaksionet, fsheh me zor strehimin prapa forcave të Vermahtit, kur nuk i përballte dot njësitë gjithnjë më të organizuara partizane të cilat bëheshin për ditë e më të egërsuara ndaj tij duke e vlerësuar defacto atë armikun kryesor. Se pushtetin e ardhshëm komunistëve nuk ia kërcënonin gjermanët që kishin marrë tatëpjetën.

Që nga ndarja përfundimtare e palëve, muaj pas muaji fitorja nisi të anonte nga pala që e prishi marrëveshjen. Kjo tregon qartë dritëshkurtësinë e Frashërllinjëve të kohës dhe ideologëve të tjerë. Me një vizion më të qartë dhe me lëvizje politike më të shkathëta, krerët e nacionalizmës mund t’ia kishin kursyer popullit shqiptar zgjedhën e egër komuniste të Enver Hoxhës, më gjakataren që pa Europa në gjysmën e dytë të shekullit që shkoi. Pozicioni gjeografik e favorizonte këtë. Në ndryshim nga komunistët jugosllavë që organizuan dhe zhvilluan luftime të ashpra në territoret e tyre, këta tanët me brigadat e shumta vetëm sa e shoqëruan tërheqjen gjermane.

Historianët e Akademisë së Shkencave thonë me plot gojën, - dhe nuk gënjejnë aspak! - se nga të tërë vendet e bllokut lindor, ky i yni ishte i vetmi, që për t’u zbrazur nga trupat hitleriane, nuk pati nevojë për ndërhyrjen e ushtrisë së Moskës. Vetëm nuk pohojnë e të thonë, që nuk na nevojitej çlirimi i Shqipërisë nga Moska, ngaqë këtë na e bëri Berlini!

Sa qe gjallë diktatori nuk mund të rrije pa vënë buzën në gaz kur shihje trajtimin që i bëhej historisë. Ishte zbavitëse të shikoje historianët me grada të hipur në anien enveriane, kur ajo anosej dhe i hidhte ata të vraponin grumbull sa në njërin krah të anijes në tjetrin, sa herë ai drithte timonin në interpretimet e kundërta tallazit të ngjarjeve dhe figurave të Nolit, Haxhi Qamilit, Nako Spirut apo Mehmet Shehut.

Luftën për pushtet brenda asaj të Përbotshmes, Enveri me të vetët e fitoi dhe këtu timoni nuk lëvizi. Por buza në gaz vihej kur dëgjoje të thuhej se u luftua ashpër okupatori nazist! Duhej frenuar gazi edhe kur thuhej se gjermanët u vunë përpara drejt veriut! Në vend të thuhej “i vumë përpara”, më e mira dhe më e sakta do ishte të thuhej se “ne iu qepëm prapa”! Thuhej se forcat e Çlirimtares goditën disa herë kollonat e okupatorit gjatë tërheqjes drejt Gjermanisë dhe këto qënkeshin bërë për të shpejtuar çlirimin! Kish ama plot njerëz që fshehurazi arsyetonin se disa jetë të rinjsh shqiptarë me bustina me yll - të udhëhequr vërtet nga patriotizmi dhe jo djallëzitë politike, - mund të ishin kursyer. Po të mos qenë goditur kollonat që udhëtonin drejt veriut, gjermanët nga Shqipëria do të kishin ikur më shpejt! Kështu konfliktin aktual qesharak dhe të tejzgjatur të ditës së çlirimit sot do ta kishim të zgjidhur e mund ta festonim atë së toku, më 23, apo 24 nëntor! Veç, ama, ishte e bezdisëshme të dëgjoje për dyzeteca vjet përrallën se si e qysh “nazistët i dëbuam përtej kufijve dhe i hodhëm tutje, në Mal të Zi!” Është tjetër gjë kur dimë se ata kishin urdhër të ktheheshin urgjentisht në vendin e tyre tashmë të katandisur në gërmadha nga bombardimet e aleatëve. A mund ta quajmë dëbim atë kur autokollonat ushtarake largohen me ngut?! A mund të quhet luftë çlirimtare ajo, kur vendit ia sjell lirinë, krahinë pas krahine, me 100 kilometra në orë?!

Është e famshme ajo anekdota që qarkullonte atypari, sikur shkodrani nuk duroi dot gjirokastritin që i mburej duke i thënë “ju, shkodranëve, na ua sollëm lirinë!”. Dhe shkodrani ia ktheu: “po, mor ta marrsha të keqen, se gjermanët dulne kah Hani i Hotit! Të kishin pasë urdhën me dalë kah Kakavia, tash ju kishim pasë çlirue na ju!”

Zoti Kristo Frashëri ngul këmbë akoma, se për çlirimin e vendit i detyrohemi Enver Hoxhës. Zoti të na falë, por kushdo mund të mbyllë sytë dhe të përfytyrojë gjëmëmadhin e Palortosë, sikur për katër vjet të mos kishte dalë fare nga shtëpia e kunatit Bahri Omari, ku fshihej hera herës. E le të merret me mend sikur të gjithë luftëtarët, e çetave të mos kishin lëvizur nga vatrat dhe sinoret e tyre!

A thua do të ishim akoma edhe sot nën pushtimin gjerman?!..

Mapo

Comments

Jo jo i dashur Kulla, sepse

Jo jo i dashur Kulla, sepse po te mos kishim hedhur asnje pushke ndaj gjermanit, sot Shqiperi do ishte vetem Tirana, pasi pjesa tjeter do ishte ndare midis fqinjeve qe e luftuan gjermanin dhe, Shqiperia, duke gjykuar sipas gjykimit tend, do konsiderohej bashkepunetore e gjermaneve.  Po hajt, se tani jemi 68 vjet ne avance dhe flasim qesim...

O Pellumb, sic e ke emrin. O

O Pellumb, sic e ke emrin. O njeshi i estrades se famshme te Fierit, politika dhe historia nuk jane estrade e as pamflete satirike, lëjua histrorianeve, te afte apo te paafte qofshin, te merren me historine. Ti vete ke shkruar dhe recituar njehere e nje kohe dhe qe u be me te vertete nje thenie dometnemse per shume veta: "Po ai qe vodhi, nuk ka faj fare?"Respektoj tek ti shkrimtarin dhe satiristin, po ndje keqardhje per politikanin dhe historianin. "Kepucar merru me kepucet"

Si te thuash...vazhdim i

Si te thuash...vazhdim i kuislingizmit shqiptar, i perziere me batuta barkkercyerish kafenesh qe me nje te rene te lapsit (celularit) ta japin historine ne pellembe te dores. He deshet Shqypni Etnike - na e dha gjermani! Packa se po te kish fituar ai do nisnim garen e spastrimit te races sone te vyer nga te gjitha flligeshtite jevgjite, sllave, vllahe, greke, komuniste, liberale dhe do te ngrinim ne permendore mustaqet heroike pellazge te ndonje Celoje apo Prenge arian. E ne fund te dites do t'i raportonim ndonje Obersturmführer-ri qe me paternalizem do te na ferkonte koken cepa-cepa ariane!

Z Pellumb mos humb ate

Z Pellumb mos humb ate respekt qe eshte krijuar per ty si nje humorist i mire, Mos u mer me gjera qe ti nuk i di ose ke njohje si te gjithe populli sepse ul vehten tende.Qenia aksidentalisht ambasador ne okb pa asnje njohuri te diplomacise nuk do te thote se mund te falsesh si te duash

Artisti eshte nje qenje

Artisti eshte nje qenje ndryshe nga te tjeret dhe kjo dihet e eshte thene qe nga platoni e nga dreqi e i biri. Artisti nuk e shikon boten njedimensionale po ka aftesine te shikoje ate pjesen e fshehur, formen abstrakte, dimensionin e trete, ate qe mendjet e “varfera“ nuk e shikojne. Mendjet e varfera dhe mendjet e bombarduara trushplare. Dhe vetem jo nuk e shikojne po nuk kane as me te voglen fantazi per pjesen e padukshme, te pa shikushme, pra planin e trete. Artisti e shikon ate dhe per ta shikuar ate ai duhet te jete i lire dhe i pergjegjshem e jo me kacabuna trushplarje. Kjo per temen e historise dhe jo per temat artistike. Nepermjet kompozimit ndryshe  te se vertetes historike ne baze te fakteve “banale“ P.Kulla na con ne nje kend veshtrim ndryshe te historise dhe te vertetave duke zbuluar nje dimension tjeter realiteti. Ai Qen  diktator kishte ne dore te gjitha qe nga ushqimi fizik dhe ai shpirteror dhe sigurisht i futi shiringen e droges; Trushplarjen jo vetem popullit po sidomos Historianeve, dhe manipulimi eshte total kudo e ne cdo gje.

Me zhgenjeu Kulla me kete

Me zhgenjeu Kulla me kete shkrim... Qofte i falur per padijen dhe mos marrsh me lapsin te shkruassh per gjera qe su di as kuptimin...

O i mjeri ti e i mjeri une o

O i mjeri ti e i mjeri une o Pellumb Kulla.Meqenese Enveri ty te prishi ekonomine dhe po na mundohesh te na besh histori do te bej nje pyetje.Kur Enveri mori pushtetin si ishte Shqiperia ekonomikisht?Po ne o i mjere rrojme akoma me ekonomine qe vume ne kohen e Enverit.Po si nuk ke turp dhe thuaj e shkateroi ekonomine.Ekonomine e shkateroi Ramizi.Cfare ekonomie ke sot ti zoteri?Po si i del ne mbrojtje atyre qe na kane shitur dhe vazhdojne te na shesin akoma?Une nuk dua ti dal ne mbrojtje Enverit,por ai te gjykohet per aritjet dhe deshtimet ne ekonomi duke u krahasuar ne kohe dhe me vendet fqinje po te duash siç eshte dhe Italia.Enveri ishte vizionar shikonte larg,pavaresisht se si çdo pushtetar ishte i dashuruar shume me pushtetin,po ai qeveriste dhe sundonte ,keta te sotmit or zoteri vetem se sundojne dhe vjedhin ne vend qe te qeverisin.Enveri kur solli skraparllinjte ne Tirane i solli duke hapur vende pune me ndertimine industrive dhe hidroçentraleve.Saliu i solli njerezit ne Tirane si pushtues dhe tani po vjedhin e vrasin njeri tjetrin per te mbijetuar.Na ler pash zotin me historine ,le ta shkruajne ata qe dine.Ti na bej ndonje humor qe te harrojme hallet ne keto dite krize te rende.

O qyfli! Rrënimin ekonomik

O qyfli! Rrënimin ekonomik Enver Hoxhës nuk ia faturon Kulla, por vetë LM e Tij, Kristo Frashëri? Di të lexosh ti apo jo? Gjynah, tërë ato kurse kundër analfabetizmit u hapën!

Me fal moj Bardhoshe ,po edhe

Me fal moj Bardhoshe ,po edhe gabojme nonjihere ne pleqte.Po sa per historine ,nga 65 -a e ketej une nuk kam nevoje te ma mesoje as Kristo Qendroja e as Beqir Meta.Nje gje qe e shikoj me syte e mi nuk dua te ma pershkruajne te tjeret.Sa per te shkruajtur,shkruajeni si te doni ju,nuk ju ndalon njeri.Kur une e di qe nje edhe nje bejne dy dhe per ty bejne tre eshte njelloj mire,por per mua vlen nje dhe nje bejne dy.Une per vete nuk kam qef ta lavderoj  Pellumbin per artikullin qe nuk me pelqen.E lavderoj per skeçet,posi po e lavderoj se me pelqejne dhe jo se mbron apo shan Enverin.Tani meqe ishte dhe nje komentues qe na shante ne sollaksat medemek.Me siper une kam thene qe sipas meje ,Enveri sundonte dhe qeveriste.Historianet tuaj dhe timet nuk kane thene qe Enveri e shiti nje cope vend per intereste familjes se tij.Kam thene edhe per banden ne pushtet,qe sundon por nuk qeveris,ne vend te qeverise vjedh  per vete dhe familjen e saj.Perçan dhe sundon.Shqiperia me e perçare se kaq nuk ka qene asnjehere ne historine e saj.Edhe kjo perçarje eshte per meriten e bandes.Sa per kursin kunder analfabetizmit,une jam 60 vjeçar,me duket sikur nuk jam keq,bile duke lexuar komente dhe replikuar me komentuasit si dhe me zonjen ne fjale, kam filluar qe te nxe me shume.Po ben mire te shikosh nje gjenerate te tere te njezetvjeçarit te fundit ,banditet me diplloma qe nuk dine te shkruajne nje mesazh ne celular.Neser do tu vije turp nga vetja jeni duke vrare njekohesisht dhe te ardhmen e femijeve tuaj.

Pavaresisht nga hallet e xha

Pavaresisht nga hallet e xha Teme-ve, xha Frasher-ve, xha Puto-ve, xha Xhufe-ve etj. xhajave, e verteta historike, pas 1939-es, eshte kjo qe thote zoti Kulla. Le t'i leme xhajat ne shenjtenine e tyre, te shikojme te verteten drejt ne sy dhe te ecim para drejt Evropes jokomuniste. Komentet dhelparake te nje çete enveristesh, mbase ish-sigurimsa, te fshehur pas anonimatit, se gjoja respektojne talentin e Kulles si aktor, humorist e artist, por e etiketojne si profan ne histori, jane paranoja demagogjike e dhembekercelluesve te shpreshumburve. Enveri i tyre, nje cope analfabeti, qe nuk mundi per kater vjet te merrte nje vit universitar ne Paris, me shpenzime te mbreterise se Zogut,i dinte te gjitha, ishte gjeni, drejtonte si pishtar i botes, kurse intelektualet e sotem universitare, me dy pervoja, ate komuniste dhe ate demokratike, me detyra diplomatike neper bote, nuk dine as historine e vendit e jetes se tyre. Zoti Kulla, mos u ndruaj fare e mos u thyej nga fisheket manover te ushtrse se vdekur.

O Papo Dhionisti Perse e

O Papo DhionistiPerse e hupni kohen tuej te vyer ne keto gazeta te pavlenaVazhdoni mer zotni punen tuaj tek 55 dhe po mujtet edhe tek gazeta Ushtria si kapterr.....A e din ate shprehjen tiii.....Shkolla te Nalta kam dy-tri por te mesme s'mujta....eeeeh mer shejtan...E shoh qe te paska emocionuar shume ky satiristi, ne orgazem me dukesh, por te quash "Xha Teme" Kristo Frasherin, Pellumb Xhufin, Arben Puton......nuk e kuptoj dot....edhe budallalleku apo injoranca e tepruar nuk te vlejne per justifikim...Nuk paske hik me shujt zjarret hala......

Ate qe ndodhi, ju nuk e

Ate qe ndodhi, ju nuk e shkruani dot...Duke e lexuar sot, ashtu sic e kane rrefyer historine historianet e asaj kohe, aq heroiko-trimerore, eshte e pamundur te mos e lexosh duke qeshur!Por ata, historianet e paçliruar ende nga hija e te vdekurve, as Pellumb Kulles nuk ia lejojne shakane me te shkruarat e tyre!Se as datat e tyre nuk i pranojne dot: luften kunder nazifashizmit e nisen vetem pasi ata sulmuan bashkimin e lavdishem sofjetik, dhe, vini re, edhe Partine e Punes (komuniste, apo jo?) e shperndane vetem pasi ruset bene te njejten gje me Partine e Lavdishme Bollshevike te BS.Edhe po t'ju thoshte Pellumb Kulla sinonimin e Jelcinit, ju nuk do guxoni te etiketoni dike si Gorbacov, se tere historia qe rrefeni ju eshte imitim, qesharake deri ne lote...Por lotet e dhimbjet kane qene dhe jane te shqiptareve, dhe vetem per keto gjera historianet tuaj nuk kane folur, teksa deri ne frymen e fundit do t'i bjene ne gjunje komandantit apo si e quanit ju, Udheheqesit...deri ne fund te dimrit tuaj...Kulla nuk besoj se pretendon te zere vendin tuaj, se nuk ia vlene fare, por historia e keti vendi nen komunizem, eshte vetem nje skeç i radhes i estrades se Fierit, qe ju, pa dashur, pa e ditur, e keni duartoriktur!Por tani sikur eshte vone, vigjilenca nuk hyne me ne pune! Shqiperia gjakosi veten dhe mbeti me e varfera ne Europe, se paku, dhe si do ta shkruani ju historine, vetem histori nuk eshte...Nuriu

Faktikisht Shqiperia mbeti me

Faktikisht Shqiperia mbeti me e varfera ne Europe,sepse ajo qe e para,dhe lavdi zotit eshte e dyta pas Gjermanise,ne saje te udheheqjes ...Nejse ajo ishte e para ,prandaj banda do ti ngreje nje mauzole ish mbretit te kohes kur ishim nje vend i zhvilluar me industri e bujqesi moderne,me shkence e kulture etj etj,kur ishim te paret pra.Kur kishim nje ushtri moderne qe perballoi sulmet e pushtuesve sidomos atyre italiane me komandant naltmadhnine e tij Zogjin e pare .Per keto merita sidomos ne fushen ushtarake  banda e sotme do ti ngreje dhe nje statuje a shtatore ushtarakut Zogj.Po eshte mire qe ti shkruhet tek monumenti pra ,e para, premtimi qe beri naltmadhnia per te mbathur opingat e te dilte ne mal per te mbrojtur Atdheun.Pastaj me poshte te shkruhet dhe mbajtja qe i beri premtimit duke mbathur vertete opingat dhe iku andej nga e dine historianet revizionista,pa harruar te merte me vte dhe ate çike flori. Diktatura na çoi ne vend te fundit.Po edhe tani qe jemi te dytet nuk jemi keq apo jo?Tani boll me mbroçkulla Nuredin.JU NUK DUHET TA SHTREMBERONI,meqe sipas teje ne nuk mund ta shkruajme dot.Ashtu siç nuk mund ti shkruash dot zotrote keto qe te shkruajta une per trimerirat e mbretit Zog dhe bemat e bandes ne pushtet.

O Qyfli , mjaft e mbajte ne

O Qyfli , mjaft e mbajte ne dore Historine eKuqe te Partise. Te ishte Enveri yt ne vend te Zogut e te shihje ti sa do ta organizonte rezistencen! Vetem se pse nuk u kundershtua me ushtrine e dyfegjebve me gjalme, makina ushatarake tanket dhe avionet e Musolinit, tani grijme duke thene "pse nuk luftuam" Po te jete se vec Historise se Partise ke lexuar liber tjeter, di gje per te kundershtuar pushtimin e vendit, a beri gje lufte Belgjika, Hollanda, Austria dhe vete Franca e madhe? Te vjen turp te hysh ne diskutim me ca njerez si ju! Ky vend nuk ka shpetim, si duket. Per deri sa historianet tane nuk leshojne pe, por vazhdojne brockulla komuniste... E ketu e ka tere shqetesimin artikulli i Kulles. Edhe une bashkohem me shume prej jush dhe i them: o mik lere historine! Beje popullin te qeshe! kete fare populli!

Tani çfare te them une moj e

Tani çfare te them une moj e nderuara Bardhoshe.Ti po na thua qe ta shkruajme historine "sikur te ishte...Enveri yt...Zogu e Saliu im...Une nuk jam historian dhe nuk ja them per keto pune,po historia nuk shkruhet me sikur...Historia eshte ajo qe ne kemi bere ne te kaluaren deri tani.Me sikur, jane enderat tende , timet apo te çdo kujt se si mund te behej.Tani ti me Beqir Mete do te shkruani historine ,apo do te shkruani endra ne hava?Me pelqnje polemikat,po me kete  batuten e fundit e kuptova qe nuk ja thenke nga historia.

Nice blog! Is your theme

Nice blog! Is your theme custom made or did you download it from somewhere?
A theme like yours with a few simple tweeks would really make my blog stand out.
Please let me know where you got your theme. Cheers

Shkrimi eshte i sakte. Kulla

Shkrimi eshte i sakte. Kulla vetem duhej te shtonte se rezistenca kishte filluar mjaft para se te dilnin ne skene komunistet, ne Peze, te xha Kozeli ne Juge e ne Diber. Asnjeri prej tyre nuk ishte komunist. Komunistet u shfaqen vite me vone dhe kontaminuan e pervetesuan gjithçk me vrasje dhe intriga. Po te mos kishin dale ata ne skene, gjithçka do te shkonte me mire, pa percarje kombetar. Mukja a gjesendi e ngjashme me te do te  unifikonte vendin perfundimisht . Kur te tjeret luftonin komunistet merreshin me planet e per te kapur pushtetin pas lufte, sikunder e kapen dhe i kaluan ne plumb ata qe bene luften realisht. Nga 23 brigada pertizane, vetem tre komandanteve u permendej emri, te tjeret ishin pushkatuar a vrare pas kraheve nga njerzit e Hoxhes.Ai perben fatkeqesine e vertete te vendit

sa qenken merzitur sallaksat

sa qenken merzitur sallaksat qe po i shahet enveri.Pellumb,Keto duan vetem historine e partine komuniste.per keta historia fillon me 8 nendor 1941 kur mugosha me popovicin formuan partine komuniste dhe mbaron me renien e diktatures ne 1991.

Pellumb - Me kenaqe me kete

Pellumb - Me kenaqe me kete shkrim. E ke qare.
Po e verteta i djeg disave.

Une nuk u merzita asapk, vec

Une nuk u merzita asapk, vec kur e lexova qesha, sepse e mora si nje shaka nga ato qe shkruan shpesh Pellumbi.   Por nqs ju thoni se ka shkruar dicka me baza historike, atehere me ne fund dolem ne konkluzionin qe historine e Shqiperise sot mund ta shkruajne dhe  shakaxhinjte.

Z.Kulla,si artist ju kam

Z.Kulla,si artist ju kam vleresuar gjithmone ,por si" historian"lini mjaft per te deshiruar.Edhe pse qellimi i shkrimit ne pamje te pare duket sikur e ka me historianet, jo me historin,ju megjithate e "ngjyeni penen"ne histori.Dhe kjo ishte e papritura ime.Jam shume dakort kur thoni se historianet e kane egzagjeruar,o minimizuar ngjarje,por kjo sdo te thote qe ata ja kan fut kot.Arsyetimet historike tyjat,ngjajne me historin allaAliEltari,o historin allaBeqja.Qush ne fillim kerkon te na mbushesh mendjen se qeverit kuislinge,ball.,leg.,"keta naive te gjore" u rrejten nga propoganda e pushtuesve ,sepse njeri deklaronte qe do te bente Shqiperin Etnike,ndersa tjetri deklaronte qe nuk i interesonte Shqiperia,por ishte per turizem ketej pari. çudi e madhe keta gjermanet! Pushtuan gjithe Europen e Afriken Veriut e gjetke,ndersa Shqiperin do ta linin  nje oaz te qete e te lumtur?Mire  se ata ballistet e gjore ishin "naive" Z.Kulla ,por ju nuk ju ka hije nje gje e tille,sepse pjese e  zanatit tuaj eshte ironia, jo naiviteti.Perse  keni gjykuar ne kete menyre?Puna juaj.Megjithese se fundmi eshte bere e modes qe mjaft "historian" si ne kohen e diktatures,te marrin penen e ta ngjyejn ne kupen e bojes qe ka pregatit Berisha. Por ajo qe te revolton me shume ne shkrimin tuaj eshte,sepse ju,ironizoni me shuma ata bije te lavdishem njerez te thjeshte qe  nuk kursyen as jeten per çlirimin e atdheut,se sa ballistet "gjore" naive. Nenat e ndjera te ketyre martireve po riplagosen edhe nje here duke, u tallur me gjakun e derdhur  te bijve te tyre deshmor.Tashti se fundmi morem vesht qe deshmoret tane paskan qene ca kokrra idiotesh, ne vend te uleshin nen ndonje hije lisi duke pire duhan e kenduar labçe,shkuan dhe u vrane si krriçat duke ndjekur nga mbrapa gjermanin.                                                                                                                                                        Kurse se une dhe shumica e shqiptareve besojme qe ata bij e bija dhane jeten,jo vetem per çlirimin e atdheut,por i qendruan besnike deri ne fund edhe Aleances se Madhe antinazi-fashiste .gje qe na ben te ndjehemi krenar edhe sot qe kontribuam ne shkaterrimin e makines me gjigande te krimit qe ka pare ndonjehere historia boterore.                                                                                                                                                                      Z.Kulla mbes me shprese  qe  ka qene nje "lajthitje e çastit.

Pellumb ! Ke quan vlera

Pellumb ! Ke quan vlera zotrote aty ne Bronks ku je ? Drogen ? Proctitucionin ? A i ben nje pyetje pse njerezit ne Amerike nuk merren me Politike ?  Sepse e dine shume mire qe  nuk u perket atyre.......?  Qe u vrane njerez kjo nuk mohoet por per ate pjese qe hapur mbeshteti Fashizmin apo Nazizmin nuk ka keqardhje.......... Klasa e djahte ne Shqiperi ne ato momente ishte aq e deskretituar dhe aq reaksionare sa nuk behesh me,ne te njetat nivele sic ishin Don-et e Mafias ne Sicili.............Thjesht feudal te tipit otoman, lepe peqe kujtedo.... qe vinte dhe hynte vetem Interesat e tyre te mos prekeshin e ishte po kjo Klase Reaksionare ekstreme qe coi ne nje Te Majte Ekstreme...... Ishte po kjo Klase qe deshtoi Revolucionin e Qershorit dhe ishte po kjo klase qe vrau me radhe, Avni Rustem Hasan Prishtina....Bajram Currin Sa per figuren e Enver Hoxhes kuptohet ajo ka drite hijet e saj por nuk gjen nje dokument apo nje marreveshje qe te figuroje per shitje interesash kombetare apo trojesh.......sic beri Ahmet Zogu...........dhe gjithe pjesa reaksionare e ekstremit te djathte m je Kulle ti nuk je nga ato Kulle qe vuajten neper kampet e Myzeqese.....je trajtuat ne Kinoteatrin Myzeqeja Fier......me shume nderime biles dhe i perkedhelur ne seder..................

makines me gjigande te krimit

makines me gjigande te krimit qe ka pare ndonjehere historia boterore po marr shkas nga kjo shprehje qe lexova per te nenvizuar se sa shume jane perpjekur qe te na edukojne me keto ndenja te hiperbolizimit te cdo gjeje. Bemat e diktatorit  e benin ate te dukej  nje super njeri. Shqiperia e vetme, fanar ndricues kunder te gjithe superfuqive te botes kapitalisto revizioniste, forza e hekurt e diktatures se proletariatit etj etj.  Tek e fundit pas mposhtjes se fashizmit fituam lirine, ate liri qe nuk te lejonte te shprehje lirshem mendimin tend, ate liri qe nuk te lejonte kritiken ndaj absurditeteve dhe egersise se regjimit te Hoxhes, ate liri qe te shpronesonte nga cdo gje, edhe nga  te qenit njeri, por ama, kjo nuk konsiderohej vjedhje sepse behej per te miren e popullit, populli ky koncept abstrakt qe perdorej aq shpesh ne oratorite e sekretareve te partise apo perfaqesuesve te tjere ne lloj lloj rangjesh. Mendoj se faqet e verteta te historise se Shqiperise ende duhen shkruar dhe kjo do te jete e mundur vetem atehere kur te jemi cliruar nga influenza e propagandes diktatoriale dhe asaj te interesave te ngushta politike e ekonomike.

Une e kuptoj

Une e kuptoj agresivitetin (ndonje rast edhe nga dashamire te tij)  ndaj Pellumbit. Shkruesit nuk duan te shohin edhe ndryshe historine mbi fakte e dokumente. Edhe gjetja dhe berja publike jo vetem si shifer, por dhe si liste emerore e deshmoreve, do ta  mbyllte kete diskutim. E perderi sa kjo nuk behet  kemi te drejte te mendojme  ne mos si Pellumbi  aty afer.         Ka pasur te dhena te plota sepse dhe ne kohen e diktatures ata jane paguar, pra mund te kontrollohet  nga te dy palet ne debat.        Jashte çdo diskutimi nuk dolen ne lufte te gjithe per pushtet apo per plaçke, jo te gjithe e kishin degjuar apo e njihnin komunizmin dhe synimin e tyre per marrjen e pushtetit per te vendosur diktaturen e proletariatit. Dolen ne mal per çlirim, sipas tyre. Edhe kjo histori duhet shkruar sakte.        Nuk meritojne te nderohen si deshmor te atdheut  e te kene emra rrugesh,  ata qe kryen krime ne lufte, apo dhe pas lufte si komunista agresiv apo si sigurimsa. Te tjeret, besoj se jane shumica e meritojne nderimin tone.        Problemi ekziston dhe nuk ka pse e politizojme  kerkesen per vertetesi. Mos e lidhni me Saliun nje komunist agresiv. e verteta do ti bind dhe ata qe si antikomunist nuk jane te nje mendje me ju.

Elita e Shqiperise e shkruan

Elita e Shqiperise e shkruan Historine si skec per "Portokalline",e ben Diplomacine, si kenge per arixhinedhe e luan Politiken si Pordhe qe po iken. Oh, sa mire me qene Shqiptar, Ole, Ole !!!

Zoti Kulla kerkon te

Zoti Kulla kerkon te stigmatizoje historianet qe sipas tij nuk e thonte realitetin si duhet...Por nuk jep asnje fakt historik qe te hedhe poshte keto gjera. Sepse histora eshte shkence dhe shkenca nuk te le te flasesh kuturu o Pellumb.Ti thua o Pellumb se gjermanet ishin kalimtare(?!)...Une jam nga Tragjasi i Vlores. Dhe ky fshat eshte djegur 3 here nga gjermanet ne harkun e dy viteve 43-44. Cpune kishin gjermanet ne Tragjas??? Andej binte rruga per ne Han ne Hotit. Mjat o burre mos u be qesharak. Respekto ato famije qe vuajten. E pra o Pellumb nje ushtri kalimtare nuk djeg fshatra, aq me teper nuk kalon nga Tragjasi qe eshte fshat qe perfund ne rruge qorre. Prandaj mos me thuaj se gjermanet erdhen perkohesisht si kalimtare. Ata ishin pushtues mizore jo vetem ne Shqiperi por kudo ku shkelen. Mos harro se me 4 shkurt 43 vrane 104 vete ne mes te Tiranes...Apo edhe kete  e be se ishin kalimtare.

Mesa shihet Kulla e ka me

Mesa shihet Kulla e ka me Enverin me shume sesa me historianet "enveriane". Kerkon Pellumbi me cdo kusht ta vere Enverin me poshte sa e meriton. Kjo me duket jo e drejte. Se paku Enverit duhet ti dihet merita se orientoi partine dhe luften ne krahun e aleances Antifashiste, ndryshe nga kokeboshet e "nacinalizmes'. Kete merite duhet tja njohim Enverit o Pellumb. Te pelqen ty apo jo. Sepse nqs Eneri do ti kish konsideruar gjermanet kalimtare, atehere ne konferencen e Paqes ne Paris 1946, Shqiperia do ish rreshtuar ne kampin e humbesve te luftes ne krah te fashizmit, dhe sot Shqiperi nuk do te kishte sepse do te ish coptuar si me 1913. Ndersa ti o Pellumb do ta kishte merin Kostas kurse historiani Beqir Meta, Sllobodan

Bashkohem me te tjeret ketu

Bashkohem me te tjeret ketu qe ndajme te njejtin mendim se Kulla si humorist eshte dicka tjeter nga Pellumbi si historian amator e autodidakt.Nuk ka asgje te keqe te kesh pasion per nje fushe si historia dhe ka mjaft qe cdo person autodidakt mund te sjelle ne cdo fushe te shkences/jetes por tonet kategorike dhe urrejtja e percmimi qe perdor Pellumb "ballist" ketu eshte qesharake  dhe mjaft infantile.  Te kuptohem qe ai mund te kete te drejte ne kritiken ndaj disa figurave te peshtira te demek akademise se dhjere te tiranes si dhe ne ate qe historia behet nga fituesit dhe si rrjedhoje ka mjaft te paverteta apo gjysem te verteta  - kete mundte thuash per historine e cdo kombi - ca me e vertete eshte kjo per historine amerikane, qytetar i te ciles eshte edhe pellumbi.Megjithate pranohet gjeresisht qe cdo histori ka nje linje te caktuar progresi dhe evolimi dhe smund ta cbesh apo manipulosh sic tentojne pasardhesit ballist (Pellumbi vete) apo dobicet nga vicidoli e Topallinjte nga Malesia e madhe.Ajo qe pellumbit i mungon ne kete shkrim eshte pikerisht humori dhe auto ironia e nevojshme per cdo individ e shoqeri - te vertetat historike nuk jane kurre ose Bardh ose Zi por qendrojne diku ne mes dhe kane ne pergjithesi ngjyren gri.Cdo fakt i ri historik qe mblidhet duhet te na sherbeje per te kutpuar objektivisht te shkuaren tone dhe te shmangurit te perseriturit te te njejtave gabime trashanike qe kane bere paraardhesit tane ne menyre te perseritur. secili duhet te kete vendin e vete ne kete histori me te mirat apo te keqijat/veset (dhe me krimet) qe kane bere.Historia e Luftes nuk duhet te sherbeje per te zmadhuar diferencat e paqena mes shqiptareve por per te kuptuar se ndarja dhe vellarasja sjell vec me shume dhune e ndasi e mund te perdoret pastaj nga pehlivan oriental per te siguruar sundimin e tyre sic po ben ky merhumi nga Mali qe duket se po i sosen ditet.

O Pellumb. Ka dale ndonje

O Pellumb. Ka dale ndonje shishe raki andej nga Nju Jorku mo...? AhahahaNejse. Nuk e dija qe ishe edhe historian. Se si humorist te heqim kapelen, ske cthua, je i madh. Por si historian nuk ke kellqe. Jo vetem se nuk merr vesh nga historia por ne te kundert e be balte. Si mundet te vika gjynah pse historianet rrogetare te komunizmit ta paskseshin nxire Mustafa Krujen?! Apo edhdesede1`e Verlacet e muterit e tjere qe dorezuan perkranaren e Skenderbeut tek Viktore Emanueli?! Biles per mua Xhufi me shoke kane folur pak, se Krujet dhe Verlacet duhen denigruar edhe ca me shume se jane muterit e kombit

Me falni z.Gjoni,por fraza qe

Me falni z.Gjoni,por fraza qe keni hauzuar nga komenti im,nuk eshte shpikje e diktatures enveriste,po nje konkluzion i nxjerre nga te gjithe historianet e luftes se dyte boterore.                 Mjafton per kete te ju kujtoj vetem holokaustin,pa hyre ne detaje te tjere.                                     Do te me interresonte te shihja diçka rreth shkrimit te z.Kulla,jo paçavure kriptokomuniste.

Avash bre burra! Pellumb

Avash bre burra! Pellumb Kulla thote nuk me pelqen gjella, ju te gjithe i thoni ti nuk di te gatush!

kto jane biseda qe behen

kto jane  biseda qe behen  mbas zjarrit  per dimer,,po meqe i kemi zjarret  ndezur  dhe po djegin dhe ata pyje   qe kane ngelur  hajt ta bejme nje dore muhabet....

Zoti Kulla! Verejtje per

Zoti Kulla! Verejtje per historine dhe historianet duhert te kemi te gjithe. Askund ne bote, nuk eshte shkruar dhe nuk shkruhet  historia  me objektivitet 100%. Pse? Sepse, si aktoret e historise, edhe ata qe e shkruajne, jane qenie njerezore, me aresye por edhe me emocione. Sa iu perket atyre qe shkruan ti me duhet te theksoj sa vijon:1. Ne te gjithe shkrimin vihet re nje urrejtje patologjike e cila, eshte e sigurt se te con ne subjektivizem vulgar, deri ne marrezi. Une e dij se ke patur "cene biografike", por e dij gjithashtu qe nuk e ke kaluar aq keq gjate regjimit 1944-1990> Njoh shume njerez te tjere qe regjimi komunist i ka dermuar dhe kur vjen puna te flasin per te kaluaren, jane shume me te balancuar  dhe te aresyeshem.2.Perpjekja jote per te realibituar Mustafa Krujen eshte shume e mjere dhe e destinuar te deshtoje. Kruja mund te reabilitohet vetem atehere kur e gjithe bota te reabilitoje bashkepunetoret e pushtuesve.3. Ti thua se " komunistet shqiptare nuk e priten pushtuesin me pushke....Roberia e vendit nuk iu prishte pune aspak...". Keto thenije tingellojne po aq qesharake sa skecet e tua dikur ne Fier. Ti e di shume mire se ne vitin 1939, ne Shqiperi, ishin apo s'ishin nja 20 komuniste. Asnje prej tyre nuk kishte ndonje pozite shteterore dhe s'ishte i armatosur. Kur pushtohet nje vend, detyra e pare, madje me ligj, per te luftuar pushtuesin, eshte e ushtrise dhe e Komandantit te saj ( e jo te iki- sic beri "mbreti" yne). Sa i perket faktit se a iu prishte apo jo pune roberia e vendit komunisteve, pervec luftes se bere, kete e deshmojne edhe gjithe dokumentet e anglo-amerikaneve te pranishem ne Shqiperi si dhe deklaratat e qeverive angleze, amerikane dhe sovjetike te viteve 1943-1944.4. Ti pretendon se komunistet shqiptare u shtyne vetem nga jugosllavet per te luftuar pushtuesin (?!). A e ke lexuar traktin e pare te PKSh-se? Po traktin e pare te Ballit Kombetar? Krahasoji keto dokumente dhe duket qarte kush ishte per lufte. Ate qe del te luftoje pushtuesin, e shtyn se pari dashurija per vendin. Ti e di shume mire se, ndoshta shtytjen me te madhe te jashtme ua dhane anglo-amerikanet, ne kuadrin e frontit te pergjithshem antifashist. Dhe per kete ka dhjetera dokumente.5. Ne menyre " humoristike" ti thua se ne gusht 1943 enver Hoxhen nuk e njihte njeri dhe se te tjert ishin kryesore ne PKSH. A e din zoteri se ne ate kohe ai ishte Sekretari i Pare i partise se tij dhe i parti i UNCL? Nuk arrin dot te na besh te qeshim ne fushen e historise sa na ke bere dikur ne estrade..6. Ti thua se gjermanet ishin perkohesisht tek ne, te detyruar te zinin hapesirat e lena nga italianet dhe se kjo ishte nje " aresye e mirekuptueshme e gjermaneve". Ne 1943 dihej perkohshmeria e gjermaneve? Nga kush dihej? Kush po i detyronte gjermanet te zinin hapesirat e lena nga italianet? Dashurija per shqiptaret  dhe " Shqiperine Etnike" apo detyra e tyre per sundim boteror, per te cilen nisen dhe luften? A mos duhet t'i kritikojme edhe amerikanet, te cilet e sollen ushtrine e tyre gati ne gjithe teatrin e luftes, megjithese ne teritorin e tyre nuk kishte asnje kembe pushtuesi? Pra,- sipas teje,- amerikanet e papushtuar paten aresye te luftojne dhe lene ne beteje gati 200mije  ushtare, kurse Shqiperija, me prezencen e ushtrive pushtuese, nuk duhej te prekte arme me dore?Ti iu turresh historianeve dhe me aftesite ne skecvenie teatrale perpiqesh te besh historianin. Ke deshtuar.

Ne kohen e vet te

Ne kohen e vet te krijimtarise me te madhe, Kulla fshikullonte veset e njerzve dhe qe pengonin zhvillimin e Socializmit nepermjet sekeceve dhe materjaleve shume te goditura dhe te frymezuara nga ideja e ndertimit te nje shoqerie pa shtypje dhe pa shfrytezim.   Ne gazeten Respublika te disa javeve me pare vuri nje shkrim Pellumbi, shkrim qe stigmatizonte qeverine e korruptuar dhe  hajdute ne 100 vjetorin e Pavarsise.  Lexuesit, sic duket ishin te pakte dhe komentuesit (11) nuk ishin foret te kenaqur. Per mendimin tim, fotoja e Kulles, linte shume per te deshiruar por edhe ironia e tij ishte ne perputhje  apo identike me foton.   Ne shkrimin qe po flasim, ka perpjekje te dobta te ketij njeriu per ti kerkuar falje "Padrionos" se pushtetit ne Shqiperi.  Te vjen peshtire kur sheh njeriun te nderroje personalitetin,  por eshte edhe me dramatike te shohesh "vdekjen" shpirterore te nje humoristi qe dikur shkelqente me "Dasmen e Malos" midis dy orkestrave ne kohen e vet. ( edhe sot dy orkestra jane, njera per socializmin dhe tjetra per salizmin) . Te pakten e terhoqi vemendjen e lexuesit te Respublikes.

Une e mbeshtes plotesisht

Une e mbeshtes plotesisht idene e zotit P. Kulla se gjermanet ishin kalimtare dhe jo pushtues. Ushtaria gjermane ishte kalimtare ne tere Evropen. Ishte kalimtare ne Cekosllovaki, Poloni, France e madje edhe ne BS ishin kalimtare per mijera kilometra, duke ecur pa fund.  Rruges ata edhe kabe vrare ndonje sorre, bile hapen edhe ca kampe perqendrimi per te miren e njerzimit ku i englentsnin njerzit duke i prere ndonje dore apo kemeb. Fundja fundit cte duhet 2 duar apo 2 keme, bol ke 1... Me pas duke ecur si "kalimtare" ne BS, ne Stalingrad u lodhen dhe duke pare boren dhe dimrin e eger sovjetik, u kthyen prapsht si Magelani. Por gjithnje kane qene "kalimtare". Tani si kalimtare ata kane pasur edhe ndonje arme ne dore se helbete rruge e larget dmth duhet ndonje top apo mitraloz. Pikerisht dhe kalimtareve u "hapet ruge" dhe nuk ngacmohen. Ketu Enveri ka bere shume shume gabim, sic ka bere gabim tere Evropa antifashsite qe i godiste "kalimtaret" gjermane. Dhe ketu Pellumb Kulla ka shume te drejte...

Z.Gjni e lexova repliken

Z.Gjni e lexova repliken tuaj,por me keqardhje dua te ju them se, ndermjet nesh ay qe nuk ka kuptuar problemin jeni ju.Se pari,te nderosh martiret e atdheut qe flijuan Jeten ne altarin e lirise,per mua nuk jane sllogane enveriste,jane minimumi i asaj qe mund te bejme sot.Ne qofte se keni mendim tjeter,  pune per ju.Mandej ju shihni si te pa vend termin kriptokomunist.Por po ta rishihni edhe nje here komentin tuaj,dote vini re se ngjan mjaft me deklaratat e shume qeveritarve tane ish komunist,qe sillen gjithe diten si antikomuniste,pa mundur dot te heqin  "lukun" komunist.(shpresoj qe ky te mos jete rasti juaj)Pra perdorimi i termit ishte ne kete kuptim.Ndersa,persa i perket ne te cilet historian jam mbeshtetur,kjo eshte fare e thjeshte,sepse ne te gjitha historite zyrtare te vendeve te botes,nazizmi eshte autori i ndertimit te makines me te tmerrshme te çfarosjes se njeriut.Neqoftese nuk jeni i bindur per kete,ka me mijra libra e dokumentare qe te bejne te ndrrosh mendje.Gjithashtu e shoh fare pa vend numerimin e  krimeve te komunizmit,sepse nuk ishtje kjo tema  debatit.Debati ishte thjesht nje shkrim i Kulles.Mandej thua çhyn ketu kriptokomunizmi.

Iku dhe ky nga fiqiri. Kjo

Iku dhe ky nga fiqiri. Kjo rrace sikur jane serbo/greke e jo shqiptare. Xhins tradhtaresh.

It's enormous that you are

It's enormous that you are getting ideas from this piece of writing as well as from our dialogue made here.

hello there and thank you for

hello there and thank you for your info – I have certainly
picked up anything new from right here. I did however expertise some technical issues using this web site, as I experienced to reload the website many times
previous to I could get it to load correctly.

I had been wondering if your web hosting is OK? Not
that I'm complaining, but sluggish loading instances times will very frequently affect your placement in google and can damage your quality score if ads and marketing with Adwords. Anyway I'm adding this RSS to
my email and could look out for much more of your respective fascinating content.

Ensure that you update this again very soon.

Genuinely when someone

Genuinely when someone doesn't understand then its up to other viewers that they will assist, so here it occurs.

I’m not that much of a online

I’m not that much of a online reader to be honest but your sites
really nice, keep it up! I'll go ahead and bookmark your site to come back later. All the best

You are here

Luftërat që bëjnë komunistët në Shqipëri

Comments

Add new comment

Plain text