Blushi: Fitojmë nëse tregojmë se jemi ndryshe nga PD-ja

Pas një heshtjeje të gjatë, shumë të gjatë, bëhet i gjallë Ben Blushi me një intervistë për Panoramën. Blushi shfaqet opozitar me titull të plotë, shfaqet gjithashtu me frymëzime politike të majta, gjë që nuk para bëhet këtejpari, dhe në fund përpiqet të na japë një fotografi të vetën të realitetit politik shqiptar. Fut në scanner opozitën, ku ai bën pjesë, por këtë herë fut mirë në scanner dhe maxhorancën, e në këtë mes bie në sy një qëndrim i fortë dhe i qartë lidhur me 21 janarin. Lidhur me këtë ngjarje të fundit, thotë diçka të saktë, që nuk është thënë nga brenda PS-së: katër protestuesit u vranë nga dora e Berishës, por u vranë ngaqë ne s’ishim në krye të protestës.

S’do ish keq të bënte dhe një mea culpa për faktin që po flet me kaq vonesë për atë ngjarje nga më dramatiket në historinë shqiptare të 100 viteve të fundit. Ashtu siç nuk do të ish keq të bënte dhe një mea culpa për miratimin që i ka bërë përpjekjes joint venture Berisha-Rama për të ndryshuar kushtetutën brenda natës.

Por përtej këtyre nënvizimeve, duhet pohuar një gjë pa mëdyshje: intervista e Ben Blushit është plot lëng e lëndë; është një nga më inteligjentet e dhëna prej një politikani gjatë viteve të fundit. Mund të gjeni online në http://www.panorama.com.al/aktualitet/blushi-rruga-ndryshe-qe-sjell-ps-ne-pushtet

M.N.