Turqia shpreh interesin për t'u anëtarësuar në BRICS

Turqia ka shprehur interes për t’u anëtarësuar në BRICS – organizata e vendeve joperëndimore(në një farë mënyre) dhe me këtë rast Kremlini e ka mirëpritur kërkesën e Ankarasë.

Ne qartazi mirëpresim interesin në rritje drejt BRICS nga fqinjët tanë, përfshirë partnerë të rëndësishëm si Turqia. Patjetër që çështja e shprehjes së interesit do të jetë në agjendën e samitit të organizatës që do të drejtohet nga Rusia

ka thënë zëdhënësi i Kremlinit, Dmitry Peskov.

Interesi i Turqisë u shpreh nga ministri i Jashtëm, Fidan Hakan që ka njoftuar se do të diskutojë mbi këtë çështje në takimin ministerial të grupit në Nizhny Novgorod më 10 qershor.