Albin Kurti "dërgon" Edi Ramën te Macron

Siç edhe u paralajmërua Albin Kurti i bëri një favor Edi Ramës duke e dërguar në Paris te Emmanuel Macron. E themi këtë sepse vizita e kryeministrit Edi Rama në Francë, përveç ceremonialit nuk prodhoi asnjë përmbajtje të qenësishme veç qasjes franceze për të imponuar një variant të normalizimit të marrëdhënieve mes Serbisë dhe Kosovës përmes rolit të Tiranës dhe Beogradit.
Serbinë duke e siguruar për dyer të hapura në Europë me shitjen e 12 Rafalëve, Shqipërinë me një darkë shik për z. Rama dhe fjalë të bukura. Kushti: plani francez, me theks Asocacionin duhet zbatuar. Ky është roli i Shqipërisë. 

Në këtë kuptim, z. Rama ka marrë një rol për shkak të sjelljes së z. Kurti, që u vizitua nga Kameron në vizitën e tij të parë si sekretar për Marrëdhëniet me Jashtë të Britanisë dhe që ka mbështetjen e Gjermanisë sidomos për anëtarësimin në Këshillin e Europës. Po kështu Gjermania ka qenë kritike për zgjedhjet në Serbi, kaluar në heshtje nga Napoleoni skenik i Parisit. Ndaj ta shohim karadyzenin e sotshëm për atë që është: politikë ndaj Kosovës. Mbetet për të parë se cili do të jetë qëndrimi i Shqipërisë për kandidaturën e Kosovës në KiE. A do të dalë Tirana nga Këshilli nëse Kosovën e fusin në organizatë? 

s.zaimi