Lëmoshë publicitare nga Scholz për qeverinë e vetëngatërruar të Liderit të Ballkanit

Agjencia gjermane e lajmeve, Deutsche Ëelle, citon sot kancelarin gjerman, Olaf Scholz, të jetë shprehur në Parlament se Shqipëria dhe Maqedonia e Veriut duhet të trajtohen në varësi të reformave që kanë bërë lidhur me procesin e anëtarësimit në BE.

Prej 20 vjetësh, vende si Shqipëria, Bosnja-Herzegovina, Kosova, Maqedonia e Veriut, Mali i Zi dhe Serbia janë në pritje për t'u bërë pjesë e BE-së. Ka ardhur koha që të gjithë të shohin panoramën e përgjithshme, si kandidatët, ashtu edhe vendet anëtare të BE-së. Kjo panoaramë e përgjithshme është shansi historik për të lidhur përfundimisht rajonin me Europën dhe për t'ia lënë të kaluarës problemet e së kaluarës. Nuk ka pse çdo vendim, si çelja apo mbyllja e kapitujve të negociatave, të varet nga çdo vend anëtar. Nëse vende, si për shembull Shqipëria, kanë bërë reforma të rëndësishme, kjo duhet të vlerësohet. Përndryshe, rrezikohet të dëmtohet i gjithë procesi i anëtarësimit dhe këtë nuk duhet ta lejojmë

tha kancelari në mes të duartrokitjeve të shumë deputetëve në sallë.

Mesazhi është qartazi një ndihmë për qeverinë e Edi Ramës që ka marrë një jo sot për shkak të bllokimit nga Greqia, por edhe kriterit politik meqenëse situata në Parlament është në krizë.

Përtej vlerësimit që duhet të kemi të gjithë për qëndrimin e z. Scholz dhe Gjermanisë në përgjithësi, do të duhet të vihet në dukje se Shqipëria nuk ka asnjë problem me Greqinë. Asnjë ndër ato probleme karakteristike për vitet ’90. Problemi mes të dyja vendeve është krijuar me arrestimin e Fredi Belerit dhe më keq me mosgjykimin e tij, që duam apo nuk duam vë në dukje një mangësi serioze të funksionimit të drejtësisë në vendin tonë. Nuk mundet që te jëtë normale shpallaja e moskompetencës për të gjykuar një shtetas për 7 muaj dhe të deklarosh se kjo është çështje e drejtësisë.

Ajo që ne po shohim është sesi z. Rama ka asgjësuar me duart e veta një investim të gjatë në ndërtimin e një imazhi në politikën e jashtme pasi aktualisht ka provokuar një situatë që zgjidhet me fitore ose humbje dhe jo kompromis. Dhe të paktën në Greqi shija e hidhur e sjelljes së tij nuk ka për t’u harruar.