Si mund të votohet elektronikisht në Kuvend kur garojnë 2 kandidatë dhe si u votua dje

Në shumicën dërrmuese të rasteve, votimi elektronik në Kuvendin e Shqipërisë përdoret për të kaluar ose rrëzuar një projekt-ligj ose një kandidat të caktuar, duke shtypur butonin jeshil për “po”, të kuqin për “jo” dhe të bardhin për “abstenim”. Por ka raste, si ai i djeshmi, kur në garë janë dy kandidatë për të njëjtin post.

Rregullorja e Kuvendit parashikon që në këto raste të kryhet votim i fshehtë me kuti ose elektronik. Votimi me kuti është i thjeshtë dhe i lashtë pothuaj sa demokracia (në fakt, në Athinën e lashtë, përdorej fillimisht një amforë, ku hidheshin zaje me ngjyrë të errët ose të çelët). Ndërsa votimi elektronik është një shpikje relativisht e re dhe më e sofistikuar.  Sidoqoftë, sistemi mund të programohet që butoni jeshil të jetë për kandidatin X, i kuqi për kandidatin Z dhe i bardhi për abstenim, ose thjesht mund të bëhet marrëveshje paraprake (pa patur nevojë për riprogramim të sistemit) që “po”-ja të përfaqësojë kandidatin X dhe “jo”-ja kandidatin Z, nderkohe qe kodohet programi per te ruajtur fshehtesine e votes.

Në votimin elektronik të djeshëm, nga nxitimi, Jozefina Topalli, nuk bërëi as deklarimin formal se cili buton përfaqësonte kandidaturën e Cefës dhe cili të Vishës, lëre pastaj që të diskutonte se cila ngjyrë butoni duhej t’i caktohej njërit dhe cila tjetrit, apo te kujdesej per fshehtesine e votes. Ajo thjesht i ra shkurt; hodhi për votim vetëm kandidaturën e Cefës, shokut të djalit të Berishës.

E.Zaloshnja