Putinit “i prishin festën”; dhe ai përgjigjet në mënyrën e vet

Putinit po i prishin ‘festën’; dhe ai po i provon të gjitha mënyrat e sjelljes në një Rusi, ku pjesa më e madhe e establishmentit politiko-mediatiko-kulturor-fetar është në mbështetje të regjimit të tij. Deri dhe kisha ortodokse dha sot një deklaratë, ku thuhej se rusët “votuan ashtu si duhet, dhe bënë mirë që s’votuan në favor të buratinëve që nuk i duan të mirën vendit”. Në një kohë që është rritur protesta kundër “parregullsive të vëna re” (kanë thënë të tyren dhe SHBA-të e BE-ja), Putin befason fillimisht me një lëvizje në dukje inteligjente. Merr një takim jashtë Moskës me tre nga katër rivalët në garën presidenciale (ultranacionalisti Vladimir Zhirinovski, kreu i partisë ‘Rusia që Duam’, Sergei Mironov, dhe oligarku Mihail Prokorov; komunisti Genadi Zhuganov e refuzoi ftesën e tij), dhe i garantoi ata se kush ka prekur votën do të ndëshkohet.

Sidoqoftë, kanë qenë mijra ata, që kanë dalë në protestë në qytete të ndryshme. Slogani kryesor ka qenë ‘Duam një Rusi pa Putinin’. Por regjimi i këtij të fundit ka reaguar brutalisht. Janë arrestuar qindra aktivistë, mes të cilëve blogger–i që mbështet opozitën Aleksei Navalnjin, politikanin e së majtës Sergei Udaltzhov, ambientalisten Jevgjeni Çirikova dhe shkrimtarin Eduard Limonov. Priten zhvillime të tjera.

Re.Pu.