Pritmëri të mëdha për naftë në Jon

Qeveria greke u shpreh tepër optimiste për gjetjen e rezervave të mëdha të naftës dhe gazit në detin Jon dhe në pjesën jugore të Kretës. Ky fakt bëhet publik nga zëvendësministri i Energjitikës së Greqisë, Janis Manjatis, i cili deklaroi se interesi për kërkime në Jon dhe Egje është tepër i madh prej kompanive amerikane, izraelite dhe britanike. Sipas Manjatisit, pala greke është tepër optimiste se në pjesën perëndimore të Greqisë dhe pikërisht në zonën e Janinës, në veri të ishullit të Korfuzit, por edhe në perëndim të Patras dhe jug të Kretes, gjenden sasi tepër të mëdha hidrokarburesh, të cilat llogariten në dhjetera miliardë dollarë në 20 vitet e ardhshme.

Entuziasmi i grekëve shtohet edhe më shumë pas njoftimit nga bursa e Londrës, se para pak ditësh, kompanite e kërkimit për hidrokarbure në det kane publikuar lajmin se kanë gjetur rezerva prej 1 miliard fuçi nafte në zonën detare shqiptare vetem pak milje larg Durrësit. Sipas pales greke, shtresat tektonike të pjeses greke në veri të ishullit të Korfuzit, jane identike me ato të zones naftembajtese të Durresit dhe zonës naftëmbajtëse Marinëz-Patos.

Pikërisht afërsia gjeografike me këto zona ne vendin tonë, tashmë të certifikuara si naftë mbajtese, kanë shtuar besimin e pales greke, se në zonë fshihen sasi më të mëdha se 4 miliardë fuçi, pak më shume se gjysma e së cilës mund të jetë e shfrytezueshme me çmimin e naftës mbi 85 dollarë per fuçi. Eksperte te kesaj fushe thane se çmimi i naftës nuk pritet të ulet së shpejti, ndërsa këto rezerva mund të fillojnë të nxirren brenda 5 vjetëve. Sipas tyre në zonë janë kryer kerkime fizike dhe brenda fillimit të marsit të këtij viti, do të fillojnë edhe kërkimet sizmike të këtyre shtresave, ndërsa sondat e para pritet të dalin në det gjatë vitit të ardhshëm.

Marrë nga Top-channel