PDIU-ja ndjek AK-në me një deklaratë për 103 vjetorin e alfabetit shqip
Aleanca Kuqezi (AK) bëri sot një deklaratë për shtyp me rastin e 103 vjetorit të alfabetit të unifikuar shqip, i vendosur nga Kongresi i Manastirit. Kjo deklaratë është në vazhdën e temave patriotike që AK-ja ka zhvilluar që nga krijimi i saj. Në të thuhet se 103 vjet pas asaj ngjarjeje madhore për gjuhën shqipe, shqiptarët ende nuk kanë unifikuar abetaren dhe sistemin arsimor, qyteti i Manastirit është lënë në harresë nga politikanët shqiptarë, dhe ata kanë përdhosur veprën e shquar të rilindësve. Sipas AK-së, arsimi shqiptar, sidomos ai universitar, është në gjendje të vajtueshme, ku korrupsioni po shet e ble diplomat e masterat.
Për të mos mbetur mbrapa, siç ka ndodhur rëndom kohët e fundit, PDIU-ja doli dy orë më pas me një deklaratë të ngjashme me të AK-së, duke theksuar se sot, në 103 vjetorin e alfabetit shqip, fryma byzantine-osmane nuk ka më vend në Ballkan. Në dallim nga AK-ja, PDIU-ja është shprehur në deklaratë në mbështetje të protestës së arsimtarëve shqiptarë në Maqedoni.
Kjo garë e PDIU-së me AK-në për çështje që kalojnë përtej kauzës së komunitetit çam, shpjegohet ndoshta me frikën në radhët e mazhorancës aktuale rreth një fuqizimi elektoral të AK-së, e cila me gjasa të mëdha, do të futet si një parti më vete në zgjedhjet e ardhshme parlamentare. Mbetet të shihet se sa e aftë do të jetë PDIU-ja të dalë përtej sinorit të saj tradicional elektoral.
E.Zaloshnja
Comments
Nuk e kuptova kete shkrim. I
<p>Nuk e kuptova kete shkrim. I lexova dy deklaratat dhe skane lidhje me njera tjetren. PDIU kishte reaguar per mesimin shqip ne Maqedoni e jo per 103 vjetorin e alfabetit. Por edhe sikur ta bente, qe kur na i paska privatizuar festat kombetare alenaca faqezi???? Kerkoj ndjese, se duket qe jam injorante, se nuk e dija qe e kishte shpallur alfabetin kreshniku me eduardin dhe askush tjeter spaska te drejte te flasi per te</p>
Add new comment