Mund të kthehet regjimi i lëvizjes së kontrolluar (me viza) në BE

Janë duke penalizuar Ballkanin me rishikimin e regjimit të vizave? Këtë e thonë një numër mediash, bazuar në një raportim të televizionit Albanian Screen (ish-Alsat). Dhe e gjithë kjo do të vijë si pasojë e azilkërkuesve, të cilët janë shtuar shumë në numër kohët e fundit. Mos është ndonjë sendërgjí gazetarësh? Jo, e thotë vetë me zë e me figurë Tanja Fajon, e cila është dhe raportuesja e Parlamentit Europian për Shqipërinë: “Situata është serioze. Ajo që disa vende të Bashkimit Europian si Belgjika, Luksemburgu, Suedia  dhe Gjermania janë duke përballuar në këto momente është me të vërtetë shqetësuese. Numri i azilkërkuesve nga vendet e Ballkanit Perëndimor ka ardhur duke u shtuar. Unë mendoj se qeveritë e këtyre e vendeve kanë marrë disa masa, por ato nuk janë të mjaftueshme. Dhe tani ne kemi në duar një propozim të Komisionit Europian për pezullimin e përkohshëm të lëvizjes së lirë. Pezullimi mund të bëhet për disa muaj. Unë shpresoj që në të ardhmen, asnjë shtet të mos hyjë në listën e zezë të Shengenit”.

Nëse kjo do të ndodhte do të ish një zhvillim dramatik për dhjetra mijra shqiptarë, për të cilët lëvizja e lirë është bërë tani një mënyrë jetese dhe një conditio sine qua non e egzistencës së tyre.

M.N.