Beteja për të fituar të përndjekurit: Berisha është i shqetësuar

 “Unë e pashë zotin Rama që kishte mbledhur nja 3-4 ish-të përndjekur në atë takim”, tha sot Berisha përballë deputetëve të vet duke iu referuar një tryeze që Rama ka bërë me të përndjekurit para ca ditësh. Fillimisht pra ai e minimizon dhe e injoron si takim. “Nja tre-katër vetë”, thotë. Por pas kësaj, bëhet mbrojtës i nderit të këtyre “nja tre-katër vetëve”: “Të marrësh ti njerëz që kanë vuajtur në burgje dhe t’i vendosësh para Gramoz Ruçit dhe miliarderëve është e rëndë”, thotë gjithmonë aty, përballë deputetëve. Dhe më tej, tregon se ata “tre-katër vetë” nuk kanë nevojë për mbrojtje e patronazh, pasi “ata ia thanë zotit Rama në sy, i thanë edhe që nuk u dha asnjë pará për pesë vjet, ndërkohë që shpërbleu Nexhmijen (!!!!)”. Në fund, i rimerr sërish në mbrojtje prej ‘terminatorit’ Gramoz Ruçi: “Të paktën nuk mund t’u nxirrte atyre Gramoz Ruçin, ministrin e fundit të torturës në kohën e komunizmit”.

Sa e paska shqetësuar ai takim me “tre-katër vetë”!

Re.Pu.