Ambasadori Arvizu: Ku po shkojnë shqiptarët?

Ambasadori amerikan, Arvizu, në intervistën e mbrëmshme me Janush Bugajskin, ishte disi i çbalancuar në kritikat e veta, gjë që ka ca kohë që po e bën, por nuk harroi të qortonte sjelljen e opozitës më 21 janar të vitit të shkuar, me fjalë të tjera faktin që protesta e 21 janarit ish planifikuar për të qenë e dhunshme, se nuk është e vërtetë që protestuesit u provokuan nga policia në momentet e para, dhe se opozita nuk ka bërë ende një vlerësim autokritik të asaj që ndodhi në atë datë.

Por ndërsa kritika ndaj PS-së kish të bënte me këtë ngjarje të veçantë, kritikat ndaj maxhorancës ishin të një natyre integrale e sistemike. Ai nënvizoi se “qysh nga 2009 përparimi ka ngecur dhe për pasojë frustrimi është në rritje”, se “kur sheh rreth e rrotull, institucionet, mungesën e efikasitetit të tyre, ti vret mendjen: ku po shkojnë?”, se [po verifikohet] “lodhja nga pushteti”, se “është jashtëzakonisht e padobishme që të fyhet Zyra e Prokurorisë, që të vihen në pikëpyetje kompetencat e saj për të kryer hetimin”, se “shumica e njerëzve thonë se [situata e korrupsionit] po përkeqësohet”, se “[në Shqipëri] nëse je njeri me mjete në dispozicion, i pasur, i fuqishëm, me influencë, të gjitha këto bashkë, je praktikisht i paprekshëm”, se “sistemi gjyqësor këtu është disfunksional”, etj, etj.

Re.Pu.