‘Fusnota’ ka sjellë shqetësim në Kosovë
Kryeministri i Kosovës, Hashim Thaçi, i është bindur presionit të fortë ndërkombëtar për të hequr dorë nga emërtimi ‘Republika e Kosovës’ në nismat e bashkëpunimit rajonal. Në vend të këtij emërtimi do të përdoret thjesht Kosova (Kosovo në anglisht). Pothuaj të gjithë diplomatët e kanë shoqëruar presionin e tyre me argumentin se edhe vendi i tyre përfaqësohet po njësoj në aktivitete ndërkombëtare. “Thuhet Germany, Austria, France, Italy, etj”, thonë ata duke u shtirur sikur s’kuptojnë “këtë dashurinë e madhe” të kosovarëve për fjalën Republikë.
Por vendimi i Thaçit pa pasohet me reagime nga më të ndryshmet. Opozita ende nuk ka një zë e një strategji të përbashkët në kundërshtimin e kësaj ideje, por fronti opozitar duket se është rritur në këtë rast. Një pjesë e rëndësishme e opinionit mediatik e politik është duke parë në këtë mes një dorëzim të autoriteteve të Prishtinës përbalë tekave të Beogradit; dhe një rrezik, madje, që mund të komprometojë afirmimin që i është bërë Kosovës në arenën ndërkombëtare.
Re.Pu.
Comments
"fuss" (shkruhet "Fuß")
<p> "fuss" (shkruhet "Fuß") është fjalë gjermane. Do të thotë këmbë ose fund.</p>
Add new comment