Intervista e plotë e Berishës në Vizion Plus

Peza: Kemi hyrë në një vit të veçantë, në një vit historik, është viti i 100 vjetorit  të shpalljes së pavarësisë,  do të doja të dija se çfarë të veçante përveç atyre që ju keni deklaruar  në mbledhjen e Komitetit Shtetëror për këtë festë por edhe në mbledhje të ndryshme, çfarë  është ajo e veçantë që do të presin dhe do i bashkojë shqiptarët?

 

Kryeministri:  Mendoj se  më e rëndësishmja që mund ti bashkojë shqiptarët në këtë festë, në këtë vit festiv, është vlerësimi dhe rivlerësimi  i njëri-tjetrit , është një vlerësim dhe rivlerësim i përpjekjeve të tyre një shekullore, për të arritur sot si një komb i lirë kudo që ndodhemi. Nuk duhet të harrojmë se pavarësia e Shqipërisë, nuk ishte një pavarësi pa cen; ishte një pavarësi e shpallur në 1/3 e territoreve shqiptare dhe imagjinoni ju se çfarë dhimbje, se çfarë drame, krijoi ajo tek  ¾ e shqiptarëve që mbetën jashtë territorit të Shqipërisë, veçanërisht në Kosovë, që bëri luftërat e mëdha, të cilat imponuan pavarësinë. Por në këtë 100 vjetor, ne vijmë të lirë kudo që jemi, ne vijmë për herë të parë ndoshta në historinë tonë  duke ndërtuar të ardhmen, sepse të ardhmen e ndërtojnë vetëm kombet e lira. Në këtë 100 vjetor, si çdo komb ne kemi patur lartësimet  dhe tatëpjetat tona, por këtë 100 vjetor, ne kemi arritur si komb  edhe arritjet më të jashtëzakonshme; ndër më të jashtëzakonshmet  në historinë tonë, por edhe në historinë e një kombi siç është pavarësia e Kosovës.  Kështu që, mendoj se ajo për të cilën duhet të na shërbejë ky vit, të na frymëzojë, është një vlerësim dhe rivlerësim për njëri -tjetrin, një vlerësim dhe rivlerësim për të gjitha gjeneratat  që shkuan, sakrificat, mundin,  përpjekjet e tyre të jashtëzakonshme, që shqiptarët të ngjisin shekullin dhe të jenë  sot në majën e tij, një komb i lirë. Kjo gjykoj unë është arritja më e madhe. Dita në të cilën në parlament u hap ky vit kishte një moment ndër me domethënëse se çdo gjë tjetër, aty folën deputetët  shqiptarë të të  gjitha viseve të trevave shqiptare, të zgjedhur me votën e lirë të shqiptarëve. Pra ëndrra e lirisë u shndërrua në realitet. Ne nuk patëm, ne ishim një komb jetim në kuptimin real të fjalës dhe nuk patëm mundësinë, që sapo shpallëm pavarësinë të nisnim dhe të ndërtonim lirin dhe vlerat e saj, sepse u përballëm sërish me probleme  ekzistence, u përballem sërish me përpjekje,   me traktate që stipulonin shuarjen nga harta politike e Europës, të Shqipërisë, të shtetit shqiptar dhe për rrjedhojë gradualisht dhe të kombit shqiptar mbi programe të caktuara. Këto nuk u realizuan, nuk u realizuan, sepse shqiptarët qëndruan në kushte ndër më të vështirat, qëndruan në kushte kur mbështetja ishte nga më diskretet, qëndruan në kushtet kur organizimi shtetëror ju mungonte. Vetëm në luftën e parë botërore, kanë rënë viktima 10%  e popullatës shqiptare, por në këto rrethana sërish u arrit.  Nesër është një datë e madhe ndër më të mëdhatë në historinë tonë, Kongresi  i Lushnjes.  Ky kongres realisht mund të cilësohet themelimi i dytë i pavarësisë, realisht mund të cilësohet kongresi i shpëtimit kombëtar, sepse në momente rrokullisje të re të madhe dhe shkarje absurde të qeverisë së Durrësit; një grup personalitetesh të qeverisë shqiptare me përfaqësues nga të gjitha zonat mblodhën Kongresin e Lushnjes, krijuan një qeveri me një nga burrat më të shquar të kombit, një nga shtetarë më të përgjegjshëm të kombit shqiptar Sulejman Delvinën, emëroi një Ministër të Brendshëm, një njeri që do të dëshmonte  përkushtimin më të madh në gjeneratat dhe brezat e tij, për formimin e shtetit shqiptar. Përcaktuan Tiranën kryeqytet, por përcaktuan zgjedhje të përgjithshme dhe të  lira, si rruga për të vendosur  demokracinë parlamentare në Shqipëri.  I dhanë vendit monedhën, nuk kishte monedhë të tij,  deri në atë vit Shqipëria përdorte monedhën e bashkimit monetar latin.  Kjo qeveri e sapo krijuar vendosi prerjen e monedhës dhe e vërteta është se drejtoi luftën e Vlorës, një nga betejat më legjendare në historinë moderne të shqiptarëve  pasi dihej se Vlora ishte porti i amshuar i imperializmit italian të asaj kohe , por që shqiptarët e kishin territor të tyre

 

Peza:  Themelet u hodhën në Kongresin e Lushnjes, por nuk ishte kaq e lehtë ajo çfarë rodhi më pas në historinë e Shqipërisë, kemi parasysh këtu zhvillimet  para dhe gjatë luftës së dytë Botërore, sidomos pas luftës së dytë Botërore;  45 vjet komunizëm, rrëzimi i murit të Berlinit  dhe 20 vjet tranzicion?

 

Kryeministri: Pavarësisht nga momentet shumë të vështira, mendoj se ne ia kemi dalë  të kapërcejmë me përpjekje të mëdha  vështirësi ndër më të mëdhatë. Ne jemi vendi  i parë në Europë që u pushtuan nga fashizmi,  por ne jemi po vendi i parë që organizuam rezistencën kundër pushtimit dhe në kushtet më të vështira. Shqiptarët kurrë nuk reshtën së luftuari  dhe sakrifikuari për liri dhe dinjitet. Mbreti , bëri Shqipërinë e pavaruar me shtet.  Unë nuk them se mbretëria nuk kishte problematikat e veta, por e vërteta është se ndërtimi i shtetit shqiptar në ato kushte  kur vendi pak vite më parë ishte shkëputur nga një sundim osman pesëshekullor, përbënte një nga vështirësitë më të mëdha dhe Mbreti ka një meritë të madhe shumë, sepse nëse e studioni mbretërinë, gjeni një përpjekje të jashtëzakonshme që regjimi të  përshtatet  me vokacionin perëndimor të  kombit shqiptar. Mund të shohësh pritjet e tij. Ajo ishte Shqipëria por nga ana tjetër në çdo gjë; në shkolla, në institucione ai vendosi modelet perëndimore. U largua nga Shqipëria; nuk u largua vetëm ai, përveç  Mbretit të Kurorës së Mbretërisë së Bashkuar, sovranët e tjerë në Europë, nuk arritën të udhëheqin në luftë frontale kombet e tyre; por vazhduan luftën, vazhduan përpjekjet dhe aty ku shkuan; dhe këtu legalistët, ruajalistët qëndruan si nacionalistë të vërtetë. Ndërkohë  me angazhimin direkt të Partisë Komuniste Jugosllave, e cila duhet të them se nuk duhet të shikohet kjo  si një paradoks, sepse po të kthehemi në  atë periudhë, kampi nazifashist  kishte përballë  Moskën dhe Londrën  dhe të dyja këto kryeqytete, që u përballën fillimisht dhe pastaj SHBA me peshën e madhe të këtij kampi dhe agresioni, bënë gjithçka që kudo të organizohej rezistenca e armatosur ndaj tyre.  Ky është mendimi im. Ata erdhën këtu për  të organizuar një rezistencë  antifashiste dhe natyrisht ata ishin përfaqësues të Partisë Komuniste Jugosllave e cila komandohej si partitë e tjera nga komiterni, por shqiptarët u organizuan.  U organizuan nën  flamurin e Partisë Komuniste, u organizuan  nën flamurin  e realizmit të ballit; pra shqiptarët u ngritën në një betejë, luftuan në tërë territorin tyre, luftuan në territoret shqiptare jashtë kufijve, luftuan deri në territoret e Bosnjës dhe kjo përbën një nga faqet e ndritura të historisë sonë kombëtare; sepse së pari një komb që nuk lufton pushtuesin, vështirë të themi se meriton të jetë i lirë, së dyti  këto ishin koalicione botërore dhe këto koalicione në fund do ishin rrjeshtimi. Kjo luftë kjo sakrificë, ky flijim i mijëra  e mijëra të rinjve dhe të rejave shqiptare bëri që Shqipëria të rrjeshtohet në anën e drejtë të historisë, koalicionin anti-nazifashist.

 

Peza: Njihen meritat e komunistëve?

 

Kryeministri: Të gjithë ata që luftuan, sepse ata luftuan për një kauz. Ka patur gabime lufta, nuk ka luftë pa gabime dhe unë nuk justifikoj këtu, por gabime në luftë dhe gjatë luftërave, janë konstante, ajo që ishte katastrofale, është fakti  sesi fitimtarët sesi çlirimtarët shndërruan në të mundur kombin e tyre, sesi ata vendosën një regjim më ç’njerëzorin që mund të imagjinohej.

 

Peza:  A ishte kjo pjesë e fatit dhe e lojrave të mëdha politike dhe  vendimeve që u morën pas luftës; ndoshta ndarja e botës, përcaktoi Shqipërinë në kampin komunist?

 

Kryeministri: Ka një të vërtetë aty, por ka një problem tjetër; asnjë lloj ndarje nuk mund të diktonte vendosjen e një regjimi represiv mizor ndaj njerëzve të tu. Po të marrësh dhe të shohësh Enver Hoxhën, ta analizosh, ka dy periudha. Periudhën e parë ku ai asgjësoi  me grusht të hekurt të  gjithë ata që ai i quante armiq klase, borgjez etj. etj. po pastaj iu kthye te vetëve dhe i shfarosi në mënyrën më mizore, zhyti vendin në varfërinë më ekstreme. Unë them se shqiptarët kanë një meritë të jashtëzakonshme me luftën në Kosovë, për çlirimin e Kosovës;  askush nuk mund ta besonte se shqiptarët e Kosovës, një ditë do të ishin një shtet i pavarur dhe unë jam dëshmitar i të gjitha mendimeve dhe opinioneve që ekzistonin për këtë ne arenën ndërkombëtare 20 vitet e fundit.  Por shqiptarët ia dolën, ia dolën  me një sakrificë të madhe me një mençuri të madhe. Rezistencën paqësore që organizuan shqiptarët  nën  drejtimin e Ibrahim Rugovës, nuk e ka organizuar askush në Europë se  ishte rezistencë totale ku nuk kishte asnjë shqiptar nga ata të cilët nuk u angazhuan në këtë rezistence dhe natyrisht ajo pati mundësinë  madhe e çoi deri në kancelaritë më kryesore, por nuk e zgjidhi; atë e zgjidhte lufta dhe kur erdhi momenti ta zgjidhte lufta ata vërshuan në luftë.

Po ti rikthehemi ’90, a kishte njerëz më të izoluar se ne ? Sepse vërtet këto lëvizjet e vendeve të tjera ish-komuniste ndodhën një vit para nesh, por mos harroni një gjë se ato ishin në tërësinë e tyre vende me disidencë çka do të thotë se në një formë apo në një tjetër, regjimet e tyre ishin akomoduar me praninë  e kundërshtarëve të vet.  Mos harro se kishte një gjë tjetër, se disidenca polake, hungareze, ceke,  jo vetëm që kishte një bashkëpunim të ngushtë njëra me tjetrën, por kishte dhe një mbështetje botërore; kurse  në Shqipëri, nuk pipëtinte, ndonëse kishte sakrificat më të  mëdha. Kjo ishte arsyeja  që ne e rrezuam të fundit, por  e rrëzuam dhe e vërteta është se ne u ngritëm vetë, sepse nuk kishte kush të na ndihmonte në atë kohë. E rrëzuam në mënyrë paqësore, regjimin më dogmatik të Europës dhe arritëm. Po të shohësh këtë historinë  tonë, megjithëse unë nuk jam për glorifikime, por ka momente ndër më kulmoret, të cilat na japin mundësi të rivlerësojmë njëri-tjetrin, të rivlerësojmë veten,  të rivlerësojmë historinë tonë.

 

Peza: Ju keni thënë që një nga objektivat e këtij viti, është rikthimi i eshtrave të Ahmet Zogut; ju keni qenë në Francë  disa herë muajt e fundit, keni biseduar me autoritetet atje, a ka ndonjë problem?

 

Kryeministri:  Jo, nuk ka asnjë problem dhe rikthimi i eshtrave të Ahmet Zogut do të ndodhë  gjatë muajve që vijnë, Ministria e Mbrojtjes është ngarkuar. Mund të shqyrtohet edhe rikthimi i  eshtrave të personaliteteve tona të tjera të shquara,  të cilat për arsye tashmë të njohura kanë vdekur në mërgim, por që kanë dhënë kontribute të mëdha në historinë dhe në zhvillimet e vendit . Është një moment ky shumë i rëndësishëm që të jemi realë në historinë tonë. Jap një shembull, Hasan Prishtina është në Kukës i varrosur,  se nuk mund të varrosej në Kosovë, pra Hasan Prishtina varrin natyral e ka në Prishtinë.   Me histori do të merremi ne gjatë këtij  viti, se është normale, por do të merremi në një sens real të saj. 

 

 Peza: Ju ra ju të jeni në krye të vendit për 100 vjetorin e pavarësisë?

 

Berisha:  Eshtë një shans, nuk mund ta mohoj këtë, është një koinçidencë shumë e këndshme dhe do të përpiqem të bëjë detyrën time.

 

Peza: Ju thoni që historia e Shqipërisë duhet rishkruar dhe në fakt historia e botes është një proçes shkrimi dhe rishkrimi i pandalshem. Ju keni një raport të veçantë me historinë, nuk e keni fshehur ndonjëherë; ashtu siç thoni se keni një raport të veçantë me përjetësinë, e keni menduar ndonjëherë raportin tuaj me historinë e Shqipërisë në 100 vitet e fundit?

 

Berisha: Unë them të rishkruhet sepse ka pasur fatkeqësinë kjo shkencë, kjo doktrinë, e cila është më e lidhur me shumë se çdo gjë tjetër me politikën, të pësojë deformime të mëdha, manipulime të mëdha dhe të pamerituara. Unë jam i vetëdijshëm se marrëdhëniet e individëve me historinë janë nga më komplekset, jam i vetëdijshem se në qëndrimet ndaj  tyre, ndikon shumë dhe emocioni njerëzor;  por në këtë vit të 100 ne kemi 100 arsye për ta parë atë me gjakftohtësi. Marrëdhëniet  njerëzore me historinë janë shumë komplekse, por kjo nuk duhet të na pengojë ne të nxjerrim në pah kontributet dhe pozivitet e saj; sikundër  nuk duhet të na pengojë ne në mënyrë realiste të përcaktojmë qëndrimet e gabuara të gjithsecilit. Po jap një shembull; Bajram Curri, tribun legjendar në kryengritjet e Kosovës , po a veproi drejt që sulmoi ushtarakisht kryeministrin  Ahmet Zogu; nuk e bëri, nuk i takonte një gjë e tillë. Por a e zvogëlon kjo figurën e Bajram Currit? Jo , nuk e zvogëlon  sepse jashtë teorisë së gabimit  askush nuk del. Bajram Curri është një kollos dhe një tribun i vërtete në udhëheqjen e kryengritjeve që sollën Pavarësinë. Ose merr Nolin. Kush i ka shërbyer kombit më shumë se Noli në njohjen e tij ndërkombetare. Ai është dhe do mbetet diplomati më frymëzues i kohërave. Por pastaj kryeministër me short, nuk ishte  zgjidhja, të themi atë që është, por këto nuk e zbehin figurën e tij.  Këto janë realitete historike që ne duhet ti themi siç janë. Historia bëhet edhe për të nxjerrë mesime, sikundër bëhet  gjithnjë ne sensin e vlerësimit real të zhvillimeve.

 

Peza: Çfarë do të mbetet në histori nga ju, çfarë do tju njihet pas shumë viteve?

 

Kryeministri : Si mund t’i  bësh këtë pyetje një njeriu që s’ka punuar qoftë edhe një ditë të vetme për historinë. Unë nuk punoj për historinë, unë bej punën time të përditshme. Gjithë problemi im është se unë nuk kam asnjë përkujdesje që të punoj për historinë.  Unë punoj në ato që besoj, kam një pasion të madh për të gjitha projektet që unë  besoj.

 

Peza: Rama ka vendosur një flamur në ballkonin në e shtëpisë së tij do ta mbajë gjatë gjithë vitit dhe ju ka bërë thirrje të gjithë shqiptarëve që ta bëjnë një gjest të tillë. Ju do ta bëni?

 

Kryeministri: Kjo ishte një thirrje që u bë para Vitit të Ri nga Kryeministri. E vlerësoj nëse z.Rama e ka përsërit ose edhe nëse e ka bërë para meje dhe unë do të doja që shqiptarët këtë vit ti bënin një nderim, ta quanin vitin e flamurit. Është një gjë interesante në kombin tonë; e para ne kemi flamurin më të bukur të botës dhe nuk kemi asgjë më të bukur se flamuri, kjo është një gjë shumë e madhe. Sepse flamuri është panteoni, është djepi ku flenë shpirtrat e të rënëve.  E dyta  ke parë ti që ne edhe himnin e kombit, nuk ia thurim kombit por ia thurim flamurit, ia këndojmë flamurit është shumë  interesante.  Këhstu që mbajtja e flamurit nga qytetarët shqiptarë gjatë këtij viti në ballkonet e tyre dhe kudo do të ishte një gjest i civilizuar dhe respekti ndaj  flamurit të tyre.

 

Peza: Kishit premtuar se në këtë 100 vjetor do të  ndërtonit  kompleksin e ri parlamentar dhe stadiumin e ri të futbollit. Një premtim i cili mesa duket nuk do të mbahet. Pse?

 

Kryeministri: Ai premtim do të mbahet. Nuk do të mund të priten shiritat! Pse? Sepse pavarësisht nga dëshira ime, por procedurat janë procedura dhe ato nuk mund ti shkelim. Nëse merr përsipër për të ndërtuar parlamentin dhe  ecën duke shkelur transparencën, shërbimi më i keq që i ben 100 vjetorit ai do të ishte.

Peza: Por gjykata kushtetuese ju dha të drejtë ta shembnit piramidën...

Kryeministri: Po na dha të drejtë,por çfarë ndodhi. Firma që fitoi na kërkoi 10% të investimit total  vetëm për projektin . Tani 10% e investimit total vetëm për projektin, ky është një çmim fare i rrallë. Ndërkohë që për ndërtimin e parlamentareve të tjerë janë 5%,  4.5%; pra ishte shumë lart, ne negociuam, firma  u tërhoq ne u tërhoqëm, po zgjedhim tjetrin këto ditë dhe kjo është arsyeja.

Peza: Pra ajo firmë nuk do ta ndërtojë?

Kryeministri: Jo nuk do ta ndërtojë. Ajo firmë që fitoi nuk mund ta ndërtoi se kërkoi tek 10%, ishte pra çështje procedure. Do jete firma e dytë dhe ajo ka pranuar një çmim standard mesatar të projektit të zbatimit. Stadiumi. Ne kemi ndërmend që edhe të kontribuojmë edhe tia japim sportit , jemi futur bashkëaksioner që ta ndërtojmë atë por qëllimi është që ai të jetë i Federatës së Sportit i sportit shqiptar. Tani federata pati një ide që ta ndërtonin tek Fusha e Aviacionit dhe të ndërtonin atje një pol tjetër, unë nuk kisha ndonjë gjë kundër , sepse këtu është në qytet afër. Pastaj ajo ide u bojkotua, tani  e mendojnë se nuk duhet të jete 35 mijë, sepse është shumë i madh, po e ridimensionojmë dhe sapo ta ridimensionojnë ne fillojmë procedurat.  Duhet të behet një projekt i ri, sepse ata nuk janë tani për 35 mijë janë për 25 mijë  dhe ne do të respektojnë atë që kërkojnë, do të behet po këtu  ku është, sepse  kanë një pretendim se po të largohen përtojnë tifozat të vijnë; në fakt tifozat nuk përtojnë se ju vijnë nga të katër anët e vendit, por ata do të zgjedhin.

 

Peza: Kalojmë tek përditshmëria politike. Nesër  është 21 janari ku perveç Kongresit të Lushnjes ku mesa dimë Qeveria do të ndodhet atje për kujtimin e kësja ngjarje të madhe historike, opozita ka ftuar qytetarët të bëjnë një homazh në përkujtim të 21 janarit të një viti më parë. Ju keni deklaruar se vazhdoni ti qëndroni mendimeve që keni dhënë më 23 janar të një viti më parë . Eshtë një deklaratë që në fakt më shumë është komentuar si një kërcënim për z.Edi Rama, sepse keni thënë të gjithë janë të amnistuar përveç atij?

 

Kryeministri: Absolutisht asnjë kërcënim , por thjesht një qëndrim real, nga i cili nuk do të lëviz ndonjëherë.

Peza: Që do të thotë?

Kryeministri: Që do të thotë unë u rrethova njëherë me zjarr, me gurë, me hunj në zyrën tim, unë që isha kryeministri i zgjedhur në mënyre legjitime. Që do të thotë në mënyrën më tragjike ky rrethim u shoqërua me 4 viktima, një humbje e dhimbshme me plagosjne e qindra e qindra të tjerëve; policë, gardiste qytetarë dhe të gjitha këto për të marrë me dhunë këtë institucion.

 

Peza: Mendoni se kishte një skenar për ta marrë me dhunë pushtetin?

 

Kryeministri: Unë  nuk e di se kush nuk e mendon këtë. Nuk di se kush nuk e mendon këtë. Të gjithë ata që panë me qindra  e mijera gurë, që panë të sulmohej dera kryesore e kryeministrisë dhe të hapej me makinë , që panë të fluturonin shishet molotov por edhe plumba; e kanë të qartë se ajo ishte një axhendë dhe në gjithë këto pesë orë, kryetari i opozitës u instalua në godinën përkarshi me një megafon me besimin e verber se do të vinte dhe do të mbante fjalim nga ballkoni i zyrës sime.

Peza: E keni të saktë këtë?

Kryeministri: Absolute , shumë të saktë dhe shumë të sakta edhe gjëra të tjera;  edhe për tjetrën që kishin futur armë ne bodrumin e asaj ndërtese ku rrinte kryetari, tek dy kullat. Dhe se në fund  çuan mesazh se do të sulmojnë me kallashnikov, dhe morën përgjigje se vend mbi tokë nuk do të gjeni nëse dilni qoftë edhe me një të vetëm. Pra këto ishin zhvillimet e asaj nate dhe dihet këtë nuk  e bëri me kokë të vet, këtë e bëri  me mbështetjen e fuqishme të atyre të cilët donin mandatin e dytë dhe e dinin se nga unë nuk do të propozoheshin

Peza: Presidenti i Republikës, Z. Topi...

Kryeministri:  Absolutisht,  me mbështetjen  totale të prokurores, të presidentit,etj. dihen tashmë. Këto veprime u bënë në një koordinim makabër.  Natyrisht kishte disa opsione, mund tjua ktheja reston në mënyrën më të vendosur

Peza: Që do të thotë?

Kryeministri:  Që do të thotë se mund të merrnin atë që meritonin por interesa të tjera prevaluan, interesi  që e keqja duhet zvogëluar. Së dyti më takonte mua që të bëja gjithçka për të ruajtur rendin kushtetues, për të mos cenuar unë kushtetutën. Unë e dija se çështja do të hetohej, nga një prej pjesëmarrësve të këtij puci e këtij veprimi.  Dija gjithçka, por midis hetimit nga zonja që i pritet mandati dhe hetimit nga një prokuror tjetër  i emëruar nga unë, apo nga kjo mazhorancë; natyrisht pastaj në cënim të shumë rregullave; kjo e para ishte më e përshtatshme për vendin sesa e dyta.

Peza: Pra keni patur plan që edhe ta shkarkonit kryeprokuroren?

Kryeministri: Jo ajo nuk meritonte shkarkim, ata meritonin shumë më tepër se shkarkim, sepse ata të cilët u angazhuan në një veprimtari antikushtetuese , për të rrëzuar me forcë një  qeveri legjitime, për ata ligjet janë të qarta.

Peza: Pra meritonin arrestimin?

Kryeministri: Ata meritonin ligjin dhe nuk e morën ligjin. Unë ato fjalë që ju kam thënë atyre, as nuk i heq, as nuk i kam hequr dhe as nuk do t’i heq. Quaje grusht, apo quaje tentativë për përmbysje pushteti me dhunë, se dëgjoja një ditë, një rudiment politik që  thoshte se grushti bëhet kur rrëzohet Presidenti; Presidenti është simbolik, në Republikë Parlamentare është Qeveria. 

Peza: Pra kur rrëzohet qeveria?

Kryeministri: Po pa diskutim. Kushdo që e lexon nuk mund të thotë...

Peza: Presidenti tha që unë nuk i kam qëlluar me grusht vetvetes

Kryeministri: Tani, eshtë mirë ta lëmë këto 6 muaj, se kam vendosur që këto 6 muaj të rrijë, të formojë atë parti se e ka kthyer presidencës në parti , unë nuk do të merrem me të. Por historia është kjo për ta mbyllur, kjo çështje edhe një çështje e rëndë, pa diskutim. Kam pranuar një skemë, kam pranuar skemën e hetimit të organizatorëve, kam pranuar skemën e hetimit të vrasjeve plotësisht, sepse çdo vrasje meriton hetim të plotë, qartësimin e çdo rrethane; kam pranuar skemën e hetimit të sponsorizuesve të tyre. Deri sot qoftë edhe një organizator i vetëm nuk ekziston

Peza: Kjo skemë kur është negociuar, kur është rënë dakord për të?

Kryeministri: Pse se ajo nuk negocion se ajo që heton është një organizatore, është pjesë e këtij puçi

Peza: Eshtë akuzë e rëndë për Kryeprokuroren kjo?

Kryeministri: Absolute, është absolute pjesë, janë të verifikuara këto. Ata të cilët organizuan këtë kishin dy skenarë: njëri ishte që natyrisht do pushtonin zyrën dhe do ishin të qetë, në variantin tjetër ishte se do më bënin rrjeshtore , ata e dinë. Rrjeshtore kryeministrit të zgjedhur me votën e lirë të shqiptarëve. Por ky është një kapitull që nuk mbyllet kurrë pa hetim dhe këtë unë më mirë të jem i hapur me çdo shqiptarë, ky kapitull mbyllet pasi të zbardhen të gjitha përgjegjësitë; të organizmit, të sponsorizimit, të vrasjeve, të dëmeve. Deri tani në hetim as edhe një organizator i vetem. Përkundrazi deri tani organizatorët kryesorë komandojnë prokurorinë e shtetit,komandojnë prokurorinë e shtetit, ta them unë

Peza: Kush janë organizatorët kryesorë?

Kryeministri: Dihen ata. Ne kemi një komision hetimor parlamentar,i cili sa të jetë në pushtet kjo forcë politike do të jete i gatshëm. Por tani për tani, dhe bëmë prapë  mirë , menduam që kjo të mos konsiderohet një presion ndaj drejtësisë, ai është  një komision on hold. Cili ishte motivi i 21 janarit? Ishte një shirit i transmetuar, një regjistrim në të cilin Kryeministri nëpërmjet manipulimit lidhej me një ngjarje që nuk kishte asnjë lidhje. U bazuan në një shirit, i cili lidhi Kryeministrin me një ngjarje që s’kishte asnjë lidhje, lidhi Zv.kryeministrin; drejtësia dha fjalën e vet, por një gjë që e kam thënë edhe në atë kohë dhe e përsëris se ky shirit është prerë dhe ngjitur 28 herë. Mjafton të vije kufjet në vesh dhe çdo njëri kuptonte se ajo ishte  e tëra një montim i neveritshëm, por montim ama që u përdor për të ftuar njerëzit në Tiranë, se qeveria paska bërë hatanë. Të gjitha këto rrethana janë dhe do të hetohen. Nuk i kam thënë z. Rama asnjë kërcënim dhe duhet ta dijë se nuk e kërcënoj kurrë, por duhet ta dijë se i qëndroj fjalës sime në mënyrën më absolute. 

Peza: Në fakt nëse e lexon merret si i tillë...

Kryeinistri: Jo nuk është kërcënim, por nuk lëviz nga pozicioni im

Peza: Nuk ju amnistoj, çfarë do të thotë?

Kryeministri: Do të thotë  se nga 2005 e deri më sot ai ka qenë në mbrojtjen totale të këtij shteti, të cilin ai me një grusht banditësh dhe kriminelësh erdhi të rrëzoje me dhunë një kryeministër të zgjedhur me menynë legjitime. Kurrë ndonjëherë ai nuk mund ta kapërcejë këtë pa u bërë drejtësia siç duhet.

 

Peza: Thoni se do të hetohet, keni parasysh këtu faktin se do të zgjidhet një president i ri dhe më pas kjo mazhoranncë për shkak të mbarimit të mandatit do të zgjedhë një Prokurore ose Prokuror të ri, këtë keni parasysh me hetim?

Kryeministri: Ngjarje  të tilla të rënda nuk amnistohen kurrë. Jo. Ngjarje të tilla të rënda kanë vetem një përgjigje hetimin e plotë dhe të vërtetën në shesh.

Peza:  Pra keni parasysh me këtë rihetim pas ardhjes së prokurorit të ri të përgjithshëm?

Kryeministri: Ky është një problem e rëndësishme është të marrë zgjidhje ligjore. Por  të jesh i bindur që ato dy ditë me Bamir Topin dhe Ina Ramën janë zhvilluar, jo nga unë, dhjetëra kontakte, dhe e kanë shitur dhe blerë njeri-tjetrin ata gjatë atyre dy ditëve nja 15 herë. Por problemi i tyre ishte se ishin bashkarisht në tavë.

Peza: Paksan qënë të përgjuar?

Kryeministri: Jo, i bindur të jesh jo. Nuk ke për të gjetur kurrë,mbaje mend këtë,  njeri që të thotë se më përgjoi Sali Berisha

Peza: Çfarë pergjegjesi ndjeni sot pas një viti për 4 të vrarët?

 

Kryeministri: Absolutisht, ndiej një dhimbje dhe keqardhje të madhe, por në mënyrë absolute, dhe njëherë dhe 100 herë mund të theksoj se një institucion i një vendi të lirë nuk mund të  pushtohet . Pse? Ai nen i kushtetutës që i jep të drejtë opozitës të protestojë kudo... shiko, janë të pakta vendet në Europë ku protestohet para dritares së Kryeministrit.

Peza: Edhe ju keni protestuar në opozitë...

Kryeministri: Po, ky është një standard dhe do të protestojnë sa herë të duan dhe do të kenë garanci të plotë.  Është një opozitë që nga 2005 e deri më sot ka organizuar 1753 protesta , ka pasur 3 të dhunshme; është një opozitë që është toleruar. Kur  bllokuan në Londër, me gjygj i pastruan, nuk i lejova të shkojnë ne gjygj  administrata dhe njerëzit.

Peza: Po flisni për grevën e urisë?

Kryeministri: Me grevën e urisë këta kishin skenarin të futeshin, po ai skenar nuk u bashkërendua dot me ata të tjerët që u bashkërendua më 21 janar.

Peza: Për 4 viktimat...

Kryeministri:Keqardhje e madhe

Peza: Kush ka dhënë urdhër, keni dhënë ju urdhër apo ndonjë vartësi juaj?

Kryeministri: Në mënyrë kategorike dhe absolute as edhe një urdhër. Urdhëri ishte ky, që ta dish ti, ai që do të hynte brenda ai nuk do të mund të dilte më, i vetmi urdhër. Rrethimi është atribut i gardës, ndërtesa do të mbrohej nga të gjithë punonjësit, ishim të gjithë në punë dhe këtu nuk mund të hynte njëri dhe ne ishim shumë të qetë. Cili është ligji i gardës? Ligji i gardës është ky, po e gjuajte ushtarin me gur, me dru, me çdo gjë tjetër, nuk të gjuan me gur, nuk të gjuan me dru; nuk ka ushtar në botë që po ta gjuash nuk të drejton armën. Nuk ka ligje në botën demokratike që kur nje ushtar i gardës gjuhet me tulla, gjuhet me gur, nuk i thotë: 1 qëllo në ajër: 2 nëqoftëse vazhdon qëlloje tek këmbet: 3  qëlloje direkt. Këto janë të përcaktuara në ligjet e gardës të të gjitha vendeve demokratike. Në këtë kontekst nëse ndokush ata pesë  apo dhjetë ushtarët  rreth e rrotull  i konsideronte  derra apo viça lope që mund të lëshonin breshëri tullash dhe gurësh dhe ata do të bënin sehir, gabon. Nuk di,  jo garde, por nuk di ushtar në vendroje, i cili të mund të qëllohet me gurë dhe të mos reagojë.

 

Peza: Po thoni se katër viktimat kanë ardhur nga garda për shkak të detyrës?

 

Kryeministri: Jo unë them këtë, garda ka qëlluar në zbatim të ligjit, sesi kanë ardhur viktimat kjo do jetë një proces hetimi . Këto do të jene të tëra në hetim, nuk më takon mua; por unë them se ushtar në këtë vend që të qëllohet me objekte të forta që të sulmohet dhe agresohet nuk ka që të mos reagojë në përputhje me ligjin.

Peza: Keni deklaruar atë ditë se nga protestuesit ka pasur pistoleta armë, çadra  armë.

Kryeministri: Të gjitha janë informacionet

Peza: Ka diçka që duhet të  ridimensiononi pas një viti nga informacionet që keni thënë?

Kryeministri:  Tani për tani hetimin në dorë e kanë ata të cilët ishin pjesë e këtij skenari, por unë kam përzgjedhur vete këtë si diçka më të afërt me kushtetutën. Natyrisht në mënyrën  më të padiskutueshme kurrëndonjëherë nuk do të pranoj që kjo çështje të mos zbardhet tërësisht.

Peza: Pra ju i qëndroni deklaratës që keni thënë se ka patur njerëz me çadra-pistoletë?

Kryeministri:Unë i qëndroj informacionit që kam pasur. Unë kam pasur atë informacion dhe informacione të tjera, por këtu 1 vit rrjesht as edhe një organizator i vetëm nuk është pyetur.

Peza: Me sa di unë  është pyetur zoti Sajmir Tahiri?

Kryeministri:  Në parlament  nuk ka as edhe një kërkesë për heqje imuniteti, për marrje në ndjekje, asnjë zyrtar; çka do të thotë se nuk ka, se pse janë thirrur aty nuk di gjë.

Peza: Ka pasur një problem në atë kohë pas firmosjes së urdhër-arresteve për zinxhirin drejtues të Gardës dhe nuk u lejua ekzekutimi i këtyre urdhër arresteve nga ana e policisë.

Kryeministri: Jo, nuk u lejuan nga kryeministri.

Peza: Ju nuk i kini lejuar?

Kryeministri: Jo nuk u lejuan nga kryeministri, po sigurisht. Po të urdhëroja policinë unë ajo do të ndodhte;  por a mund tua jepnim bandave ne kryeministrinë. Dhe jo vetëm unë ka pasur një ndërhyrje të gjithanshme dhe besoj se ajo u faktua se ishte tërësisht pjesë e skenarit.

Peza: Cili ishte skenari?

Kryeministri: Skenari ishte, që personi i cili ishte ne zyrën e tij dhe kishte vetëm një detyrë, evakuimin e kryeministrisë, që unë nuk evakuohesha kurrë, por  ata bëjnë planet e tyre; ai duhej arrestuar  që nuk kishte qenë kurrë këtu dhe ish-komandanti i gardës. Këto janë çështje hetimi, por ka element të shumtë. E para kjo, e  dyta nuk kemi qenë absolutisht kundër marrjes në ndjekje, jo. Por ndjekje të lirë, se nëse ti e merr nga komandati i gardës deri tek i fundit çfarë u thua; ti u thua kriminelëve sulmoni e merreni se nuk ka kush e mbron më. Kjo ishte një aventurë, sepse kjo do të mbrohej me çdo çmim, këtë se merrte dot kurrë.  Pra nuk ka këtu asnjë lloj përpjekje për të penguar, por ka një përpjekje nga ata të cilët u dështoi, nuk dëgjuan dot fjalimin nga ballkoni i kryeministrisë dhe menduan se të nesërmen mund ta realizonin meqë pati viktima.

Peza: Ju po thoni që urdhëri për arrestimin e 6 drejtuesve të gardës ishte vazhdim i planit?

Kryeministri: Absolutisht, kryekëput. Pse nuk u zbatua? Unë në bazë të ligjeve të vendit dhashë urdhër që të mbahej on hold, ka ligje që përcaktojnë këtë për shkak të detyrës, pse nuk ndodhi kjo pas 3 muajsh, pas 5 muajsh,pse nuk ndodhi ?! Ke dëgjuar ta kem penguar unë.  Kush e pengoi? Ekspertët  e huaj,  jo përkundrazi. Po pse do të ndodhte  vetëm 5 orë prapa  pasur asnjë fakt asnjë provë dhe asgjë. Po pse Edi Rama do të dilte në konferencë shtypi dhe do të citonte Ina Ramën?! Më thuaj pak si mund të ndodhte kjo. Ai që ishte organizatori kryesor për të marrë pushtetin me dhunë. Janë të gjitha të regjistruara.

 

Peza: Thuhet se pamjet që janë filmuar nga kamerat e kryeministrisë janë fshirë nga serveri qendror?

 

Kryeministri: Absolutisht nuk kam asnjë dijeni  se janë fshirë qoftë edhe një gjë. Ajo që  unë kam bërë që në orën 7 të darkës  kam urdhëruar që gjithçka, ne nuk kemi një sistem kaq të përsosur por diçka kemi, për rrethimin unë them se duhet të jetë i gardës. Grupi im nuk ka sistem. Grupi im detyrat e veta. Unë kam një grup si çdo kryeministër  dhe ai ka detyrat e veta. Kështu që gjithçka ka ndodhur para kamerave. Nuk kam dijeni që të jetë fshirë qoftë edhe një segment. Kam dijeni që nuk ka qenë i gjithë territori i survejuar dhe prapë mund të mos jetë i tërë territori, varet nga mjedisi, kjo është çështje ekspertësh dhe jo çështje të miat.

Peza: Ato ditë janë parë ushtarë të gardës të marrin mjekimin brenda territorit të kryeministrisë dhe nuk janë çuar në spital?

Kryeministri: Tani sesi e kanë rregullin ata, tani unë nuk mund të them se cila plagë shkon në spital dhe cila plagë, kjo është çështje e ekipit. E rëndësishme është se një ambulancë ka ardhur dhe i ka mjekuar. Ambulanca ka pasur nje mjek dhe një ndihmës mjek dhe ato kanë vepruar mbi gjykimin sepse në spital edhe  kanë derguar.

 

Peza: Këto ditë në media është shfaqur një intervistë e të afërmit  të njërit prej viktimave të 21 janarit sikur ju, pretendohet  që keni dërguar persona pranë tyre për t’i takuar , për tu dërguar para , për të shkuar në varrim; a ka ndonjë të vërtetë këtu?

 

Kryeministri: Në mënyrë absolute as kam dërguar dhe as nuk dërgoj, as nuk e njoh.  Kam shprehur ngushëllimet e mia  dhe padiskutim keqardhjen më të sinqertë. Dhe nga ana tjetër kurrë ndonjëherë një institucion kushtetues nuk do të mund të pushtohet, do të mbrohet, do të mbrohet vetem do të mbrohet.

 

Peza: Shihni  një paralele mes 21 janarit dhe  14 shtatorit 1998 ?

 

Kryeministri: Në 12 shtator u vra Valeza i shqiptarëve, Azem Hajdari. Kush e vranë, e vranë majorë dhe kolonelë të policisë së shtetit, është faktuar kjo. Më 12 shtator në një konferencë për shtyp timen të parë kam dhënë emrat e vrasësve një për  një siç mi thanë dëshmitarët dhe ata u mbrojtën për muaj e muaj të tërë nga shteti. Dhe vrajse të tilla në histori janë shkaqe të tronditjeve më të mëdha të një vendi.  E dyta, absolutisht kam bërë gjithçka që funerali të mos ndalonte para kryeministrisë. E treta, në skenarin kryeministria ishte boshatisur. Siç e dini ata që më rrethuan  dhe sulmuan mua atë ditë, unë isha në zyrë . Ata që erdhën tek dera  e kryeministrisë gabuan dhe faktikisht nuk gjetën njëri brenda gjetën vetem muret. E katërta u vranë katër vetë dhe për ato vrasje nuk ka asnjë njëri të penalizuar deri më sot. Cila është ngjashmëria? Nëse ekzekutohet simboli i një lëvizje që nxorri shqiptarët nga diktatura dhe ekzekutohet tek selia e partisë së tij në mënyrën më demonstrative, dhe ekzekutohet nga uniformat e shtetit. Ata të cilët bëjnë paralelizëm ata dëshmojnë thjesht një primitivizëm politik dhe asgjë tjetër, sepse këto janë dy ngjarje pa asnjë krahasim. Dhe po ti marrësh kështu, më 14 shtator ‘ 98 ishte bosh, ndërsa me 21 janar ishte plot kryeministria, edhe Erla ishte këtu në detyrën e vet, të gjithë ishin.

 

Peza: Para zgjedhjeve të 2005 jeni deklaruar se do ta rihapni hetimin për Azem Hajdarin për shkaqet e vërteta që nuk dolën kurrë në fakt?

 

Kryeministri:  Në fakt është një problem madhor, të dhënat e mëpasme kanë faktuar se aty kishte një luftë të brendshme brenda kupolës qeveritare. Një gjë është, që në tërësi, ata të cilët ekzekutuan Azem Hajdarin morën dënimin. Nuk u sqaruan qartësisht, dhe juridikisht ata qe e organizuan atë vepër dhe natyrisht në dritën e fakteve të reja çdo gjë mund të rishqyrtohet por  duhen fakte dhe dokumenta. Nuk është  e thjeshtë të gjenden. Dëshira  është e madhe por duhen fakte.

Peza:  Doja të vazhdoja me kërkesën tuaj për shkarkimin e Kreshnik Spahiut, a ka një kontrdiktë këtu sepse nuk mund ta shkarkojë parlamenti?

Kryeministri: Nuk ka asnjë kontraditë. Në doktrinë ai institucion që të emëron ai të  shkarkon. Më shumë se çdo institucion tjetër, ai  ka përgjegjësinë e  emërimit ai ka edhe përgjegjësinë e shkarkimit. Si qëndron e vërteta. E vërteta është se , ky binom, ky çift Topi-Spahiu, kanë vendosur ne krye të institucionit një standard dhunues për kushtetutën e vendit.  Fyes, rrënues për institucionet kushtetuese që drejtojnë por njëkohesisht fyes për çdo qytetar. Pse? Cilido që të jetë  personaliteti, presidenca është një institucion i nderuar i vendit dhe pavarësisht nëse ka ose jo kompetenca është institucioni numër një i vendit. Kjo është e vërteta. KLD-ja është qeveria e drejtësisë, e një sistemi që është më i rëndësishëm se çdo sistem tjetër, më i rëndësishëm se çdo institucion tjetër përsa i përket lirive dhe të drejtave të qytetarëve.  Nëqoftëse në krye të këtij sistemi , ata që drejtojnë këtë sistem, merren e trasformojnë dhe shfrytëzojnë qënien aty për të krijuar një parti politike unë po të garantoj se, kjo nuk ndodh kurrë dhe nuk ka ndodhur kurrë në historinë  e nje vendi të lirë. 

Peza: Në fakt bëhet fjalë për dy parti...

Kryeministri: Ato janë skemat e ramës, skemat e Ramës nuk më interesojnë mua. Këtë e dinë të gjithë. Ai më kujton ata barinjtë. Barinjtë kanë një gjë interesante çdo qingj që therrin i lexojnë shpatullën me pasion. Dhe te shpatulla ata lexojnë motin lexojne luftëra, kohërat gjithçka. Rama ka kaq kohë që lexon në këtë shpatull dy parti dhe ju thotë vartësve të tij se shpëtuam prej tyre. Ok, s’ka gjë, për këtu unë nuk e qortoj dhe ka angazhuar të gjithë propagandën e tij të fuqishme se na ka ngelur pa parti dhe e majta do i krijojë parti të djathtës. Kjo është absolutisht jo shqetësimi ynë. Po të qe kjo mua më interesonte të rrinte aty ku është, se çdo ditë dhe më shumë para shqiptarëve do të zhvishej gradualisht, po të qe për intetes partiak do të ishte të dilnin çdo ditë se kush janë. Interesi i i vendit i kushtetutës është i papajtueshëm.

Një nga arritjet e pamohueshme të këtij sistemi juridik, që ka plot të meta, është shkalla më e lartë e depolizitimit. Nuk ka një sistem tjetër në këtë vend që të jetë me shkallën e depolitizimit që ka gjyqësori shqiptar, dhe e kanë faktuar. Tjetër punë se çfarë flasin njerëzit. Por, po të marrësh vendimet e tyre, ata këtë e kanë faktuar. Kjo është një arritje e madhe për vendin. Kanë probleme të tjera, unë nuk them, por tani çfarë mesazhi u jep ti këtyre 360 grave dhe burrave, të cilët në ligjin e tyre, në detyrën e tyre, e kanë për detyrë për të qenë të depolitizuar kur ti pisket nga maja e piramidës ku të ka vendosur parlamenti dhe vendi në emër të një partiçke që s’bën asgjë, vetëm sa fyen sistemin. Çfarë mesazhi, çfarë autoriteti, çfarë besimi ka ky njëri dhe këta dy zotërinj tek këta njerëz të cilët janë gjykatës përjetë nëse nuk bëjnë shkelje të mëdha ligjore, të cilët presin nga Këshilli i Lartë i Drejtësisë mbështetje, reformime, disiplinime dhe katandis KLD-në në një pozitë kaq qesharake.

Peza: Zoti Spahiu e bën detyrën e Aleancës Kuqezi jashtë orarit të punës...

Kryeministri: Jo more zotëri. Zoti Spahiu po të donte te realizonte projektin e Edi Ramës i thoshte që unë po jap dorëheqjen në radhë të parë, që ta kem të gjithë kohën e lirë dhe të luftoj nga mëngjesi deri në darkë kundër Sali Berishës. Është kështu apo jo?

Peza: Po ta ketë sfidë personale... Çdo njeri ka të drejtë të ketë ambicie, apo jo?

Kryeministri: Unë nuk e quaj normale? Absolutisht e quaj normale. E quaj normale, s’kam asgjë me të. E thashë edhe një herë, për interes timin dhe të partisë sime ai më mirë të jetë atje. Por jo, se është interesi i vendit përpara dhe atje nuk mund të jetë, se e ka katandisur këtë institucion në gjendjen më qesharake, më të mjerë që ka ekzistuar ndonjëherë. Kurrë KLD në Shqipëri nuk është shndërruar në një parti përveç kësaj here. Këtu nuk është ai. Më fal, këtu është zoti Topi. Ke dëgjuar ti të shqipërojë ndonjë fjalë zoti Topi për zotin Spahiu që e nxjerr poshtë e përpjetë këtë...

Peza: Mund të jetë angazhim jashtë institucioneve?

Kryeministri: Më fal një minutë, që nënkryetari im të zhvillojë një veprimtari tjetër nga ajo për të cilën e kam propozuar kjo nuk mund të ndodhë, ose do të lejë detyrën e nënkryetarit dhe do të shkojë të bëjë ç’të dojë si njeri i lirë, ose do t’i përmbahet statusit. Por, kjo ndodh sepse faktikisht ky është vetëm lojtari, pasi direkt partia është e zotit Topi. Ç’është kjo parti tani? Parti e cila luftoi kundër censusit. A luftohet, a bën një institucion kaq serioz luftë kundër censusit?

Peza: Se ka bërë instituicioni e bëri Aleanca...

Kryeministri: Por, të lutem, institucioni përfaqësohet, ky nuk është një anëtar i KLD-së, se po të ishte një anëtar prapë do të mbaja një qëndrim, ky është një drejtues i KLD-së, ky është nënkryetar. De facto pothuajse kryetar. Pse? Për vetë funksionet e presidentit janë të atilla saqë shumicën e mbledhje i drejton ky. Ky e udhëheq KLD-në. Pra ka ndodhur ky element, më primitivi në historinë 20-vjeçare të vendit: dhe mund të rri unë, mund të rrijë mazhoranca duarkryq përpara këtij. Mazhoranca do ta shkarkojë.

Peza: Pse zotin Spahiu dhe jo zotin Topi meqë ju i bëni të dy njëlloj bashkëfajtor?

Kryeministri: Nuk i bëj unë. Zotin Spahiu nënkryetar e ka propozuar zoti Topi. Nënkryetar i KLD është pothuaj kryetar i KLD-së, s’po them se është, pasi kur është presidenti në mbledhje i kryesor presidenti, por janë të shumta mblidhet që i kryeson ky direkte në kapacitetin e nënkryetarit.

Peza: Por duhet ta çoni çështjen në Gjykatës Kushtetuese...

Kryeministri: Absolutisht. Spahiu po shkarkohet sepse ka politizuar në ekstrem funksionin e nënkryetarit të KLD-së, një institucioni që është kryekëput i politizuar.

Peza: Po, por Kushtetuta thotë se ai pozicion bie ndesh vetëm kur është në një parti politike ose me pozicionin e prokurorit, apo të avokatit...

Kryeministri: A ishit ju që deri tani ishit duke folur për parti politike? Po çfarë është ajo? Motërz politike është ajo.

Peza: Ju i trembeni partive të zotit Topi dhe të zotit Spahiu?

Kryeministri: Absolutisht jo. Kategorikisht s’i trembem. Unë nëse do t’u trembesha këtyre këta ktheheshin në vathë nga dolën. Nuk kam ndonjë impresion.

Peza: Që do të thotë?

Kryeministri: Janë të lirë të bëjnë ç’të duan. Ky është qëllimi im. Kjo është zgjedhja ime. Nëse unë, kam 22 vjet në politikë, për këta mund të bëja zgjidhje tjetër, të ktheheshin prapë në oborr, të ktheheshin në komunitet. Jo!

Peza: Kërkuan ata të kthehen?

Kryeministri: Unë po them këtë apo jo. Unë nuk kam ndonjë impresion, unë kam respekt për vendimet e tyre. Të vetmen gjë, e theksoj, se në rast se Presidenti dhe zv. Presidenti i KLD-së marrin përsipër të krijojnë parti ata nuk mund të jenë qesharakë para popullit të vet dhe nuk mund t’i thotë Presidenti se është President, është njëshi në kombin e tij, deklaron në një emision televiziv se unë do të krijoj një parti dhe në një emision se unë s’do të krijoj parti. Kjo është gjëja më joserioze. Ai që vendos të krijojë parti, thotë deri tani qëndrova në këtë karrige tani unë do të shoh të ardhmen time politike sepse ky zotëri po ma mbyll derën, ta zëmë.

Peza: Në fakt e ka thënë këtë që ia keni mbyllur derën...

Kryeministri: Unë nuk të thashë, s’kam ankesë pse po krijon parti ai. Nuk kam asnjë ankesë, absolutisht.

Peza: Ankesa është vetëm për institucionin?

Kryeministri:  Absolutisht dhe ndershmërisht vetëm për institucionin. Si mund të bëhet? Si mund të dalë? Çfarë justifikimi ka? A e mendon ky se takohet me kolegët e tij të cilët para se ta takojnë i kanë marrë të gjitha këto informacione. Je republikë parlamentare, nuk je republikë presidenciale dhe s’mund ta bësh kurrë këtë. A mendon ti se ky vend që ka 1000 lidhje kur shohin nënkryetarin e KLD-së dhe pastaj Presidentin prapa të kërcënojnë minoritetet në këtë vend që s’është kurrë traditë. A mendon ti që institucionet themelore të shtetit të ngrihen kundër censusit që është një proces shumë i rëndësishëm dhe që u krye me sukses të plotë. Pra. Çfarë kemi të bëjmë këtu? Pra, për një interes se do të krijojë një partiçkë...

Peza: Nuk e paragjykon dot, ajo mund të jetë parti, mund të dalë e para në zgjedhje në 2013...

Kryeministri:  Ajo nuk ekziston, ndaj i them partiçkë, pasi tani është në embrion, po se ç’del ajo është punë tjetër. Unë po them për statusin aktual. A mund të shndërrohet presidenca në një godinë ku bëhen çdo dy ditë mbledhje për partinë.

Peza: S’keni informacion për këtë...

Kryeministri:  Të plotë. Ata që shkojnë ngelen të mahnitur. A më kupton?

Peza: Në çfarë kuptimi, pozitiv?

Kryeministri:  Shiko, duhet të dish një gjë, shqiptarët kanë kundërshtirat e tyre njëri me tjetrin, kanë mosaprovime, por kanë pastaj edhe vlerësimet e përbashkëta. Nuk ka një shqiptar që do të shohë presidencën e vendit të vet të shndërruar në një seli partiçke, pasi dëshiron të vlerësojë.

Peza: Çfarë informacioni keni për këtë?

Kryeministri: Ashtu, po leje tani...

Peza: Një gjë duhet të na thuash që të na bësh dhe ne të kuptojmë se është e vërtetë.

Kryeministri: Unë jam i sigurt se ti nuk e ve në dyshim këtë.

Peza: Është puna e teleshikuesve kjo dhe jo puna ime...

Kryeministri:  E kanë shprehur ata.

Peza: Ju keni thënë se janë caktuar nënkryetarët.

Kryeministri: Janë caktuar.

Peza: Kush janë?

Kryeministri: Nuk e di ti?!

Peza: Jo.

Kryeministri:  Telefonoju dhe do t’i them pastaj. Janë caktuar dy nënkryetarë.

Peza: Dy nënkryetar partie?

Kryeministri:  Po, dy janë. Të dy janë aty.

Peza: A janë në Presidencë?

Kryeministri: Një në Presidencë dhe një KLD, dhe kaq, e morën ata, e krijuan ata.

Peza: Po kryetari kush është?

Kryeministri: Kryetarin thanë do e bëjnë me rotacion sa të vijë Bamiri. Është kështu apo jo?

Peza: Funksion kjo?

Kryeministri: Më fal një minutë. Kjo është një gjë nga më qesharaket në politikë, më kupton apo jo. Një president nuk mund të merret me fiktivitete në radhë të parë. Një president është serioz, ka një peshë, ka një koperturë dhe kur vendos në krye një parti politike krijon parti. Por, më fal një minutë. Edhe krijoi edhe s’e krijoi. Edhe e dua edhe s’e dua.

Peza: Pastaj bie ndesh me detyrën e tij kushtetuese...

Kryeministri: Jo pse bie ndesh. Unë atë po ju thosha ju deri tani.

Peza: 50 e disa vjeç nuk do ta mbyllë karrierën politike zoti Topi...

Kryeministri: Në asnjë mënyrë. Si do ta mbyllë?

Peza: Ju ia mbyllët dyert.

Kryeministri:  Kush tha? Ia mbylli vetës ai. Nuk përjashtoj unë.

Peza: Ai ju akuzon se nuk e keni pyetur për ndryshimet kushtetuese...

Kryeministri:  Tani, dëgjon zotin Topi apo...? Problemi është këtu. Kësaj i thonë që për inat të sime vjehrre unë po fle me mullixhinë. Atëherë pse po fle me Edi Ramën? Po pse nuk u zemërua me Edi Ramën ai, por u zemërua me mua.

Peza: Ju e kishit propozuar... Ju e kishit çuar në presidencë... Dhe ju nuk e pyetët. Edhe ju po të ishit çfarë do të bënit?

Kryeministri: Një herë ajo forcë politike që e çoi në presidencë, ajo nuk i dha atij fuqinë ekzekutive. Të mos hyjmë në këtë pikë se unë këtu...

Peza: Duhet ta pyesnit?

Kryeministri:  Jo, prit një minutë. Pyetjes dhe mospyetjes i dha përgjigje zotëria. Kam qenë President me fuqi ekzekutive dhe në mënyrë absolute në presidencë janë zhvilluar dhe zhvilloheshin takime periodike me të gjithë faktorët politikë të vendit, janë zhvilluar dhe zhvilloheshin negociata periodike me të gjithë faktorët politikë në vend. Zoti Topi, jo unë, ai, zgjodhi që të fshijë, të heqin dorë nga çdo lloj negociate me mazhorancën. Nuk ia bëra unë këtë, më vjen keq. Të vetmen gjë që pranova, po, kam dalë publikisht dhe kam thënë që zotëria po vendos një standard, standard në të cilin ky nuk konsultohet në asnjë gjë me mazhorancën. A e di ti? Qytetarët duhet ta dinë zoti Peza se unë i kam dërguar, mirë thashë unë nuk ka rëndësi nuk do të më pyesë mua, s’ka asnjë interes, por as me zotin Astrit Patozi dhe as me Ilir Banon për gjykatësit, dhe i kam thënë shiko zoti President ne kërkojmë vetëm që të mos kenë bërë gjykime të shkuara dhe ju sillini vetë. Pikërisht atë nuk e realizoi. Pra, unë sipas tij paska qenë e domosdoshme ta konsultoj për Kushtetutën. Por, unë Kushtetutën nuk e ndryshoja dot me zotin Topi, unë Kushtetutën do ta ndryshoja me opozitën, e cila është alternancë e qeverisë. Dhe moskonsultimin e zgjodhi ai vetë. Konsulta e zotit Topi, sigurisht çfarë ndodhi këtu, cilindo që të marrësh këtu dhe ta vësh në atë karrige, sigurisht që vendoset në nderin më të madh të vendit, por ama detyra është që të bëjë gjithçka për të qëndruar dhe jo për të menduar se si do t’ia bëjë për mandatin tjetër. U zgjodhe në parlament, tani pse nuk del dhe mbledh firmat, dhe të zgjidhesh nga populli.

Peza: Për referendum?

Kryeministri:  Po, por e di që ia kam ndërruar zonën 2-3 herë. Këtë e di ai.

Peza: Po duhet ta pranojmë që Tirana e mbështet zotin Topi dhe është një nga politikanët më popullor?

Kryeministri: Po pse kërkoi të ndërrojë zonën elektorale? Brenda Tiranës dhe zona thellësisht tiranase.

Pez: Po ai ka mbështetje...

Kryeministri:  Unë këtë po them, në fute në memorie këtu...

Peza: Ju jeni kryetar partie e dini më mirë ndoshta....

Kryeministri:  Po, por është një nga ata që i kam ndërruar zonën me kërkesën e tij. Ky është realitetit.

Peza: Përveç jush në Kavajë, të gjithë e kanë ndërruar zonën në fakt...

Kryeministri: Dakord kjo qëndron që thua ti. Vazhdojmë.

Peza: Dua të di kush janë shkaqet e vërteta të prishjes?

Kryeministri:  Problemi i tij, si ndodhi që me partinë e tij vendosi moratorium dhe filloi dashurinë me kundërshtarin e tij. Të themi atë që është. Votoi për Edi Ramën. Po i dhe votën i ke dhënë shpirtin, po i dhe votën i ke dhënë zemrën.

Peza: Ajo është një njollë, dekonspirimi i votës dhe i Presidentit...

Kryeministri:  Kjo qenka e keqja... Midis asaj që e vërteta, e ka thënë bukur Haveli. Ai më ka lënë një moto të jashtëzakonshme: E vërteta duhet të dominojë mbi gënjeshtrën. Kjo ishte motoja e tij e thjeshtë. Pra, midis asaj që ky kishte votuar për kundërshtarin e Lulzim Bashës, i cili kishte ardhur nga avion dhe është i vetmi udhëtim që është bërë me charter për të votuar Bamir Topin.

Peza: Nuk vërtetohet kjo, mos i hyjmë kësaj historie...

Kryeministri:  Kush? Vota? Ke dyshim tek vetja jote atëherë. Po e the këtë ke dyshuar se je Alfredi. Ai që thotë këtë, kjo është e pamundur. Ai nuk e mohoi vetë, e pohoi ai. Atëherë, me kë e ndryshova unë Kushtetutën? E ndryshova me Edi Ramën. A mund ta ndryshoja pa Edi Ramën Kushtetutën? Nuk mund ta ndryshojë. Ky zotëria, të paktën atë zemërim ta ndante në dy pjesë. Po si ka mundësi që të gjithë dashurinë e kaloi në anën tjetër?

Peza: Atë s’e dimë...

Kryeministri:  E dimë atë. Mund të them dhe shumë gjëra të tjera.

Peza: Për shembull?

Kryeministri:  S’ka rëndësi. Por, më mirë të mbetemi tek ato që kanë dalë në dritën e diellit, pastaj të tjerat janë krejtësisht normale.

Peza: Takimet e zotit Topi dhe zotit Rama?

Kryeministri:  Më fal një minutë. Po pse abstenuan socialistët për Sali Shehun? A mund të më thuash pak? Ish deputeti i PD-së, anëtar i Këshillit Kombëtar me të gjithë ato funksione. Pse abstenuan ata dhe votuan kundër për këtë tjetrin?

Pse?

Sepse kishin premtuar pro, pasi kishte premtuar Edi Rama sille, do ta votojmë. Kush e ktheu? E ktheu Ben Blushi, unë s’kam dëshirë të hyj në punët e tyre, por kjo është e njohur. Ju tha që nuk do ta votojmë dhe u doli grupi parlamentar. Kompromisi ishte pastaj që të abstenojnë.

Peza: Po ju pse nuk e votuat?

Kryeministri:  Pra ky test ishte fatal. Fatal.

Peza: Pasi nxori zbuluar bashkëpunimin?

Kryeministri:  Jo vetëm kaq, por më keq, pasi rrënoi projektin e ardhshëm.

Peza: Që do të thotë?

Kryeministri:  Pse zoti Topi nuk deklaroi se nuk do të kandidoj më por e bëri këtë vetëm pasi deklarova se nuk do të kandidohet. Normalisht mund ta thotë këtë dy vjet para. Debati është konstant. Kishte projektin Shehu. Që do të thotë se po të kalonte ky do të kalonte presidentin edhe më vonë.

Peza: Ky ishte testi?

Kryeministri: Absolut, mori një votë. Në historinë e parlamentit është votuar dy herë me një votë. Ka marrë Ramiz Alia dhe Bamir Topi. Kjo është e vërteta.

Peza: Pra ju po thoni se nuk e votuat zotin Shehu se ky do të ishte një test tjetër?

Kryeministri:  Jo. Kishte një gjë tjetër.

Peza: Një gjë të brendshmen tuaj...

Kryeministri:  Jo, kishte një problem.

Peza: Për shkak se ishte mik i zotit Topi?

Kryeministri:  Ky në një moment të caktuar i kishte bërë, meqenëse e kam thënë edhe në grup, i bën një mesazh para dy vitesh Edi Ramës ku i thotë me kë je ti, në një kohë kur ishte në një grup me mua, me ne apo me armikun tonë Sali Berishën. Unë ia thashë në sy të grupit Sali Shehut. Unë s’dua të merrem me histori.

Peza: Ia paske përgjuar telefonin Sali Shehut...

Kryeministri: Jo, absolutisht. Nuk përgjoj unë. Hiqe nga mendja, kurrë.

Peza: Po ku e more vesh se çfarë shkruante Sali Shehu?

Ku e more vesh, unë e mora vesh dhe ia thashë përpara 70 burrave dhe grave. Tani ti, çfarë kishe këtë armiqësi me Sali Berishën? Sali Berisha e kishte ndihmuar, e kishte propozuar dhe e kishte bërë deputet. Sa kishte ato mundësitë e veta.

Modeste...

Modeste, sa ishin mundësitë. Unë armik as Edi Ramën s’e konsideroj, pasi unë jam i çliruar nga kulti i armikut. Kurse ky njeri kryetarin e partisë së tij e kishte armik, punonte me një skemë që mua më çuditi, ndërkohë kur unë çfarë është e vërteta, absolutisht s’ia kisha hequr besimin dhe unë do të kisha respektin tim dhe papritmas u gjeta i shpallur armik. Nuk kërkoi tek unë. Ai darkoi me Edi Ramën një natë përpara, pasi u prish marrëveshja.

Peza: Prapë e paske përgjuar...

Kryeministri:  Jo. Unë nuk përgjoj. Hiqe nga mendja. Unë kurrë nuk përgjoj. Çdo njeri duhet të dijë që nuk përgjoj. Por, këto janë njerëzit të cilët e panë dhe ka qenë një veprim publik, ata nuk e bënë e fshehtas, ata hynë në një lokal. Sigurisht Edi Rama e kishte marrë përsipër ta votonte, u tërhoq dhe grupi abstenoi.

Peza: Po takimet që përmendët pak më parë të zotit Topi me zotin Rama kanë qenë të fshehta?

Kryeministri: Nuk iu ve asnjë rëndësi. Pse? Presidenti i Republikës mund të takohet me cilindo politikan. Këtu nuk kam asnjë vërejtje për të. Tjetër problem pastaj platformat e ato. Ato janë problem tjetër, por janë çështje kohërash.

Peza: Meqë pranohet nga të gjithë tashmë se zoti Topi s’do të jetë për një mandat të dytë, e ka deklaruar vetë dhe ju e keni deklaruar se nuk do ta mbështesni. Pothuajse të gjithë ambasadorët e rëndësishëm në Tiranë kanë deklaruar që Presidenti i ardhshëm duhet të jetë konsensual, përfshirë ambasadorin e SHBA-ve që e ka bërë këtë deklaratë në korrik të 2011 pas zgjedhjeve të 8 majit...

Kryeministri: Tani, unë kam një respekt shumë të madh për konsensusin, sikundër theksoj se politika nuk është konsensus.

Jo gjithmonë...

Nëse politika pranohet varësisht konsensus ajo humbet forcën zhvillimore të saj, potencialin e saj. Politika varësisht është ndarje. Fatmirësisht është e tillë dhe funksionon në bazën e alternativave. Abuzimi me konceptin konsensus është ndonjëherë dhe qesharak. Ndarja, marr unë qëndrimet e Edi Ramës, bllokon votimin në parlament, s’i voton. Vendim politik. Nuk kam thënë e asnjëherë s’do të më dëgjosh se ky është një anti-europian. Jo, ky e bën këtë, por sepse beson se duke bllokuar ligjet do të dëmtojë qeverinë pavarësisht se do të dëmtojë veten e vet më shumë. Cila është zgjidhja? Zgjidhja është tek shqiptarët pasi zoti Edi Rama pranoi në fund ato që unë dy vite rresht i ofrova çdo ditë dhe merre e shiko marrëveshjen nëse gjen qoftë edhe një fjalë më tepër se ato, nuk jam i zemëruar. Nuk them se ky nuk është një opozitë sovrane shqiptare, ka këtë gjë, por nuk e bën ndonjë opozitë tjetër, por lavdi zotit që kemi opozitë. Pra, më e keqja për ne do të ishte një opozitë e kontrolluar, e manipuluar ose të mos ishte.

Peza: Pra kemi një opozitë të vërtetë?

Kryeministri:  Absolutisht ka një opozitë të vërtetë, ka pasur vazhdimisht, vendi ka nevojë për zhvillimin e opozitës, për të pasur opozitën e vërtetë si çdo vend tjetër. Tani vijmë. Presidenti, kemi pasur dy mënyra. Mënyrën me 3/5 e cila ekziston unikalisht vetëm në Kushtetutën greke dhe nga ajo u mor Kushtetuta e Shqipërisë. Dua të theksoj se Greqia se ka një Kushtetutë shumë të mirë, nga më të mirat në vlerësimin tim, por absolutisht jam i bindur se neni i vetëm për mua i përshtatshëm është neni i zgjedhjes së presidentit. Megjithatë është punë e tyre, por i çoi në zgjedhje ama. E provuan. Nuk e kishin provokuar. Zgjedhjet e fundit u zhvilluan për shkak të bllokimit të zgjedhjes së presidentit. Ne sëbashku me Edi Ramën e hoqëm këtë. Jam i bindur se i kemi bërë një shërbim vendit. Tani, çdo diskutim tjetër se Presidenti duhet të jetë konsensual, Presidenti duhet të jetë Kushtetues.

Peza: Kushtetuta ka frymë, ka edhe germë.

Kryeministri:  Jo, jo. Është e përcaktuar Kushtetuta. U hoq dorë nga modeli i përparshëm dhe në modelin e përparshëm nuk klithe konsensus fare. Edhe ata që bëjnë matematikë është një matematikë vulgare. Modeli i përparshëm pat disa deputetë, njerëz të përgjegjshëm dhe të ndershëm që në një farë mënyrë vunë veten dhe karrierën e tyre për të shpëtuar vendin nga zgjedhjet, pasi vendi po shkonte në zgjedhje. Unë kam respekt të madh për ambasadorët, i sigurtë të jesh ti. Sikundër dua të them këtu, nuk ka njeri më të hapur, nuk ka njeri që flet më hapur me ta se sa unë, unë jam një njeri i hapur, të jesh i sigurt se i shpreh mendimet e mia me seriozitetin dhe vendosmërinë më të madhe, aty ku je dakord dhe aty ku s;bie dakord etj., me radhë. Një gjë dua të them. Kam respekt për ambasadorët, shumë, kontributin që japin në ndërtimin e marrëdhënieve midis vendeve dhe kombeve, por respekti im absolut ka qenë, është dhe do të jetë për Kushtetutën e vendit.

Peza: Pra do të vazhdoni t’i qëndroni asaj që keni thënë se Presidenti i ardhshëm do të jetë një nga drejtuesit e PD-së?

Kryeministri:  Kushtetuta për mua është monarku absolut i ligjeve të vendit.

Peza: Pra do të jetë një nga drejtuesit e PD-së Presidenti i ardhshëm?

Kryeministri:  E kam theksuar se një nga drejtuesit, ose çdo drejtues aktual i PD-së gjykoj se ka personalitetin dhe integritetin për t’u ulur në karrigen e Presidentit.

Peza: Ato janë Sali Berisha, Jozefina Topalli, Astrit Patozi dhe Ridvan Bode...

Kryeministri:  Më vjen keq, nuk janë vetëm këta. Tani të themi atë që është. Partia ka disa drejtues, ka jo pak, ka shumë drejtues të tjerë. Por, kam përjashtuar veten time.

Peza: Kjo është 100% e sigurt?

Kryeministri:  Po. Por, nuk përjashtoj asnjë tjetër, as drejtues dhe as të tjerë. Unë çfarë kam thënë po, kam thënë që Presidentin do ta zgjedhë mazhoranca. Del opozita thotë unë do të bëj konkurs, që nesër të fillojë. Pse? Me Kushtetutë ka të drejtë të paraqesë kandidatin. Normale është ajo. Këtu nuk ka asgjë, jo kushtetuese, përkundrazi është në respekt të plotë të Kushtetutës pasi sëbashku me zotin Edi Rama ne kemi rënë dakord që do të kemi dy kandidatura, i kemi përcaktuar rregullat. Pra, ky është një proces krejtësisht normal, do të zhvillohet në përputhje me Kushtetutën. E vetmja gjë, para Kushtetutës as nuk kam njohur, nuk njoh dhe as nuk do të njohë kushte kurrë. Pse? Do të ishte shumë normale që me kundërshtarin të kesh ujdi për gjëra të caktuara.

Peza: Kjo është politika në fund të fundit...

Kryeministri:  Po. Por, zoti Rama ka faktuar që iu deshën dy vite rresht, iu desh të organizonte 21 janarin, iu desh të bënte 1000 e disa demonstrata për të pranuar ato që iu ofruan që ditën e parë. Pra iu deshën dy vite rresht, iu deshën që të bllokonte dy herë statusin e vendit kandidat. Është thënë në mënyrë të qartë se s’janë votuar ligjet. Unë këto i marr si probleme shqiptare që duhet të ecin dhe duhet të zgjidhen. Pra, zotit Rama iu deshën dy vjet rresht dhe duhet t’u thotë shqiptarëve se cili është motivi, cila është arsyeja që refuzoi për dy vite rresht atë që pranoi dy muaj më parë. Kaq!

Peza: Janë gjëra të ditura të mos i kthehemi kësaj historie...

Kryeministri:  Analiza është e rëndësishme.

Peza: Kërkuan transparencën e votës dhe ju patët deklaruar se do t’i hapnit materialet zgjedhore dhe nuk i hapet...

Kryeministri:  Jo s’kam deklaruar atë gjë. Pse unë them do t’i përmbahem Kushtetutës sepse intelekutorit tim iu deshën dy vite të organizonte 21 janarin, 1 mijë demonstrata, të bllokonte statusin, që të pranonte atë që iu ofrua dy vite më parë. Atëherë, edhe unë them që do të harxhoj kohë edhe dy vite të tjera, do të zbatoj Kushtetutën.

Peza: Ka zëra nga PD, zoti Olldashi dhe 2-3 zëra të tjera, që deklarojnë se zonja Topalli mund të jetë presidente...

Kryeministri:  PD as nuk e ka frenuar dhe as nuk e frenon mendimin e lirë të drejtuesve të saj, deputetëve të saj, anëtarëve të saj. Por, siç është faktuar, kur ka ardhur puna në vendime politike është demonstruar forca më e përgjegjshme e këtij vendi, kjo është, nuk kam asnjë lloj problemi dhe jam fare mirëkuptues për mendimet që shprehem. Por, natyrisht rëndësi ka vendimi politik.

Peza: Pra nuk jeni kundër zonjës Topalli?

Kryeministri:  Absolutisht, as kundër zonjës Topalli dhe asnjë prej drejtuesve të PD-së. Por, PD në historinë e saj të pushtetit, nga 2005 deri më sot, nuk ka humbur asnjë betejë për mungesë të luajitetit politik të saj.

Peza: Zoti kryeministër, në 2013 do të jenë kandidat i mazhorancës për kryeministër?

Kryeministri:  Me kënaqësi, me vendosmëri, me përkushtimin më maksimal. Ai mandat përbën për mua një lloj magneti, përbën për mua një magnet, një motiv, një frymë të vërtetë sepse ai mandat është mandati përcaktues Shqipëria vend i zhvilluar.

Peza: Nuk ka ardhur momenti zoti kryeministër, pas 8 vitesh në qeveri, pas 22 vitesh në politikë të tërhiqeni të paktën nga gara për kryeministër në 2013 t’i hapni vendin një garuesi tjetër, një kandidati tjetër brenda mazhorancës?

Kryeministri:  Betejat nuk fitohen me hapje vendi, ato s’janë fitore. Kështu që, unë këtë forcë politike, këtë projekt që kemi nisur, i cili ka transformuar Shqipërinë më shumë se çdo projekt tjetër në historinë e vet do ta vazhdojë me vendosmërinë më të madhe. Natyrisht do të qëndroj kryeministër për aq kohë sa do të më votojnë shqiptarët. Nuk do të zemërohem kurrë me ta ditën që ata s’do të më votojnë mua. Unë kam një mirënjohje të pafundme, jam njeriu që kam në shpirtin tim vota dhe besim të tyre që kurrë ndonjëherë, ndofta nuk u dal dot borxhit.

Peza: Të dyja rezultatet janë në lojë, nëse kjo mazhorancë i humbet zgjedhjet, garantoni rotacion të qetë pushteti siç zoti Nano bëri në 2005?

Kryeministri: Absolutisht do të respektohet veridikti i qytetarëve në mënyrën më të vendosur dhe më të civilizuar. Por....

Peza: Atë e dimë.

Kryeministri:  Por, problemi është këtu se ata kanë një kontratë të fuqishme morale me Sali Berishën.

Peza: Nëse ky rotacion normal pushteti ndodh dhe humbisni, është momenti për t’u tërhequr si zoti Nanon ë 2005?
Kryeministri:  Përfundimisht. Nuk do të merrem me politikë më ditën që shqiptarët do të më thonë se ne kaq besojmë. Unë kam fusha të miat të cilat më presin.

Peza: Këtë e dimë... Janë arrorët...

Kryeministri:  Unë jam një njeri që e dua shumë leximin.

Peza: Më ka impresionuar një miku im me leximin tuaj, më ka treguar një detaj nga jeta kur keni qenë mjek. Keni shkuar në një bibliotekë dhe keni kërkuar të gjeni rreth viteve ’80 mënyrën se si Shekspiri kishte përshkuar një infarkt në një pjesë. Kjo më ka frymëzuar në fakt...

Kryeministri:  Po, absolutisht. Diktatura në disa aspekte është e krahasueshme me manastirin e Umberto Ekos. Diktatura është një hapësirë, ke kohë. Unë kam qenë një lexues i pasionuar dhe tani lexoj....

Peza: Prandaj keni lexuar edhe librat e Blushit e të Ramës...?

Kryeministri:  E vërteta është se s’i kam lexuar.

Peza: Asnjërin?

Kryeministri:  Nuk i kam lexuar. Mund të lexoj, të them hapur, librin e parë të Blushit, do të gjej kohën ta lexoj. Të them realitetin ma kanë lavdëruar.

Peza: Jeni personazh aty.

Kryeministri:  Leje çfarë është kjo. Tha, po s’u bë kryetar partie. Ai s’bëhet kurrë.

Peza: A t’ua them se kush jeni atje?

Kryeministri:  S’ka rëndësi. Këtë libër do ta lexoj se ma kanë lavdëruar. Unë kam marrë mendime të shumta që është një libër i mirë, për këtë tjetrin nuk them se do ta lexoj, nuk kam ndonjë mendim për të. Por, librin e parë kam vendosur ta lexoj kur të kem kohë.

Peza: Kurbanin e ke lexuar, por s’do ta deklarosh...

Kryeministri:  Jo. Pse? Të jem i sinqertë, po ta kisha lexuar, me kënaqësi do ta thosha, por s’e kam lexuar sepse i kam shpjeguar ato arsyet e mia. Pastaj, shiko si është problemi. A të dhimbset kundërshtari? Ndonjëherë edhe të dhimbset.

Kundërshtari i denjë respektohet.

Po të rikthehemi edhe një herë tek kulturat e emocioneve edhe jam i bindur që zoti Rama e ka lexuar atë libër ose uroj që ta ketë lexuar, se një mik gjysmë i përbashkët ia ka dhënë këtë libër.

Peza: Kush libër është ky?

Kryeministri:  Domenik Moisi. Atje ka një moment shumë interesant. Është kultura e shpresës. Është kultura e frikës. Është kultura e poshtërimit. Dhe kjo e fundit vjen kur ke disfata, disfata. Çfarë ka kjo si specifikë? Ka kurbanin. Këta kanë kurbanin. Më erdhi keq kur e lexova. Nuk e kam thënë ndonjëherë këtë. Por, më mirë që e thashë.

Peza: Ishte kurbani i Lul Bashës tek Bashkia e Tiranës e 8 majit...

Kryeministri:  Po lëre mos e pyet, se atë s’e bënte kurrë ai. Ai e bëri sepse e ndjeu vetën viktimë.

Peza: Po s’ishte në fakt?

Kryeministri: Aspak.

Peza: Ia pretë degën ku kishte hipur...

Kryeministri: Ia preu vetes ai, pasi i braktisi qytetarët e Tiranës, i lodhi, i nervozoi, nuk e votuan.

Peza: 10 vota më tepër...

Kryeministri:  Ta them një gjë. Të humbasësh zgjedhjet për 10 vota, ai që garon për herë të parë është fitore. Të fitosh zgjedhjet me 10 vota është humbje. Të humbësh me 90 vota është si të humbësh me 9 mijë vota, se je kryetar. Kjo ka qenë më e mundimshmja për të. Ajo ia gatoi vetës, s’kam punë me të.

Peza: Ia morët këtë radhë...

Kryeministri: Absolutisht jo. Ia morëm duke numëruar votat para 5 kamerave televizive dhe nuk qe në gjendje të kundërshtojë qoftë edhe një votë të vetme.

Peza: Përpara se të përmbyllim pjesën politike ka diçka me reformën elektorale. Jo më larg se këtë javë, një nga aleatët tuaj kryesorë në bashkëqeverisje, zoti Meta, ka deklaruar se do të donte nga reforma që do të donte dy gjëra: Korrektim kombëtar të sistemit ose një rishpërndarje të re të qarqeve për arsye elektorale. Jeni gati të ndryshoni diçka dhe t’i merrni parasysh kërkesat e aleatëve?

Kryeministri: Reforma elektorale është një proces negociatash të gjithanshme. Unë nuk mund të mos jem i hapur për negociata me zotin Meta kur negocioj gjithë ditën me zotin Rama, përfaqësuesit tanë, kështu që është normal që do të negociohet.

Peza: Ju keni thënë që nuk jeni për ndryshimin e sistemit. Edhe kjo është e panegociueshme?

Kryeministri:  Kjo është sepse kërkon ndërhyrje në Kushtetutë.

Peza: Por jeni gati për çdo ndryshim që nuk kërkon ndërhyrje në Kushtetutë?

Kryeministri:  Më bëtë një pyetje pak të komplikuar. Pse? Sepse doktrina elektorale është komplekse dhe nuk mund të them se do të pranoj çdo ndryshim pasi mund të ketë ndryshime të barazfleshme të Kushtetutës, dua t’i shoh këto, jam i hapur për negociata, sistemi nuk ndryshon, jo për ndonjë dashuri të madhe, por s’është serioze të ndryshosh sistemin çdo 3-4 vjet.

Peza: Po korrektimi që nuk kërkon ndërhyrje?

Kryeministri:  Ka mendime nga më të ndryshmet. Më mirë t’i lëmë ekspertët të vazhdojnë diskutimet.

Peza: Jeni i hapur edhe për ndryshime të mundshme?

Kryeministri: Unë nuk po them tani, por duhet të shoh format e propozimeve.

Peza: Zoti kryeministër, në kuadrin e diskutimit për reformën elektorale ka diskutime për dy gjëra të tjera esenciale, për mënyrën e kompozimit të KQZ, por edhe për mënyrën e votimit. Si mendoni, është koha dhe si mund të jetë një KQZ sa më pak e atakueshme dhe si mund të jetë një mënyrë votimi që të jetë edhe e shpejtë, edhe e pakontestueshme mundësisht?

Kryeministri: Unë mund të them një gjë që, për reformën elektorale po diskutojmë për përfaqësuesin tim një nga njerëzit që e njeh dhe ka njohuri më të shkëlqyera në këtë fushë. Mendoj, që po kështu, zoti Gjiknuri ka njohuri në këtë fushë. Njohuri të shkëlqyera ka pasur zoti Islami, u bë kurban dhe ia veshën atij fajin pse humbën zgjedhjet. Tani, unë nuk dua as të paragjykoj, as të përcaktoj paraprakisht sepse ajo që po ju garantoj që me seriozitetin më të madh unë shqyrtoj propozimet e përfaqësuesve tanë. Përfaqësuesit tanë aty, zoti Rusmali dhe zoti Viktor Gumi si deputetë kanë ekspertizën më të lartë. Kështu që, ky është një problem që të dy palët kanë specialistë, kanë njohës të mirë, disa vendime janë politike, por nuk është se përcaktojmë ne Kodin Zgjedhor.

Peza: Jeni për votimin elektronik?

Kryeministri: Unë personalisht jam, edhe për diasporë, edhe për elektronikë jam.

Peza: Edhe për pjesëmarrjen e emigrantëve?

Kryeministri: Jam plotësisht dakord.

Peza: Janë në axhendë për t’u diskutuar?

Kryeministri: Unë them se po. Ne kemi ngritur këtë çështjen e emigracionit, e kemi ngritur edhe më parë, PS erdhi në këto arsyetime dhe ne e mirëpresim.

Peza: Meqë e përmendët zoti Islami, jeni gati ta mirëprisni në koalicion?

Kryeministri:  Zoti Islami është një politikan që 20 vjet ka qenë kundërshtar i imi, por zoti Islami në karrierën e tij politike 22-vjeçare ka të regjistruara funksione shtetërore nga më të rëndësishmet në tërësinë e tij, të flasim të vërtetën, ai ka dëshmuar në të gjitha aspektet individualitetin e vet. Njeri efiçent, njeri punëtor, majtist i thekur dhe në atë forcë politike është, me njohuri të shkëlqyera deri në rrezik për kundërshtarë për doktrinë elektorale, një njeri me shkollim ndër më të mirët, disa vite në Francë dhe disa në Gjermani. Në këtë aspekt, jashtë emocioneve, zoti Islami është një personalitet politik në vlerësimin tim i çmuar, i vendit. A bëj koalicion me të apo jo s’mund të them asgjë sepse nuk ka asgjë. Por, besoj se ky vlerësim është objektiv, një njeri që ka 20 vjet në politikë dhe mund të ulet në çdo debat me integritetin e tij, kjo nuk është gjë e vogël për mendimin tim.

Peza: Pra ju po thoni se është i mirëpritur?

Kryeministri: Unë nuk po them i mirëpritur ose jo i mirëpritur, unë po shpreh këtë konsideratë që nuk e kam shprehur ndonjëherë sepse po ta shprehja kur ishte në pozicionin e vet mund të merrej në forma të ndryshme. Por, sot është i lirë dhe unë shpreh një të vërtetë për këtë zotëri. Kundërshtarë e kam pasur në 20 vjet pa diskutim.

Peza: Flitet që mund të jetë një ministër i ardhshëm i qeverisë suaj...

Kryeministri: Unë, çfarë është e vërteta, nuk kam asnjëlloj dijenie për këtë, por kjo nuk më pengon mua që të shpreh atë vlerësim që unë kam për zotin Islami.

Peza: Ju keni thënë që LSI-ja është e mirëpritur, nëse dëshiron le të bëjë propozimet dhe të bëjë ndryshimet e veta në postet që i takon brenda qeverisë, pra për rikthimin e zotit Meta. Keni ju ndonjë indicie nga LSI dhe Ilir Meta për këtë rikthim?

Kryeministri:  Qëndrimi im është konstant. Partive të koalicionit nuk u diktoj unë, por unë respektoj vullnetin e tyre. Absolutisht në rast se ato nesër vendosin kandidaturat e tyre për ministra, unë i pranoj sigurisht. Tani, zoti Meta mendoj se ndoqi një proces në mënyrën më transparente dhe më serioze. Ishte zëvendëskryeministër dha dorëheqjen, nuk njohu imunitet mbi një dokument 28 herë të prerë dhe të ngjitur. Kërkoj burrërisht dhe mençurisht Gjykatës së Lartë që çështja të trajtohet në themel, Gjykata e Lartë vendosi në unanimitet për pafajësinë e zotit Meta. Në një shoqëri ku kokë e turkut është akoma e preferuar, në kuptimin figurativ të asaj fjale që përdorim ne, kjo mund të krijojë një lloj mërzitje. Por për një shoqëri të lirë të shtetit ligjor ky është një zhvillim shumë i rëndësishëm dhe pozitiv. Zoti Meta ndoqi një proces, kërkoi një gjykim në themel në mes të gjykatës, të Gjykatës Lartës që dhanë atë vendim.

Peza: Keni sinjal për t’u kthyer shpejt?

Kryeministri: Nuk më ka shprehur asnjëlloj mendimi. Pranoj pa asnjë diskutim.

Peza: Takimet tuaja në shtëpinë e zotit Meta dhe në Rogner përpara vendimit të Gjykatës së Lartë janë konsideruar nga një pjesë e medias si një presion që ju keni bërë para vendimit...

Kryeministri: Prapë këtu jemi në një paragjykim dhe një paragjykim shumë të pa vend. Pse? Zoti Meta është kryetar i LSI, e cila është aleat kryesor i këtij koalicioni dhe ky koalicioni ka LSI-në nuk ka votat për të krijuar mazhorancën. Pra, jo vetëm që është kryesore, por ka edhë një peshë specifike të veçantë. Me zotin Meta jam takuar dhe takohem në mënyrën më konstante. Kemi darkuar dhe do të darkojmë. Kemi pirë kafe, në mënyrë absolute, kurrë nuk ka kërkuar tek unë as edhe gjënë më të vogël. E kam përgëzuar kur kërkoi dhe iu miratua kërkesa për shqyrtimin në themel sepse ai mu duk mua veprimi më i goditur. Ndaj edhe të mendohet kështu është një paragjykim.

Peza: Ka zëra se keni arritur një marrëveshje me PDIU-në e Shpëtim Idrizit për përfshirjen e tyre në qeveri, është e vërtetë?

Kryeministri: Po, pa diskutim.

Peza: Si është kjo marrëveshje?

Kryeministri: Kjo marrëveshje do të ketë një seri funksionesh, do të ketë zëvendësministra, do të ketë funksione të tjera.

Peza: Kur do të fillojë të funksionojë?

Kryeministri: Në zbatim e sipër është.

Peza: Ka pasur zëra që do të ketë një aleancë edhe me Dash Shehin, për shkak të raportit që krijoi edhe me zotin Basha në zgjedhjet e Tiranës...

Kryeministri:  Dashamir Shehu është një nga ish-drejtuesit e rëndësishëm të PD-së, ka qenë zëvendëskryeministër, ka qenë ministër. E vërteta është se Dashamir Shehu në 20 vjet pozicionin nuk e ka ndryshuar. Në tërësinë e tij edhe kur janë bërë koalicione nuk i ka ngel ai borxhli koalicionit, por koalicioni atij.

Peza: Do ia lani këtë borxh?

Kryeministri: Absolutisht, ai është shumë i mirëpritur, por e ke vetë parasysh se ai është individualist, normal, se ashtu duhet të jetë. Marrëdhëniet me të janë marrëdhënie të një respekti reciprok.

Peza: I është ofruar ndonjë post konkret?

Kryeministri:  Do të them një gjë, ai ka individualitetin e tij dhe të garantoj që në ato kontakte është një nga ata njerëzit që më parë venë parimin se sa karrigen e tij. Këtë ma ka faktuar ai këtë. Por unë kam respekt për të. Ka ruajtur një pozicion realisht të vetin, të pavarur dhe nuk mund të thotë se kush se e tërhoqa pas qerres.

Peza: Domethënë e paskeni mbyllur marrëveshjen?

Kryeministri:  Jo nuk e kemi mbyllur. Po ta kisha mbyllur do të thosha. Tregoi një qëndrim të favorshëm shumë në zgjedhje, nuk bëri koalicion, por nuk vuri kandidat. Faktikisht për ne ishte një rrethanë shumë pozitive.

Peza: Favorizoi rezultatin tuaj...

Kryeministri:  Pa diskutim, është një faktor në Tiranë.

Peza: Zoti Ndoka është afruar gjë këto kohë?

Kryeministri:  Problemi është se me partitë e spektrit të djathtë është gjëja më normale që nuk mund të ketë asnjëlloj qëndrimi tjetër përveçse përpjekjes për mirëkuptime sepse është spektri.

Peza: Pra keni filluar negociata?

Kryeministri:  Unë s’them se janë filluar negociata, por është parti e spektrit.

Peza: E shihni si aleat?

Kryeministri:  Spektri është pra. A mund të themi që në një shtrat, në një rrjedhë, spektri është spektër.

Peza: Zoti kryeministër në paraqitjen e programit tuaj keni deklaruar se keni disa prioritete, një prej të cilave është shëndetësia. Por në fakt ka ndodhur diçka, duket sikur këtë ministër e keni të sakrifikuar për aleatët. Ia dhatë PR, PDK-së, tani LSI-së. A mos keni dështuar në këtë?

Kryeministri:  Unë shumë njerëzisht do t’iu kërkoja medieve që të bëjnë një shqyrtim të realitetit të sotëm të sistemit tonë shëndetësor. Unë ju garantoj se do ta gjeni shumë më ndryshe nga çfarë perceptohet dhe sot ky shërbim, ky sistem, ka shënuar dhe shënon rezultate shumë të mëdha. Unë mund të jap vetëm disa të dhëna. Para vitit 2005, ose edhe vitit 2006, mjerësisht kanë qenë gjithsej vetëm 30-40 të sëmurë që përfitonin nga dializa, sot janë 600 dhe përfiton çdo njeri që ka nevojë. Nëse para vitit 2006 realizoheshin disa dhjetëra by-pass, sot realizohen 800 në vit dhe më shumë. Nëse para vitit 2006 kishte apo s’kishte një rezonancë, sot janë 10 ose më shumë, ka edhe në periferi. Në rast se para vitit 2006 apo edhe 2007 kishte një urgjencë jashtë kohe, unë ju garantoj se spitali i ugjencës në Tiranës është një nga më modernet që është në vende.

Peza: Pra s’e quani dështim?

Kryeministri:  Ka pasur korrupsion në parapagime. Që kur janë vendosur çmimet e referencës janë dy studime krejtësisht të pavarura, njëri i porositur nga OKB, tjetri i porositur nga një prej kompanive më serioze italiane që dëshmojnë një rënie dramatike t ryshfetit. Por, nëse ka qenë 22%, ka zbritur në 6%. Tjetër, po të marrim listën e barnave. Janë sot 420 barna që rimbursohen nga kjo qeveri dhe nëse merrni çmimet, shpenzimet që bëheshin përpara nga 50 milionë dollarë janë 250 milionë dollarë. Nëse merr shërbimet, sot në sistemin tonë është degëzuar dhe një performancë pakrahasimisht tjetër me atë që ka pasur përpara. A ka dobësi? Ka. Cilat janë disa nga problemet që po shkojnë drejt zgjidhjes? Ka probleme në furnizimin me ilaçe. Por, të garantoj se s’janë kurrë për mungesë buxheti, por janë për shkak të mungesave burokratike që po krijohen dhe po luftohet që t zgjidhet sistemi më i mirë. Ka prapë probleme. Po bëhet kostifikimi i çdo shërbimi dhe kjo do të bëjë të mundur reformën më të shkëlqyer. Pra, në reformën në shëndetësi, kanë filluar nga akreditimet. Është një nga reformat që po lëviz në mënyrën më serioze.

Peza: Çfarë po ndodh me legalizimet dhe çfarë pozicioni ka zoti Shaban Memia?

Kryeministri:  Zoti Shaban Memia është drejtues.

Peza: Nuk ka dhënë dorëheqjen?

Kryeministri:  Fenomeni dorëheqje ka dy momente, pra është drejtues i këtij institucioni, është bërë një studim tërësor, është bërë një vendim që ka thjeshtuar burokracinë. Është bërë një punë shumë e madhe. Këtu njerëz kanë të drejtë po të shohin objektet, por harrojnë se është matur në çdo centimetër të tyre.

Peza: Nuk ka dështuar procesi?

Kryeministri: Absolutisht.

Peza: Kur do të përfundojë?

Kryeministri: Brenda 2013.

Peza: E sigurt?

Kryeministri: Po.

Peza: Po me pronat mund të quhet dështim?

Kryeministri:  Jo. A është e drejtë që të bëhemi nihilistë në një kohë kur, si është dhe ku qëndron problemi. Me pronat në tokën bujqësore, në mënyrë absolute ankesat nuk janë më të shumta se gishtërinjtë e dy duarve. Kjo është e vërteta. Mediat, s’kanë mundur të paraqesin në tërësi asgjë. Mirëpo pronë e madhe ajo është, jo tani, por kohë më parë, në pronat e trojeve kanë qenë të evaduara 76% e të gjitha dosjeve, ka prapë për të zgjidhur, ka prapë komplikime dhe prapë që duhet zgjidhur. Çfarë po bëjmë ne? Ne po bëjmë regjistrin dixhital të pronave. Është zgjidhja më e shkëlqyer për t’i dhënë fund çdo lloj superpozimi. Së dyti, po amendohet ligji në mënyrë që komisioni të vazhdojë punën deri në një periudhë të caktuar sepse më pas çështja e pronave do t’i kalojë gjykatave dhe është një çështje e përjetshme pastaj.

Peza: Është një proces që do të kalojë këtë vit?

Kryeministri:  Jo këtë vit. Duhet të përfundojmë në këtë vit regjistrin dixhital dhe po punohet me intensitet të madh.

Peza: Në progres-raportin e BE për Shqipërinë ka kritika për korrupsionin. Në një intervistë për emisionin tim deputeti Oketa deklaroi që kalit tonë të korrupsionit i kanë rënë patkonjtë...

Kryeministri:  Tani që ka korrupsion, ka korrupsion. Që të komentoj deklaratat e zotit Oketa nuk më konvenon.

Peza: As për qëndrimet e tij politike?

Kryeministri:  Jo, ka bërë zgjidhjen e vet. Ke dëgjuar kush ti thotë pse votove për Sali Shehun? Absolutisht nuk i ka thënë, fare.

Peza: Do ta keni në listën e deputetëve për 2013?

Kryeministri:  Më fal një minutë, ai e përjashtoi zoti Islamin pse nuk shkoi, jo pse s’votoi. Dëgjove ti se u përjashtua Gazmend Oketa.

Peza: Por mbase nuk futet në listë...

Kryeministri:  Paragjykimi nuk shërben. Problemi. A ka korrupsion? Pa diskutim. Por, ka një luftë konstante kundër korrupsionit. Zoti Peza. Dy javë më parë kjo qeveri bëri të mundur të afishohen në ueb-in e thesarit të Ministrisë së Financave çdo shpenzim që kryhet në këtë shtet një ditë më parë.

Peza: Azhurnimi është çdo 24 orë?

Kryeministri:  Në total. Absolutisht jemi nga më të paktat qeveri në botë dhe që janë të paktën ja 70 që mund ta bëjnë përpara nesh këtë. Çfarë është kjo? Është një vullnet i hekurt. A ka një problem? Ka një problem serioz lufta kundër korrupsioni dhe ky problem serioz është qëndrimi politik i prokurorisë...

Peza: Është në radhë të parë vullnet politik i mazhorancës...

Kryeministri: Jo qëndrim politik i prokurorisë.

Peza: S’është faj prokurorisë që të akuzuarit për korrupsion janë të gjithë të LSI-së...

Kryeministri:  Pesë vjet më parë me angazhimin direkt të përfaqësuesve të qeverisë amerikane ne krijuam në Tiranë një task-forcë ku u zgjodh një prokuror dhe mua afruan tre kandidatura. U bë marrëveshja, ishte marrëveshje. Kjo ishte marrëveshje. Ky prokuror bashkë me punonjësit e doganave, tatimeve, Policisë Kriminale, shërbimit të fshehtë, në atë task – forcë filloi të shkruajë me guxim të madh një kapitull të ri në historinë e luftës kundër korrupsionit. Ky kapitull i ri këtij grupi fitoi vlerësimet më të larta në arenën ndërkombëtare nëse ke parasysh TIA. Çfarë bëri zonja Rama me zotin Topi?

Peza: Prapë ata?

Kryeministri:  Absolutisht. Meqenëse ky ishte një barrierë dhe njeri i betuar për ligjin, bënë gjithçka gjersa e detyruan të jap dorëheqjen dhe vunë njeriun e tyre. Po. Ky prokuror tani po të jetë puna për bindje politike në 30 teste që mund t’i bësh ishte vetëm i majtë, ky që dha dorëheqjen.

Peza: Ka edhe të majtë të ndershëm...

Kryeministri:  Ka edhe të majtë. Por, e dija që ishte prokuror me integritet dhe unë thashë ky do të jetë, se unë e dija këtë. Zonja e dinte këtë, se ai ishte një konsensus, ishte një zgjedhje dhe u bë copa gjersa e largoi.

Peza: Vetëm kjo e ka dëmtuar luftën kundër korrupsionit?

Kryeministri:  Absolutisht, se e mori në dorë, futën duart pastaj. Ka një gjë aty ta dish. Në luftën kundër korrupsionit ka një gjë, nëse për një herë të vetme, kryeministri apo Presidenti bllokon një dokument për korrupsionin kjo është shkatërrimtare. Nëse për një herë të vetme ministri i Financave apo kryeministri urdhëron që të lëvizë trau i doganës, tra nuk mbyll dot më, se një herë e ngrenë ti, 10 herë e ngrenë ato të tjerë. Nëse një herë të vetme kryeministri apo presidenti kërkojnë që ky apo ai të mos dënohet dhe të mos bëhet, krijojnë precedentin më të keq. Më ndodh rëndomtë njerëz që bien në kundërshtim, njerëz që nuk janë dakord me dokumente dhe vijnë e më thonë, më japin argumente, nuk i lëviz, i lë në procesin burokratik të ecin, kjo është detyra. Kurse kjo zonja, për t’i dhënë një goditje të rëndë kundër luftës së korrupsionit, e detyroi atë të largohej, për të mos thënë një kapitull tjetër pastaj.

Peza: Kush është?

Kryeministri:  Kapitulli tjetër është edhe më tragjik. Por demokracia ka një gjë, është një sistem me defekte, është një sistem edhe me ndonjëherë me regres, por ka meritën e madhe dhe gjërat i zgjidh në mënyrën ligjore dhe kjo është një gjë e përkohshme. Ajo që në një mënyrë apo një tjetër bëri çdo gjë që ky të largohej nga detyra, ajo shkatërroi veprimtarinë e një...

Peza: E keni zënë me këtë kryeprokuroren Silvia Konti...

Kryeministri:  Të jesh i bindur se s’kam asgjë personale me njëri. Asgjë personale. I bëri vendit një dëm të pakompesueshëm.

Peza: Në fillim të këtij viti keni marrë kompetencat për sekretet dhe për INSTAT...

Kryeministri:  Kjo është krejt vulgare. Janë një seri institucionesh të cilat gabimisht gjatë 15 viteve të fundit ishin cilësuar të varur nga Këshilli i Ministrave, ishte i gabuar, vetëm tek emërtimi. Nuk ka varësi në Këshill të Ministrave.

Peza: Keni deklaruar në programin se do ta mbani nivelin e borxhit në 50%, ndërkohë që ka shkuar 60% dhe BB thotë që është niveli më i lartë në rajon. Ka edhe disa elementë të tjerë siç janë borxhet e këqija 19%. Ka vend këtë vit për alarm për krizë ekonomike? Ka garanci për qytetarët shqiptarë?

Kryeministri:  Kam deklaruar se do ta mbajë borxhin 59 pikë disa për qind, se është shumë e fortë 50%, Kam deklaruar se do të mbaj deficitin buxhetor 3.5% dhe aq është. Kam deklaruar se do të shkurtoj shpenzimet dhe do t’i përmbahem treguesve të stabilitetit ekonomik në parametrat më të mirë dhe këtë po e bëjmë, natyrisht vendi duhet të zhvillohet, duhet të investojë.

Peza: S’ka krizë këtë vit?

Kryeministri:  Kriza ka një definicion, aty ku ka recension, nuk flitet për krizë.