Greqia si Siria, BDO: Vend i rrezikshëm për biznes
Tregjet botërore, thonë analistët, mund të besojnë se me e keqja e krizës financiare në Europë ka kaluar, pas tri vjetësh plot trazira, mirëpo ata që kontrollojnë botën e biznesit, nuk po marrin frymë aspak më lehtë. Një vëzhgim i përvitshëm i drejtuesve të financave, nga kompania konslutative e biznesit BDO, tregon se kriza e borxheve mbetet një shqetësim shumë i madh, aq sa Greqia konsiderohet vend më i rrezikshëm për të investuar dhe ngritur një biznes, sesa Siria e përfshirë nga lufta.
Vetëm Irani dhe Iraku konsiderohen më të rrezikshëm sesa Greqia, e cila përpiqet, por duket pa shumë sukses të bindë kreditorët e saj ndërkombëtare se e meriton këstin e radhës së ndihmës financiare pa të cilin rrezikon falimentimin dhe daljen e mundshme nga zona euro.
"Drejtuesit eksekutivë të biznesve janë duke rritur dozat e shqetësimit për Europën Juglindore, pjesë të së cilës shihen po aq të rrezikshme sa edhe vende politikisht të paqëndrueshme në Lindjen e Mesme?, thotë analisti i BDO-së, Martin Van Roekel.
Por, Greqia nuk është vendi i vetëm i bllokut 17 anëtarësh të euroës, që është përfshirë në 10-tëshen e vendeve më të rrezikshme për investime, por edhe Spanja, ekonomia numër 4 në Europë,
Pavarësisht shenjave të fundit për ngadalësim, Kina konsiderohet vendi më i mundshëm për ekspansion ekonomik, ndjekur ngushtë nga Shtetet e Bashkuara. Ekonomi të tjera në lulëzim janë Brazili, India Gjermania dhe Britania e madhe.
BDO përmblodhi në analizën e vet mendimin e 1.000 shefave ekzekutivë, të kompanive të biznesit të mesëm, që aktualisht planifikojnë investime.
Albanian Screen
Comments
Nuk ka vend me te rrezikeshem
<p>Nuk ka vend me te rrezikeshem ne Europe per te bere biznes sesa Shqiperia. </p>
Add new comment