Gara presidenciale në SHBA, beteja për shtetin e Virxhinias

Gara për zgjedhjet presidenciale në Shtetet e Bashkuara është përqëndruar këto ditë në shtetin e Virxhinias ku presidenti Barack Obama dhe sfidanti i tij republikan, Mitt Romney zhvilluan tubime elektorale. Virxhinia është një nga shtetet e rëndësishme që do të vendosë për kreun e Shtëpisë së Bardhë.
 Duke folur para votuesve, Obama njoftoi temën e re të fushatë së tij që ai e ka cilësuar "patriotizëm ekonomik". Ai tha se do të duhet kohë të rregullohen problemet e një ekonomie që ka qenë në rënie prej dekadash. Ai siguroi votuesit se politikat e Shtëpisë së Bardhë do të funksionojnë. 
 Sondazhet sugjerojnë se presidenti Obama qëndron në avantazh dnaj rivalit Romni, me 49 për qind, kundrejt 42 për qind të republikanit.  Albanian Screen