Droga, 5 shqiptarë arrestohen, 1 në kërkim

Mediat greke njoftuan sot arrestimin e dy shqiptarëve ndërmjet moshës 31 dhe 22 vjeç të cilët sipas policisë vendase jetonin në një apartament, pranë një kishe që ishte marrë me qira.

Këtë ambient dy shqiptarët e përdornin për të tregtuar thuajse çdo lloj droge. Në shtëpinë e tyre, në cilësinë e provës materiale, policia sekuestroi më shumë se 26 kg kanabis sattva, më shumë se 1 kg e gjysmë heroinë, disa gram kokainë, armë dhe plumba, peshore dhe shumë para të fituara nga shitja e drogës.

Ndërkaq, tre shqiptarë të tjerë janë arrestuar në Janinë nga strukturat e policisë greke, ndërsa një tjetër është shpallur në kërkim. Policia njoftoi se shqiptarët janë kapur me dy çanta udhëtimi të cilat përmbanin 22 kg dhe 55 gram hashash të papërpunuar.

Panorama