Vuçiç: Kurti nuk do t’i kishte hyrë kësaj rruge pa mbështetje

Presidenti serb, Aleksandar Vuçiç, thotë se ka një linçim të serbëve në rajon vetëm sepse ata duan të jenë të tillë në vendin të cilit i përkasin.

Gjatë një bisede në Pink TV, Vuçiç komentoi deklaratën e kryeministrit të Kosovës, Albin Kurti, i cili pak ditë më parë u shpreh se “përfaqësuesit e Listës Serbe do të vuajnë dhe do ta paguajnë gabimin që kanë bërë”, duke iu referuar situatës së krijuar së fundmi në komunat në veri të Kosovës.

Vuçiç tha se Kurti nuk do të mund ta thoshte kurrë diçka të tillë pa mbështetje “carta bianca”.

"Shqiptarët e Kosovës lejohen të bëjnë çdo gjë. Sido që ata (përkrahësit e tyre) të pretendojnë të jenë të ashpër ndaj tyre, nuk janë, dhe ata në thelb i mbështesin ata. Për mua është e rëndësishme që ne kemi arritur të nxjerrim disa njerëz jashtë paraburgimit dhe të përpiqemi për ata që janë ende atje”, tha Vuçiç.

"Ka një linçim mediatik dhe persekutim të serbëve në Mal të Zi nëse ata nuk duan të heqin dorë nga Beogradi," tha Vuçiç.

Ai shton se do t’ia përcjellë të dërguarit të posaçëm të SHBA-së për Ballkanin Perëndimor, Gabriel Escobar, të gjitha “truket” e rajonit.

"Ai mund të vendosë se kush dhe ku do të jetë në pushtet, por serbët nuk mund t'ia dalin nëse nuk pajtohen me të. Por kjo nuk është hera e parë që po përballemi me standarde të dyfishta," tha Vuçiç.