Zjarret shkatërrojnë ishujt në Havai (VIDEO)

Të paktën 6 persona kanë humbur jetën një valë të paprecedent zjarresh që kanë përfshirë Big Island (Ishullin e Madh) dhe Mauin, në Havai. Guvernatori i shtetit amerikan, Josh Green, tha se qyteti i Lahanias është shkatërruar dhe qindra familje janë evakuuar.

Në perëndim të Mauit, zonë me resorte, për shkak të dëmtimit të rrjetit, është i pamundur çdo lloj komunikimi me celular.  

“Duket sikur e gjithë zona është bombarduar gjatë një lufte”, ishte përshkrimi i njërit nga pilotëve që fluturuan mbi Maui.

Richie Olsten, drejtor i operacioneve nga ajri për Air Maui Helikopter se çdo gjë është shkatërruar, përfshirë edhe ndërtesat historike, të cilat nuk mund të zëvendësohen më.

“Është shkatërruese. Në 52 vjet fluturim mbi Maui nuk kam parë kurrë diçka të tillë”, tha ai.

Ndërsa në zonë dërgohen trupa për të luftuar flakët dhe ndihma për banorët dhe turistët, zyrtarët amerikanë po monitorojnë situatën për protesta të mundshme.

“Ka shqetësime se mund të ketë protesta. D.m.th., jemi të shqetësuar se ka ca njerëz që nuk e kanë alohën që karakterizon ishujt”, thotë guvernatorja e Lahanias, Sylvia Luke, duke iu referuar shpirtit të mikpritjes dhe festës që kanë ishujt turistikë.