Jashtë politikës me ligj? Demokracia në dorë të Enkelejd Alibeajt

Një burim nga Partia Socialiste i ka thënë Muhamed Veliut dy gjëra: së pari se jo e gjithë partia është me pushime. Dhe së dyti se partia ka ndërmend të nxjerrë nga politika me ligj, Ilir Metën dhe Sali Berishën.

Qëllimi konsultimeve lidhet me amendimin e ligjit aktual të dekriminalizimit. I njëjti burim thotë për “Top Channel” se amendimi synon përfshirjen e një neni me qëllim despiunizimin e parlamentit.

Synimi është ndalimi nga kandidimi të gjithë atyre që kanë dosje si bashkëpunëtor të ish-Sigurimit të Shtetit. Nëse socialistët nuk do të tërhiqen rrugës nga kjo nisëm e do ta miratojnë ndryshimin, atëherë i pari person që preket është ish presidenti Ilir Meta tashmë Kryetar i Partisë së Lirisë. Gjithmonë nëse gjetjet e Autoritetit të Dosjeve, faktojnë se personi I.M që përmendet në dosje e Ligor Talos është Ilir Meta.

Amendimi mëson “Top Channel” do të ketë edhe një shtesë tjetër. Bëhet fjalë për sanksionim në ligjin e dekriminalizimit edhe një neni të posaçëm për dekomunistizimin, ku pengohet kandidimi ish sekretarëve të Partisë së Punës. Nëse amendimi do të votohet në parlament, atëherë në karriget e parlamentit pas zgjedhjeve të ardhshme të 2025, Sali Berisha mbetet jashtë kuvendit të Shqipërisë.

Për të përjashtuar Berishën si ish sekretar partie, socialistët duket se kanë si pengesë një vendim i gjykatës kushtetuese i 23 Marsit 2010, cili rrëzoi ligjin e atëhershëm te lustracionit miratuar 22 Dhjetor 2008. Por socialistët thonë se për aq kohë sa parlamenti amendon ligjin e dekriminalizimit, po ashtu bën edhe ndryshimin e duhur në Kushtetutë nuk ka asnjë pengesë në zbatim

raporton Top-Channel.

A mund të ndodhë një gjë e tillë? Mundet padyshim. Ne dëshmojmë se Enkelejd Alibeja bilbilon lart e poshtë si politika sepse gjykata mban peng logon e Partisë Demokratike. Dhe ky Enkelejd Alibeaj deri më sot nuk thotë asgjë nëse do të votojë apo jo për ndryshimet e reja.

Pyetja që shtrohet është: kush është opozita? Dhe çfarë zgjidh një përjashtim nga gara I dy njerëzve? I jep kohë Edi Ramës për projektet që ka nisur, që t’i çojë përpara duke përdorur në mënyrë të njënashme dispozitivin institucional që ka sot nën hyqëm, të gjithë çerrat e agjencive dhe autoriteteve që firmosinçfarë do ai. Është një betejë që po çon në përplasje pse një politikë e tillë përveç se synon patjetër edhe negociimin për të mbyllur inceneratorët dhe skandalin e AKSHI-t ilustron edhe se deri ku të çon çarku i korrupsionit. Dhe askush prej diplomatëve të huaj nuk reagon.

ligji