Statistikat/ Brenda 45 vitesh, suedezët bëhen pakicë në vendin e vet

Në Suedi, për disa dekada, vendasit do të bëhen minorancë. Statistikat në vendin nordik tregojnë një rritje të pandërprerë të imigracionit, i cili karakterizohet nga një numër më i lartë lindjesh, gjë që vë në rrezik vetë kulturën suedeze.

Hulumtimi i fundit akademik që sugjeron se suedezët do të jenë një pakicë në vendin e tyre në më pak se 50 vjet. Dikur kombi më homogjen i Evropës, Suedia mund të bëhet kështu një vend simbol i multikulturalizmit.

Sipas projeksioneve të Buletinit Gjeografik të vitit 2018, deri në vitin 2065, totali i suedezëve vendas do të ketë rënë me qindra mijëra nga shifrat aktuale, në rreth 7 364 000 ndërsa numri i myslimanëve (parashikimi si 3 903 000) dhe ata që kanë lindur jashtë vendit ose nga dy prindër të lindur jashtë vendit (3 791 000) do të jenë rritur ndjeshëm në krahasim me nivelet ekzistuese.

Një vështrim i shpejtë tregon se suedezët vendas janë më të shumtë në numër.

Akademiku finlandez,  Kyösti Tarvainen, shkruan në të përditshmen suedeze Folkbladet, se në vitin 2100, myslimanët dhe suedezët vendas do të barazohen në numër.

Sipas dy metodave demografike, suedezët etnikë do të bëhen kështu një pakicë në 45 vjet nëse imigracioni aktual vazhdon. Sipas llogaritjes me modelin e saktë, do të ketë aq myslimanë sa edhe suedezë etnikë në 2100.

Historikisht në Suedi, grupi më i madh i huaj kanë qenë finlandezët, të cilët përmes martesave me vendasit dhe ngjashmërive kulturore u asimiluan. Por situata ka ndryshuar vitet e fundit. Në 2019, 88% e emigrantëve në Suedi ishin joperëndimorë dhe 52% ishin myslimanë.

Kjo do të thotë shoqëri paralele me kultura paralele dhe rrjedhimisht edhe mënyra të ndryshme jetese.

Emigracioni i viteve të funditka sjellë si pasojë një përzierje kulturash në shumicën e vendeve të Europës. Qendra e Kërkimeve Pew parashikon që myslimanët do të jenë grupi kryesor fetar me rritjen më të shpejtë deri tani, me një rritje të vlerësuar prej 70 për qind të madhësisë së popullsisë, krahasuar me vetëm 34 përqind të të krishterëve në vendin e dytë deri në vitin 2060. Në vitin 2010, popullsia myslimane në Evropë ishte rreth 43 milionë.