Gjykatën e bllokon Edi Rama. Nuk e marrin dot Kakomenë, jo Luan Leka, por të ngrihet gjyshi dhe këlyshi
Media të ndryshme lokale në Jug po raportojnë për një protestë të disa banorëve të Nivicë Bubar të cilët janë mbledhur para gjykatës së Gjirokastrës, kur pritet të shqyrtohet çështja e Kakomesë. Nga sa shihet në video, banorët thonëse kërkojnë pronën e tyre, brenda ligjit dhe asgjë më shumë, duke akuzuar Sali Berishën, Fatos Nanon dhe Edi Ramën si fajtorë për zvarritjen gati 30 vjeçare.
Po të jetë për fshat turistik ne e gjejmë vetë një sheik andej nga Arabia dhe e bëjmë fshatin. Jo ta bëjë Luan Leka, Dritan Çela apo Edi Rama
thotë një nga banorët.
Sipas tyre kudo ku të shkosh sot, aty u thuhet se:
Gjykatën e bllokon Edi Rama. Keni të drejtë, por s’kemi çfarë të bëjmë se na marrin në telefon nga Tirana. Këtë na thanë nga ASHK-ja
Më tej ata shprehen se Kakomeja është e Nivicës dhe nuk ka shans që atë ta përvetësojnë të tjerë.
Nuk ka shanse jo Luan Leka, po të ngrihet gjyshi dhe këlyshi nuk e marrin dot
thotë një nga banorët.
Gjykata e Gjirokastrës ka vendosur që çështja t’i kalojë Gjykatës së Vlorës për mungesë kompetence, një vendim që konsiderohet absurd.
Në kuadër të këtij raportimi thuhet se banorët kanë bërë padi edhe për ish-kreun e ALUIZNI-t, Shaban Memia, që akuzohet si përgjegjës për privatizimin nga i cili ka përfituar 110 ha të hipotekuar biznesmeni Luan Leka, nga të cilat 20 ha thuhet se janë në gjirin e Kakomesë.
Comments
Keta te gjithe e kane mendjen
Keta te gjithe e kane mendjen kush e kush me pare te beje resorte ne ate gji te vogel ne dalje te Kakomese! Shteti ta bllokoje zonen e te mos lejoje ndertime ne ate zone, se do ta shkaterrojne, sic jane shkaterruar edhe zonat e tjera ne Adriatik dhe tashti kane filluar edhe ne Jon. Ne Himare, Borsh, Piqeras, Lukove, deti ne vere ka nisur te ndotet me pislleqe! Dhe akoma nuk jane ngrejtur resorte, por vetem kioska te vogla, mjaftueshem per te derdhur ujrat e tyre te zeza ne gropa (gjoja) septike, te cilat komunikojne nen toke me detin. I gjithe Bregu duhet te mendoje per nje (ose disa) sisteme te reja te derdhjes se ujrave te zeza, ne te kundert brenda 20-30 vjetesh ajo zone do te qelbet, biles mund te kete edhe rreshqitje toke! Makuterise se njerezve u duhet vene kufinj!
Add new comment