Kryeministri: Policia duhet të luftojë edhe në planin mediatik për rezultatet e saj

Kryeministri Edi Rama duket se ka marrë në dorë vetë luftën mediatike lidhur me perceptimin për kriminalitetin në vend. Në një takim me përfaqësues të Policisë së Shtetit, z. Rama ka kërkuar nga përfaqësues të Policisë që të reagojnë për çdo rast kur ngrihen akuza ndaj tyre. I irrituar me situatën e fundit, kryeminstri u është referuar statistikave zyrtare që e rendisin Shqipërinë ndër vendet e sigurta. Në faqen e vet në Facebook, kryeministri përcjell këtë mesazh:

Ministria e Brendshme - Policia e Shtetit duhet të japë një mesazh kumbues force për "të fortët", me gjuhën e rezultateve edhe më domethënëse, edhe më të shpejta: Mes shtetit edhe "të fortëve" nuk ka paqe! Kur të dalin nga shtëpia, nuk do të jetë problemi ynë, po problemi i tyre. Kur të jenë në shtëpi, duhet të mendojnë vetëm si të zhduken, jo si të duken

Ndërkohë pjesën më të madhe të fjalës së tij, z. Rama i ka dedikuar nevojës që Policia të kundërveprojë ndaj asaj që ai e quajti Zifti I shpifjeve që hidhet përditë ndaj punës së Policisë së Shtetit. Më poshtë fjala e plotë e z. Rama: