Hyn në fuqi rregullorja e BE për privatësinë

Nga 25 maji do të hyjë në fuqi rregullorja e re e Bashkimit Europian për mbrojtjen e privatësisë. Ajo imponon kushte të rrepta në përpunimin e të dhënave personale dhe respektimin e  gjithë qytetarëve të BE-së.

Ndryshimi u bë me me arsyetimin se të dhënat personale konsiderohen si një pasuri e vlefshme dhe rregullat që i mbrojnë duhet të jenë më të rrepta. Rregullorja e re zëvendëson kështu  Direktivën Evropiane të Mbrojtjes së të Dhënave 1995, e cila u vu në zbatim para se “icloud” të prezantonin mënyra të reja të menaxhimit të të dhënave personale.

Rregullorja e Përgjithshme e Mbrojtjes së të Dhënave përcakton të dhënat personale si të dhëna që i lejojnë personit të autentifikojë vetveten në mënyrë të drejtpërdrejtë ose të tërthortë. Kjo është në përputhje me Nenin 8 të Kartës së të Drejtave Themelore të BE-së.

Parimet themelore që rregullojnë frymën e ligjit janë që secili të ketë  të drejtën e mbrojtjes së të dhënave personale. Kështu, këto të dhëna duhet të përpunohen në mënyrë të ligjshme, për qëllime të përcaktuara dhe me pëlqimin e individit ose për arsye të tjera legjitime të parashikuara nga ligji. Gjithkush ka të drejtën e qasjes dhe korrigjimit të të dhënave që kanë të bëjnë me të.

Kështu një kompani duhet në një numër rastesh të ndërhyjë dhe të fshijë të dhënat personale brenda një kohe të caktuar, nëse personi e kërkon atë. Në rast të shkeljes së të dhënave personale nga subjekte të caktuara, kompanitë duhet të informojë automatikisht qytetarë të cilët kanë vuajtur pasojat.

Si ndikon prania në mediat sociale

Në të vërtetë, të dhënat personale janë gjithçka: blerjet që bëjmë, hapësirën që lëvizim, produktin që preferojmë. Këto të dhëna janë pjesë e lirisë sonë personale. A keni vënë re ndonjëherë se reklamat shfaqen në internet në varësi të asaj që keni kërkuar më shpesh?

Me rregulloren e re çdo promovim i produktit pa miratimin tonë konsiderohet shkelje e lirisë sonë personale. Të dhënat personale janë edhe telefoni ynë, numri fiskal,  adresa e shtëpisë, të cilat herë pas here përdoren nga bizneset për të promovuar produktet e tyre  ose për të shqetësuar konsumatorin. Pra, është prania në mediat sociale, e cila mbetet për t'u parë se si do të zbatohet nga bota e informacionit të pafund dhe të pakufizuar.

Nëse europianët janë të shqetësuar nga përditësimet promocionale, ata mund të kërkojmë të hiqen nga lista promovuese. Nëse qytetarët e BE janë të interesuar të ndryshojmë një ofrues të shërbimit, ata kanë të drejtë të marrim të gjitha të dhënat e tyre personale nga ofruesi i tyre i vjetër dhe t'i transferojnë ato në koks të ri.

Çdo ditë, më shumë se 250 milionë evropianë përdorin internetin për të lidhur me familjet e tyre, ose për të bërë blerje dhe në këtë kontekst, ndajnë disa të dhëna personale si emri, adresa, numri i identitetit dhe informacioni për gjendjen e tyre shëndetësore.  Kjo krijon baza për rreziqe të shumta si zbulimi i paautorizuar i informacionit, vjedhja e identitetit dhe ngacmimet në internet.