Dhurata e ndarjes së re administrative, luftë kullotash mes Delvinës dhe Borshit

Ka disa ditë që bëhet e ditur nga media lokale për një problem që ka lindur me kullotat në Borsh.çështja është krijuar nga një vendim i Bashkisë Delvinë që i kalon kullotat, tradicionalisht të Borshit, delvinjotëve. Një problem ky i vjetër, por që së fundmi është krijuar nga dy qendra vendimmarrëse të LSI-së: Bashkia Delvinë dhe Ministria e Mjedisit. Banorët e Borshit kanë protestuar sot duke paralajmëruar se do të mbrojnë meçdo mjet atë që e cilësojnë si të tyren. Ata thonë se janë dëbuar nga kullotat nga rreth 20 forca të Policisë Bashkiake Delvinë, duke u zëvendësuar me barinj nga fshati Kalasë. Sipas barinjve, ata janë dhunuar nga barinjtë e Kalasës në prani të policisë bashkiake dhe punonjësit të inspektoriatit të Mjedisit, të cilin e akuzojnë për falsifikim të proces-verbalit.