Kisha serbe për lidhjen e Malit të Zi me NATO. Mitropoliti Amfilohije: Siguria që ofron NATO, njësoj si ajo e Hitlerit dhe Musolinit

Afrimi i elitës politike të Malit të Zi me Perëndimin dhe sidomos kërkesa për anëtarësim në NATO, po kundërshtohet nga një propagandë që zë fill nga hapësirat kishtare. Mitropoliti i Kishës Ortodokse Serbe të Malit të Zi, Amfilohije, e quajti NATO-n një zgjatim të pushtimit austrohungarez.

Duke meshuar në manastirin e Podmaine, Amfilohije u kujtoi të pranishmëve se ai kshte shkatërruar në të shkuarën nga Austro-Hungaria dhe sot sipas tij, NATO nuk është asgjë më shumë sesa zgjatim i perandorisë së dikurshme Habsburgase.

“Tani liderët tanë i betohen për aleancë NATO-s. Ata thonë se e bëjnë këtë në emër të sigurisë. Ishte ajo siguroi që ofrohej dhe garantohej nga Musolini dhe Hitleri”, citohet Amfilohije nga mediat. Ai e ka lidhur këtë situatë edhe me mosnjohjen e kufirit me Kosovën, duke aluduar për projektet politike të Luftës së Dytë Botërore.

http://www.b92.net/eng/news/region.php?yyyy=2016&mm=08&dd=30&nav_id=99058