Ambasadori rus takon ministren Ekonomi, një ditë pas punimeve të Asamblesë së NATO-s në Tiranë

Ambasada e Rusisë në Tiranë njofton për një takim të titullarit të saj, Aleksandër Karpushin me ministren e Ekonomisë, Milva Ekonomi. “Bashkëbiseduesit diskutuan mbi gjendjen e tanishme dhe perspektivat e zhvillimit të marrëdhënieve ekonomike midis dy vendeve, përfshirë këtu shkëmbimet tregtare, investimet dhe turizmin”, thuhet në njoftimin e ambasadës. Takimi vjen një ditë pas punimeve të Asamblesë Parlamentare të NATO-s, ku përfaqësues të qeverisë shqiptare, deklaruan se një nga kërcënimet kryesore për stabilitetin e rajonit është Rusia.