Dyshimi në media: Komisioni për projektin e Hyrjes te Liqeni, është mbledhur dhe ka vendosur jashtë Shqipërisë

Gazeta “Sot” shkruan se Komisioni qeveritar që do të përzgjedhë projektin fitues të hyrjes në Parkun e Liqenit Artificial të Tiranës, është mbledhur jashtë Shqipërisë. Madje po sipas kësaj gazete, mendohet se është përzgjedhur edhe fituesi. Gazeta citon edhe Sazan Gurin, i njohur gjerësisht si njeri i angazhuar për çështjet mjedisore, e që ka informacione për to. “Prej disa ditësh është përfolur se komisioni do të mblidhej jashtë shtetit. Ka dyshime të forta se komisioni është mbledhur dhe ka përcaktuar projektin fitues. Si mundet që të bëhet një gjë e tillë me mungesë të plotë transparence? Një veprim i tillë ngre shumë dyshime. Pse u fshihet qytetarëve një gjë e tillë?”, është shprehur dje Guri në një prononcim për gazetën. Projekti u prezantua menjëherë pas zgjdhjeve me pabesinë tipike socialiste të Erjon Veliajt dhe Edi Ramës, por u shty edhe për shkak të kundërshtimit të qytetarëve. Mbetet spekulim nëse komisioni është mbledhur apo jo, por fakt është se ai ishte lajmëruar për t’u mbledhur në datën 4 shtator.

http://www.sot.com.al/politike/mblidhet-në-fshehtësi-jashtë-shtetit-komisioni-për-betonizimin-e-parkut-të-liqenit

komisioni