besimtaret

Papa Francesku ka refuzuar disa herë që besimtarët të puthin unazën e tij papale gjatë një ceremonie në Basilica della Santa Casa. Në video duket qartë bezdia e Bergolios ndaj aktit në fjalë dhe heqja e dorës çka ka krijuar situate disi të sikletshme.

Puthja e unazës shihet si shenjë respekti për Papën, por një prej ndihmësve të tij tha se “ndonjëherë ai e pëlqen këtë gjë, ndonjëherë jo”.

Ndërkohë që vijon ndërtimi i Xhamisë së Namazgjasë, disa besimtarë paralajmërojnë se nuk do ta frekuentojnë pa u zgjidhur më parë cështja e pronësisë. Ata e cilësojnë ndërtimin mbi pronë të vjedhur sipas tyre, një veprim të pamoralshëm fetar dhe njerëzor.

TemaTv

Teqeja e Sulltan Durbalit ndohet në Thesali të Greqisë dhe bashkon më 1 maj besimtarë shqiptarë të sektit bektashi , por edhe grekët orthodhoksë . Videoja në fjalë është realizuar nga Manoël Pénicaud dhe u shfaq në Muzeun e  Fotografisë në Selanik, në datat 23 shtator- 31 dhjetor 2017. Teqeja është një vend ku janë vendosur edhe ikona të besimit orthodhoks, në një shembull tjetër tolerance që na vjen nga bektashizma aq e përhapur edhe në Shqipëri. “Zoti është kudo”, shprehet një besimtare.

 Dy papë të mëdhenj që kisha mundësinë t’i njihja perronalisht dhe me të cilët kam mundur të dialogoj në disa raste, Gjon Pali II dhe Benedikti XVI, e kanë mbyllur me dinjitet një epokë të gjatë në historinë e Kishës. Me Papa Françeskun zë fill një kapitull i ri i historisë së kristianizmit. Tema e epokës së maparëshme ishte përshtatja me modernitetin. Ky proces, i vështirë dhe i dhimbshëm për shumë krisitianë, pati një mbyllje të lumtur sipas mendimit tim, në debatin filozofik mes kardinalit Ratzinger dhe filozofit Jürgen Habermas, në Mynih të Bavarisë në vitin 2003.

Ndërtimi pa leje ngjan të jetë simptomë e përbashkët e perëndimorëve të Ballkanit. Nëse lëmë mënjanë Shqipërinë që është thuajse 50% informale dhe ilegale, mund të hidhemi në Serbi ku së fundmi ka patur tensione për prishjen e një xhamie pa leje. Objekti ishte planifikuar të prishej dje, por njerëz që u mblodhën rreth tij nuk e lejuan një gjë të tillë.

Xhamia ndodhet në Zemun dhe aty kanë shkuar edhe përfaqësues të Komunitetit Islamik të cilët kanë kërkuar “marrëveshje me autoritetet” ndërkohë që kanë bërë të ditur se nuk do të lejojnë prishjen e objektit.

Asambleja kleriko-laike e Kishës Orthodhokse Autoqefale të Shqipërisë ka kërkuar përmes një deklarate që objektet e kultit që i përkasin t’i kthehen në administrim kishës. Shkak për këtë mesazh është jo vetëm ligji që ia njeh KOASh-it këtë të drejtë, por edhe shfrytëzimi i mjediseve të objekteve në fjalë për aktiviteteve që siç thuhet në deklaratë fyejnë ndjenjat e besimtarëve.

Çfarë duhet të bëjë Europa me imigrantët e shumtë që po dynden në portat e saj? Përgjigja po vihet në raport me identitetin kristian të Europës, që sadoqë kundërshtohet, shfaqet në raste krizash. Mirëpo mesazhi i Papa Françesco se Kisha duhet të hapë dyert për refugjatët, po vë në lëvizje diçka. Në një bisedë me Deutsche Welle, kryetari i Konferencës së Ipeshkve Gjermanë, Kardinal Reinhard Marx, e rikonfirmon këtë, madje e sheh si kristiane ndihmën që duhet dhënë.

Sot në një konferencë për shtyp, kryeministri i Shqipërisë, Edi Rama, foli edhe për çështjen e kishës së Dhërmiut. Duke iu përmbajtur cilësimeve personale dhe që nuk përkojnë me raportin ligjor që rregullon marrëdhëniet e komuniteteve fetare me shtetin. Kështu, ndonëse Kisha e Shën Thanasit, ishte aty qysh prej vitit 1992, Kryeministri vijon ta cilësojë si garazh, duke hyrë në diskrecionin e besimtarëve pa qenë i tillë. “Ajo nuk ishte një kishë, por një garazh. Ne nuk do të ndërtojmë një kishë katolike, por do të rindërtojmë atë kishë që ka qenë aty”, tha Edi Rama.