shba

Prania amerikane dhe interesi i SHBA në Ballkan mbetet i fortë dhe Uashingtoni nuk ka ndryshuar politikën për rajonin tha në një intervistë për gazetën greke "Kathimerini" zv/ndihmës sekretari i shtetit për çështjet e Evropës Juglindore, Hoyt Brian Yee. Ai thotë se çështja e ndjeshme e kufijve ekzistues është e përcaktuar dhe nuk është objekt diskutimi.

Uashingtoni duket se është dorëzuar në Siri. Të paktën sa I përket presidentit Assad, administrata e Donald Trump nuk ka më qëndrimet e pararendëses së saj duke pranuar se për të vendos Rusia. Revista “Foreign Policy” shkruan sot për një bisedë private mes sekretarit amerikan të Shtetit, Rex Tillerson dhe sekretarit të Përgjithshëm të OKB-së, Antonio Guterres, zhvilluar në Departamentin e Shtetit javën e shkuar, në të cilën Tillerson ka pranuar se fati i Assad është në duart e Rusisë.

Presidenti serb Aleksandër Vuçiç ka provokuar reagime me përzgjedhjen prej tij të Aleksandër Vulin si kandidat për ministër të Mbrojtjes. Nuk ka ende asgjë zyrtare, por agjencia shtetërore Tanjug referon mediat e shkruara serbe për atë që po cilësohet si “presion i jashtëzakonshëm amerikan” ndaj presidentit të ri të vendit. Sipas gazetës “Vecernje Novosti” amerikanët i kundërvihen emrit të Vulin që zëvendëson Zoran Xhorxheviç, për arsye të qëndrimeve të tij ndaj kroatëve dhe shqiptarëve, përshkrimin e NATO-s si djall dhe promovimin e marrëdhënieve me Rusinë.

Nami i doli NSA-së amerikane, por duket se në maninë për të parë pas vrimës së çelësit, garojnë të gjithë. Mes tyre edhe kampionët e mbetur të liberalizmit global, gjermanët. 

Ambasada e Shteteve te Bashkuara ne Tirane u ka bërë thirrje 3.4 milionë zgjedhësve shqiptarë të ushtrojnë  të drejtën e votës. Në një mesazh urimi në Facebook, ambasadori amerikan në Tiranë, Donald Lu, njoftoi se 34 ekipe të selisë diplomatike të SHBA-ve do të vezhgojnë votimin dhe numerimin në të gjithë vendin.

hBA dhe Kina kanë rënë dakord që të realizojnë denuklearizimin e gadishullit korean në mënyrë përfundimtare dhe të vërtetueshme. Lajmi raportohet nga agjencia kineze e lajmeve Xinhua, sipas të cilës marrëveshja erdhi pas bisedimeve të nivelit të lartë në Uashington. Po kështu në dokumentin konsensual është rënë dakord që Kina të bëhet pjesë e presionit ekonomik dhe politik mbi Phenianin, ndërkohë që bashkëpunimi do të shtrihet edhe në OKB me adoptim rezolutash.

Operacionet ushtarake amerikane në Siri janë të paligjshme. Akuza vjen nga senatori demokrat Tim Kaine, sipas të cilit rrëzimi i avionit sirian javën e kaluar, ishte i paligjshëm, ndërkohë që Pentagoni deklaron se ai ka leje për të vepruar nën aktin e vitit 2001 për Përdorimin e Forcës Ushtarake pas sulmeve të 11 shtatorit 2001.

Ish - kongresmeni amerikan i Teksasit, Ron Paul ka deklaruar në një intervistë të premten se ai beson se në SHBA ekziston realisht ai që quhet Shteti i Nëndheshëm – Deep State, i cili konsiderohet se bashkon organizata dhe aktorë të fuqishëm në programimin e politikave amerikane, për të cilat edhe presidenti, apo instiucionet janë zëdhënës. Paul deklaroi se dakordësia gati e plotë për të vendosur sanksione të reja ndaj Rusisë në një Senat ku ka shumë kundërshtime për këtë qasje, provon se një dorë e caktuar ka lëvizur gjërat për të pajuar njerëz që kanë mendime publike kaq të kundërta.

Forcat e koalicionit antiterrorist në Siri që drejtohet nga SHBA kanë rrëzuar dje një avion bombardues të forcave siriane. Sot SHBA kanë pranuar se kanë rrëzuar avionin në fjalë duke shpjeguar se goditja u bë me qëllim që të shmangej bombardimi i forcave opozyrare të njësisë Forcat Demokratike Siriane, të cilat mbështeten nga SHBA. Bombardimi i avionit do të ndihmonte trupat qeveritare që të përparonin drejt Tabaqh, ku janë pozicionuar rebelët sirianë. Po kështu përfaqësues të koalicionit kanë kontaktuar palën ruse për të mos lejuar acarimin e mëtejshëm të situatës.

Kreu i PD-së, Lulzim Basha, ka zhvilluar një takim me presidentin amerikan Donald Trump në SHBA. Vetë Basha shkruan: