panariti

Deputeti i opozitës, Myslim Murrizi ka depozituar këtë të martë një kallëzim penal në SPAK për dy tendera në Bashkinë e Lushnjës, të firmosura në kohën kur ministër i Bujqësisë ka qenë Edmond Panariti. Bëhet fjalë për një tender të ujitjes me pika në Divjakë dhe tenderi tjetër për blerjen e krerëve, të cilat kapin vlerën e rreth 11 milionë eurove. Në lidhje me padinë që ka depozituar sot ne SPAK, deputeti Myslim Murrizi i ftuar në studion e lajmeve të MCN TV u shpreh se i kanë bërë përshtypje parregullsitë që ka vënë re në dokumente dhe që sipas tij janë të nevojshme të hetohen nga SPAK.

Ish-ministri i Bujqësisë, Edmond Panariti, e konsideron qesharak buxhetin prej 10.8 miliardë lekë, i akorduar për Ministrinë e Bujqësisë për këtë vit. I ftuar në studion e Tema TV, Panariti pohoi se bujqësia nuk po merr vëmendjen e duhur nga shteti dhe se buxheti i vënë në dispozicion është shumë herë më i ulët krahasuar me fondet e rajonit.

“Është qesharak për një bujqësi, e cila kontribuon në PBB me 20%, merr në raport me këtë prodhim 0.05 %. Kjo është e padëgjuar dhe ka bërë që ndërmarrjet bujqësore të mos jenë më të efektshme”, tha Panariti.

Ish-ministri i Bujqësisë Edmond Panariti ringre shqetësimin për sigurinë ushqimore. Ai hedh dyshime mbi asgjesimin e produkteve të sekuestruara nga AKU. Një tjetër shqetësim sipas tij, është peshkimi dhe tregtimi i paligjshëm i daterit, për të cilin inspektoriati i peshkimit pranon se janë evidentuar raste.

Ish-Ministri i Bujqësisë, Edmond Panariti, ka zbardhur të tjera të vërteta që fshihen pas një raporti për sigurinë ushqimore në vend, të publikuar së fundmi nga Albanian Food Industri. Në një prononcim për "Tema Tv" ai deklaron se analiza për aflatoksinën u krye në një laborator të paakredituar. Sipas tij, në prapavijë qëndron lobi privat, i cili kërkon të marrë me koncesion sistemin e sigurisë ushqimore.

Ish-ministri i Bujqësisë, Edmond Panariti, shkruan sot në profilin e tij në Facebook se qumështi i prodhuar në fermat vendase është i rrezikshëm për shëndetin e konsumatorëve.

Ish-ministri i Bujqësisë, Edmond Panariti shkruan në profilin e tij në Facebook se pas mbylljes së thertoreve ka një rritje të sasisë së mishit të importit. Një pasojë sipas tij jo e paparashikuar, e ndoshta e lobuar. Me pretekstin e sigurisë ushqimore, qeveria i ra shkurt edhe kësaj radhe, duke hapur rrugën e importeve me etiketa të standardit, por që shpërfillin kërkesën e konsumatorit shqiptar. 

Pak ditë më parë kryeministri shkarkoi publikisht drejtorin e Agjencisë së Legalizimeve në Berat pas denoncimit nga një e moshuar se kishte 5 vjet që zvarritej për të marrë lejen e legalizimit. Rasti u trajtua edhe nga vetë kryeministri si shembulli i ndëshkimit për ata që kanë abuzuar me postin dhe detyrën shtetërore, të cilit kryeministri i quan ndryshe grabitqarë dhe parazitë. Mënyra që u zgjodh nuk ishte e restësishme, por një inkurajim për qytetarët dhe rolin që ata do të kenë në platformën e bashkëqeverisjes për “Shqipërinë që Duam”, moto e fushatës në 25 qershor.

Mbetet e paqartë se cili është funksionimi i koalicionit qeverisës, ndërkohë që LSI, aleatja kryesore e PS-së në qeveri, po deklaron se njerëzit kanë nevojë për punë dhe investime. 

“Nuk jemi në kohën e zonjës nga Berati që thoshte, pa bukë, pa drita rrimë, vetëm ju bashkohuni. Jemi në kohë tjetër, kur populli shqiptar kërkon mbështetje, punë, investime. Fermerëve dhe popullit nuk i intereson se me kë bëjmë 71 vota, ata duan zhvillim. Peshkatarët e fermerët duan punë, jo vetëm koalicione”, tha sot nga Pogradeci, ministri i Bujqësisë, Edmond Panariti.

Gjobat ndaj biznesit që janë regjistruar nga sistemi e-tax do të fshihen. Kështu thotë ministri i Financave, Arben Ahmetaj, gjatë një interviste për Vizion Plus. Është e çuditshme gjithsesi, arsyetimi i minitrit.

“Rasti i 33 mijë gjobave të vëna sipërmarrjes, nuk ishte për faj të sistemit, por sepse bizneset nuk njihnin sistemin e ri”, thotë ministri, ndërkohë që nga bizneset ka pretendimet se afatet për regjistrimin e NIPT-it në sistem janë më të vogla sesa njohja e regjistrimit si administratorm duke krijuar një pamundësi për zbatimin e ligjit.

Të paktën për 2 javë do të ndalohet  shitja e mishit të viçit me origjinë Shqipëria.  Ministri i Bujqësisë, Edmond Panariti  tha se për të parandaluar përhapjen e kësaj semundje, kryesisht te lopët dhe viçat me lëkurë të infektuar nga pickimi i insekteve, përgjatë dy javëve do të kryhet vaksinimi i gjedhëve në të gjithë vendin.  Për pasojë shitja e mishit të viçit për këtë periudhë nuk do të lejohet.