kuponi tatimor

Sot Ministria e Financave ka organizuar shpërndarjen e çmimeve fituese për pjesëmarrësit në Lojën Promocionale të kuponit tatimor. Një ceremoni thuajse pa kuptim, përderisa organizimi i lojës nuk përmbushi kriteret teknike për të qenë e tillë. Siç u raportua në media dhe u pranua edhe nga Ministria e Financave, kishte gabime pasi disa prej fituesve ishin jashtë kritereve të vendosura paraprakisht. Ministria ja hodhi fajin Postës, e cila nga ana e vet deklaroi se zbatoi përpikmërisht hedhjen e të dhënave dhe asgjë më shumë.

Agjentë në terren që do të spiunojnë bizneset që nuk lëshojnë kuponin tatimor. Kjo është strukturta më e re që do të veprojë në kuadër të nismës kundër informalitetit.

Qeveria vendosi t’i kalojë Drejtorisë së Përgjithshme të Tatimeve një fond prej 10 milionë lekësh për këto shpenzime. Gazeta “Shqip” shkruan se ky është plani B i qeverisë për të shmangur dështimin e aksionit kundër informalitetit.

Projektligji për procedurat tatimore u miratua me shumicë dje në parlament, por ajo që suprizoi në votim ishte tërheqja e Komisionit të Ekonomisë, ose më saktë të deputetëve të PS-së nga anulimi i nenit të propozuar nga Rama ku "Çdo blerësi, person fizik, juridik ose individ, i lind e drejta të mos paguajë për vlerën e mallit ose shërbimit të marrë, nëse shitësi nuk lëshon faturën tatimore ose kuponin tatimor".

Një denoncim në rrjetet sociale vjen për lokalin që ndodhet brenda Bashkisë së Tiranës, ku nuk lëshohet kupon tatimor. Në këtë subjekt punohet me fatura të thjeshta të plotësuara me dorë, jo sikundër e kërkon ligji. Por një konstatim shumë më serioz është ai për librat shkollorë. Para pak ditësh një skuadër tatimore hyri në forcë në mjediset e një shkolle, për të kontrolluar nëse librat që shiteshin aty ishin me kupon tatimor.